麵包秀 (德興大廈) (Closed)

近日確診人數激增，節日飯局唔係取消就縮減，上週為姨丈慶生嘅蛋糕都唔敢一早訂定，結果等到食飯當日先喺公司附近間「麵包秀」揀咗個現成嘅。源自台灣嘅西餅店寬廣企理，除咗麵包之外，透明玻璃雪櫃陳列出不少原個及件裝西餅款式。一人身兼多職嘅收銀姐姐友善且效率高，選定蛋糕迅即以餅盒及紙袋包裝好。薄荷之戀（$198）：粉綠色嘅薄荷朱古力蛋糕鮮麗奪目，配備嘅金色蠟燭亦好高雅，美中不足就係店子冇提供即場唧製朱古力生日牌嘅服務。層次分明嘅朱古力蛋糕鬆潤甜美，混入脆脆嘅朱古力碎成功增添口感，薄荷味忌廉清新芳香得很。連鎖餅店「麵包秀」光鮮企理，服務優良，誠意推介清新可口嘅薄荷朱古力蛋糕「薄荷之戀」！

每次行過... 總係俾d麵包香吸引住!😆😆😆隨便入去行一轉... 已經揀咗成盤麵包!🤭🤭🤭💢海苔芝麻肉鬆包 $20 (海苔、芝麻、肉鬆)💢風味芝士 $9 (芝士片、芝士條)💢香蒜條 $12 (蒜泥、巴西里)💢香蒜哈姆 $9 (蒜泥、芝士粉、芝士、火腿)💢牛角包 $25一包基本上... 全部都好夠牛油香... 味道濃郁... 麵包夠軟熟新鮮... 非常好味!唯獨牛角包比一般坊間嘅咸咗少少... 雖然係ok嘅... 不過減返少少咸... 應該會令牛油味更突出!

平時都好鍾意食尼度既藍莓撻..上層係軟芝士..下層係比較實小小既..口感👍🏻👍🏻👍🏻三十幾蚊一件既質素尼講..真係算唔錯😋朋友另外叫左個蛋糕..有繽紛樂…😂又有綿花糖..都好好味..下次會再試下其他口味😁

呢個包好軟好香，食落係pizza既味道，入面充滿一粒粒芝士，十分好食。佢面頭有好多白色的粉，從袋中拿出來時要特別小心，如果唔係啲粉就會周圍都係。這個包的售價是$30（5個）。

每次經過旺角，或者銅鑼灣都會忍唔住去搵麵包秀出來，因為覺得太好食，所以每一次都會去買，尤其最鍾意佢哋一袋五個的餐包，裏面都有好多餡料，覺得唔錯。以前覺得呢間麵包幾好食，尤其以前最初佢哋出歐包，覺得有好多餡料，覺得幾好食，可惜而家已經唔係幾好食，退步咗好多！今次我都係買佢哋一袋5個的餐包，$28/5個，價格還可以，因為佢哋裏面有好多餡料，朱古力包裏面都有好多朱古力，我哋就係最鍾意佢哋夠多朱古力，不過好可惜今次食覺得好失望，麵包不再鬆軟，好死實。以前分數係滿分5/5 ，而家只係得3/5，純粹因為佢哋餡料夠多，不過麵包來講就比較差

我呢啲澱粉質控，見到麵包就失控，一定會買，所以每次經過麵包秀都會忍唔住買啲包，唔係貪呢度啲職員好，呢度啲職員其實冇乜禮貌。只係喜歡呢度啲麵包都唔錯，價錢唔算好平，不過勝在款式都算幾多，質素中常，唔係話極好食，普通中上啦！一般來講都係嚟呢度買佢嘅朱古力包，因為覺得餡料比較多，多數都係買$28一袋，有五個嗰種，不過今次我改變左，我買咗佢哋嘅雜錦版，兩個綠茶紅豆，兩個朱古力，兩個芝士。朱古力嘅幾好食，都有買開！綠茶紅豆餡就普通，因為個紅豆餡係有年糕咁樣，好哽胃！芝士嗰個有啲不知所謂，得兩粒芝士仔喺中間，等同冇餡料，令一個仲搞笑，外面係白色，以為佢係芝士，點知原來係紅豆餡=_=⋯職員又話白色係芝士餡嘅⋯衰在我食完先記得影相

這天因為忙著有事，錯過了午餐，肚子瘋狂在打鼓，回家路上，走過麵包秀，忙不迭買兩個麵包頂肚。一個叫作微笑乳酪，麵包的鬆軟度很高，不會過硬，內裡的乳酪餡充滿奶香，整體不是太甜，吃完會不會微笑不得而知，但食後感的確是非常滋味。一個叫作枸杞，除了真的有枸杞之外，更有果仁、提子乾之類的物體。此包亦沒有過份的甜，塗少許牛油香味更為突出。順帶一提，兩個包翻叮後都沒有太乾的狀況出現，而且頗大個，實為頂肚上佳之選。

I had this matcha bun for breakfast this morning!The matcha flavour of the dough is quite mild actually. As a matcha fan, I’d hope it to be richer.But the filling of the bun is delicious! It’s mochi with mashed red beans, which absolutely can’t go wrong with matcha right?

