BnR (Closed)

⭐️評分：6.5/10-✳️藥膳花膠雞淮山麵▶️湯底藥材香濃撲鼻雞湯湯底清爽▶️雞肉幼嫩滑身保留雞汁有彈性▶️花膠爽口彈牙不是骨膠原濃黏稠的質地▶️油條永遠不會錯！！😍酥脆而不油膩，略沾上藥膳湯底，中和油條油感▶️淮山麵本身帶點鹹香味，幼身更能掛上湯汁帶點清新感整體口味口感均勻--------------⭐味道 6.5/10⭐️特色 7/10⭐️環境 6/10⭐️性價比 6.5/10 ⭐️賣相 6.5/10

BnR今次要介紹荃灣一間好紅叫「BnR」嘅無味精湯麵店，佢哋以有益藥膳湯底同新鮮食材聞名，唔同一般米線店咁，佢哋可以有得轉淮山麵/河粉或泡飯！呢間湯麵店門口係有一級，又要出動我塊斜板嘅時候，一入到去見到近門口高處放咗5大隻BE@RBRICK，入面位同位之間唔算好逼，只要有塊斜板嘅話，輪椅人士入去食野唔係問題！1.胡椒豬肚雞泡飯$68（8.5/10）呢碗胡椒豬肚雞泡飯個胡椒味唔算重，泡飯索哂濃雞湯，入口濃稠，雞味濃郁，不油不膩，口感順滑。配料都唔少，有7舊嫩滑唔韌嘅雞件、6舊好彈牙嘅豬肚、1條油炸鬼、約十舊木耳同4舊切開咗嘅粟米條！2.冬陰功海鮮米線$68（9/10）呢碗冬陰功海鮮米線只有極小辣，冬陰功味好小，淡淡酸酸辣辣，米線夠彈牙，配料都唔少，有2條墨魚卷、1條油炸鬼、3大隻蝦、3舊魷魚圈、3舊蕃茄肉、芫荽、洋蔥同蔥等！3.炸蜜瓜奶$48（10/10）炸鮮奶就食得多，呢碟炸蜜瓜奶幾特別，炸得好酥脆，入面熱辣辣，淡淡蜜瓜奶味，好似飲緊陽光蜜瓜豆奶咁，一碟有4舊！4.凍咖啡$24（8/10）呢杯凍咖啡多咗少少奶，咖啡唔夠香濃！2人總共價錢$208個人口味總評分：8.875/10地址：荃灣

好耐冇去荃灣廣場個邊，今日係附近行左一圈，發現多咗好多食肆。見到呢間餐廳，以為係食西餐，原來食養生湯麵，就入去試吓。🔸波波雞飯波波飯圓碌碌，脹卜卜，外型有趣之餘，啲飯仲有油香，口感煙煙韌韌又飽肚。雞肉有嚼勁，份量都幾多，最正係醬油，一定唔可以錯過，味道香辣又帶點甜味。🔸藥膳花膠雞淮山麵雞的份量都幾多，肉質嫩滑，味道不錯。花膠有彈性，最鍾意食淮山麵，質地爽口滑溜。藥膳湯底味道唔係好濃，仲有木耳、莞茜和粟米仔，都幾香。麵伴有油炸鬼，有啲似食肉骨茶配油炸鬼的食法。齋食好脆口，浸咗湯之後，淋淋地一樣好食。🔸濃湯浸時菜菜心腍身，和落了杞子的清湯一起吃感覺很補身。

行經荃灣廣場，正值Lunch 時間，見到呢間米線都幾多人食，同埋裝修好新淨，於是決定幫襯下。見到Menu，米線湯底都幾多選擇，有鮮魚、濃雞、冬陰功湯底，好奇心驅使，加上本身自己幾中意飲冬陰功之下，決定試下個冬陰功湯底海鮮米線，抱住必死決心，因為感覺上冬陰功同米線又好似唔多夾，怪怪地，但估唔到，食完第一啖米線，飲埋個湯，兩者又出奇地夾，同埋好味，而入面蝦、墨魚，食落彈牙新鮮。見到周邊都叫左波波雞飯，決定跟風試埋，波波雞飯其實都係海南雞飯，但特別在飯會搓成四個波，好得意，食落飯好香。而海南雞雞肉好嫩滑，湛埋醬汁，味道就岩岩好。另外，叫埋個小食炸墨魚卷，食落好香脆，配埋個泰式雞醬，就更加惹味。而個冷泡菊花蜜同冷泡烏龍茶個茶味岩岩好，唔會太濃，好解渴。食物味道唔錯，坐落舒服，下次有機會一定要試埋另外兩款湯底。

