BON CHAT CHAT 閑寮

Open Now

Now Closed

係荔枝角教完班 同學生一齊去食野 …之前都想去 …有一段時間見無開 …終於都尼到了 🩵 估唔到工廈都有咁舒服地方一入門口已經好似去左竹林咁鍾意食辣嘅朋友極力推薦好cream 又多汁既口感 食完條脷會有微微辣辣地拮拮地嘅感覺如果份量可以着多少少就好😆白汁煙肉意粉 味道好濃郁 兩個相比之下我比較喜歡食辣 ～入面好有日式風味 …係度hea左一個下午 👍👍👍出門仲有個露天花園仔 可以影相 不過嗰日落雨冇再出到去下次可以再約朋友仔一齊去 👍

隱世🎋竹林日系Café☕️朋友介紹左一間荔枝角樓上商廈Café，去坐下吃下午茶早餐一格格 🍱$138牛油果焗蛋，台灣腸，雞中翼，玉子配蟹籽，茄汁豆， 牛角包，沙律菜，車厘茄， 醃製蓮藕呢個九格早餐啱曬輕食嘅朋友，最欣賞佢牛油果焗蛋，比較特別。蓮藕醃得好入味爽口熱帶幻想 🍍🍹 $48菠蘿，熱情果，茉莉花茶一睇D生果名就知好啱夏天飲。 新津解渴,還可以解鬱悶, 飲完心曠神怡🤣🌞葡萄樹下 🍷☕️ $46白提子汁, 茉莉花茶 加 Espresso。提子花香還有咖啡味夾得好特別，飲落勁有層次感，直得一試👍坐位不多，因為樓上商廈所以比較靜，Café 還有室外一入去地下有石春和竹林🎋裝飾，桌子和凳子用實木配搭，也有日式榻榻米區域，室外也有大排日本燈籠，好有日本氣氛👍再加上近排熊貓好火十分應景

荔枝角充滿禪意和風Cafe✨裏面仲有竹林同埋榻榻米座位 勁日系風⭐️ Shakerato 用酒杯上 好有儀式感呢❤️今次就叫咗香煎鮮蝦香橙沙律 配藍莓 車厘茄 波子蘿蔔🥗沙律菜幾新鮮爽脆 入面仲有藍莓同埋橙 香甜又幾健康 鮮蝦微微煎過🦐 食落更加香口 旁邊配上柚子汁 係一個健康嘅選擇✨偷偷地同大家講 佢哋仲有薄荷朱古力飲💚仲有蕉蕉可可🍌 🍫店舖仲有唔同嘅茶泡飯同埋意粉等 仲有唔同嘅特色飲品🍸值得一試

今日要去荔枝角做野，早收諗住係附近食埋飯，揾到呢間竹林cafe，裝修幾靚，有多個打卡位，室外及室內也有打卡的位置，價錢都唔太貴一入到去門口就見到好靚嘅竹林同埋一條石春路，成個感覺好有打卡feel我叫左個韓式辣味奶油雞扒意粉味道甜甜辣辣,加上我自己本身鍾意食辣覺得呢個意粉好惹味嘢飲嗰度就嗌咗一杯ice americano ,味道都係我鍾意嗰隻下次再嚟嘅時候約埋啲friend坐入邊個榻榻米，感覺好似好chill

放假同friend冇嘢做，就約埋搵間cafe hea下。之前同同事黎過呢間食lunch，覺得個環境都幾chill，就過咗黎。可能因為係weekdays下午，所以可以坐得比較闊落同埋hea咗好耐😂 我地叫咗兩個叫咗兩樣嘢share，揀咗兩個新品試下：泰式冬陰功燴飯我覺得個味道都唔錯既，真係有種好泰國既feel，冬陰功味好出，呢個天氣食幾好，令人好有食慾。芝士煙肉水波蛋沙律個沙律幾盞鬼😂個水波蛋震tun tun，味道正常。整體黎講都唔錯，環境滿分，好適合同friend黎hea。坐係度望住窗外個露台景吹水，都真係幾chill。下次會再黎試下d咖啡。

如果你想搵個地方影靚靚相打卡就夠，下方分享可直接省略，謝謝。因為影相環境係唔錯。但如果你對食野有啲啲期望，你大可不必嚟。我點咗佢個signature 咩9定12嘅格仔set,顧名思義佢有9定12個格仔放唔同樣食物，但當佢送到嚟，我都唔敢相信…一格係四粒車厘茄開半，一格係烚粟米粒，一格幾條沙律菜，一格係食落似冷凍雞中翼叮翻熱，我諗最有心思嗰格係太陽蛋焗半個牛油果…而喺等嘅過程中，你係聽到懷疑係微波爐叮叮聲，係不斷響，令人不禁懷疑成個set熱食都係微波爐叮嘅食物，係懷疑啊，除咗個牛油果。至於服務方面，係會令到你覺得成個用餐都不被尊重。首先由帶位到落餐到送餐，嗰位侍應都係冇出過聲黑晒面，唔講仲以為我哋爭佢錢。第二，我哋由點餐到出餐係需時近40分鐘，你會問半個多鐘好正常啫，但問題係全場係有另外三圍枱但已經食緊出晒餐，係得我呢張枱要出餐，都要等30分鐘。最最最過分嘅係杯加錢Moca等到差唔多食晒先出到，廚房水吧，連樓面有成四個人，都咁嘅效率，除非你係M屬性鍾意等嘅人極力推薦…咁嘅服務咁嘅食物仲要+1 ，你去之前自己諗一諗啦

