老三火鍋 (Closed)

港式旺角邊爐今日同男朋友想打邊爐，就去左老三打邊爐， 其實呢間嘢好耐以前都好想試，但成日都冇機會， 因為曾經都有係旺角既朋友話打邊爐飲啤酒好地方。呢度既調味料都係基本既幾款，亦有碟小前菜。湯底要左老鴨，同幾款火爐料。叫左主打半隻老鴨鍋做湯底，老鴨湯味道類似住家藥材湯，夠哂足料滋補🤗。還有其他滋補材料，例如紅棗、薑、杞子及素翅等等，很滋潤呢。飲落有種似老火湯的感覺，入口甘甜溫厚，有肉嘅鮮甜味，但卻沒有鴨的腥味。這個秘制老鴨鍋（半隻）先$78，非常之抵！安格斯肥牛夠晒肥，所以牛味濃，呢一碟我地兩個人食份量岩岩好。牛脷心托幾個都幾特別，牛脷心托，比平時牛脷淋，吾錯。內蒙羊肉騷味剛剛好，補身好。四寶餃 有雲吞、魚皮餃、韭菜豬肉餃、招牌餃，真材實料，皮吾太厚。本地滑牛很鮮嫩，而且一大碟份量也不少。整體吾錯食材新鮮、服務友善、同抵食。

突然想打邊爐，又想飲靚湯，同事就帶左我黎老三火鍋點左個秘製老鴨鍋湯底一滾起，就飲咗個老鴨湯先，首先飲一啖靚湯之後先至打邊爐，系全港首創老鴨湯鍋，湯底性價比高，紅棗杞子同埋半隻鴨煲成既老鴨湯，配料好足7十幾蚊一個湯鍋。四寶餃，幾款餃入面個人覺得雲吞就最滑，其餘餃子的皮薄，肉餡同埋菜餡別具特色。手切肥牛一碟牛肉片嘅份量都幾多，切得好薄，放落去一碌就即刻食得，兩個人食分量剛好。白牛柏葉好爽口😋😋炸腐皮卷就咁食已經好好味，好鬆脆，點小小喼汁已經好開胃，但係浸落湯嘅時候就咁有令一番風味。烏冬優質蘆薈蜜一榨都幾抵飲

今時今日在香港，夏天食火鍋絕對是常識，今次就去了一間比較傳統的港式火鍋店。這間火鍋店位於旺角站A出口約莫5分鐘路程，是一間位於3樓的樓上店。從招牌的介紹可以看到這裏的招牌湯底就是老鴨湯，於是我便選擇了半隻老鴨的老鴨湯底。店員介紹在打邊爐之前先飲湯，一飲之下發覺湯非常夠味，可見店家落足料烹調有方。怡學完湯之後我也沒有口渴的感覺，可見湯底是沒有落味精。這次我點了本地手切肥牛牛，牛肉情鮮紅色，但看賣相已覺得非常吸引。至於味道，和平常火鍋店吃到的安格斯牛肉稍有不同，牛味比較濃郁，口感也比較豐富。另外點了蝦滑，這個滑無論味道和口感都是一流，絕對是這間火鍋店的別點火鍋材料之一，本人在此傾情推介。在這裏最重要是吃到人情味，除了店員殷勤的招待愛，彷彿還吃到抗通脹的價錢。

旺角一間樓上火鍋店好有香港特色風味,環境似港式大排檔。好有懷舊feel。坐底之後,侍應會先拎醬油配料俾我哋。我地點左花膠豬骨煲湯底,有幾隻花膠仔係湯底入面, 入面仲有好多大大舊既豬骨,蘿蔔,粟米等。湯底好清甜。蜂巢豆腐白牛帕葉，十分爽口彈牙水魷,好抵食,夠新鮮 淥一陣就夠，因為好快會縮,燙熟後爽口易咬，口感同魷魚好大分別。蟹籽蝦滑,口感爽滑,灼完都好彈牙好爽滑海螺串,灼完都食得出鮮味,好有咬口。合時蔬菜,蔬菜好新鮮,好大份。

