壹號漁船

Open Now

Now Closed

今日係老公生日， 來旺角1號渔船食放題 98蚊加服務費 冇寫錯！ 這個價錢可能係全港最平雞煲火鍋放題 ！ 雞煲有三款 香辣雞煲奇味雞煲 榴槤雞煲 我哋揀咗香辣雞煲（bb辣 ） 雞肉既不過鹹又夠香 香又不過辣 雖然雞煲可以任食 但我哋決定留返個肚打邊爐 自助巴有炒蜆 凍墨魚仔 凍蝦 牛筋腩咖哩魚蛋.....！ 魚皮響鈴丸類和蔬菜加埋都有四十幾款 ，而飲品區更加誇張 三十幾款飲品 啤酒都有五款 仲要係大牌子喜力百威 泰國象啤 日本麥啤 黑啤 甜品有甜筒 雪批 雪條 雪糕杯有五款生果 98蚊平過茶記啦 ！滿分！唔試都對唔住自己！😋

訂座5:00，原來5:30先比入座，要係樓下戇半個鐘先上得去。呢樣OpenRice 要處理下。坐底黎左個海鮮拼盤，一睇就知，龍蝦冇膏，好瘦，蝦仲郁下，鮑魚開左花，魷魚都好味，魚件好多魚油，食到成口都係油（大舊個隻）魚片都可以，蠔大隻好味，丸冇特別，魚肚正常。諗住問下要煮幾奈時間，男侍應哥哥話：變左白色就得啦。你地就知道服務有幾好啦！其他免費任食，因為唔食牛，所以叫左豚肉，硬，冇味，牛一既豚肉都好食過佢。韓蠔第一次叫幾好，之後就黑忟忟，黑蠔見到都唔開胃🤮。蜆大大粒，好食，叫左好多之都係大粒，仲有任食菜，汽水任飲，糖水有芝麻糊，牛奶公司雪糕。想食蝦，要加錢，想食拼盤咁大隻既蠔，要加錢。當然仲有其他食物要加錢，已經唔想睇。最後埋單，$589.5，我大約7:15埋單，7:30前話埋單有88折，冇check 單，唔知有冇打折。

稻香前身，環境新還是可以，但樓面人手嚴重不足，火鍋肉類質素一般，其他火鍋選擇很少，很多食品要自己加錢，除頭盤送的龍蝦海鮮可觀之外，冇乜值得一提，這個質數可以很多選擇

今日聽朋友介紹，旺角有間叫“壹號漁船”的火鍋放題好抵食 ！朋友生日即刻約佐壽星和兩個朋友試下今次揀咗1號餐， $188 任食奇味雞煲加任食火鍋 ，雞煲非常惹味 啖啖肉 香，好嘢味、呢個餐重有送龍蝦 ，餐廳採取放題式用QR code點餐 我最喜歡的是肩胛肉眼肉汁細嫩多汁入口即化encore佐好多次，自助區超多選擇有好多種蔬菜同炸魚皮和其他即食炸物， 還有好多小食飲品超多款， 另外雪糕雪條都有 ，埋單都係每人 206元，飽到無朋友！ 真心抵食，超值！訊息

聽朋友講過旺角，壹號漁船，中午有一個火鍋加點心放題"108元‘’超抵食，今日即刻約朋友去試食 一入座 即刻上佐個海鮮盤有蝦有花甲小紅尤 還有大大隻生蠔 QR code有三十幾款火鍋料和點心任點 自助吧有好多小食和蔬菜 超多款飲品 啤酒都有五款認真誇張 食物質素夠新鮮美味 雪糕都有十款左右 最後都係揀咗個芋頭甜筒 店员嘅服務都好好 收碟好快又會幫手排返枱上面啲碟 抵讚👍 埋單都係每人118元！✨️抵食 😋😋😋✨️！推介！😊

7/2/2024同家人一齊去了旺角荷里活中心2樓壹號魚船食了$2088，6人團年飯套餐，上網冇餐單看，就提前兩日打電話去book位，問有咩食，有個大陸鄉音阿姐聽電話，大陸阿姐話2088套餐有龍蝦伊麵，鮑魚，魚翅，發財好市，龍躉，豆苗，乳豬食，有壽包，我聽完之後，立即book了枱，點知龍蝦伊面變了蝦伊麵，鮑魚變咗鮑片生菜，珊瑚蚌炒雲耳，但珊瑚蚌係苦味，唔新鮮，魚翅煲係變咗雞翅煲，壽包變咗玉兔奶皇包，大陸阿姐電話講的食物全部貨不對板，令人超級失望😔，下次不會再去了，從來未食過質素咁差嘅團年飯，令人憤怒，感覺好似被電話阿姐騙了。

