蒲八餐室 (Closed)

最近假日都會去鴨脷洲大街食飯，附近兩間西餐廳都比較旺同多人，但排雞，漢堡，牛排或焗飯，真係唔敢成日食。有一次試下去蒲八望下，見環境唔錯，睇下門口餐牌都覺得啱食，主要係食意大利粉同意大利飯，味道傾向清淡，素食。於是走入去試下，試過之後，依家假日多數都去呢間啦！今日都好似平時咁兩個人食，一個意大利粉，一個意大利飯套餐，一壺Earl Grey, 一杯咖啡，如加$5可再添茶，加$16有一個湯，蒜蓉包同沙律或粟米粒。清清淡淡一餐啱哂我地啲追求健康嘅人。落地玻璃，一路食，一路望住街外，視野廣闊，好寫意。

今日落樓都接近十一點，很多餐廳都很多人，唯獨這間是沒有顧客，加上有啲趕時間，所以就衝入去試吓！一入到去，看看餐牌，當堂嚇一跳，主打健康早餐，但又冇乜選擇！焗住是但叫！首先是日餐湯係粟米湯，夠熱但十分稀，味道唔濃！到主菜，牛油果蛋吐司，其實只是一般！最後是咖啡！好老實，$76喺鴨脷洲大街食啲咁嘅嘢，其實真係有點貴！在銅鑼灣食個All day breakfast 都係差唔多價錢，但係人哋仲要豐富好多！舖租又貴好多，感覺會比較超值

今日我參加了旅發局主辦的「賞你遊」，報了「在水一方·南港島深度遊」的旅行團，所以今餐飯是免費的，質素是不差。位置：在鴨脷洲大街小巷中，由導遊帶領去。環境：面積較小，四方形的空間，一邊是吧台，有高腳椅座位，另一邊則是卡位，中間放置了三張兩人座位，石頭色格仔枱配木椅。服務：職員有問必答，上菜都快！午市：海鮮菠菜忌廉汁意大利飯配熱檸茶前菜可選擇田園沙律或牛油粟米粒，另外有蒜茸牛油多士和粟米湯。多士質感較硬，調味恰當，粟米湯有少少粟米楂，清甜而質地較稀。海鮮菠菜忌廉汁意大利飯的配料豐富，有蜆肉、大蝦和鱈魚，忌廉汁沾滿每粒飯。不過意大利飯跟我平常吃的不同，不是圓圓的，而是長條形，好像普通白飯，不夠軟綿，所以我不喜歡飯的質感，沒有吃完！

見佢成日都唔開，咁岩今日有開下就就試下啦，入到去個環境都幾清靜同幾舒服，可能唔係太出名同係後街小人去啲，坐低左原來星期六日無lunch set 要散叫，但係係大街黎講而個價錢算貴左小小每人成70-80蚊我叫左個海鮮波菜意大利飯，正正常常，係個魷魚好似和口膠咁咬唔爛，個汁都唔會太流都幾好食，個蝦都算大隻爽口鴨胸炒意粉，加左小辣都已經好辣，不過又係真炒得幾好味既個意粉，鴨胸就普通鴨胸囉😂反而個朱古力沖得幾好😅

d意粉好足料，咁既價錢真係好難得，但就等得耐左少少，問反完來係即叫即煮如果可以快反少少就好了。d服務員態度又好好，我見格呢枱意粉有特別要求都有求必應，而家有埋地鐵站勁方便！

諗住食個飯先返工，我同老公2個去左蒲八，幾個月前試過都幾好，見佢無啦啦close 左幾個月，呢排又開返，咪又去試下，點知真係伏。。 首先，12:15pm, 入到去一個人都無，燈未開，但又見佢掛住”OPEN”, 問左有得食就坐低。。佢係主打食意粉，以前都有十幾個意粉選擇，點知而家得返5個選擇。$78 一個意粉+一杯熱飲。。凍飲+$5，湯同麵包要另外加$$。。我地叫左2個意粉2杯熱飲。。 等左15分鐘，咩都無黎過，飲品都無。。問侍應可否俾杯水，佢只係俾左一杯水我地，但我地有2個人......等多5分鐘，一個意粉到，唔係熱，只係暖等多5分鐘，我個意粉終於到，等左足足25分鐘，我地之前完全係無單的！我個意粉係熱既，味道不錯，但我用左甘多時間等，唯有趕喉趕命食。。好食都無用！之後我走先，老公埋單時又等左5分鐘, 話收錢個個唔係到真係無個幾鐘食飯都唔好去。。同埋起碼係餐牌寫住製作需時15-20分鐘，甘趕時間咪唔會去囉。。

食左個香蒜片雜菌意大利粉....只能用「正」黎形容！價錢大眾化，同一款意粉如果係銅鑼灣食，計埋加一起碼過100！呢款$68仲包一杯野飲，所以住係灣仔既我都特登入去食左兩次，睇怕以後會變左飯堂而且意粉仲可以加底呢到主打係意粉，素食既我，暫時只有一個選擇，不過店主話可以度身訂造無肉意粉俾我另外裝修好舒服，雖然地方唔大，但係好cozy, 地方好乾淨。從來冇諗過去到咁遠搵野食，不過坐地鐵好方便，利東站出左行五分鐘左右就到。