剛剛同朋友行完街，又聽聞這間餐廳的邊爐湯底好出名，當然要一試啦。老三火鍋裝修比較簡單，沒有太華麗的裝潢，但正正是這樣，覺得空間感很大，而且燈光光猛，正正是傾計聊天的好地方。原來這裡都有很多不同款式的湯式可供選擇，但我們還是挑選了我最愛吃的下火香茜皮蛋魚片湯底。店內設有很多不同款式的火鍋配料可供選擇。下了湯底不久，店員便會拿來醬汁供我們自行添加醬汁。下火香茜皮蛋魚片湯底 ($58)芫荽湯底來到當然要先嚐一番先，湯底飲落很清甜，原來除了香茜、皮蛋、魚片外，湯底還有馬蹄，難怪湯底特別清甜。另外魚片口感爽脆，性價比高。魚卜 （$38）魚卜厚身，熟後入口非常滑口，塗點醬油，更惹味。黑豚腩肉眼看肥肉較多，但熟後入口嫩滑，而又不覺得過肥，剛剛好。粟米粟米爽甜，粒粒飽滿。烏冬1份份量都多，食完飽飽又暖胃。金沙墨魚丸入面包住滿滿嘅流沙鹹蛋黃，一咬落去幾粒*必*晒出嚟，好食墨魚汁芝士魚皮餃賣相唔討好，但食落去外面餃皮好有墨魚味，入面仲有芝士，口感豐富

打邊爐有時不追求精緻，有個可以暢飲暢食的開懷環境更重要，「老三火鍋」就是個很有氣氛的火鍋。.⭐️老鴨湯煲：$78有半隻鴨！非常足料！當$78有半隻鴨肉食都抵，更何況有其他材料熬出過個老火湯？滋潤又好飲。.火鍋配料足量抵食，任點任食都不用擔心荷包縮水。.⭐️小麥草蘆薈汁一渣你猜猜幾錢？是$22！4個人以上都未必飲得完，更而味道自然，有粒粒蘆薈，高質喎！.⭐️牛柳粒（$88）超多粒！大大粒的！可見油脂分布均勻，不會太肥，咬下去似是肥牛的味道。.⭐️本地滑牛（$68）很鮮嫩，而且一大碟份量也不少。⭐️牛百葉（$38）- 夠爽！⭐️雜菜拼盤（$48）- 2個人是食不完的 lol⭐️炸腐皮卷（$38）即「響鈴」。這個是炸過的，所以可以直接食，不過我還是喜歡涮一涮。這個腐皮卷是比般的響鈴厚身，更有口感。.值得一提，店員的服務態度都很好。總括而言，是間很有氣氛而且好抵食的火鍋店。

火鍋係香港人嘅最愛之一，今次去左位於旺角嘅老三火鍋，老鴨湯底好養生，由多種藥材包括沙參、黨參、松草花、紅棗、杞子和圓肉等燉足幾粒鐘而成，鴨肉食落口都好嫩滑。呢度主打新鮮嘅火鍋配料，手打墨魚丸、田雞同魚片，真係好新鮮，即叫即準備，田雞肉上左碟仲識郁添架！

平時食任食火鍋多，今晚黎散叫打邊爐，覺得呢到好岩飲住啤酒食🍻不過我地飲Coca-Cola😂呢到唔收加一，但會收醬料費每位$12，同埋前菜費$8 （微辣醋香雲耳）揀左皮蛋魚片湯$58，入面有兩隻皮蛋，馬蹄，魚肉同埋芫茜。手打牛丸$58 味道唔錯，同出面現成牛丸差好遠叫左個細既手切牛肉$148，侍應建議我地要個大既因為都係貴$30但我拒絕左因為得一個人食牛唔洗要咁大份。最後淥埋個稻庭烏冬同生菜，索哂湯底，飽哂。

