Video
Telephone
44008883
Payment Methods
Above information is for reference only. Please check details with the restaurant.
今日係星期日 下午趁無嘢做 去咗一間喺錦上路嘅茶餐廳 佢嗰度有得泊車好方便 入到去竟然見到有人帶住小狗 原來係好適合有寵物去嘅地方 入去睇下原來地方都幾大喎 有室內有室外 拎起個餐牌 食物種類都幾同一般茶記差不多而且價錢非常合理 每人平均60蚊仲有我好鍾意食嘅牛角包 我哋兩個人 點咗兩個餐 一個椒鹽豬扒飯 另外再加一個特餐 特餐有雞扒公仔麵 加兩款小食我加左腸仔同煙肉另加4蚊轉牛角包份量非常大份味道都算唔錯 值得一提係佢嘅特餐 就算轉做出錢一丁都唔需要另外加錢㗎 亦都冇收加一又勝在方便泊車喎 真係一個假日嘅好去處 但要提一提大家 呢度五點鐘就收㗎啦 而且逢星期二係唔開嘅 所以如果要嚟試下呢一間可以帶狗狗嚟嘅餐廳 就要早少少啦 #錦上路#元朗美食#可帶寵物#元朗可泊車#chilly_hkfoodie
continue reading
Lunch time時同狗狗🐕、狗狗爸爸路經，一望入去見餐廳坐滿人，好厲害👍🏻。下午茶時折返，諗住試下佢的下午茶餐🍽️。餐廳1700閂門，我哋1645去到，基本上飲品選擇所餘無幾，因為茶膽🫖、啡膽☕、檸檬🍋都冇。最後，我哋點咗2個茶餐，餐飲揀咗凍、熱好立克🥤。牛油芝士火腿煎蛋牛角包🥐：走咗牛油，而火腿就分俾咗狗狗爸爸食。牛角包係圓形🫓，細細個，隻蛋🍳睇落似係炸，感覺係有少少唔健康，加埋半溶芝士片（芝士味🧀淡），味道👌🏻，只係邪惡啲😈~炸雞脾薯條🍗🍟：唔知係咪要快啲炸熟，隻雞脾🍗喺中間劏開兩截，但仲有條骨連住，揸上手冇咁方便，好似攞住雙截棍咁；狗狗爸爸話雞脾都juicy👍🏻凍、熱好立克🥤：正常就冇乜嘢好講，但呢2杯飲品好濃好立克味，應該落咗好多粉，勁足料，好味😋！-雖然餐廳收工，但啲員工都冇話要我哋食快啲，或者催我哋走🏃🏻，加上價錢幾相宜，環境又唔錯，自成一角，行經都值得嚟試下🐕狗狗食評：呢度戶外位置地方幾大，幾舒服😙，仲有瓦遮頭添~不過我嚟到時人哋都就快收工🕔，其他時間應該會多人、多狗🐕啲。暫時好似冇乜啱我食🍽️
continue reading