前幾日同朋友慶祝生日 所以去左食飯星期日5:30去到無乜人 所以我地可以坐房 😆熱帶幻想❤️❤️❤️朋友嗌咗呢杯，比較重菠蘿味酸味味咁，幾開胃🤤花前月下❤️❤️❤️本身自己鍾意飲甜嘅飲品Menu上面就冇乜邊款飲品特別啱我心意咁我就揀咗花前月下我覺得都幾新鮮，有陣青提子香，小清新🌿龍井蝦仁茶漬飯（大推❤️❤️❤️❤️❤️）比想像中好食，茶味清新加入飯到食到茶香既味！而且啲飯前菜都好出色，特別係個蓮藕！絕對值得一試😍日本帶子蟹籽忌廉扁意粉❤️❤️❤️❤️帶子鮮甜，忌廉味濃郁不過最好同朋友share，如果唔係食得有啲濟🙈

:位於荔枝角嘅工業大廈，有少少神秘感，如果唔係朋友帶我嚟，我都未必會知呢間舖頭🤣有小小去咗日本feel咁😌店面雖小，不過打咭位都多😆/🌟鹽燒雞扒便當•櫻花蝦炒飯 $108雞扒都算嫩 肉汁仲keep到，櫻花蝦炒飯，其實係炒得唔錯。不過我略嫌佢炒得唔夠香，只係靠櫻花蝦既香😌雖然我麻麻地櫻花蝦，但係呢個味係可以接受。我諗最有驚喜係呢個蓮藕，本身我同朋友都唔鍾意食蓮藕，大家都唔情願食，點知食落幾好味 佢個汁做得幾好，遮到平時食蓮藕果種味，令到佢變得超級爽口😆🌟 Ice Long Black $36咖啡係偏nutty嗰種😌😌🌟 Expresso Coke $46幾得意🤣出面好少會見到，飲落又唔會話好甜，都同expresso tonic無乜大分別🤣💬環境的確係唔錯，好方便大家黎打下咭傾下計，如果好天時候黎影相應該會靚好多。不過食物方面可能要花多小小心機，做多幾款選擇無咁單一❤️同埋份量偏細份啲🥲

環境清幽帶點有禪意感覺的咖啡店☕️餐廳由外至內佈滿大量竹林🎋門外更有一條石春小路彷如踏進竹林的感覺😌店內設有榻榻米座位露天座位佈置了日式燈籠🏮及竹林充滿濃濃的日式庭園🎏有種讓人遠離繁囂的感覺🥰主打日式料理，意粉及多款特色飲品早餐一格格🍱賣相吸睛用來打卡一流💯，運用九宮格拼盤提供多款美食，當中包括有牛油果焗蛋，以半個牛油果🥑去核且中間配上蛋黃蠻有創意🤩，一切開蛋黃慢慢流出蛋液很療癒😍，入口軟糯味道獨特，雞中翼有少許微辣挺惹味，玉子配蟹籽甜甜的，蓮藕切得很薄惹味爽脆，其他配菜還有台灣腸，粟米粒，牛角包，車厘茄及沙律🥗，能夠一次過滿足到口腹之慾😋龍井蝦仁茶泡飯 配 紫蘇練梅漬蕃茄🦐🍅6隻蝦仁🦐鮮甜爽彈，配一小碗龍井茶🍵倒入白飯裡，口感粒粒分明且茶香清新，另配上原個蕃茄🍅去皮再用紫蘇梅醃製，使味道增添層次感，酸酸甜甜越吃越開胃🤤勿忘我☕香濃的𝙀𝙎𝙋𝙍𝙀𝙎𝙎𝙊配搭清甜的椰青水，最特別是一入口喝到椰子糖的味道😂花前月下🍹以茉莉花茶為基礎，再加入白提子，荔枝及青檸，喝到香甜清新☺️吸取上一次到咖啡店沒有提早預約，這次預約用餐很高興安排榻榻米座位，餐廳外至內每個角落都悉心打造美美的打卡位，只可惜當天下雨天

weekend一班朋友約咗去D2行街，跟住就係openrice搵餐廳，見到呢間竹林cafe好似幾得意咁，就一齊試下。入邊主要係日式木系裝修，配搭住竹林既感覺，令人好舒服。特別係我地book左榻榻米，好適合一班人一齊吹水食嘢。咁當然有打卡啦，不過就唔係呢度po啦😂由於我地太餓，所以一開頭唔記得影相😂 ：日本帶子蟹籽忌廉意粉 $128意粉口感軟硬適中，個汁亦非常creamy，但係配搭住蟹籽一齊食完全冇膩既感覺。個帶子亦非常彈牙，非常美味。🙌🏻鹽燒雞扒櫻花蝦炒飯便當 $ 108櫻花蝦炒飯非常香，粒粒分明口感唔錯。個蓮藕個味都非常惹味，雞扒都ok，我地share食都夠食。芝士黑松露意粉 $ 108我個人非常喜愛黑松露，所以覺得好好食。個黑松露味好出，意粉都好入味。👍🏻飲品方面我地選擇了ice latte和ice long black，就沒有特別影相，但係味道都唔錯！總體黎講食物味道口感唔錯，環境更係一流，非常舒適，值得一試既。