老鴨湯係呢到招牌湯底，咁一場嚟到當然要叫老鴨湯啦有半隻老鴨嘅老鴨湯只需$78，唔貴喎😆.開始打邊爐之前先飲兩三碗老鴨湯，如果冬天飲一定仲正～老鴨湯入面仲有紅棗、白蘿蔔等等，飲落帶有少少藥材味，係重味道嘅湯。同行嘅朋友都覺得幾好飲，但就話感覺係幾潤幾燥熱嘅湯🤣.一人飲完幾碗老鴨湯之後，店員就幫我地加清湯開始打邊爐。手切肥牛唔會好肥，食落有少少筋。手打牛丸顏色好深，就咁食都好夠味。當然仲有我打邊爐好鐘意食餃子🥟係手包唔係現成急凍嘅餃子，收貨😄.整體價錢都好公道～一人要再加$12醬料費，同埋黑木耳小食費$8/碟。呢到冇好靚嘅裝修，格局有啲似大排檔，但地方都好乾淨，都幾啱一班麻甩朋友一齊去😛

今日同男朋友🤩🤤一齊去打邊爐， 因為男朋友突然之間想嘆住冷氣打邊爐， 忽然佢想去老三打邊爐， 其實呢間嘢好耐以前都好想試，但成日都冇機會， 因為曾經都有電視都賣個廣告。我地叫左個皮旦芫茜湯底🍜， 其實佢哋出名係個鴨湯底， 但我哋今晚想食清清地， 所以叫咗個皮旦芫茜湯底 ，順便下下火。我哋叫咗生菜、羊肉🐏 、生蠔、 四寶餃有魚皮🐟餃、雲吞、 韭菜豬肉🐷餃同埋佢哋個招牌餃 、醉雞丸、 同埋手打墨魚丸。其實樣樣都好新鮮， 個人覺得最抵食就係四寶餃， 因為食得出真係自己包， 材料新鮮 ，新鮮食材係打邊爐最重要的。所以係我地最like老三原因，同埋個墨魚丸都係自己手打、 新鮮兼彈牙。.個人覺得最特別就係醉雞丸， 原因係入面真係釀咗啲酒入面、酒好飲同不太烈，適合女士食用。好特別同雞肉彈牙， 温馨提示:小心入面D酒射出嚟!!射親自己或人都唔好啦!😏同埋呢度最好嘅就係服務員，好好service, 得閒幫我哋拂走啲肥油。十個👍👍👍👍👍👍👍👍👍👍所以其實我哋都plan咗下次再嚟食佢個鴨湯底。 始終都係佢哋成名之作。 期待呢!☺

長沙灣嗰間老三火鍋我就成日食，旺角依家呢就真係第一次黎。環境方面比長沙灣嗰間寬闊好多，坐得比較舒服。咁一坐低梗係返半隻老鴨湯底先啦，半隻鴨兩個人食啱啱好啦。個湯一嚟到滾左之後，姐姐就好好服侍咁幫我地裝左兩碗湯。飲咗兩碗湯先，湯底濃郁、鮮甜、冇味精、原汁原味。喺食物方面，我地兩個人就點咗兩隻蟶子皇，手切肥牛，炸響鈴，野生竹笙，魚皮餃，同埋一碟油麥菜。飲品我哋就叫咗小麥草蘆薈汁，唔會太甜，夏天飲啱晒清涼解渴。呢度啲炸響鈴係自己係自己整嘅即叫即炸熱辣辣，甘香鬆脆，配上我哋平時點雲吞嗰隻甜酸醬，確實美味香口，送酒一流。蟶子皇新鮮，手切肥牛肉味重，配上老鴨濃湯，鮮味突出，唔夠三個字就俾我哋食晒啦。老鴨湯滲透野生竹笙，每食一啖都好似飲緊一啖湯。

