寶泰船麵 (Closed)

餓餓地同老公路過見到有新開船麵店就試下叫咗我鍾意食嘅冬蔭功同埋招牌船麵share，仲有小食，樣樣都好惹味，估唔到小店都幾高質冬蔭功啲蝦好新鮮，湯好好飲，如果再多啲配料仲正～船麵揀咗豬，個湯底好香濃，又唔會太咸，差啲想飲曬碗湯～見其他枱有叫炸魚蛋同雞翼，個樣好吸引就叫咗，兩款都好食，尤其是魚蛋配埋辣汁，值得推介。仲有鳳爪本身都想食，但老公唔係特別好所以放棄咗，下次同frd嚟再試。我同老公兩個都怕等，呢度上菜幾快，服務唔錯，會再幫襯

同朋友慶祝生日，諗住試下新野，門口細細，膽粗粗試下，但係所有食物都好有驚喜，自己選擇了，冬陰功金邊粉，朋友好好彩地揀左咖哩面（最後一碗），冬陰公湯頭鮮甜微辣，材料十足，食一碗已很飽肚。但最驚喜係小食，真心推介炸墨魚丸， 彈牙新鮮，好快已被朋友搶光。皮蛋第一次嘗試，微辣口感，好開胃適合餐前小食。最難得係邊食邊吹水，老細都無黑面趕我地走👍🏻小店誠意滿分，小店哥哥都好好人，不時加水，好希望下次出旺角試下咖哩面，船面。。。期待！

我係第一次寫食評，寫得唔好請見諒🙏🏼，我喺IG見到有這間店，於是今日去試吓，佢哋個特濃冬蔭公金邊粉🍜真係好好味，店員仲好有禮貌主動同我講需唔需要再加辣？這個價錢$88午市套餐，有小食、有飲品（有些需要加錢）都算唔錯，重點係免加一😆Ps. 店員係對每枱客人面帶笑容，起碼見到客人去埋單時佢有禮貌講「多謝晒！」今時今日真係好少見😆

今天中午一行四人路過廣華街見到有間小店寶泰船麵！門口餐牌有抵食午餐, 包含小食、湯麵及飲品, 只是$88, 沒有加一！大家大家坐低咗反而冇叫套餐, 因為想試多幾款小食, 同埋大家可以分食！試咗酸辣鳳爪、香葉肉碎生菜包、街頭魚蛋仲有炸雞翼, 味道及賣相都不俗主食方面, 大家都試咗船麵, 分別試咗豬、牛同埋雞； 湯底濃郁, 但不覺得有味精！ 船麵加$12可轉鴨蛋麵底, 麵質爽口亦冇鹼水味, 值得一試！另一位老友叫咗冬蔭功金邊粉, 佢話湯底好正, 金邊粉亦可口.飲品大家都是凍香茅茶, 味道微甜、香茅味清新, 消暑妙品.

今日旺角行街街，見到呢間小店，決定入來一試，雖然係船麵，但係佢個冬陰功金邊粉比到驚喜。我太太一直喜歡冬陰功，但係佢唔食得太辣，呢個冬陰功調校得剛剛好，不會太辣也不會太酸或者太鹹。佢個炸魚蛋賣相幾得意，初初我仲以為係迷你蝦餅，一口一粒，幾啱小朋友。至於個船麵個湯底就啱我囡囡，佢平時好挑食。食晚飯通常就得一個就唔到另一個。今日就好喇，每個人都有啱食嘅嘢安安樂樂坐定定食，我自己最推介個泰式燒肉。最後補一句，這裏的店員很有禮貌。

係登打士街買嘢，行經附近見到有一間新開泰式船麵，本人比較喜歡湯面類，所以立即入去試試. 看看餐牌，有分乾麵及船麵，最後叫了個豬肉船麵，一個泰式魚旦河粉，一份單支雞翼及一份炸魚旦. 船麵湯底濃味適中，不會太咸，魚旦粉湯底清徹，聽老板講湯底全用鮮豬骨炮製，不同於其他店用湯粉. 食完不會口渴. 小食味道也不錯，由於試業期間，暫時只有粉麵類，老板預告正式開業后，會另加咖喱粉面，咖喱更是他們特製的，還有特式泰式奶茶也是招牌菜，祈待下次去可以再試一下.