荃灣廣場後面條大壩街真係好多好野食🤤👉🏻波波雞飯其實係變奏版海南雞飯～呢碟飯造型好吸睛，有4大粒波波飯伴一隻雞髀🤤飯嘅口感有小小煙煙韌韌，本身有小小咸香。雞脾好多肉，點蔥油豉油食正😗👉🏻麻醬手撕雞闊麵猶豫左好耐食麻醬撈麵定麻辣撈麵～手撕雞同闊麵份量都好多，仲有小小青瓜增加爽脆口感。麵條都小小煙韌口感，日式芝麻醬撈得好均勻，食到啖啖都有麻醬味道🤤雞絲都有調味～如果加小小辣油就更正。我決定下次要試試麻辣手撕雞撈麵😋

禮拜日老公踢完波同佢喺荃灣食晏，我哋嚟咗好多餐廳嘅大壩街，最終比呢間外觀似Cafe但係原來食港式粉麵嘅舖頭吸引左😂❤️胡椒豬肚雞淮山麵胡椒味幾夠，同時又飲到雞湯嘅香濃😋豬肚同雞份量都幾多豬肚夠乾淨👍 淮山麵好爽口👍👍 容易索湯底，仲要唔使額外加錢轉😁❤️五指毛桃雞泡飯不嬲都幾鍾意飲五指毛桃，因為味道好似椰子，飲落又香又清甜🫶🏻雞肉嫩滑而有𡁻口，肥瘦適中，唔錯唔錯👍感覺裝修同食材都係花左心機，值得一試🙌💯#荃灣美食 #藥膳米線 #海南雞飯 #香港探店 #香港美食 #豬肚雞米線 #胡椒豬肚湯

今日同朋友睇完戲就過嚟呢邊食碗滋潤米線我要咗個花膠雞魚湯泡飯;朋友就要咗個魷魚筒魚湯淮山麵。另外再要咗杯青提梳打特飲我哋兩個都揀魚湯因為唔係間間舖頭都有魚湯選擇，結果湯底真係好味道，而且強調無味精，無防腐劑，食得更加安心。好快食物就準備好，貌相好吸引，花膠夠大條，雞肉出乎意料地滑溜而且雞味濃郁，仲要啖啖肉。泡飯連埋魚湯一齊食感覺非常滋潤，食落去嘅時候覺得非常舒服。另外魷魚桶亦都釀咗魚滑（都幾曬功夫），好特別而且魷魚以及入面嘅魚滑都係非常新鮮彈牙，食落雙重彈牙感，淮山麵都少食，口感同味道都好，而且感覺較健康。青提梳打都好好味，提子非常甜而且佢唔係就咁用提子果醬／汁去溝梳打，而係真係打碎青提子去溝梳打，所以飲起嚟亦都唔會咁假，係好清新嘅提子味。

BnR - Broth noodle Rice冬陰功釀魷筒河粉$76：冬陰功湯唔會太辣，食慣辣嘅人唔會覺得夠味。味道同蔬菜好明顯分開放落碗面度，而且經挑選過程新鮮乾淨。魷筒有餡喺入邊，而且圓轆轆帶出視覺享受。花膠雞淮山面$82：湯底運用新鮮材料，好濃郁，熬成嘅味道。花膠魚肚都好新鮮。淮山面同白切雞都份量十足。迷你油炸鬼配搭好特別。炸木瓜奶$48：炸物第一時間食咗，未至於燙口，趁脆時食。入口時有脆皮加傑撻撻，熱辣辣嘅木瓜奶味，回味無窮。😋其他：地方闊落，乾淨企理。員工服務好。韭菜餃子$13賣曬。聽講好好食。

