麵包空間

Open Now

Now Closed

筆者的親戚住在何文田，所以順道在愛民邨買了一些麵包，和親戚一起享用，也買了一些麵包，一邊上班一邊吃。當天，有不少區內的老友記和居民來買麵包。麵包的價錢由個位數至十多元不等。店舖內設有麵包工場，麵包即日新鮮製作。📌紫薯一丁 - $8這款麵包採用日式湯種製作而成，口感上更為有彈性鬆軟。先將紫薯去皮，原個蒸煮後再加進麵包內。麵包已預先獨立包裝，方便又衞生。📌加配凍奶茶 - $12自家製奶茶的味道頗為不錯，奶和茶的比例平衡。輕輕呷一口，茶味回甘不苦澀，適合筆者一邊聊天，一邊喝。📌蒜蓉芝士法包 - $20店內的芝士系列麵包也是頗為不錯，值得一試。芝士法包的份量頗為巨大，筆者和親戚將麵包切開，大約能切成七至八片，兩至三天的早餐也夠吃。蒜蓉和芝士份量充足，幾乎每一口都能吃到蒜蓉餡料，味道不會太過單調乏味。📌開心果金莎 - $18一份金莎約有四粒，盛載在一個頗為精緻的包裝袋內。金莎朱古力的味道不會死甜，而且開心果仁的份量充足。Bread Space （愛民邨）📍何文田忠孝街60號愛民邨頌民樓地下1至2號舖

何文田隱世麵包舖❗️❗️❗️MU既同學生有福啦🥳竟然有間咁出色麵包舖係愛民邨，大家可以放break 去支持下呢間溫馨小店😚😚佢哋整麵包嘅工場就係喺舖頭入面，全部即場新鮮生產🧑‍🍳🧑‍🍳，而呢間麵包舖入面嘅所有麵包都係用日本麵粉做🇯🇵雞尾包$8佢嘅雞尾包入面餡料好足👍，每一啖都有豐滿嘅椰絲😆芝士薄燒 $10外型成個pizza 咁大塊，口感較為鬆脆，性價比極高，又好食又抵食😋大板木魚燒$14佢係一款湯種麵包，麵包唔單止有彈性，口感仲特別柔軟🫶🏽，麵包上面有大量既木魚絲配上麵包入面嘅火腿椰菜同沙律醬，真係好似大板燒咁✨✨芝士火腿牛角酥$14呢個牛角酥焗得好好，十分鬆脆又有牛油香，配埋芝士火腿真係perfect match🤩🤩自家製奶茶$14係好絲滑嘅奶茶，係地道茶餐廳嘅味道🥰🥰 🇭🇰

上次同事買咗呢度嘅餃子包，我覺得勁好食，所以今日我都特登過嚟自己買定啲過嚟俾屋企人食！呢間麵包舖喺何文田愛民邨入面，舖位其實都幾大，最主要係佢後面就係麵包工場，真正嘅新鮮出爐！呢度其實都好多選擇，我行完一陣之後就決定要一個車打芝士吐司，因為媽咪超鍾意芝士，所以佢一定會鍾意食呢個做早餐，拎上手好有重量，但係手感都好鬆軟，相信用上日本麵粉整嘅，都唔會差得去邊，真係好期待！之後就到我特登嚟買嘅湯種系列麵包餃子包！本身以為咁快賣晒，嚇親我，點知原來收藏咗喺角落頭仲有兩個剩，即刻全部買晒！食完之後真係愛上湯種麵包，好濕潤好正！佢個外型咁似一個餃子，用嚟打卡絕對好吸睛！呢度嘅自家製奶茶都唔錯，好滑好香濃！

食完晚餐路過這間隱世麵包店，聞到店外飄香麵包，又做着萬聖節優惠推廣，於是走入去一探究竟打算買些麵包做早餐，掃視了一圈，環境相當開明乾淨，透明箱抹得靚蠟蠟的，又看到內有麵包烤場新鮮製造，場外還有立牌掛著是日本麵粉製的，當場想買來試試看。眼見款式除了常見麵包外，還會分為芝士系列及湯種系列麵包，相當講究，查看了麵包櫃上的種類，發現這間店對芝士的運用原來相當資深，幾乎每種芝士麵包，都配有不同的芝士品種及麵包類型或餡料的配搭，看來值得吃吃看，於是決定買了這3個包及奶茶來做早餐了！流心芝士包：芝士質地微甜流心，活像芝士味的麻薯嫩滑感，綿綿而厚重的忌廉芝士感會整個漿着嘴巴，與軟熟的法麵質感非常匹配餃子包：食得出是顆粒狀的忌廉芝士醬，由空氣感十足的軟熟麵包夾着芝士內餡，看不出來實際每一啖亦充滿美味的芝士醬，相當健康的感覺。煙肉車打芝士包：由巨大但軟熟的法包卷着車打芝士粒及煙肉，煙肉份量很多，薄切再微微烘烘表面，口感更佳。自家製奶茶茶底濃味突出，是相當嫩滑而細緻的自家製奶茶，足夠新鮮，與麵包一起食用超匹配醒神。

