水上人魚蛋粉 (Closed)

Combination of ball soups 🍲🌟📍Boat Dweller Fish Balls, Hong Kong, Sai Wan, Belcher's St, 135號地下💰: $34⭐️ : 7.8/10Review : If you are trying to find cheap, light clear soup with lots of toppings, come and check this local resto out 🌝 There are various toppings that you can add and choose from, but I would say that the soup is not very flavorful! Get the beef brisket soup if you want richer soup base ❤️🥩

聽朋友講呢間水上人魚蛋粉係西環黎講算幾出名，而且價錢唔貴，$3x就可以食到一碗麵，於是小K就叫左一碗牛腩河👍🏻。牛腩河比普通材料既麵貴少少，$35，但係牛腩可以睇得出並唔係一般面檔食既牛腩，可以見到水上人魚蛋粉既牛腩上面有一層小小的肥肉，有少少似崩沙腩d朋友XD。性價比黎講算幾高，而且分量都足夠，下次黎到再試下其他。

My favorite Hong Kong noodle place at Kennedy Town. The fish skin dumplings are handmade and so big. I also love their morning glory plus fermented bean curd sauce, but they didn’t have that this time. Also recommend the “four treasure soup” if you don’t feel too hungry.

下午在街上有點肚餓，經過魚蛋粉舖頭就行了入去，入到去才留意到它叫「水上人魚蛋粉」😅。雖然是下午時段，但不設下午茶餐，而且預客人快吃快走，所以是茶水欠奉的。😂我們點了魚片河和牛丸河。兩款都是31元，食物來到就見到魚片河有7片魚片，牛丸河有5粒牛丸。都合理，因為牛丸貴過魚片嘛～牛丸也符合它的名字——手打牛丸，頗有口感，不過味道不太特別，只是咸咸地的一粒丸囉😂。丸中有少少筋，少少少痴牙咁啦！魚片就不過不失，有金黃的外皮，肉質算爽口彈牙，但略嫌偏咸，食完有點口乾🙈🙈。河粉是幼細那種（見圖片）。無裝潢，純粹行平民路線的魚旦粉舖頭，中評啦，無意外亦無驚喜！

中式粉麵一路都係我頹食嘅首選😎， 今次介紹呢間就係堅尼地城，我住hall嘅時候差唔多個個禮拜都會食，佢好平同埋啲嘢都幾真材實料，好多時我哋玩到好夜就會落嚟食😙·水餃米+油菜 $39我嚟親呢啲粉麵舖一係就叫四寶河一係就叫水餃米🤭🤭， 呢間舖頭啲水餃幾好食所以我平時嚟都係叫佢嘅， 31蚊有四隻水餃，入面都好多蝦同埋有啲木耳所以個口感好好， 唔夠嘅話加六蚊可以雙拼，我自己其實好鍾意食佢嘅撈粗麵因為大大碗仲送多幾條菜畀你，超級抵食😍，但係我而家減緊肥所以就叫左碗米粉再加碟菜，開始我嘅健康人生😤😤·📍西環堅尼地城卑路乍街135號地下

因為老公病左既關係, 諗住清清地食碗粉麵當午餐. 所以就入左 LI 間 "水上人魚蛋粉"喇. 分別叫左一碗魚蛋粉, 一碗牛腩粉再加一碟油菜. 油菜我就唔多加評論, 正正常常. 而粉麵方面, 真心覺得麻麻, 第一湯底冇味, 第二河粉太厚, 唔夠滑同埋通透, 得個油字, 第三就係個主角之一既牛腩, 超 "UN" 又痴牙...真係越食越無奈.... 我諗成餐最好係粒魚蛋. 總結係一定唔會再幫襯, 我覺得佢係西環粉麵店中最差既一間. 

友人好中意食呢間，姑且試試佢。叫左個四寶魚面。乜都有d, 魚蛋，魚片，魚片頭，扎肉（有d odd,好似九唔搭八咁），牛演，盛惠$45。第一次食魚面，偏咸，唔滑口的，質地爽爽地，係未食過既感覺，可以一試既，但下次都係食返正常面食😬btw,個辣油正🤘🏿

水上人魚蛋有聽過下既，諗住「依家個個都話手打、人工，又有幾多係手打、人工」，仲要咁既價錢點知完全180度相反，可以講得上係我食過既其中一間最好食既潮式粉麵裝修無特別，光猛企理，已經好夠，員工服務都好既餐牌睇唔睇都係個啲啦，招牌推介魚蛋、片頭、魚麵，價值相宜到呢招牌魚蛋粗到，賣相正宗，魚蛋一睇就知自己手唧，有氣孔既，食落魚味足，彈牙，口感好好一級水準靚魚蛋，魚片亦相當不錯，片香肉滑用勞蘇食法，先加辣椒油落匙更，點醬咁食左魚蛋魚片先如果你中意食辣一定覺得好正另一碗本身想試片頭，但魚片好似有啲重覆，而偷聽到好多人叫牛筋丸生料外賣，一於試下果然無令人失望，果然自設工場，你會食得出係同一般買到既丸唔同，口感彈得黎順滑，腍身有牛筋勞蘇食建議食法，先加辣椒油同魚露落匙更，攪拌下，先食牛筋丸正到一個點，再食下$8大大碟既蠔油芥蘭點都值得一提既係，料靚之外，麵亦相當不錯粗麵滑得黎薄身，有蛋味而掛到湯汁，正！辣椒油係另一亮點，同其他地方唔同，佢自炒辣椒油有埋花椒既，即係食緊麻辣潮州辣椒油，又香又麻又好味落埋落個麵即變麻辣湯底，滋味倍增有埋魚露再可調下想食既味無得輸啦食碗麵啖啖都係亮點埋單仲要平到咁實在係驚

