Boring?! (黃埔天地美食坊) (Closed)

呢間位於黃埔美食坊嘅新餐廳boring?!首先佢個名同埋餐廳裝修已經非常吸睛以黑白色雲石紋做主調 加上暗暗嘅燈光同埋設有酒吧台 十分有格調食晚餐主要有三個set選擇我地今次叫左一個set B同一個set CsetB既前菜係蒜蓉包 芒果大蝦沙律芒果香甜 蝦亦新鮮 配是日餐湯 菠菜忌廉湯主菜係玻璃紙包海鮮石鍋配脆米玻璃紙包嘅用意係令海鮮嘅鮮味都留住連蒸發飄走嘅機會都唔俾佢而且溫度可保存得更好有蝦有蟹有青口魷魚蜆 每樣一件但鮮味十足 十分鮮甜 配埋脆米更可增加口感set C 前菜係蟹肉雜菌蟹蓋尺寸唔太大 滿滿嘅雜菌同蟹肉十分可口餐湯係黑松露磨菇忌廉湯 有一粒粒嘅蘑菇口感本人大愛松露味都唔會太濃而蓋過曬忌廉湯底味主菜係美國牛柳配虎蝦份量亦係唔太大 牛柳七成熟有嚼口虎蝦新鮮多膏 要讚薯菜有特別炮製過有浸好特別嘅香草味 係好難忘既味道最後兩杯餐飲都叫咗smoothie一杯水蜜桃味一杯芒果奇異果味沙冰底打得非常細滑 仲配有一件水果誠意十足！

唔知點解一直我都好鍾意食all-day breakfast,試過一日食三次all-day breakfast🤣🤣自己亦都成日自己會煮黎食🤣今日嚟到呢間見到有all-day breakfast,咁當然要試吓啦✌️✌️✌️house signature all-day breakfast(lunch set)$96呢個份量呢個價錢都好合理，仲有個湯，好好飲。👍👍再講下呢個多士，真心好食。✌️✌️✌️✌️✌️✌️同埋好得意佢哋擺設好靚，仲石碟的👍👍條腸都好長🤣🤣🤣好夠食呀，仲有個牛油果，清少少，配合想來就啱啱啦✌️✌

在黃埔嘉禾睇完戲，順道附近天地美食坊搵嘢食，都好多唔同餐廳，最後揀左Boring,想睇下到底點Boring, 原來係食西餐，都唔錯。dinner提供ABC三款set dinner,叫左兩個set dinner 1. Set B $238, 有餐湯南瓜🎃湯好滑，點蒜蓉芝士包， 前菜黑松露野菌蟹肉焗蟹蓋，都好香， 主食德國脆皮鹹豬手配酸菜蜜糖芥末籽汁，豬手皮十分脆口，配酸菜食好去油膩，仲有煎得好香既薯塊。2. Set C$298, 餐湯松露野菌泡沫忌廉湯，湯更上一層次，好香菌味，前菜香芒大蝦沙律，酸甜開胃， 主菜美國肉眼扒（100oz)配薯菜，叫左五成熟，牛扒真係要食唔成熟，肉仍好滑保持肉汁，亦不會有血水，煎得恰到好處。

禮拜六周圍都好多人食飯，想搵個舒服啲既地方食下野傾下計 ，舒緩下工作疲勞， 甘岩經過見到環境不錯，就順便Book個位，但Full Booking留左名入Waiting List。店員好好人好快就有位留比我地 =) 經理跟店員都好有禮貌 全程帶位落單食野加調味料都很仔細。開胃前菜 新鮮沙律菜加酸甜芒果沙律汁黑松露野菌湯，香噴噴，濃稠口感剛好10oz肉眼扒，一人一塊食到好飽，水準之高值呢個價錢。呢一餐食得好滿足，最滿意系個肉眼扒，火喉岩岩好，如果可以鐵板上就更好了，因為塊扒好快就凍了。

之前聽朋友講過呢間餐廳啲嘢食都唔錯，咁啱今日同老公行街 經過黃埔 就入咗呢間餐廳食啦😚😚😚行入餐廳 見到成個環境裝修都好西式 係我鍾意嘅風格 好舒服😌😌😌跟住我就叫咗一個house signature all-day breakfast(lunch set)$96一上碟 見到呢set嘢食 超級豐富😍😍😍 未食都已經流晒口水😋😋一碟已經有晒5、6款嘢食，呢一set真係超抵食 可以滿足到我嘅口味 😋😋😋好鍾意佢嘅黑松露炒蛋 味道方面真係又香又滑 滑到真係仲想叫多份🤭🤭果然係同我朋友介紹嘅一樣再嚟講下牛油果🥑 平時牛油果都食得多 但多數都係買到細細隻 但佢地既牛油果🥑係好大隻 又有口感有好味 啖啖肉😋😋😋