通常大集團嘅麵包都唔會有咩特別，但係灣仔呢間「麵包秀」就有好多特色嘅蛋糕同埋麵包，今次見到有一袋五個嘅combo ($28)，總共有三隻味，除翻開都係$6多啲一個，價錢唔貴，又店長推介，一試無妨！➡️ 抹茶餐包 ⭐️⭐️⭐️💫比較淋身嘅麵包，內裏有紅豆蓉同麻糬，抹茶味唔係太重，但整體唔錯！➡️ 巧克寶包 ⭐️⭐️⭐️💫超濃郁嘅朱古力包，用可可粉同朱古力製成，食到香濃嘅朱古力味。雖然返到屋企食唔到佢流心，所以下次一定要等佢啱啱出爐嘅時候再買！➡️ 一粒栗 ⭐️⭐️⭐️入面有栗子餡，同樣係冇流心，我認為抹茶同巧克寶包較為出色。麵包秀地址📍: 灣仔軒尼詩道396-416號德興大廈地下.............................. 味道😋: ⭐️⭐️⭐️抵食💰: ⭐️⭐️⭐️💫

前兩日大食妹經過麵包秀, 就入去揀返幾個麵包做第二日嘅早餐麵包秀嘅麵包選擇好多, 有咸有甜, 有素有葷, 總有一款啱你口味<蒜蓉包>大食妹至愛邪惡嘅蒜蓉包麪包四面都搽上咗蒜蓉牛油, 蒜味十足麪包柔軟但又煙韌, 幾有層次感, 超級出色<金沙奶皇>金沙奶皇同蒜蓉包嘅麪包口質明顯好唔同金沙奶皇係鬆軟嘅, 外面灑上左少少糖霜－啖咬落去, 流心奶皇多到噴發, 奶皇嘅奶味偏重, 食落有沙沙嘅口感<枸杞>屋企人就揀左個比較健康嘅枸杞

經過銅鑼灣我都會嚟呢度，睇吓有冇新出嘅麵包，呢度嘅麵包款式比較新穎同埋特別，所以我個人幾鍾意，我最鍾意嘅就係佢嘅朱古力包同埋抹茶包，佢嘅朱古力麵包真係做得好出色，有流心又有唔流心，我最鍾意食就係佢嘅流心麵包！

呢盒係半熟工房嘅半熟芝士蛋糕，其實之前食過好多次，最近再食，感覺煥然一新。打開個盒佢哋一個個咁並排住，細細個的。蛋糕係軟軟地嘅芝士再加蛋糕底。啲芝士有乳酪再加芝士味，味道唔濃嘅，係輕輕嘅淡芝士。蛋糕並非流心，只係軟滑芝士。要凍食嘅，唔是會融曬喔。

今日買完個包喇。。。見到有銀髮族想入去避一避出面嘅示威活動，店員竟然唔比入!!!!有冇搞錯呀，唔好話人地過門都係客，你地d員工咁對老人家，以後仲點買黎食呀?好好地一個brand,就咁俾員工破壞左喇!咁嘅服務質素，食埋呢個包以後都唔好再搞我喇!!作為街坊，有時路過都會買，唔係見你咁差都費事寫評語，平時都只係睇，今次我就要指出你咁嘅服務質素，無論食物質素有幾好都補唔番㗎!價唔平但我買嘅係質素，質素呀!明唔明呀?

話說我一直有幫襯開旺角嗰間，知道原來銅鑼灣有分店，就放工專登行去買。點知入到去揀麵包，職員叫我：借借呀！好啦，我行開啦，佢又行過黎：借借呀！仲將d麵包碎掃落我度，我已經好嬲😡但因為應承左屋企人買麵包，唯有照買啦，我買左1袋方包，加4個細包，竟然話唔比膠袋我！仲態度好差咁話：5毫子喎！我真係未試過咁嬲！冇下次！

如果同人講話自己鍾意食包 感覺都幾瘀吓 但係真心 我真係好鍾意食包😂當然要係有qua嘅bellbell naa原來係台灣嘅泥嘅手工麵包 軟歐包!!which means係軟稔稔煙煙靭靭嘅質感 love it love it!!一直都好想試髒髒包 一入到泥見倒佢就即buy!woooo外面係脆皮朱古力一咬落去戈吓 外面個脆皮跟住我排牙一齊陷入 可想而知個包包係幾soft 個脆皮係幾flexibleoverall個朱古力味好!濃!烈!!! cocoa powder幫倒好多手包包十分軟 但又保持口感同彈性一路咬一路食都感覺好幸福😇P.S. 越食越髒 真係要小心啲😂下次要再試多啲其他包 勁多款🙊麵包秀髒髒包 $22📍灣仔分店