去何文田練車好肚餓，搵到間溫馨小店麵包鋪，款式都幾多下，都幾隱世下，算係驚喜發現! 佢地整麵包就係喺舖頭入面，新鮮生產，我見佢POSTER寫係用日本麵粉做，我見 芝士系列同湯種系列都幾吸引下，買左芝士薄燒，好鬼大塊，好似PIZZA甘大， 口感好香脆，食落係用馬蘇里拉芝士，好JUICY。 湯種包口感仲好柔軟，麵包好有彈性，紫薯一丁 係用左新鮮嘅紫薯蒸煮過，唔甜岩岩好，仲有一款好正口感幾特別，係大阪木魚燒，真係木魚燒味黎存， 係佢自己煮嘅木魚燒燒汁再加木魚花，好香好似食緊大阪燒甘

前幾日係何文田一帶打完波🏸🏸走果時好肚餓😳所以諗住係附近搵d麵包醫下肚😆😆哇！原來何文田有呢間隱世既麵包店🤩呢間麵包舖入面嘅所有麵包都係用日本麵粉做。佢哋整麵包嘅工場就係喺舖頭入面，全部即場新鮮生產，同坊間部分麵包店會喺工場買貨再運過嚟舖頭賣有唔同。仲發現佢地有不同款式既芝士🧀麵包，即刻買番幾個食下先✌🏻✌🏻❤️煙肉車打芝士條＄12份量十足既芝士條😁入面既煙肉同芝士🧀係絕配，毫無違和感！❤️日式蟹柳 ＄12個蟹柳既新鮮味，同平時食既完全唔一樣，好有一種香噴噴既感覺🤩❤️凍哥斯達黎加精品咖啡＄15平時飲開濃味既咖啡☕️今次轉下口味，估唔到有驚喜！飲落既味道有少少似鴛鴦🤪❤️菠蘿包 $5.5 好大個菠蘿包🤩外層超級鬆脆，好有口感，連打卡都係一流😁❤️岩燒忌廉芝士包 $15入面既芝士🧀好足料😆食落去有好濃郁嘅芝士味！ 芝士味唔會令人覺得酥，好易入口✌🏻超級推薦去呢間幫襯下佢d芝士🧀包🤪

今日開車經過何文田，發現有間隱世溫馨小店一定要推介比大家，d 麵包超新鮮，超好食～其實都係因為麵包工場就係喺舖頭入面，所有麵包都用上日本麵粉，真正嘅新鮮出爐！今日都買咗好幾個包，全部都真心勁好食！流心芝士法包用上自家製忌廉芝士醬，芝士好creamy好滑口，我食之前放咗入微波爐一陣，流心效果更加突出。之後見到有湯種系列麵包，所以一定要買來食，因為我好鍾意湯種麵包好濕潤嘅口感。今次要左紫薯一丁同餃子包。紫薯一丁係用新鮮嘅紫薯蒸煮過，好香濃。餃子包外皮好q彈，絕對係我食過最高質嘅！而且外型真係好似一個大餃子咁樣，勁得意！最後都要咗一樽奶茶，茶味好香，完全冇苦澀味，奶茶亦都好滑，正！到俾錢嘅時候見到如果係小朋友買包，更加會送萬聖節糖果，真係好有人情味！

呢間「麵包空間」係最近愛民邨新開張嘅,今次試左佢兩樣產品首先係四重芝士包,芝士味道香濃醇厚,竟然唔會太油膩,反而好似融化咗咁,簡直就係芝士控嘅天堂!包皮更加酥脆鬆軟,令人食完都想再食。而另一款蛋沙律牛角酥就更加令人驚喜!酥脆嘅外層包住咗一層層雞蛋沙律,入口即化,蛋香同芝士香交織,真係好滋味!佢仲有新鮮出爐既麵包，師傅會大叫邊款麵包出爐，即食熱辣辣超正啊！下次有機會再去試吓其他麵包先佢好似不定期都有新款麵包出😬😬

話說早幾日晏晝同個老友經過何文田愛民邨，見到有間麵包舖，見到個舖面都非常企理，就入去八卦吓，點知有驚喜。你哋有冇見過或者聽過有種包叫做「餃子包」？小弟孤陋寡聞第一次見，仲特登去請教Google大神添。既然未見過，就買番個嚟試下。一啖咬落去，入面係有好豐富嘅忌廉芝士，因為個包本身係比較軟身，配合埋忌廉芝士簡直好味到不得了。價錢又公道，咁足料都係講緊$14，都真係好均真。至於點解個麵包嘅質地會咁柔軟同埋有彈性，我估計同佢哋嘅麵包係用咗「湯種法」製作有關係，因為我喺舖頭入面都見到唔止一次出現「湯種」呢個字眼。等我再一次問咗google大神之後，我先知道原來「湯種法」係一種日本傳統嘅烘焙技術。運用呢種技術，麵包嘅水份會增加，亦都會令到質地更加有彈性同埋柔軟。原來係用咗特別嘅方法炮製，怪唔知得同平時食開嘅麵包有咁大分別啦。我老友仲搞笑，見我食得咁滋味，即刻掉番轉頭話要買番個試下。佢食完之後都非常認同呢個「餃子包」，仲買多兩個俾屋企人試吓，知你錫屋企人啦老友。