小編係一個非常非常非常非常鍾意食牛扒既人🤣🤣🤣正所謂重要嘅事一定要重複！！！！我是牛扒狂徒！！！我是牛扒狂徒！！！我是牛扒狂徒！！！本身喺黃埔區其實都好少西餐廳，有啲食過都普普通通，多數去都係為咗解牛扒之引🤤🤤🤤🤤🤤止一止啲口水🤣🤣🤣🤣🤣🤣因為你呢間就係要試吓佢嘅牛扒✌️✌️✌️✌️✌️✌️之後就叫左我最鐘意既美國牛柳8oz配薯菜 $228點解我鍾意食牛柳呢？因為牛柳食落去軟林林，而且可以好好品嚐佢啲肉汁，血汁，好香的。所以我就叫咗呢個美國牛柳8oz配薯菜果然，真係有水準👍👍生熟啱啱好，肉汁同血汁都係食得出👍👍加埋佢個擺盤咁靚，有啲唔捨得食，下邊配埋薯菜。好食以後要喺黃埔解牛扒引 ,又有一個好地方了🤣🤣

今日和媽咪到黃埔行街跟住就去黃埔美食坊醫肚，行過有間新開的西餐廳，環境氣氛不錯就和媽咪入去試下！入到店內服務員即時上前安排入座並介紹餐牌上的食物給我們。最後我們點了兩個套餐松露野菌泡沫忌廉湯（餐湯）松露味道香濃，飲落好Creamy😋香芒大蝦沙律大蝦好新鮮鮮甜，沙律菜嫩綠，配埋芒果一齊食感覺很清新。黑松露野菌蟹肉焗蟹蓋香噴噴的黑松露味道，加埋三種配料一齊焗，好惹味，口感不錯👍美國豬鞍扒伴粟米蓉配西班牙火腿蘆筍卷豬鞍扒很厚肉，生熟度適中，美味多汁，蘆筍卷本身沒有什麼味道但包住西班牙火腿一齊食，味道不錯👍玻璃紙包法式鮮魚濃湯海鮮石鍋配脆米這個菜式媽咪很喜歡，石鍋熱辣辣上枱，材料豐富包括有先蝦、蟹、青口、蜆和魚，集合多種新鮮海鮮精華，再加上魚湯，味道非常鮮甜好味😋再加上脆米，脆米吸入濃湯之後更加美味🤤

黃埔美食坊都幾多選擇，經過Boring見餐牌幾吸引，又想食西餐就一於試下。主要都係set，價錢豐儉由人，Set A 主要有意粉同飯，Set B就海鮮，Set C就多肉類選擇。Set C除咗肉類吸引，餐湯唔係一般是日餐湯而係蘑菇湯！Set Dinner C for two ($576)餐湯: 松露野菌泡沫忌廉湯好中意蘑菇湯blend到咁濃，蘑菇炒過再blend再加咗小小黑椒，成個湯好rich，好好飲！前菜: 香芒大蝦沙律蝦新鮮彈牙仲起咗殼，食起上黎都幾方便。而且食開沙律通常加醋，今次配香芒汁又幾夾喎。主菜: 美國肉眼扒(10oz)配薯菜成10oz都幾大塊，燒得好靚。嗌咗五成熟，咬落唔會韌，有啲根位但牛味都幾重，仲有配既薯菜都幾好食，尤其係蕃茄仔燒過，咬落好甜又爆汁。主菜: 炭燒羊鞍配煙肉薯餅拌薄荷乳酪醬三件羊鞍一樣嗌咗五成熟，食落一啲都唔騷，炭香味都幾出。羊鞍好厚肉，所以火喉掌握得幾好，食起上黎，面係有啲微焦但入面又幾juicy，唔錯。餐飲正常發揮，係飲埋餐飲之際已經飽到上心口喇，成個set好豐富。

