真心泰國菜館 (Closed)

燒豬頸肉肉唔正, 仲要衰到有D肥肉.蝦醬炒通菜, 唔知係咪通菜唔係季節! 唔好味, 仲要一D蝦醬風味都冇!反而冬蔭公, 係我男友食過咁多間中最勁! ((真係數一數二)) 細碗有3隻蝦... SHARE 夠2-3個人食. 最OK 係燒魚餅! 一藍竟有8件((我地唔知咁大藍, 得2個人食到嘔, 好彩幾好味))唔係比佢外表黑黑打左折扣, 一咬都幾到味! <<不過要數最正都係九龍城果間泰苑小食>>佢地雖係真正泰籍, 不過竟係全女班, 搵果男人望下都冇(我成日覺得炒野都係男人炒正D ), 仲有, 好講真, 佢地位唔太多!幾逼, 我相信DINNER 都爆場!就我TEA TIME 去,都見有熟客幫襯, 不過價錢真係貴左D, 可能係租貴啦!有甜品送! TEA 就咁就$170埋單

今日行開旺角，諗住天氣凍，食番d東南亞風味0既0野，感受下d熱力，同朋友兩個人入左去呢間餐廳。下午四點幾，一入去，無人，環境不錯。我0地order左菠蘿炒飯and兩併河(餐跟飲品，但特色飲品要加$4)，跟飲要黑芝麻珍珠冰及菠蘿紅毛丹冰。菠蘿飯(可能因為係餐)唔係原個上，有d失望，但味道很好，係一個正宗的泰式菠蘿炒飯，用料十足。兩併河，要了雲吞尖和魚丸，總體味道一般。但是，雲吞尖，重胡椒味，味道不錯。珍珠冰，不太甜，ok。黑珍珠，是一種生果肉(可惜一時想不起)，口感很好。菠蘿冰，沒有特別。送兩小碗黑糯米，不錯，但略甜。

同朋友o係度食lunch, 好多人喎, 全場滿座, 不過等o左一陣就有位, waitress仲好好人主動安排o左個好d o既位俾我地~ 兩個人order o左:冬蔭公- one size, 好大窩呀~ 有八隻蝦咁多, 味道唔錯, 但唔夠香~燒豬頸肉- 燒得唔夠香脆喎....鹹魚炒西蘭花- 幾香, 味道適中, 幾好~菠蘿炒飯- 碟上o既, 總好過用殼上~ 味道都唔錯, 係唔夠菠蘿味o者~飯送o野飲, 要o左杯咖啡~飯後送甜品~埋單$17X~ Service好好~

去過呢度兩次，上次食晚飯，今次lunch。嗰次同個friend叫咗碟香葉肉碎飯share食，雖然碟飯望落去冇咩特別，但係都幾好食，又夠辣，仲有糖水送。尋日去返呢度lunch，同個friend都要$20嗰個下午茶餐，個餐有泰式湯河，包埋飲品同甜品，碗河粉同埋杯檸茶同一般茶餐廳有d唔同，好有特色。喺度食嘢唔使加一，d食物又咁有泰國風味，鍾意食泰國菜嘅人，不妨嚟呢度試吓！

3人去食LUNCH叫左:1.豬頸肉飯+DRINK($30)...不是我食,不過好細碟,朋友他(男)唔夠食2.咖哩豬排飯+青檸茶($30)...又係好細,咖哩係加左多椰汁,味道不太好,杯DRINK簡直入唔到口3.泰式鳳爪($20)...又係好少,同幾辣一次就夠,食物不太特別

食左依間泰國菜幾次...正宗抵食,冬陰公----酸辣O岩O岩好...唔係間做得到...青木瓜絲沙律---有蟹/無蟹你揀...最好揀無蟹..因為有既係用隻生醃蟹仔一齊撈,幾" 聲" 下架都其餘食物都好食...比好多泰國餐廳平!!!!!

今日去左旺角的"真心" 泰國菜館<br>叫左春卷,豬頸肉, 生蝦刺身, 炒貴刁, 蝦醬炒通菜,糯米釀雞翼, 芒果糯米飯。<br>春卷唔錯, 夠熱又脆, 豬頸肉普通,同o係鸚鵡吧食d 差唔多. 生蝦刺身d 蝦好鬼細隻唔夠咬口.炒貴刁同炒通菜合格.雞翼比較乾身。<br>芒果糯米飯好大碟, 三個人差食唔晒, 味道都唔錯,但係芒果少左d (因為糯米飯好多)<br>食完仲有糖水送, 但係d 糖水暖暖地,不提也罷.不過唔駛錢就算啦。<br>三個人食左八個菜應該約$300, 一般的菜都係$30-$40 度, 旺角區算係中間價啦。<br>唔特別推介,但係唔知去邊食飯的話可以一試反正唔係咁貴。

開頭見到$25撈麵套餐, 有o野飲以為好抵, 點知order完, 個碟麵極之細碟, 又無咩味道, 攪到我食完仲要係街邊買o野食先夠飽!

嘩！裝修o左喎！靚o左好多！連的碗、蝶、杯都換晒！但係我發現連價錢都改埋，全部食物都足足貴o左20%！哇！裝o左修o者！就變相加價！好離譜！！

呢間係泰國人開o既，五六年前已經幫襯佢o架啦，但中間轉o左幾手，好彩o的o野食都重KEEP 得住，但SERVICE 就KEEP 唔住啦！皆因老板娘好串！特別鍾意食佢o既蝦餅，好大件o架！而春卷就一定要襯熱食！但豬頸肉又冇味又唔彈牙，唔掂！Anyway都幾抵食！！！

行行下街覺得肚餓，一路行一路望下餐廳ｄ價錢，突然見到一間咁平就即刻入左去，ｄ野食好平，又有風味喎，又有一碗糖水送，（唔大唔細剛剛好！）又唔使加一喎！一個字「抵」！（倒水個壺仲好靚添！）