新樂富美食 (Closed)

今日翻北風好凍，同同事經過長沙灣，見到他們提供兩餸飯。排完隊 食佢哋嘅冬菇豬皮魚蛋，豬皮好爽，又有texture,口感非常好。冬菇好有冬菇味,配上肉汁以及絲苗白飯,簡直人生一大享受。絕對推介。他們提供有味靚湯, 西洋菜豬骨湯, 個湯好濃, 適合我這類運動人士。西洋菜好新鮮, 簡直同阿媽煲嘅一樣。我一直遺憾, 裏面好細坐得好唔舒服, 而且沒有暖氣開放。希望老闆可以研究下, 擴大室內面積。另外可以提供豆漿,或可樂就最好。

久久無返娘家，遇到呢家做幾餸飯嘅店，價錢好相宜，味道完全係小時候喺深水埗讀書時食到嘅區內味道～得閒要多返嚟走走。難得找到從前嘅味道。下次來要試下焗魚腸，非常大份，一個人食實在有點多。

上次喺度寫左第一篇食評，評左佢地嘅洋葱豬排飯…… 今次又係我啦，呢度就好似係我嘅世界咁，得我一個評……（利申：我同呢間店完全冇關係架！） 豉油雞髀 都算大隻，六吋倒啦，我去皮食，好明顯見到一層層嘅油流出來 食落有d「鞋」，證明佢煮熟，我最怕出面d雞髀唔熟， 咬到底仲見血嗰d，食完會肚痾架！ 味道啱啱好，豉油唔會太鹹，唔似美心快餐嗰d，鹹到好似用豉油浸左成年咁，連d骨都醃到鹹晒，次次都要外賣番屋企，用熱水浸完先可以食！ 單買隻雞髀當下午茶都ok，當飯就略嫌太寡，我會建議大家喺旁邊嘅「陽光豆漿店」，或者附近嘅「包點先生」買個饅頭，又平又夠飽，當lunch一流！

平時媽咪唔煮飯嘅時候，佢都會喺呢度買即食餸，其實味道幾好呀，附近又旺，所以我都唔明點解一直都冇人寫食評？？？ 不過咁樣仲好，我可以做第一個食評人呀嗎！ 洋葱豬排：淨餸$22有約十片，單餸飯$20有約五片 咬落好林，一d都唔「鞋」，好似落左好多鬆肉粉咁，睇下你地鍾意好味嘅口感定係要健康啦！ 豬排通常浸滿芡汁，個汁都幾甜，ok，略嫌濃左少少，不過街外嘅餸就一定冇喺屋企咁清淡架啦！始終佢地講求色香味俱全，而媽媽追求嘅係全家人健康…… 洋葱同豬排嘅比例啱啱好，不多不少，唔會搶左d味 白飯食得出係大包米，乾身的，不時咬到硬硬的一嚿 所以呢，我建議大家喺度買淨餸，一個淨餸滿滿一盒，自己返屋企煮飯，夠2個人食…… 但單餸/雙餸飯中，有半盒係cheap cheap嘅白飯，只夠1個人食，冇咁抵！