麵包樹咖啡屋

Open Now

Now Closed

2020.6.24 (三)疫情下, 一個人找午餐的地點真是很艱難, 有單丁位但係對面又係單丁人士。 厘間麵包樹, 雖然好細間但防疫間格做得非法好。 客人不多, 隔離食店已爆滿, 這裡仍然大吉。 被編到最入的座位, 很乾淨, 眼睛已燒豬脾的圖片吸引了, 也沒有心去研究其他食物, 當然要點就點啦！ 意想不到的燒豬脾很入味, 食到最尾個一啖<依依不捨>, I'll be back!! 可惜的是好味的奶茶, 被紙杯拖下了心情, 下次自携奶茶杯, perfect!! 今次60蚊都好抵

12點放飯。 灣仔食午餐, 要等位唔好預我。 這小店因為無咩人夠清靜, 應該好快手, 都在預算時間內進食及離開, 服務員欠缺醒目, 叫我入座才order, 其實正確係(1)門口order取牌仔(2)服務員探熱及安排座位(3)放牌仔在檯~有人送餐。講返豬脾薯蓉餐, 無睇價錢=因為見到豬脾2個字就想食, 叫服務員落order佢先話~出去買飛。 出去買飛先知連飲品60蚊(價錢合理), 炸豬脾係硬身但入味<唔錯>。 薯蓉<正常>。 奶茶<合格>。 整體80分。

今日你灣仔放lunch食飯，去左麵包樹咖啡屋到食。其實係灣仔番左一段時間，都冇發覺有呢間餐廳...外觀就同一般西餐廳無異，入面好似有10張4人枱左右...一坐低梗係望menu(唉，又忘了影），都好多野食揀，飯、意粉、all day breakfast、三文治等等...我最愛嗌左個咖哩豬仔脾食同凍奶茶...個賣相幾好，味道方面係有點喜出望外咖哩不太甜/辣，豬仔脾有3舊，夠入味，飯既份量又夠係杯凍奶茶不夠飲，偏少總括而言，呢間不錯會再去，今次食左$63...

喺灣仔食飯想食得健康啲，唔想餐餐大魚大肉今日去咗麵包樹到食叫咗個健康餐，吞拿魚沙律三文治🥪<吞拿魚沙律三文治$40>真係要沙律三文治大大份，唔好以為晏晝食飯會食唔飽，佢個份量真係可以食得好飽吞拿魚沙律三文治裏面有好多山菜同埋蕃茄，都算幾健康不過講真身材就唔係好新鮮啦，乾爭爭有少少泛黃，蕃茄切到好厚冇咩誠意喎不過灣仔食飯$40算係咁啦

呢條行有間好出名嘅燒臘舖，但係我反而俾佢旁邊一間西式快餐吸引着。深紅色嘅牆紙吸引了我，坐低面向門口街外卡座上，有位差不多80歲嘅阿伯放下餐牌，意粉焗飯非常精緻，阿伯指示了我向枱面收銀阿姐點餐。四周氣氛，餐廳夥計，地道西式快餐，繁忙灣仔街上傳來嘈雜聲音，阿伯老街坊熱情招待送來碟頭茄汁煎雞扒意粉，坦白講幾美味，雞扒鮮嫩唔乾身，煎得夠金香，醬汁唔咸，蕃茄味幾濃厚。熱咖啡卻差少少，苦帶着酸味。我想應該叫奶茶，這裏有種街坊Cozy時嘅感覺。

話說放假經過灣仔，發現呢間好質素餐廳佢啲早餐唔過$30的，對比今時今日既早餐，仲要係港島區，仲要包飲品，真 係 超 值！(如果不配飲品仲可以減$4)但如果第一次黎，可以試下佢地既奶茶，作為奶茶控既我覺得不錯)呢度點餐方式係門口Cashier點完，有點似快餐店，再找個位置等員工送上食物香腸煎雙蛋配鮮茄濃湯通粉 $32鮮茄濃湯仲有啲蕃茄蓉，不是普通的蕃茄湯底仲有係配烘過的多士，無論價錢/食物都比一般茶餐廳有誠意的

久違既🐷仔脾呀！😳好耐以前黎食過覺得佢既🐷仔脾好好食所以今次突登舊地重遊食番次睇下質素如何結果都無乜令我失望既咖哩汁依然好香夠濃配埋扁意粉食一流👍🏻🐷仔脾有三大隻份量算多都入味唯一挑剔係燶左少少搞到肉有啲乾身😂燒既時間少番陣就完美

話說呢輪好想食得健康啲 行過見到“蕃茄濃湯“ 四個大字 於是決定今朝去食個早餐試一試! 真係幾濃。雞扒對我就覺得佢烤得剛剛好，蛋都炒得幾滑，焗豆就唔提嗱，咖啡就唔啱我，凍檸水，檸檬幾鮮，冰粒幾冰，都ok嘅，服務不過不失，都小許nice,不過係配撘方面幾用心，例如係跟唔跟餐飲，攞走同係堂食嘅價格，要細心睇先睇到點優惠，未食麵，通粉還可以，可以試多次，係座得迫d,無計旺區。

