Boring?! (Closed)

屯門新開的餐廳 想說 西餐可以一試！ 坐低 叫餐 ， 食物全部一次過上齊 加上檯面勁細張， 超級吾舒服！！ 個飯發現有毛衣線頭！ 勁大舊！ 向當時估計主任以上的男人反映， 本身跟我說是蘑菇，我叫佢睇清楚， 佢吾出聲就咁收走左， 之後再過黎講 補出一個比你！ 一句對不起，吾好意思都無！。咁都算， 咁收左我套餐具都比返我用牙！ 因為佢完全無理我， 唯有叫其他員工補上一套餐具給我進食其他食物！ 之後我地食完叫飲品， 果位男人黎收起d餐具 ，吾知係咪突然啞左， 係我地檯面做手勢， 我心諗吾想收咪留比其他同事做， 如果吾係你岩岩有同我講係蘑菇， 我真係以為我要體諒你架！ 明明係你地有問題， 客人反映就比面色你睇！ 食物質素正常！

入到黎屯門搵女朋友拍拖，拍拖就係要行街睇戲食飯，咁行完街睇完戲，就要黎翻個食飯收尾做翻個good ending。不過屯門呢頭real係冇野食，行黎行去都搵唔到d高汁d ge野食兜兜轉轉就見到呢間Boring就入黎試一試。食物方面，賣相同味道都好好，賣相都好精緻，好有西餐氛圍，打卡唔錯，而味道就都有水準，十分好味。上菜的速度很快，也許是人流不算多，這樣子相對的服務也很好，店員會很迅速收走我們的盤子，食得舒服體驗很不錯。

星期五收工行到黎屯門市中心附近覓食，附近都冇乜好食，今日黎到已經七點幾，餐廳都冇咩人，坐係度靜靜地，環境坐得都好舒服。餐廳成個環境都好舒服，主要都係以白色為主，呢個顏色令到人都好放鬆，可以係度慢慢食。主食我叫左個 Charcoal Crilled Sirloin Steak 炭燒肉眼扒。肉眼扒我叫左5成熟，我覺得熟度岩岩好，切開之後好粉嫩，咬落去好好味除左d根位之外都好好、好有肉眼扒果種肉味，吃的很舒服。

夜晚行街行到攰攰哋就坐低食晚餐，估唔到幾好食！叫咗美式BBQ豬仔骨配洋蔥圈🤤我坐得近吧台，等緊嗰陣聞到陣咖啡香忍唔住就叫咗杯espresso，好文青咁嘆咖啡等食🤣出到嚟個豬仔骨肉質勁滑，唔駛用力咬落去啲肉就自動自覺入咗我個口😂整得入味又腍，加埋隻BBQ醬真係好開胃。至於洋蔥圈炸得脆卜卜又唔乾食到索索聲。個位幾闊落坐得舒服，又可以望住咖啡師沖咖啡，真係一流。質素幾好又唔貴，餐廳環境是正，值得一試

同朋友一齊行街，夜晚行到咁上下，就唸住揾間餐廳食飯，就去左boring食飯。我嗌左炭燒肉眼扒，我個Frd就嗌左牛肝菌濃汁意大利粉，諗住兩個人嗌唔同嘅可以share，因為我唔係食好生，所以嗌左7成熟，炭燒嗰陣味啱啱好，唔會話太重。個意粉都好食，個汁好正，掛住係啲意粉到，好食！係價錢上嚟講，可以200蚊以內有啲咁嘅質素嘅嘢食真心唔差，食得過。環境方面，都干干淨淨，簡潔得嚟有feel，影相都係個唔錯嘅選擇。

講番果d食物 食物質素同價錢係成正比，👍🏻食物份量都足夠，order 一個set點都夠你食飽有突。🤔🤔 Lunch 黎食真係唔太貴 一塊西冷都係130蚊有找 我呢餐lunch就叫左份 Charcoaled grilled new zealand sirloin /七成熟 塊扒雖然望落去唔算太大塊，但係其實佢好厚，切開粉嫩多汁，我比佢架起再自己rest多左陣，口感更好，入口就係我想像的感覺。雖然炭燒但係唔會食到有濃味 唔唔錯，埋單一個人150左右 食塊扒差唔多係咁 fit👍🏻

