水上人魚蛋粉 (Closed)

昨晚叫了一碗魚蛋魚片魚麵，雖則兩者(魚蛋魚片)有魚味但魚蛋鬆拋拋，一點也不彈牙，魚片也是。但此間的魚麵十分彈牙煙韌，魚麵條口感咬落感覺是"鞋口"的。一般市面食市的魚麵多數以九棍魚,門鱔打成，原來魚的比例是很重要的，彈牙與否,取决於這兩種魚的比例是否恰當。至於魚麵的口感"鞋口"而不是滑溜，只因此間"水上人家魚蛋粉"沒有加入麵粉，足證是它們是真材實料。在同區附近名字響當當的德記炒魚麵像炒三絲般，冬菇絲呀、魚片絲、芽菜等的配料，那兒的魚片絲絕不彈牙，完全不好吃。但此間的最大敗筆就是胡椒粉下得非常重手，破壞了全碗魚蛋魚片魚麵的味道。我知胡椒粉是用來辟腥，但有很多主打魚蛋粉麵的食店一樣弄得好吃，他們就是完全吃不出下了胡椒粉呢!"人地得点解你地唔得呢？"另外，有些提議給家長們的，有些小朋友怕吃魚，最好的方法是給他們的小朋友吃魚麵，易入口很多，同時又不用怕他們吸收不到蛋白質或其它從魚那處得到的營養。

環境係粉面店來講ok啦, 起碼唔會迫到手爭撞到隔離~我仲意食佢d魚蛋,因為有魚味,但唔腥,同埋d牛筋好食味, 湯底亦都唔錯^___^

我覺得.果度d人.還算不錯..d野好食o羅..我最喜歡食魚旦.夠彈牙.!正呀‵^^ 還有.辣椒油超好味..G持.

昨日同朋友仔去西環找朋友做D事, 朋友話呢間魚蛋都唔錯, 就一行四人兩點幾入去當早餐食牛筋粗麵($15) - 牛筋炆得夠腍, 但唔夠入味, 粗麵都係偏腍, 但鹼水味唔重, 呢間D辣椒油都幾香同夠辣, 加上多蔥所以都好快食晒碗麵紫菜魚片河($18) - 試了塊魚片, 有魚味, 但肉質太腍唔夠爽口紫菜墨丸河($18) - 朋友的紫菜魚蛋河($18) - 朋友的菜心($6 x 2) - 灼得唔會太腍, OK飲品($6 x 4)

星期六晚試左魚蛋粉,河粉唔錯,但係d魚蛋"林",同有味精.要了一碟油菜,菜都幾靚,但又係煮到好"林"呢度都幾乾淨,食物就一般般

回家已經是零晨一時多...估不到這樣一來讓我有機會一試牛雜河...叫了腸肺河....份量不少...`牛腸好可口..有粗大的..有小小幼身的..肺也ok...口感討好..客人也不少....招呼也不錯..抵吃

不嬲對d魚蛋粉冇咩好感, 因為唔同地方質素不一, 當然好多都係難食ga la! 呢間d魚蛋粉, 好新鮮, 冇魚腥味!但係口感就差d la, 因為都冇少少彈牙既感覺, 只係想有少少彈牙, 因為太綿la,但如果太彈牙即係落左化學物質落去la! 整體黎講ok la!

一粒好食o既魚蛋應該係點o既呢?小張覺得魚味同質地都一樣重要魚味要夠鮮, 一點腥可以接受質地要爽滑, 鬆得o黎彈牙, 忌太過綿花或皮肉太過硬阿Mo就特別喜歡旺角榮園水上人o既魚蛋- 魚味唔錯, 不過魚味淡o左少少. 質地亦略嫌綿花. 阿Mo覺得水上人o既魚片好o的o的, 至少魚味濃,質地比較彈牙魚麵就比魚蛋同魚片好,但份量亦細好多西環本身唔係咁多賣牛雜o既舖頭. 水上人o既牛雜都算不過不失順帶一提: 如果想食靓魚蛋可以去西環北街某間凍肉舖買超級魚蛋返屋企打邊爐

