BnR (Closed)

行經荃灣廣場，正值Lunch 時間，見到呢間米線都幾多人食，同埋裝修好新淨，於是決定幫襯下。見到Menu，米線湯底都幾多選擇，有鮮魚、濃雞、冬陰功湯底，好奇心驅使，加上本身自己幾中意飲冬陰功之下，決定試下個冬陰功湯底海鮮米線，抱住必死決心，因為感覺上冬陰功同米線又好似唔多夾，怪怪地，但估唔到，食完第一啖米線，飲埋個湯，兩者又出奇地夾，同埋好味，而入面蝦、墨魚，食落彈牙新鮮。見到周邊都叫左波波雞飯，決定跟風試埋，波波雞飯其實都係海南雞飯，但特別在飯會搓成四個波，好得意，食落飯好香。而海南雞雞肉好嫩滑，湛埋醬汁，味道就岩岩好。另外，叫埋個小食炸墨魚卷，食落好香脆，配埋個泰式雞醬，就更加惹味。而個冷泡菊花蜜同冷泡烏龍茶個茶味岩岩好，唔會太濃，好解渴。食物味道唔錯，坐落舒服，下次有機會一定要試埋另外兩款湯底。