麵包樹咖啡屋

Open Now

Now Closed

地方暗暗﹐堂食地方極細﹐只有一條走廊位。食物叫左香草茄蓉焗雞絲螺絲粉。因即叫即焗﹐所以要等大概10分鐘﹐但本人呢10分鐘值得等。因上枱時熱騰騰﹐食到中段還是燙口。所為雞絲其實係雞件﹐但數量唔係好多﹐大概有4-5舊度﹐料為火腿居多。但味道比預期好﹐因食得出佢地用了真蕃茄蓉﹐而唔係淨化學茄汁。唯一可改善係d螺絲粉可能煮得太內﹐有點兒過淋同份量唔係太多。如經過附近又唔知食乜﹐呢度都算係一個選擇。

一肚氣 我叫左一個大熱狗包同一杯野飲點知佢比錯左份三文怡我 ....我同佢講返反而仲比個收銀話 , 你明明係叫 lei 個架喎 你唔要就唔好話我入錯單 ... 條收銀女人仲話 , 唔要就退返錢比你 , 唔做你生意 !!!跟住佢隔黎條整包老出黎講 , ... 比返錢我 ! 唔好嘈 ... 激死 ! 仲好話返我 .... ! 我唔會再係 lei 間野到買野 ....

是日午餐, order 如下: 芝士旦漢堡包 (h1) - good! d 芝士溶溶地, 同炒旦黏埋一齊好 match 好香滑!! salami 芝士旦漢堡包 (h3) - 上面 h1 太淡太齋? 加兩塊 salami 如何? 有少少黑椒碎 gei salami 好惹味香口! 一樣好味!10 幾蚊一個漢堡做 lunch (跟埋餐飲!!), 比起周圍 gei 茶餐廳冇咁 heavy~ 好岩 OL~去時正值 offices 放 lunch, 勁多人, 建議外賣!

這裡只可容納顧客從窄窄的小走廊走過，偏偏午飯時人卻多得不得了，人人都企在一旁等位，因為這裡的西餐著實做得很不錯。順帶一提，這裡是自助形式的，自己等位，自己到counter買食物的，當然食物就不用自己拿，店員會送到檯上給你的。這天一行三人到了這店，我要了一個芝士焗西蘭花雞扒意粉。飯很快就送到，熱騰騰的，想是剛焗好的。飯上面的芝士汁有少少燶，很香很香，芝士味好夠，而且汁的份量恰到好處，不似一般快餐店，一係就好多好多，浸濕了整個飯或意粉，一係就唔夠。而雞扒不會很o鞋，而且都幾夠份量，西蘭花還沒有變得淋淋。我還試了少少朋友的煙鴨空，d肉入晒味，而且份量亦不少。午餐包一杯野飲，值得一試。

麵包樹的大熱狗真是名副其實的大! 一星期內分別試了"美味大熱狗"($16連飲品)和"特式大熱狗""($18連飲品)，分別是後者有芝士而前者沒有。配料有珍寶法蘭克福腸、茄片、生菜絲和酸瓜茸，配以茄汁和少許芥辣，十分足料，誠意之作，附送的凍檸茶size也很大，十分抵食。製作需時約十分鐘。午飯時間排長龍，但又見外賣食物做好沒人送....

今日試了芝士焗肉醬意粉外賣(連湯或飲品$26)。因為是午飯時間，所以等了大約十分鐘。意粉的芝士半溶，肉醬味道夠，意粉偏淋。餐湯是忌廉湯，味道差一點，不過有蜆肉在內。算是不過不失吧。

Just felt like grabbing a hotdog this morning.So I ordered a regular hotdog that cost me $10, $12 including a drink.The hotdog tasted quite nice, lots of shredded lettuce and strong mustard.

今日下午去high左個tea. 入到去聞到少少怪味fd叫左牛肉軍艦&紅豆冰(唔記得是否全部$18 ), 嘩, 好大個, 應該有10cm x 19cm x 8cm, 材料豐富, 牛肉好似不算多, 但食完都已經飽死~~~我唔餓, 叫個朱古力多士$7+細apple汁(約$8), 2片"看"過o既多士中間有朱古力漿&糖漿, 甜左少少, apple汁是鮮炸的.其實味道可以更好, 這裡最大的賣點應該係大件+抵食不過當時聞到少少怪味