傳統粉麵鋪係香港買少見少。要搵一間魚蛋粉做得出色係難上加難。再要搵一間好味夾抵食簡直係好似玩尋寶遊戲咁。堅尼地城嘅餐廳好懸殊，一係就好local 茶記點心，一係就鬼佬派頭。呢間都算係我local 餐廳不二之選，第一次去嘅時候都好有補留，門面好似好噏𢱕。老老實實食元就走我無咩要求，眼不見為乾淨，鋪頭無異味，枱面乾淨已經托賴。食過之後就知佢性價比堅高。佢魚片好靚，夠彈牙又大方有好多塊。碗麵係算大，$40唔駛想點。湯底都唔差，有香魚味。油菜8蚊一碟呢個價錢真係10年前都未必得。同對面連鎖嘅鋪頭比，我一定食呢間。

今日去到西環，行行下見到呢一間魚蛋粉店，就可以入咗去食。我叫咗魚蛋米粉，湯底係比較淡嘅，但係魚蛋就真係好彈牙，咬入去十分爽口，而打魚蛋魚片時嘅調味，亦都好適中，唔會太咸。而家呢一碗魚旦粉錦上添花嘅一定係辣椒油，佢嘅辣椒油有陣陣嘅麻辣味，而辣味亦十足，淨係落三分一匙都已經好辣好辣好過癮！

由於呢間鋪頭係我公司附近，如果嗰排想食清啲，都會選擇食碗魚蛋粉做午餐就算啦。雖然佢鋪頭細細，睇落似一間普通嘅住家形式粉麵鋪頭，但係佢喺粉嶺都有間分店架。平時食嗰啲雲吞麵最多都可能俾四粒雲吞你，而且面底又少。我今次叫左雙拼，紫菜加雲吞河粉，雲吞有五粒，仲要叫'扣抵'（少麵底)都食唔哂😭😭 雲吞係自家包嘅，又大粒又夠味，入面每一粒都好足料，仲要唔止一隻蝦添。不過每一碗麵都無菜跟嘅，只有小小炸蒜粒同葱，所以我自己就嗌多咗一碟腐乳生菜啦。同出邊嗰啲唔同嘅地方係，啲菜係唔用油灼嘅，所以食落都係好清，要一讚嘅係佢地嘅腐乳好好味呀!! 順帶一提，作為一個香港人食魚蛋粉梗係要加辣椒油啦，(雖然我係唔識辣椒油嘅hahahah)，但係我有同事鍾意食到係佢哋嗰度買咗一樽辣椒油返屋企每日食，如果鍾意食辣椒油嘅你地都可以考慮下😂

One of the top fish Ball noodle restaurant in western district. The taste is consistent and the noodles are cooked just right. I would suggest trying their signature fish ball combo or even their beef brisket if you’re not into seafood.The staff is friendly, though they don’t speak English, they do have English menus for the expats.Price is reasonable and will be coming back!

Very outstanding fish ball here!! The noodles are all cooked to perfection! Very reasonable price and good service too!I live in Happy Valley and I come here just for the noodles, I am sure I will back for more!Their beef tripe is also very flavourful and tender! This is for sure a hidden gem!

晚上隨便買外賣回家吃，吃太多香港仔，一於試試水上人。雲吞魚麵，我也不明白為何會選這個奇怪的組合😅😅魚麵很"鞋"口吃一半便放棄了，雲吞正常。炸魚皮$12幸好有這魚皮支撐我繼續吃下去十分香脆! 浸湯後數分鐘也不會過淋

鮮蝦雲吞河粉        HKD27.00老實說，我覺得這間麵店的分量偏大，單是雲吞已經有五粒，碗裹的那顆魚片頭是老公給的，嘿嘿雲吞大粒，有鮮蝦的，啖啖肉，每次來也必吃的。魚片頭米粉                HKD27.00店名叫水上人魚蛋粉，魚片頭當然是主打，也是五粒。魚片頭肉身厚，很彈牙。腐乳通菜               HKD8.00叫麵加菜可以8元享用，原價12元。老公話這間店的牛腩和牛雜也不錯，可惜我們肚子也滿滿了，吃不下了，留待下次吧！