壹號漁船

Open Now

Now Closed

訂座5:00，原來5:30先比入座，要係樓下戇半個鐘先上得去。呢樣OpenRice 要處理下。坐底黎左個海鮮拼盤，一睇就知，龍蝦冇膏，好瘦，蝦仲郁下，鮑魚開左花，魷魚都好味，魚件好多魚油，食到成口都係油（大舊個隻）魚片都可以，蠔大隻好味，丸冇特別，魚肚正常。諗住問下要煮幾奈時間，男侍應哥哥話：變左白色就得啦。你地就知道服務有幾好啦！其他免費任食，因為唔食牛，所以叫左豚肉，硬，冇味，牛一既豚肉都好食過佢。韓蠔第一次叫幾好，之後就黑忟忟，黑蠔見到都唔開胃🤮。蜆大大粒，好食，叫左好多之都係大粒，仲有任食菜，汽水任飲，糖水有芝麻糊，牛奶公司雪糕。想食蝦，要加錢，想食拼盤咁大隻既蠔，要加錢。當然仲有其他食物要加錢，已經唔想睇。最後埋單，$589.5，我大約7:15埋單，7:30前話埋單有88折，冇check 單，唔知有冇打折。