今日約咗三個朋友一齊去咗一間 pet-friendly 的 cafe 食野，朋友帶左佢既「愛女」黎 😆! 由於有狗仔，只可以坐室外露台位，感覺都寬敞. 天氣好又乾爽，好 chill 🌤️野食都唔錯，好食又打卡able… 叫左個打卡必備的 「早餐一格格」，係將 all-day breakfast 以特別的形式去呈現，中間個牛油果焗蛋好特別，好食!亦都點咗 「鹽燒雞扒便當 配櫻花蝦炒飯」，即叫即製，雞扒塊皮仲有焦香左既鹽燒味道，配埋乾身惹味的櫻花蝦炒飯，呢個真係好食 ❤️ 最後仲有點左個份量十足的 「蟹籽、蟹肉、蟹膏 意粉」，好濃蟹味，用料睇得出幾多，勁大碟… 4個人叫左 3 野主食，同埋一份 炸物薯條洋蔥圈，飽飽 😌

自朋友介紹之後，一直都好想試下依一間日式隱世Cafe小店。但早排店鋪休業未有機試到，最近係社交媒體網站見到佢地宣布重新開業，即刻叫朋友帶我去試試呀！一入門口就已經有驚喜！係店鋪門口和坐位之間有一條過道，擺放了竹林的佈置和日落燈打卡位，馬上感受到遠離都市的愜意。來到了食物的部分！由於時間關係我們只叫了店內的小食—大炸物拼盤。拼盤有三款炸物，包括薯條、雞塊，雞皮餃子，還有三款不同的特製醬汁。由於是即叫即整，所以食物上枱的時候都是熱辣辣，非常美味。至於飲品的部分。我們叫了一杯熱Latte和一杯薄荷朱古力。雖然Latte跟其他地方的味道都差不多，但他們的薄荷朱古力確實值得一試！

聽朋友介紹而黎的，竹林佈景真係令我馬上拎起手機影影影… 📸店主推介我地出去戶外露台位置坐，當日下午只係 20度左右唔太熱，加上天氣好好又乾爽，坐出面非常適合 🌤️加上有一大幅打卡燈籠牆，太驚豔了 ❤️❤️食物也很有水準，點了青醬帶子 Risotto, 味道濃郁，煎香咗嘅帶子非常香口，好好味! 亦點了兩杯seasonal 特飲，熱帶幻想，薄荷朱古力。兩杯飲品都唔錯 。熱帶幻想隻杯仲成個菠蘿咁。😂整體來講係一個好好嘅體驗，食物飲品質素高，環境舒服又夠chill, 尤其是較涼的天氣坐出面非常舒服，值得推介

原來已經執左笠🥹依家先出返食評舊年幫朋友慶生就黎左依間日系餐廳，店內只有兩枱榻榻米，先到先得，無得預訂😂門口都係用日式裝潢，超岩打卡的🩷今次我地叫左「煙三文魚拼日本勞子 特選沙律 Poke Bowl配牛油果」、「鹽燒雞扒便當 櫻花蝦炒飯 配蓮藕金平 台灣腸小吃」、花前月下及戀人未滿🥰餐廳比較細，人手唔多，果陣都等左一段長時期先黎左杯野飲😮煙三文魚拼日本勞子 特選沙律 Poke Bowl配牛油果估唔到會有飯，牛油果剛好，三文魚都大舊，但帶子比較細粒，啲飯有啲硬，所以一般般🫣鹽燒雞扒便當 櫻花蝦炒飯 配蓮藕金平 台灣腸小吃賣相一般，份量都偏少😢花前月下朋友話有啲酸酸甜甜既感覺都唔錯戀人未滿一般般，飲落去無乜味😂整體價錢偏貴，食物等候時間比較耐。(已結業)BON CHAT CHAT 閑寮 (荔枝角)📍荔枝角長順街20號時豐中心5樓510室

其實這間咖啡小店已經想去好耐，今日終於去到😊咖啡小店位於係工廠區大廈內，幸好今天是星期日，下午12:00左右冇訂枱都可以入座。內裡裝修好有日本feel。我叫咗一個叫做早餐格格+勿忘我。早晨格格只是覺得得意用來打卡用，因為份量太少，價錢略為有點價。而勿忘我咖啡值得推介，入口有咖啡香味，而最特別係每口都有淡淡椰青水的清甜，最適合今日的高溫😊