麵包新語 (Closed)

返工返早左，周圍行左個圈，最後決定買個包仔食。多次經過BREAD TALK，特別是尖沙咀的店，第一次卻獻了給陌生的太古店。麵包的價錢尚可以，而且有多種有故事相襯，都有D心機呢。圍住麵包們走了一圈，最後我取了這個什麼地震定...定火山的包。對不起呢，太早了，魂魄未齊，無細心欣賞你地既努力。包面脆脆的，很喜歡這些有層次的包。咬下去就見到架央和CREAM。呵~很甜CC呢。 9元就給我一個美好的早上。我不是甜魔的一份子，但假如每天也來一口，我也喜歡。至少，可以把人生美好化。社會讓你苦，我們可以用愛情及食物達致短暫失億。失億的周未不是人人可以享用的。

奧海城都有間 bread talk, 但 openrice 找不到資料, 唯有把這食評寄居於尖沙咀之店bread talk 之所以吸引我, 係因為店內的擺設好整齊, 衛生又做得好, 加上麵包的味道委實很香, 所以好吸引人入去選購麵包今次入去買了一個葡撻食, 有別於一直以嚟食的像瑪嘉烈的style, 這個葡撻的做法像傳統的雞蛋撻, 不過雖然唔係正宗, 但味道幾好, 撻皮較脆同實, 有濃厚的雞蛋味, 食蛋撻很多時都會好注重雞蛋的味道夠不夠香, 這件"撻"就合格了葡撻的奶味都幾好, 我自己覺得幾好食另外仲值得一試佢地個肉鬆包, 上次食過味道都好好架

病的時候好慘, 咩都食唔落...去麵包店行個圈, 買個包食之後食藥, 帶住個口罩, 好辛苦...去到麵包新語, 雖然胃口差, 但係麵包的味道令無食野一日的我都覺得, 香~本來好想買腸仔包, 個賣相好靚, 仲有芝士同茄汁, 應該好好味, 無奈怕肚仔頂唔順, 要忍口, 只係買左一包甜餐包..不過返到屋企食, 好好味, 包身軟熟, 有些少稔的感覺一食食左三個, 對一個病人嚟講, 都幾誇可能太肚餓, 又可能真係幾好食啦

同朋友去太古城攞相,攞完相見仲有時間,就兩支公周圍行,去到大食代,見到BreadTalk啲蛋糕幾靚,又做緊特價($45蚊三件),就膽粗粗咁試吓(仲加多咗件四蚊嘅葡式蛋撻),叫膽粗粗係因為,1)我未食過,2)只係覺得佢幾好樣,3)兩點鐘已經無咩款剩,我哋叫咗:1.綠茶紅豆蛋糕 最好味嘅一件蛋糕(其實都係比較好食而已...)(唔計件葡撻), 綠茶味唔太夠,好在啲紅豆夠甜2.芒果杯 啲芒果味好假... 同朱古力蛋糕好唔夾...3.Bananacoco 我以為會好似CPK嗰啲咁, 點知咁令人失望... 入面啲香蕉係香蕉乾...4.葡式蛋撻 全部入面最好味竟然係最平嗰件, 所以有時啲嘢唔係貴/名牌就好...今次其實幾令我失望,因為啲蛋糕真係好一般,睇嚟BreadTalk真係名乎其實,Bread only...No cakes...

今日經過見到cake $45 for 3於是買了三件返家慢慢品嚐, 賣相真是非常一般, 沒有吸引之相處,只有價錢吸引 栗子蛋糕 : 栗子蓉都唔知邊到來貨, 竟然一點味都無, 都唔知食緊乜, 蛋糕好似雪左十年咁, 成件死實實, 仲衰過機製壽司, 差 ! 朱古力蛋糕 : 又係倒模一樣, 差差差 ~好彩買定多個包頂頂南瓜包 $7 : 麵包挽點分數, 麵包夠香較, 南瓜亦清甜, 合格 咸面走唔甩, 因為浪費左我 ＄45

第三樣同大家分享既美食係喺新港中心入面既BREAD TALK, 佢地賣既QQ芝士波真係好好食, 質地係有少少鬆化既麵包仔, 每一粒都充滿濃厚芝士味, 我一星期會去兩次買嚟食, 去親都係放工之後去, 可能係因為啱啱大家都收工, 所以都好多人買, 要排隊俾錢添, BREAD TALK有好多種特別既麵包, 我試過佢地個腸仔包, 腸仔好好食架, 好香口, 係我另一個推介既麵包嚟, 希望大家都可以食到好野啦

大食代在新港開了分店, 引入了在太古城中心都有的店舖, 其中一間就是BreadTalk了鍾意在這買麵包, 因為一嚟好清潔整齊, 二嚟麵包款式特別, 好像這次買的辣肉鬆包, 有豬肉鬆俾d沙律醬黏在麵包上, 仲有少少辣味, 味道唔錯! 另外有一排排的排包, 更有多種口味, 好似綠茶等等, 都係一些新的麵包品種, 可以試試, 上次買過嚟食都幾好食!

