包點料理

Open Now

Now Closed

一個2X蚊嘅鱆魚雞粒反竟然八達通收64蚊，自己收錯錢又唔認，佢話俾我睇咗銀碼確認咗先拍卡，我好肯定係無！就算有，佢個八通卡機面勁污嘈，畫面乜都睇唔到，睇？睇條命？？64蚊俾得起，豪俾你！不過不會再幫襯！

包點料理認真平靚正，款式又多，份量ok，粟米煎魚餅真係非常好食(有相片)🤣，粟米粒咬落好爽脆，魚肉食得出唔算有太多粉，蓮藕香煎豬肉餅(有相片)，食落嘅口感一樣爽脆，蓮藕咬落嗦嗦聲，認真過癮🤣，山竹牛肉球夠哂大粒(有相片)，附有大量山竹，再加適量嘅喼汁，簡直就係人間嘅美味，難怪此店舖每日都人頭湧湧，係有原因嘅！🤗🥰

每一次諗唔到食咩 我就會過嚟揀下啲點心啊蒸飯，糯米雞，蒸包等等 ，因為呢度款式多多 就算每一日食都唔容易撞款 ，咁就冇咁易悶啦蝦餃 蝦肉大大粒爽口 皮不會太厚 正燒賣 大大件啖啖肉 不過有時食到肥肉多咗啲雞扎 芋頭 雞肉大大件 正 雞肉唔會蒸得過老 反而係好嫩滑 鮮竹卷 啱啱出爐 熱辣辣 咬開充滿汁 而自己又好鍾意食腐皮 好爽糯米雞 好足料 除咗雞肉 仲有臘腸 啲糯米食落好甘香 食一隻飽肚足全日 莧菜餃 好清爽 食左成大件落肚都唔會覺得漏的一款點心呢一間既點心 平靚正 同性價比高

包點料理平價中式飯、點心窩蛋牛肉飯 $23無錯，呢盒就係窩蛋牛肉飯，完全顛覆左我對窩蛋牛肉飯嘅印象。牛肉口感味道類似酒樓點心嘅牛肉球，有埋喼汁點心就一模一樣啦，喜歡去酒樓飲茶，歎番一盅兩件嘅朋友都應該會鐘意，窩蛋只是普通的煎蛋無咩特別，飯就比較乾身同硬，豉油略嫌太少，可以叫佢多汁就應該會令到飯無咁硬。雖然窩蛋牛肉飯唔似窩蛋牛肉蛋，但味道完全合格，再加上$23蚊嘅價錢相當抵，但如果食量較大可能未必夠飽。

夜晚6點左右去，14蚊四個大包超抵食，要知火車站附近x記，14蚊連兩個包都買不到。而且此包蒸熱以後的大小更是x記的1.5倍有多。雖然餡料較少，但包包仍然是非常鬆軟好味！芋頭包味道略有些假，沒什麼芋頭香味。菜肉包就非常美味。順便買埋窩蛋牛肉飯作晚餐，牛肉餅也是較另一家好食許多⋯不光餅身較厚，也不會乾巴巴的。連煎蛋也做的很好。米飯也是粒粒分明。雖然位置較遠，仍然值得幫襯

香港出名買包嘅鋪頭除咗唐記同埋包點先生其實呢一間都好平而且都好抵食除咗大家都鍾意嘅叉燒包奶皇包或者番薯包之外佢亦都有埋一盅飯例如鳳爪排骨豉椒排骨或者章魚肉餅基本上個餐牌同上述嘅鋪頭一樣但係碟頭反而係大啲咁我自己最鍾意食嘅係糯米飯一個發泡膠盒嘅糯米飯都只不過係$18比起其他店舖真係平好多而且用料都唔馬虎真係用咗好多臘腸同潤腸來整而且跑起上嚟極之煙韌完全食得出臘味如果持有學生證仲會送檸檬茶或者菊花茶就算係一支支嘅豆漿都只不過係$8 作為窮書生又或者想慳錢但係又食到飽肚嘅嘢。呢間值得推介

琴晚唔知食咩好，去左包點料理掃貨。唔講真係唔知，呢間野真係超級抵食。每次夜晚7點幾去買，就好多點心包點等住我黎掃。買左三樣野，都係28蚊。如果出去食點心，三樣野都唔止28蚊啦！真係超級抵食！雖然質素一定冇茶樓咁高，但性價比黎講，呢間贏曬！買左餃子，粉粿，同埋鹹水角。餃子好大個，入邊個料好多，好大塊肉，勁開心。食既時候仲有汁漏緊出黎。粉粿都好好味。有花生係入邊，好香。因為好肚餓，食左幾個先黎影相。其實一盒大概有三至四個，好大個，所以基本上一個人食已經好飽。呢餐好滿足，希望大圍多d咁樣既平靚正小食！下次再幫襯你！