星期一上堂前拉好友去試麵包樹—之前係灣仔返工個兩年既飯堂﹐就算離開左舊公司都仍然對佢念念不忘。兩點半後直至收工(7:30pm) 都可以叫下午茶餐。今次我叫扒香蕉花生醬煉奶多士($14)、而友人叫扒牛油果醬吞拿魚多士($17) ﹐包咖啡或茶﹐加$1可轉麥包。味道如何﹖當然好好味啦! 花生醬用粗粒個隻﹐好香好有咬感。其實我既至愛係公司三文治—三片麥飽烘底﹐內有雞扒、餐肉、蛋、火腿、芝士(整到溶與唔溶之間)、番茄、生菜、酸菜﹐巨型到要分兩輪食(留一半三個鐘後食)﹐$22包野飲﹐超抵仲要超超超好味! 服務好好﹐外賣單叫一份三文治都肯送(非常感激~)﹐以前返灣仔一個禮拜起碼食一次﹐連聽電話個職員都認得我。最後想講咖啡普通、但奶茶勁正! 仲要小心熱﹐可能用左百二度既水沖﹐有時熱到連蓋都開唔到!我比較少食其他意粉或飯﹐但據經驗所得﹐冬天會覺得唔夠熱﹐因為好多野係整定晒。

與太太誤打誤撞嚟咗。毫無頭緒要食D乜，自己隨隨便便叫咗隻大熱狗食就算...真係成隻碟咁大隻，足足有五至六吋長，要擘大棚牙先食得到，食到牙較都軟埋...但係大隻咁又點?法蘭克福腸好似就咁响熱水入面淥過就算，食落亳不脆皮；加入酸瓜醬，番茄片及生菜絲及mustard，食落感覺真係好似食緊加長版嘅大家樂熱狗...亳不特別，水準亦普通之極...

頭先去麵包樹買早餐買到一肚火﹗幫親過幾次都無事﹐今日D小朋友尋晚玩得開心得滯無帶腦番工。叫左個芝蛋治+奶茶﹐跟住就等﹐等到條隊都無埋都未叫我no. (95號)﹐跟住個姐仔問我乜no.,我話95啦﹐一句得埋黎話“我叫左好多次﹐佢(指身旁弟弟)都叫過幾次。個份早餐我聽到佢幾次都係65﹐你叫我點應你?番到公司一打開份早餐--蛋牛治﹗﹗﹗唉...呢兩個月我都唔會去住

香港人多數都覺得飽係早餐同下午茶先會食，但係呢間餐廳以飽做主打，淨係午餐時段先有意粉食，夜晚淨係做飽算。呢間舖都係主打外賣，所以乜野都係用即棄餐具，幾唔環保。叫左個公司三文治(幾大份，料又多)同Salami 潛艇(超大)，女仔細食d兩人叫一份都夠。加$6就有杯果汁飲，叫左個苦瓜汁同青瓜汁，好新鮮，所以個苦瓜好大陣青草味! 食完兩個大飽，飽哂!

o係門口睇餐牌, 見有好多野食!款款都好西式!eg. 螺絲粉、大熱狗、意粉、...心諗, 一定最少三十幾蚊落樓啦!嘩!點知我食果個火腿雞絲螺絲粉，連羅宋湯，都係二十二蚊!抵!雖則，味道就未到頂級水準，同埋坐位好少、通道陝窄，但係廿幾蚊o係灣仔食到呢d西餐, 就真係值得推介!

今日四點幾，老細話請食Tea，正好我今晚無飯食，食番夠先．我要個沙樂美腸超級潛艇堡跟凍檸茶：腸有少少辣，有Cheese，tomato slices，生菜絲，酸瓜做配料；無諗過有咁大份，成六寸長既包包住．食到我好飽，真係唔使食dinner喇！

又到趕tender 季節，留在office 吃外賣或兩點鐘才外出吃lunch 係閑等事。今天同事叫「麵包樹」，點了食開OK 的‘焗鮮茄火腿雞肉螺絲粉’配熱檸檬茶（$26），再配雜菜湯（$8）。合共$34，外賣而言，不便宜。遲左成半個鐘至到，都算！那加錢買的雜菜湯，來到office 時，只剩下半碗而已。其他的巳經倒瀉在那盛載食物的膠袋裡，甚是狼狽。要知道被紅湯沾污的襯衣係要用pre-wash spray 才洗得到，唉！那個‘焗鮮茄火腿雞肉螺絲粉’來到的時候巳經係「狀甚恐怖」，乾到好似焗起半日咁，相當差勁！熱檸檬茶，算吧！no next time within 6 months~