今日(12-4-2009 Sun)同男友去埋太古城中心睇玩具展,睇完順便買埋衫,男友話食tea,啊,好啦.行入o黎food court八有咩食,只想食少少o野,就食切餅啦,我o地要每樣$20.00o既芒果慕思同百味果朱古力,職員話$45.00有三件,叫我o地揀多件.我話好,就要多件綠茶餅.好,開餐喇,先食百味果朱古力,唔……形容唔到百味果o既味道,只食到一啲一粒粒似啫哩o既物體,朱古力味夠,口感都幾鬆軟o既.第二樣係綠茶餅,綠茶味微苦,紅豆都算軟硬適中,但蛋糕唔係咁軟,麻麻.最後一樣芒果慕思,竟然唔好食,芒果味怪怪,佢又夾埋朱古力蛋糕,都唔o岩味,好失敗呀!

二月十四日(星期六)各位情人節快樂!今日未出發之前,我們分別吃了昨日由breadtalk買回來的早點我都要了飛碟,老公吃了葡萄總動員飛碟今次比上次好味,蛋糕邊終於有味道了,內面的椰絲涵亦好吃老公仔的葡萄總動員都不錯!很多提子鋪在包面!麵包鬆軟!

二月七日(星期六)是日早餐就是breadtalk的飛碟,我比較喜歡麵包外圍有邊圍著,那層蛋糕質地非常好吃!今次見到飛碟就一試,邊比較淡味,而且比較硬身,不似蛋糕...反而內面就做得好,是椰絲,似墨西哥包的!老公仔說它似乾鮑,haha他吃了鬆鬆,記得以前大埔也有breadtalk時它是媽媽的最愛!!!老公說鬆鬆都不錯!

麵包名為香江肉丁，除了名字吸引，麵包面頭那三片鋪在芝麻堆中的青綠芫茜，亦十分搶眼。麵包做得輕飄飄的，也做得很薄，中間相對留下較大的空間，幸好餡料下手不輕，要不然，就顯得非常空洞。五香肉丁對港人來説，並不陌生，但用來做麵包餡料，還是頭一次嚐到。肉丁經過調教，沒有平常那樣搶，但那獨特的氣味依然存在，一吃就能認出來。整體感覺特別，味道不錯，勇於創新，把不同元素重新配搭，絕對值得支持！

生日會怎會缺少生日蛋糕?? 研究了良久,終於選定這間品質不俗又鄰近餐廳的breadtalk,也從款式繁多的種類選了這個味道較清的紅豆綠茶為壽星們慶生。方形外表有點簡單,最搶眼還是上面那三顆macaron。 綠茶蛋糕質感輕軟,隱約透著綠茶香味,就算不喜綠茶味道的都可以接受到;紅豆忌廉頗為滑溜,紅豆煮得軟淋,有點在吃紅豆沙的味道,甜度不算很高;要不是知道在露比餐廳會吃朱古力甜品, 我會選另一款同樣有macaron作裝飾的朱古力蛋糕的 至於那三顆macaron吃來有點像雞蛋餅,脆脆的感覺蠻OK的。另外訂餅時在奧海城分店買了一件同款切餅先嘗試味道,兩者分別不大,只是切餅的蛋糕比較乾硬,是因為沒有那麼新鮮原故?? 還是該店流量不大????

黑芝麻麵包$7 - 真係幾有黑芝麻味，普通size，幾有口感，唔錯!!!

自從BreadTalk係Food Court開左, 試過佢地既麵包及蛋糕後, 每次去太古城, 我都一定買幾件返屋企!我好鍾意佢地既豆腐芝麻蛋糕及蜂蜜朱古力蛋糕, 其他Muffin, 葡Tart都好好食! 豆腐芝麻蛋糕幾特別, 外形似三文治有粒粒芝麻係面, 非常香軟, 而蜂蜜朱古力蛋糕, 甜甜的蛋香帶有蜂蜜味道, 上面的朱古力並不太多o岩o岩好呢! 至於切餅及麵包, 我仲要慢慢去發掘啦......

Breadtalk分店不多, 難得黎到太古城, 買左2個飽飽食蕃薯包不錯呀, 雖然蕃薯茸不多, 但裡外都有好香既蕃薯味, 唔係十分甜, $6.5價錢算ok另外要了招牌辣鬆, 包質柔軟, 外面既肉鬆辣辣地好惹味, 同裡面既甜奶味道出奇地夾, 如果新鮮出爐趁熱食會更好味!環境幾好, 廚房很開揚, 可以睇到師傅猜麵包