藥膳花膠雞淮生麵🐔麵條彈牙有咬口有兩大塊花膠雞肉煮得剛好 鮮味十足湯底藥材味都幾重 飲落感覺暖胃 冬天好岩食花膠釀魷魚筒淮生麵🦑喺魷魚仔個頭入面釀左啲魚肉入去更加有口感呢個湯底就清啲 唔會油膩 好健康炸墨魚卷🦑墨魚卷外皮炸得酥脆裡面鮮甜彈牙 可以一試佢哋嘅冷泡菊花蜜同冷泡茶大麥都好清爽解渴令人食完嘢之後飲返幾啖 感覺舒服佢嘅裝修雖然簡樸但係帶有一種清新嘅氛圍好適合好似我呢啲追求健康同放鬆嘅打工仔嚟享受下個lunch

荃灣新開左間餐廳，食物選擇都好健康養身💕▫️藥膳花膠雞准山麵 $82湯底藥膳味濃郁，配准山麵似幼麵，雞肉大大舊之餘花膠厚實，整體清甜唔油膩！▫️BnR 波波雞飯 $65雞髀肉嫩滑，飯整成球狀增添特色，醬汁甜得嚟帶少許辣幾有風味，好味😋👍🏻▫️濃湯浸時蔬 $48濃湯以雞湯做湯底，菜心長時間烹煮入味。▫️豆漿 $18豆漿少甜清新。感受到餐廳用料實在，少油及健康調味，即使出街食都能食得健康好味😙👍🏻

[✨荃灣BnR·養生藥膳雞麵館🥢]#荃灣bnr 🥢藥膳雞淮山麵 $68淮山麵幼身麵質有嚼勁，份量亦大份，藥膳湯底濃郁足料好飲，入面仲有條油炸鬼。雞肉肉質嫩滑，厚身啖啖肉，整體唔錯好豐富💯🥢波波雞飯 $65好特別嘅雞飯，賣相波波狀嘅飯團好吸睛得意，油飯入味不油膩。雞嘅份量好多，肉質嫩滑好正😍💕🥢炸墨魚卷 $42外面用腐竹包裹住，炸得香脆，墨魚夠彈牙，配埋個泰式辣醬唔錯👍🏻🥢凍奶茶 $24大杯，奶味重感覺唔錯！————————♡♡♡♡♡♡————————✨總結藥膳湯底濃郁足料，味道鮮甜清香滋補。食物份量足夠，裝潢好清新坐得舒服，推薦比鐘意食藥膳嘅朋友😊📍BnR (荃灣)🏠荃灣大壩街65號地舖#jmhkfoodie #hkfoodie #hkeat #hkeats #hkfood #hkig #hkgirl #food #hongkongfood #hongkongfoodie #852food #香港美食 #香港食評 #香港餐廳 #為食港女 #荃灣 #荃灣美食 #荃灣好去處 #荃灣西 #荃灣餐廳 #荃灣bnr #bnr #雞湯米線

星期五和老公在荃灣逛街，試了一家在荃灣的米線店，這餐廳有特色的藥膳湯底，食材新鮮～果然聞名不如見面，試了釀魷筒湯飯和藥膳雞淮山麵～都非常有驚喜！ 炸墨魚卷 $42非常開胃的小食，炸到脆卜卜！墨魚肉非常新鮮，爽口彈牙，而且真材實料，能夠吃到粒粒墨魚肉！藥膳雞淮山麵 $68看到餐牌上藥膳湯底絕不含任何味精或防腐劑～果然淡淡鮮味！讓人安心地享受美食(⁎⁍̴̛ᴗ⁍̴̛⁎) 藥膳雞湯非常濃郁，雞件啖啖肉，皮薄脂肪少，超級滑嫩，淮山麵入口爽彈，最有趣的是有油炸鬼做伴菜，揸得脆卜卜，非常香口！魷筒魚泡飯 $76魷魚筒白雪雪，滑捋捋，脹卜卜！裏面釀滿了墨魚滑，真是充滿驚喜！另外追加了水餃+$13，老公對水餃讚不絕口！脹卜卜，充滿了餡料～下次來可以單叫！ 這樣算一算才人均$100，大件夾抵食，鮮味又有益，難怪深受街坊歡迎！