新開餐廳做緊優惠，二人套餐好似好抵食。今日就評論一下♥️♥️香煎鴨肝伴炭燒玉桂菠蘿配黑醋醬 2客 (斧頭扒套餐）鵝肝好食，有炭燒味道既玉桂菠蘿都好正👍👍👍鮮芒果海蝦沙律 2客 (斧頭扒套餐) 芒果配海蝦，好夾👍👍👍美國斧頭扒 28oz (斧頭扒套餐）牛扒大件好食👏👍👍評分♥️♥️♥️♥️環境👍👍👍👍👍服務👍👍👍👍食物👍👍👍👍👍👍性價比👍👍👍👍👍👍👍👍👍👍

Boring?! (黃埔天地美食坊)今次去咗黃埔新開張嘅西餐廳👀今次我同朋友兩個人去 叫咗Dinner Set C 包咗餐湯、沙律🥗、兩個main同埋餐飲 餐廳嘅環境幾優雅 有一個open bar🧐 Staff嘅服務態度都好好👍🏻(問我哋嗰餐湯使唔使加Pepper、仲有冇其他需要等等)香芒大蝦沙律🥗用咗新鮮蝦 鮮甜爽口🦐芒果醬個味道唔會好假 呢個組合食落係幾Fresh既🤤松露野菌泡沫忌廉湯🥣松露同野菌味好突出😚湯偏濃味唔會過淡👍🏻蒜蓉多士幾香口正正常常 不過不失🤣美國肉眼扒(10oz)配薯菜🥩(五成熟) 肉味適中 唔會好多筋 肉質偏淋 食落去係juicy既🤤連住咗少量嘅油脂 連住食口感更好😛美國牛柳(8oz)配虎蝦(五成熟)肉味比肉眼更濃 小編反而鍾意食牛柳多啲🤤 虎蝦煎得好香(加咗少許辣粉)👀亦保留住肉汁👍🏻整體來講呢間餐廳嘅嘢食係幾OK嘅！下次都會想再試🤤❤️📍紅磡紅磡黃埔天地美食坊(第8期)1樓115號舖整體：🌟🌟🌟🌟性價比：🌟🌟🌟🌟食物：🌟🌟🌟🌟環境：🌟🌟🌟🌟🌟

今日黎到黃埔呢個美食天堂，真係花多眼亂，真係唔知揀咩好，見到呢間西餐廳個名咁特別Boring，就等我試吓會唔會拎我boring先餐廳經理非常主動，一嚟就已經同我介紹佢哋新鮮嘅生蠔，原來係有唔同嘅品種，有甜啲、厚身啲、濃味啲，實有款啱你心水，可惜我近排腸胃唔太好，生蠔我就暫時冇得食啦晚餐餐廳主力都係做set dinner，有平有貴，豐儉由人，咁我就揀一個最平既a餐同最貴嘅c餐試吓啦坐低冇耐已經有兩塊香脆嘅蒜蓉包放喺我面前俾我頂下肚先泡沫黑松露湯真係第一次試，加咗啲泡沫又真係覺得個湯滑咗，大家見到咁深色嘅都知道黑松露味一定好濃啦，最貴嘅c餐果然唔同d，物有所值以最平嘅a餐都有蕃茄湯飲㗎依兩個餐沙律嘅分別就係大蝦同埋三文魚，食c餐就有大蝦食，蝦肉爽甜呢個就係八安士牛柳配虎蝦我就叫咗七成熟牛柳，嘅顏色粉嫩，烹調嘅時間啱啱好，唔會太韌，而且牛肉味係非常濃郁蟹膏蟹肉意大利粉直情有成個蟹蓋喺個飯入邊，真係真材實料難得食西餐，梗係要飲返杯我就鍾意飲呢款芒果溝奇異果沙冰，夠晒解渴

去Boring食下午茶嘅話，lunch set 有 8 折！好抵食😍 蕃茄湯🍅係真係用咗新鮮蕃茄煮出來的，有蕃茄碎👍🏻香煎原條龍利配蒜蓉檸檬香草牛油🐟龍利魚好大條， 煎得好入味香脆可口， 煎魚功夫好巧手！👍🏻  更配有薯蓉及青豆, 薯蓉有調味，好好食！😋😋😋 All day breakfast賣相非常吸引， 沙律用了青蘋果， 紅蘋果，西芹， 牛油果， 給及非常健康！  芝士蕃茄多士兩件， 碎蛋麵包，Vienna腸，薯餅，煙肉及茄汁豆！非常豐富！檸檬茶可以走糖少冰🍋， 而且lunch set已包，唔洗加錢☺️這餐非常滿足🥰🥰🥰