以前寫他的食有很高的平價，最近改了點心火鍋放題。 質素越食越差。 由於價錢畀以往平，所以吸納了很多客， 地下滿是油，很容易跣倒，服務很差。去了大埔和旺角店，現在跌曬watt了。 餐牌日日唔同價，真係同海鮮解一樣。但係啲海鮮就越嚟越唔新鮮，大豪變細豪，活蝦變死蝦。真的另人失望。

#從未試過服務咁差嘅食店2:30入坐，入坐後不到20分鐘就話Last order , 我同個職員阿叔講入坐不都半小時就last order? 跟住旁邊個女職員就話你哋可以慢慢食，咁唯有叫 多啲嚟啦！點知個送餐阿叔，好鄙視嘅態度同我哋講：「你哋食唔食得晒㗎」，佢啲點心都係一籠一件，我三個人梗係嗌多少少先夠啦！但係嗰啲態度語氣係勁差！食到中段個爐熄咗搵員工過嚟開返，點知個阿姐搵個嗰送餐嘅職員阿叔，佢好大聲話「我落場」，跟住冇再理，我等咗5分鐘，就出去搵職員開，個個職員啲態度好似唔想做咁！不足1小時就有人嚟叫我哋買單，態度好差咁行埋嚟話要清潔，你哋快啲食，你哋班職員落場都唔使趕客走㗎！以後都唔會再幫襯！

上星期六下午兩點多，兩大一小入座，職員轉頭竟告訴我們大小同價，但入口已放了成人及小童的價錢，我問她為何大小同價，她回覆她先查一查，然後我搵經理問清楚，她竟然沒有反應，只是定眼望住我，同時眼見幾枱客人紛紛上前催單，隔離枱等燒賣半小時都沒有，加上冇乜職員，好似已下場咁，所以我地即轉去地庫牛大人，職員服務態度和食物質數至少正常好多，而且又抵食。

午市試左個100分鐘打邊爐任食，入左去點完餐，啲野仲未嚟（入去5分鐘都未到），已經有個男侍應無禮貌講話同我後面張枱同我張枱last order，好快啲叫埋佢。咁我呆左同佢講「我地岩岩先入嚟咋喎？」佢就好快咁講左一大輪話「總之計好時間叫」。然後我後面張枱就鼓譟話已經掃唔到QR code叫嘢。投訴明明岩岩叫last order但又無比時間人叫就cut左。但暫時我張枱仲叫到野食就以為可能咁岩侍應搞錯左就無理。之後叫左兩輪野食，但啲野都唔齊，大約叫左30樣野食，先嚟得6-7樣。（每樣只有一件，最多2件）。然後又有個男侍應叫我地好埋單。我就回「吓！我地岩岩先入嚟」（只係嚟左20分鐘左右） 然後，佢話要3:30前埋單（我地3:00入去，3:20叫埋單），咁我諗住佢可能想早少少埋數就去左埋單。然後，個QR code已經叫唔到野食！ 但大前題同事係無同我地講過埋單會叫唔到！之後揾左另一個侍應反映叫唔到野食，然後佢不停話個QR code好均真，話我地過左時，最多叫經理幫我落單。但呢間野想揾個人Show下你真係勁難。最後叫得一次經理嗌得一次野食，個經理就係岩岩好無禮貌迫人埋單果個。 咁我地就問下佢我地頭先

1月24號中午放題提前一天預訂到當天入座門口職員沒有帶位只係隨便搵位坐，咁請問我訂左嘅意思喺咩，入座後立即落單，本人放飯時間只有一小時三十分，等了25分鐘湯底依然未到，任食的點心一樣都沒有到，見到點心姐姐推出來時候問下點解隔離台遲過我地都已經有點心食我地無，點知俾佢鬧返轉頭話任食時間有成個幾兩個鐘心急吹黎做咩，咁鍾意吹比住一粒燒賣你食住先，放低左一粒之後走開全日我落柯打嘅點心都冇到，門口配料櫃和配菜部份已經響相片反映到完全無人添加，根本員工管理不善亦無心去處理問題，導致上有政策下有對策，做幾多推廣優惠有咩用，客人體驗咁差點會返轉頭幫襯？