岩岩係果度食完野返屋企, 谷鬼氣, 唔寫唔得. 叫肥腩牛根丸河多青, $18. 個後生仔落單, 復埋單都無錯. 佢張單就係咁掟落我張台度, 吾係擺落張台度, 非常之無禮藐. 等左成十分鐘先有得食, 果時唔係人多, 得果幾個客(大部份客己經食緊)都要等咁耐. 碗粉黎到, 得牛根丸瘦腩, 又無多青, D粉又爛容容咁, 湯又咸. 算, 食十零蚊野吾好咁高要求. 不過無下次.後記睇OR KC兄既食評話牛根丸好食, 所以叫黎試下, 真係唔錯. 辣椒油都好正, 係我食過咁多麵家之中最正之一. 食緊野果時, D後生仔開到D音樂好似拆樓咁, 真係九両菜. 埋單時行過麵檔, 見到有肥腩, 唔知點解佢唔比肥腩我. 收錢個阿叔都有聲多謝, 條氣都順D.

22 Jan,2006 星期日開張了一段時間也沒機會來試。這天1時半到達,約有8成客。我選了魚麵:彈牙,麵身像烏冬般粗,但份量略少及湯咸了些。可能是放多了冬菜的關係吧。男友選了黑椒牛肉河:也算是彈牙,但牛丸的黑椒味不突出!!還要了芥籣,水準一般。埋單: HK$36 抵食。

我都食過~我平時都唔係好好魚蛋,見到西環有間新既魚蛋粉開左,入左去試下啦,叫左碗魚蛋片頭魚麵,d魚片頭好好食,口感都幾好丫,就咁食魚蛋都ok啦,但係+左d辣椒油之後就唔同,d辣椒油好勁,辣到飛起呀,魚蛋+辣椒油...真係唔同晒,好正!!食完之後咁就諗住買d生既魚蛋,魚片,仲有魚片頭比屋企人試下,本來仲想買d辣椒油,點知佢地d辣椒油係唔賣既,咁個哥哥就比左2樽仔我,我屋企人就話好正...係d辣椒油,我覺得d片頭同魚麵都好正好抵食,我係彎仔食一碗雙拼既魚麵都要三十幾蚊,e度廿三蚊就攪掂~抵食!!!

又來西環辦點私務，要快快手手食飯。原本想試試松記的牛丸，但見斜對面的這裡好似新張，又標榜魚蛋是耍家，就來試下睇下得唔得。舖子不大，人客幾多，幾難至在角落的位置找了個座坐下來。貪心想試多幾款東西，叫了一碗四寶魚麵加紫菜，及一碟芥蘭。不知如何，等等等，都要等左廿分鐘至有得食，眼見前後左右的魚蛋粉、牛腩河都有食，唯獨我還是在等，可能叫魚麵的人客真的不多吧。四寶有魚蛋、魚片、牛丸、貢丸、魚餃等等，都幾豐富，不過吃落，幾款都不見得很好，尤其是魚蛋，鬆泡泡的，又無厘味道，唔掂；反而牛筋丸就夠味又彈牙，都交到功課。粗粗的魚麵，看其不修邊幅的樣子就知是手打的。有口感亦有淡淡的魚肉味，不錯。四寶魚麵都只是廿三蚊，幾抵食。反而見對面的OL妹妹望著其牛腩麵咋晒型，說牛腩太肥。但在我眼中實在是人間美味，下次來要叫腩丸魚麵。題外話：可能員工還未熟習運作環境，眼見錯單漏單時有發生。最令人啼笑皆非的是，想借洗手間一用，問店員，他說他是新來的，不知道﹝他成日都未去過廁所？﹞。自己去找，在店外的後巷找到了，但發現要鎖匙，折返問阿姐，佢好爽手的給了我，出到去才發現~原來手上的是女廁鎖匙，真係俾佢地吹到啤一聲！希望遲一點會