今日放學等埋男人放工就去試新餐廳，坐係餐廳睇住世界盃，嘆花茶！餐廳以白色木色為主調，仲有乾花做裝飾！啱曬女人打卡！🔸流心蛋卡邦尼意粉🔸賣相OK，但味道偏淡，問左待應加黑椒，味道好好多！🔸豬鞍配薯菜🔸平時出面食既豬鞍通常都好un，今次呢間煮得啱啱好，囡囡2歲都食到！薯菜有薯蓉翠肉瓜、紅蘿蔔🥕、無皮3/8薯條🍟！🔸荔枝玫瑰芝士蛋糕🍰🔸值得讚，清香清甜，蛋糕質感唔會好實，有少少貴要$55/件，但值得試！🔸蘋果花茶🔸正常有果粒既花茶，配 楓糖漿 先好飲！如果有埋 蠟燭座 點著飲，打卡會好睇d!

這一間餐廳個名都幾盞鬼,竟然會叫自己做boring,所以令我對佢印像都幾深刻。嗰日lunch time放飯,就去咗試一試呢間嘢,叫咗一個香草蜜糖南瓜燒雞沙律,以及一個小食炸洋蔥圈(我真係好鍾意食洋蔥圈),D食物一上到嚟,嘩!簡直不得了嗰個燒雞輕輕用刀叉一切,啲肉汁同油分就係咁流曬出嚟,外層嘅雞皮脆卜卜,但係裏面嘅肉就啱啱好熟,所以特別嫩滑,再加上本身蜜糖配燒雞呢個組合就已經係絕配,至於佢嘅洋蔥圈脆漿好薄,入面啲洋蔥就好飽滿,令到洋蔥嘅風味好突出,令人食完仲想再食

Boring 餐廳入面嘅菜式一啲都唔Boring !今次我就嚟試下佢哋嘅三重奏,可以自己揀唔同嘅配搭,有一個Salad ,一個S. Bite,以及一個main dish,而係每個種類入面,都總共有六個款式畀你揀,我就揀咗個蟹肉青瓜薯仔沙律,日式蒜片牛柳粒,以及溫泉蛋卡邦尼意大利粉,個沙律份量一般,不過味道幾好,青瓜好爽脆,至於嗰日式蒜片牛柳粒,蒜片脆卜卜咁好香口好惹味,牛柳就唔會太熟,都唔會好難咬,溫泉蛋卡邦尼意大利粉上面隻溫泉蛋一流,一啲腥味都冇,仲有少少甜味,意粉軟硬適中,每一啖都掛滿醬汁!

呢一間嘅餐廳名幾特別,餐廳入面嘅座位都算多,唔使話驚排好耐隊。咁去得食飯,最在意一定係佢哋嘅食物質素,我嗰日去就係食咗一個lunch set嘅,比較有趣嘅係,Lunch set menu上,竟然有一個叫全日早餐嘅選項,我成日都諗全日早餐仲算唔算係早餐咁我自己嗰日都幾肚餓,叫咗個西冷扒配薯菜($138),仲有送餐湯同嘢飲。牛扒我叫咗5成熟,一刀切開入面係鮮嫩嘅粉紅色,外層焦香內裡軟熟,牛扒嘅質素唔錯,薯菜就普普通通冇咩特別。不過老實講佢嘅價錢真係一啲都唔貴,食物有咁嘅質素,性價比真係好高

呢幾日個天氣突然變凍，懶得係屋企煮飯食，咁就出街食，行下商場行行下街就見到呢間boring係新城市廣場入面。見到佢哋裝修都幾靚，主打白色，雖然係open area，但係d檯檯凳凳都好鬆動，做得好舒服，唔會有擁擠感。main set 叫左個 Abalone and seafood risotto in claypot 海鮮煲仔飯，雖然佢中文叫煲仔飯，但係英文寫risotto，不過都唔緊要，上到黎 熱辣辣，岩曬冬天食😋😋買單200鬆d 可以接受 抵食

Boring?! 😵晚市精選組合套餐(B+B)(💰268)(B+B)係兩款Section B 套餐+ 一款小食🤣好似幾抵就走咗入去食🤩📌美國特級牛柳(8oz)拼帶子🍖(原價💰168)牛柳叫咗5成熟超嫩好淋🤤想要咩醬汁都可以問店員拿👍🏻配菜有紫薯蓉🍠同番茄🍅，紫薯蓉甜甜地好綿🥰，平時西餐都少用紫薯蓉，都幾特別🤣帶子熟度啱啱好，入面唔會凍同韌🍴📌安格斯肉眼扒(8oz)配薯菜🥩(原價💰168)肉眼扒就無咁嫩🧐有少少韌，但都幾有牛味🐄，仲好大塊😍📌蜜糖蒜香雞翼(原價💰45)一開始無睇清楚餐牌😂以為係乾身脆個種雞翼🍗食落甜甜地，蒜香味好濃😽餐廳服務超好🥳上完菜會問落唔落黑椒，仲會幫你落埋😳大理石枱好靚，坐得幾舒服!!帶個頭盔評高低🎈🐾🐾🐾🐾~5🐾為滿