天氣凍，喺荃灣想搵啲食完可以暖身嘅晚餐🍽️隨意入咗呢間湯麵店 原來主打健康靚湯底 有濃雞湯、鮮魚湯、冬陰功湯底🍲估唔到幾唔錯藥膳花膠雞淮山麵 $82追加手工韭菜餃+$13一上枱就聞到陣陣嘅藥材香 湯底清甜唔油膩 雞味濃郁 伴隨啲木耳杞子 有趣嘅係仲有一小條油炸鬼😆雞肉好滑喎 食落無雪藏味🫰🏻份量亦幾多 花膠爽口 追加嘅韭菜餃有2隻 外皮唔算好厚 肉餡足 淮山麵條幼細 軟硬適中 都叫幾掛湯 食完暖笠笠🫶🏻想飽肚啲亦都可以轉泡飯 睇一睇先知，原來仲有分店 街坊小店 簡簡單單都幾好味

同朋友係荃灣廣場附近行街🤣，咁啱見到一間裝修風格較為西式既小店😗，諗住八掛睇下，但原來呢間BnR😳，主打不同養生無味精湯底麵類🍜、泡飯🍚，即時引起我興趣😏- 花膠釀魷筒淮山麵🍜 $88湯底味道濃郁，帶有少量胡椒香味🧂，秋冬飲熱湯真係好暖胃🥰，淮山麵質地煙韌軟糯🤣，內有兩大片花膠，質地嫩滑爽口☺️，魷筒入釀滿墨魚滑🦑，鹹鮮味十足，爽口彈牙😋，另有雲耳、玉米筍🌽、油炸鬼配料，第一次見會放埋油炸鬼落去食😳，感覺新鮮，脆身油炸鬼浸落湯一齊食😎，吸收湯底精華後變得更好食🥳- 海南雞泡飯(魚湯)🐔 $64雞件份量很多，雞肉肉質嫩滑😛，容易入口，雞皮充滿油脂香😗，魚湯清甜清淡，飲落去好舒服🥰，亦都有雲耳、玉米筍🌽、油炸鬼配料，一口湯飯一口雞，真係好惹味😽- 豆腐皮蛋❤️ $42滑嫩豆腐配上溏心皮蛋，鹹香味剛好🤩冬天真係好適合食碗熱辣辣米線/泡飯😍，暖暖身之後整個幸福感即時🆙，重點係湯底無味精😋，最啱我呢個湯怪可以飲曬成碗湯都冇問題👍🏻📍 BnR – 荃灣荃灣大壩街65號地舖@bnr.hk另有分店：馬鞍山 / 九龍灣#justlingggxd_港式#justlingggxd_荃灣

天氣凍咗，想食啲暖笠笠嘅嘢，於是同同事去咗公司附近食熱辣辣嘅湯麵。餐廳主打美味嘅湯底，有雞湯、魚湯及特色湯。今次我哋叫兩個食午餐，有五指毛桃花膠雞淮山麵、海南雞泡飯（魚湯）及小食豆腐皮蛋。五指毛桃花膠雞淮山麵五指毛桃健脾補肺，佢嘅雞湯仲充滿五指毛桃味，加上濃郁嘅雞味，不油不膩，清澈順口，配上花膠及雞，滋補養顏，而且雞件嫩滑，再加上淮山麵，美味養生。海南雞泡飯（魚湯）海南雞嫩滑多汁，雞味十足，配上清甜嘅魚湯，湯飯仲有油炸鬼及木耳等配菜，配湯飯一流，非常美味。豆腐皮蛋豆腐嫩滑配上味道濃郁嘅皮蛋及芫荽，不愧一個經典小食。