12:30先放飯，尤其是呢排落晒雨，係灣仔食飯真係好難搵位，見佢有位即刻入啦~佢嘅午餐賣相都幾靚，食物嘅質素一般啦，但佢嘅價錢係灣仔來算，包飲品可以做到$50以下，都算對得起它的價格。其實佢都有幾多款式嘅午餐，中式西式多有。不過佢呢度選好食物之後，要自己行返出去落單俾錢，有少少麻煩，但平小小嘅價錢，都係要做返小小嘅野嘅。記得比完錢要攞返個號碼牌，唔係佢叫Number嘅時候，你唔出聲話係你嘅，佢可能有排都送唔返俾你架。

今日lunch係灣仔搵到家小店，主打港式意粉同埋沙律，還有d熱狗，茶餐等。我就當然要試下主打的意粉啦，比起其他餐廳都算平，around $50左右，係港島食野算係便宜吧。我叫左豬仔俾黑椒汁意粉，豬仔俾夠淋好香蜜糖味，醬汁好味，意粉軟硬度適中，我覺得幾好食同好飽呀，呢個價錢，無得輸。下次想試d包同沙律！

今次係我搬OFFICE前最後一次係灣仔LUNCH，但由於落大雨既關係，只能夠係附近搵食，結果就揀左一間西式快餐店；小店好細，通道只能單人行走，小店為左減少職員來回次數，要求所有顧客係門口點餐及付款後，先可以入座，建議黎之前上網睇左MENU先，如果唔係個座位就無左嚕咖啡&凍檸茶正常茶餐廳味道焗白汁龍脷柳長通粉龍脷柳大塊，又熱辣辣，芝士多且能夠拉絲，本來一切都貎似唔錯，但掀開面果層就黎了….個粉因為焗既原因，所以汁少且杰，令長通粉個心完全無醬汁，食落乾爭爭，又無味，底果D直頭係無鹽既白烚意粉!! 焗白汁煙三文魚扁意粉白汁加磨菇好多地方都會咁做，但白汁淋係白烚既磨菇就真係第一次遇到….呢個意粉最頂係芝士加白汁、第二層係煙三文魚、第三層係烚磨菇、最底係扁意粉，每層料都係獨立存在，完全無關係，要自己撈勻佢；呢個意粉同上面果款一樣，都係好淡味，好似無落鹽調味，但呢個好彩有煙三文魚既鹹香提味呢度既焗粉類絕對唔推介大家黎試，但我見到其他食客食既咖哩汁豬仔脾好似唔錯，起碼唔會乾爭爭先啦。不過點都好，唔會再有第二次黎食既機會

十年前有灣仔返工已經食呢間餐廳，最愛係咖哩豬仔比，十年後水準依然，keep住平價好味咖哩豬仔比天使麵，份量十足，汁多味濃，豬仔比皮脆肉嫩，食完3隻想再encore黑椒汁鴨胸飯，鴨胸肉厚鮮味，飯量十足All Day Breakfast，三文魚份量一d都唔少，有蕃茄，茄汁豆，沙律菜同多士

上星期四同左同事去食午餐，我叫左個蘑菇煙肉汁的豬扒長通粉，而我同事叫咗蘑菇煙肉汁雞扒意粉。之前試過幾次都係叫焗龍利柳長通粉。今次試咗呢隻，覺得佢個汁都幾好味，而且好大份！ 而我公司嗰塊雞扒好似面咁大塊，勁抵食，都唔洗$50.值得推介！ 😋只係啲座位比較擠迫,肥少少都坐唔落😂

跟同事2個食lunch, 人小小可以食d細間d既餐廳仔。麵包樹lunch時間人數都多，不過好在我地唔洗點等就有位啦~餐廳係自己係counter買左野食先ga, 叫左個雞扒意粉，同事叫左個豬扒長通粉，兩份其實味道唔錯，不過真係好大碟食唔晒~50蚊左右包湯 or熱飲，係灣仔算幾平ga la, 係坐位有d窄姐~

收工剛剛好趕得切去灣仔面包樹食個快飯，再遲多少少都落閘了。拿拿聲落單叫左奶油豬，外皮好脆卜卜，新解製作配上香噴噴既鍊奶同牛油，正啊！唯一缺點就係嫌個底烘得燶左少少。碟邊放左蟹餅天使麵中既蟹餅。本來對於蟹餅是存在啖啖真蟹肉的幻想的！一上菜時見到呢三舊原來係類似龍蝦丸既朋友既魚蛋，不禁有點失望，不可諗深一層，＄45 一個套餐包埋豬仔包同飲品，仲想點丫。蕃茄濃湯唔錯，食得出香濃真蕃茄味，不是味精湯貨色。天使麵份量都幾多，食完有滿滿既飽足感。