今晚去左黃埔交收, 順便係美食坊食埋晚餐, 見到E間fine dining都幾多人食於是就入去試下, 餐廳環境幾大, 燈色暗暗地幾有情調!🌟野菌忌廉湯🍄🍲野菌味香濃, 入口帶有細細嘅野菌粒, 幾有口感🌟番茄醬芝士麵包🍅🧀🥖蕃茄醬酸酸甜甜, 上面仲有少量芝士幾開胃🌟Boring Sangria🍹入口果味濃郁, 店員話玉桂條要浸一陣先再飲, 擺一陣玉桂味開始愈嚟愈出, 甜甜地岩哂夏日飲🌟Kiss of Eden🍸杯身用左玫瑰花碎做裝飾, 非常精緻, 洛神花配搭香檳, 顏色呈深粉紅, 口感清爽易入口🌟黑松露野菌蟹肉焗蟹蓋🍄🦀黑松露味幾香, 配上野菌粒加埋蟹肉, 味道不錯🌟玻璃紙包法式鮮魚濃湯海鮮石鍋配脆米🐟🦐🦀🍲玻璃紙裝住魚湯, 放入熱辣辣嘅石鍋入面, 店員小心翼翼咁打開, 鮮魚濃湯呈奶白色, 好香魚味, 入面仲有青口, 蟹, 蜆, 蝦等海鮮, 味道鮮甜, 小妹揀左食完海鮮後加入脆米, 食落煙煙韌韌更有口感🌟德國脆皮咸豬手配酸椰菜及蜜糖芥末籽汁🐷豬手足料大份, 皮脆肉嫩帶油香, 沾上蜜糖芥末籽汁清新解膩!

約咗好姊妹去黃埔行街，要搵飯食美食坊係最好選擇，一段時間冇黎又轉左唔少新牌子，呢間西餐廳門外睇落感覺唔錯，價錢又夠優惠就走入去。餐牌選擇唔需要多，啱食就夠，呢度嘅二人餐有幾款選擇，揀咗呢款有羊架又有牛扒嘅， fit晒我哋口味。黑松露野菌泡沫忌廉湯，賣相非常別緻，泡沫輕盈綿密，黑松露香味十足，加上野菌嘅香味，同有特色嘅芝士多士，感覺餐廳質素唔錯！香芒大蝦沙律用上新鮮沙律菜，大蝦爽彈，肉質結實有甜味，朋友覺得芒果味道清香，我個人就鍾意味道再重少少，但整體來講都幾好。美國肉眼扒同羊鞍個都點左七食，兩樣味道都唔錯，肉眼扒肉汁煎封得好，夠入味而且食落軟諗，同最近去令一間西餐廳簡直有天淵之別！羊架有3枝咁多，有別於平常伴碟嘅薄荷醬，呢度用薄荷醬同乳酪煮成汁，又好味又有特色，而且羊架一啲都唔羶，如果骨位再燶少少就完美！不過我更加欣賞盛著羊架嘅煙肉洋蔥薯餅，同普通薯蓉相比，多咗一份鹹香同焦香味道，平時食羊架比較少配上呢款薯餅，感覺到店家嘅用心同埋誠意。五百幾蚊2位各三道菜加埋飲品，而且環境又舒服，呢個價錢真係夠晒優惠！

好耐冇去黃埔，見到黃埔開左好多新舖，今次就試下Borig?! 呢個西餐店！本人同友人分別嗌左唔同價錢嘅set dinner Set Dinner C $298 🥘松露野菌泡沫忌廉湯🥙香芒大蝦沙律🥩美國牛柳 (8oz)配虎蝦牛柳叫左五成熟，肉質厚又有口感，牛味重；配埋虎蝦，值得一試！沙律酸酸甜甜都好開胃，餐湯一上枱就濃濃嘅松露香味，本人十分歡喜 Set Dinner B $238🥘是日餐湯 (南瓜湯)🦀黑松露野茵蟹肉焗蟹蓋🐷德國脆皮咸豬手配酸椰菜及蜜糖芥末籽汁疫情前去完德國，好掛住餐餐咸豬手嘅日子；見到餐牌，即刻嗌個咸豬手試下！皮炸到脆卜卜，食果時MIX埋酸椰菜同芥末汁，德國嘅回憶番晒黎！ 最後，呢個服務態度好好，環境都好舒服。如果Relax同朋友傾下計，呢度係一個唔錯選擇