話說收工去屯門玩射箭前又約老友食個飯先，呢間餐廳好處就係位置可以望到屯市既大電視睇世界盃，就諗住一面睇波一邊食飯，位置贏晒很享受。門口都有位男侍應(應該係店長)好熱情咁介紹餐廳食物，入到去坐底都再有介紹餐廳既熱門食物，佢推薦2款意大利飯，但我同老友都對牛扒有興趣d，就點左牛黎食，晚餐set已包埋餐湯同飲品，要特色飲品再另加錢。雜菜湯落單後先黎個餐湯，今日係雜菜湯，湯既雜菜都算幾多，仲有少少煙肉帶點咸香，味道算可以，但缺點係個湯唔夠熱，暖暖地，扣分。蒜蓉香草炒野菌跟餐加$28既餐前小食，蒜蓉味幾香，唔會過重突顯到野菌既香味，幾唔錯。炭燒牛柳拼大蝦呢份牛柳有幾個問題，牛柳揀左5成熟，其實都超過7成熟以上，同埋本身個牛柳唔係靚，無乜油脂食落幾韌，再加上無乜調過未，肉味都好淡，另外我覺得烹調方法唔似係完全炭燒或煎，我懷疑係預先煮熟左再後煎，所以落舊肉熟得黎又唔會話柴，但就比較韌，都因為咁控制唔到塊牛5成熟，都超過7成接近全熟，大蝦就算幾好，肉質幾實淨有少少調味都食到蝦味，另外跟薯條係粗薯，都算新鮮炸夠熱。炭燒肉眼扒老友揀既肉眼扒7成熟，烹調方法都係同樣問題，佢既7成熟更係全熟咁濟，呢間餐廳d牛

見到市中心有新餐廳，緊係要試下，去到都唔算太多人等5個no.就到，等既其間可以睇下餐廳外既menu，有3course既set同lunchset選擇。我地叫左兩個lunch set，一個係炭燒西冷牛扒，一個係魚拼帆立貝鮮魚汁意大利飯。首先黎左個餐湯係蘑菇湯，入面有粒粒蘑菇，菇味好香，口感亦好滑，但忌廉味唔會好重，唔會太膩，好好味。跟餐黑松露醬薯條 $38緊住睇左個跟餐既side dish 就係黑松露醬薯條，薯條好脆，炸得好香，亦唔會有油益味，而且熱辣辣，係推薦既。另外，餐廳唔些會提供黑松露醬 ，仲有蕃茄醬選擇，醬既味道就同其他餐廳差唔多，黑松露醬偏向沙律醬既味道。炭燒西冷牛扒 $128跟住黎左個牛扒，我叫左5成熟，牛扒旁邊有d菜沙律同薯蓉，薯蓉好細滑，薯味就唔重，偏向比較牛油多d個種。一將個牛扒切開，中間紅紅地，唔會太多紅水，睇得出係偏亁，一食落去真係好亁，完全冇牛油脂既味😩，係有d炭燒既香味，但食煎牛扒就係要睇牛本身既質素，所以點補救都補救唔到，唯一個牛可以讚既地方係冇根。魚拼帆立貝鮮魚意大利飯 $98魚係室溫同偏硬，帆立貝係個種冷藏裙邊個種，會有dd韌，個飯就冇咩味，仲要好淋，所以唔

我和女兒都喜歡嘗試新餐廳，於是我們選擇光顧了這間餐廳，甫入內已經覺得侍應服務態度不太友善！難道我們不可以選擇自己心儀的座位嗎？我們想坐的位置，因為尚未清理，我們便向服務員表示想坐那個座位，示意他過來執拾，但他很沒禮貌，也很不願意替我們服務。之後我們坐下來，又沒有服務員遞上開水給我們，但我們見到鄰近的枱也有開水的，為甚麼我們要被服務員漠視呢？至於食物質素方面，味道偏向太濃味，甜品選擇也不多。