海鮮新鮮生蠔大隻嘢飲選擇多但係星期六夜晚人手極力不足，只有若三至四個樓面但如果只是追求抵食，選擇多可以坐兩個半至三個小時的話，旺角選擇不多老公人均大概$250至$260

極度差評! 大家如果想食呢間之前, 真心要考慮下先.我地前日星期三11:45am 三個男人walk in入去食呢間火鍋點心放題, 限時2個鐘. 我地選咗最平嘅$98 plan, 個plan有送個海鮮盤的. 我地坐低咗已經即刻快快手落單叫野食, 但啲野食係黎得極度極度慢. 先係個電磁爐頭壞壞地,個爐頭校唔到大細火力, 一直keep住最大火咁滾, 問咗幾個服務員都唔識校, 又無得轉檯….最後要由資深同事先識搞, 淨係呢part已經無咗20分鐘.爐搞好但野食都仲未到, 啲湯由80%滿中火咁滾到得番40%都未有野食, 不論係火鍋配料or點心, 一樣都仲未有. 出面自助區又得番冷盤2-3樣& Mega+雀巢細杯裝雪糕, 天氣咁凍得8-10度, 唔係熱野未食就食凍野下話… 由搞爐至今等咗30分鐘, 終於有幾籠點心食, 但原來只係前面檯叫咗但無位放所以先唔要, 個服務員問我地要唔要食, 咁唯有照要啦, 即係我地30分鐘前落單嘅野食依然未到. 再等多大概10分鐘終於有我地叫嘅點心, 但只係得4籠only(每籠1件), 再黎少量肥牛&牛肉球(生), 之後就keep住等十幾分鐘黎一次野食. 個海鮮盤係臨c

今晚由7點41分入座，差唔多8點半先上個海鮮拼盤，最離普係成晚叫既牛肉一碟都無上過張枱，人生第一次去打邊爐放題，係無牛肉食。同個女經理講就無視人又唔跟進，叫啲侍應跟又無人理，如果你間野無牛肉供應不如係入座前講聲，唔洗浪費120分鐘係度等你地啲牛肉，仲要每人收300幾蚊食果個咁既海鮮拼盤，火鍋料選擇種類又少，仲要其他野食又黎唔齊。服務費就識收，又無人黎收走啲碟，要食客自己將啲碟拎去放第二度，呢間真係無下次。

旺角又有火鍋放題插旗🚩呢間主打海鮮 🦞🦐🦑🐟 勁大間好新淨 選擇多又唔貴Cp值高✅ 新開張仲有88折同送碟鮑魚🤣有超大個漁池 以前細個去酒樓會成日睇 依家已經好少見🥺 海鮮即撈即劏 都真係好新鮮‼️✨晚市C餐 – 特級牛頸脊及SRF黑和牛肩胛✨ $328 (折後 $288)最平嘅餐原價$268 呢個價錢任飲任食 仲要有好多海鮮 好抵😛火鍋料 小食 飲品 雪糕可以出面任攞 肉就qr code落單💁🏻‍♀️❣️蠔皇原隻鮑魚扣百花菇係新張限定的promotion💁🏻‍♀️ 份量幾好不佔胃空間🤣 芡汁好靚 鮑魚冬菇好入味😼❣️壹號龍蝦湯鍋本身湯底都選擇咗海鮮湯底😛 有五六隻蝦同蜆🦐 用嚟煮海鮮就唔會搶咗鮮味💦 仲有好多湯底選擇 椰子雞 沙嗲牛 胡椒豬肚都好吸引🥰 ❣️波士頓龍蝦海鮮盤套餐包埋呢個咁搶眼高質嘅海鮮盤‼️ 有每人半隻波士頓龍蝦🦞鮑魚🐚海蝦🦐石斑🐟生蠔🦪小紅魷🦑 蝦丸墨魚丸💕最驚喜係龍蝦 肉眼可見嘅新鮮大隻🥺🦞 出面魚缸養住好多隻🫣 龍蝦肉爽彈甜 不得了🥰鮑魚嘅口感都係一流 蝦仲郁緊🦐( Ꙭ)石斑片好厚 層皮充滿膠原💁🏻‍♀️ 蝦/墨魚丸係手打非常有水準✅以上煮完個湯都濃郁咗好好飲🍲 ❣️特級牛頸脊