麵包樹咖啡屋

Open Now

Now Closed

同事們一致推介的麵包樹, 總是有許多紙盒堆在舖面, 令人感覺它好像一家"家家樂"之類的快餐店, 沒有幫襯意慾. 後來有一次要買早餐take away, order一個$10早餐, 芝士蛋漢堡加奶茶, 印象全然改觀. 奶茶不及"奶茶王"的好, 芝士蛋漢堡卻是熱辣美妙! 縱觀餐單上以沙律/生果為主, 原來是一間為女士而設的茶餐廳.

香草蕃茄肉醬長通粉+凍奶茶: 前者好對胃口,因為自己好鐘意吃長通粉,而肉醬就甜甜地唔太酸,真係有香草同蕃茄茸,食落好開胃!! 不過油就多左少少,此為美中不足。後者就普通過普通,唔ok!!生菜蕃茄吞拿魚三文治+凍菜蜜: 前者一般水準,吞拿魚加沙律醬,不過不失,食完仲有點空虛感=p 不過菜蜜沖得幾得手,菜蜜份量啱啱好,唔會太甜或太淡; 因為都有飲過勁甜或勁淡既菜蜜,好難飲!!覺得呢間咖啡店都幾肯落本,螺絲粉係用幾隻色個款,成本應該比普通螺絲粉為高。

今日試左超級大熱狗+凍咖啡套餐。超級大熱狗:果然超級,打開紙袋時我都嘩左野!包包肯定八吋以上!!夠晒飽肚。內容有一條大大法蘭克福腸、生菜絲、蕃茄、酸青瓜粒,加埋芥茉、茄汁、沙律汁,加埋實在太好味!! 不過如果個包再煎香少少更正! =p凍咖啡: 一般水準,不過唔酸已經算ok。佢張menu好多食品都好對胃口,價錢又相宜,下星期再試其他,或者會試長通粉餐^_^

經過好幾次, 俾個名吸引左, 叫左一個$20既set 吞拿魚粟米生菜三文治同埋咖啡, 有d失望, 因為似乎只食到生菜同蕃茄, 吞拿魚粟薄薄一層就真係食唔到味. 杯咖啡已事先加糖加奶, 所以都係覺得一般......而服務都係一般.