今晚係旺角食打邊爐，見呢間出名老鴨，不過我朋友唔食老鴨，所以叫左花膠筒豬骨鍋，補補佢！以下係2個人食既份量😆🔶花膠筒豬骨鍋 $138入面有3舊大大舊既豬骨，幾舊花膠筒、好多蘿蔔、粟米湯底好惹味，落左胡椒😋🔶四寶丸 $68入面有牛丸、鯪魚球、手作蝦丸、手作墨魚丸全部都新鮮彈牙👍🏻🔶四寶餃 $48 好抵食！有雲吞、魚皮餃、韭菜豬肉餃、招牌餃🔶水魷 $38呢個好抵食，都好新鮮但唔好淥咁耐，好快會縮，都爽口🔶生菜 $38 最估到生菜都要$38因為佢菜類係無寫價錢，我是但叫下次試下個老鴨鍋先！

公司係葵芳附近，所以收工會係沿線搵食，長沙彎嘅老三以前收工成日都會幫襯，今次約九龍區朋友食飯，就揀左旺角區嘅老三，點招牌老鴨湯底有益身體，滋陰補腎，打邊邊邪惡之餘都可以選得精明d嘅，而且老三係城中第一間以老鴨做湯底嘅火鍋店，絕對唔會失望。二人點半隻老鴨就夠，湯底到左可以飲左湯先，湯底鮮甜，除左老鴨，仲有蘿蔔片，滋補藥材等等，而且一路打，一路飲湯都好清甜架！而鴨似亦唔鞋口，平日唔係好食鴨嘅我，其實平日好鐘意食湯渣，鴨肉湯底雖然聞落有陣酥味，但食落絕對無酥味！另外叫左個手切靚肥牛，手切同機切唔同，唔好燙太熟，咁就唔會韌，而且食倒牛味架喇！詢問店員大細有咩分別，佢話鐘意食牛就叫大碟啦，無介紹錯。老三雲吞大大粒，入面嘅蝦肉數下數下，有足足四五隻鮮蝦架，而且粒粒彈牙，鐘意食蝦嘅朋友唔好錯過。兩個人食唔倒好多野，叫多碟水魷魚就至岩喇，水魷燙熟後爽口易咬，其實唔點醬都好好食，推甜咁直以來感覺上咬像筋嘅魷魚好唔同！成晚飲左至少四五碗湯，真係飲湯都飽呀。

最近打邊爐都係一啲不同特色嘅火鍋。來到老三火鍋，有少少返璞歸真的感覺。老三食嘅係地道港式打邊爐。湯底揀咗該店著名的老鴨湯鍋。跟著枱面的 instructions 先飲湯。湯底清甜，飲得出係用心機煲出嚟。今晚揀咗啲比較港式火鍋嘅材料。手切肥牛並不肥，但牛味充足。厚切亦增添口感。牛骨髓唔係好多地方提供。海螺串比牛骨髓更加少見。兩款用老鴨湯灼更能帶出佢地既鮮味。招牌餃自家包製，餡料主要有豬肉加上榨菜。花膠筒size幾大，唔怕烚下烚下「石沉大海」。響鈴係即叫即炸，配上甜酸醬，食起上嚟有錦鹵雲吞嘅感覺。幾得意。

食完呢個火鍋先知，一個火鍋究竟好唔好食，個湯底真系好重要，今次揀左半隻鴨鍋 🦆 🍲秘制老鴨鍋 味道濃郁，夠晒火喉，打邊爐前一定要飲左呢個甘足料嘅靚湯呀👍🏻👍🏻而且鴨脾食到最後都唔會嚡口，用呢個湯底打邊爐，食材唔需要點醬都已經好入味🍲手切肥牛（大）細細塊好鮮嫩，都幾重牛味🍲聖子皇好新鮮好有鮮味，待應仲特別提醒我地放入去幾秒就得，千其唔好放太耐，如果唔系就變橡筋🍲白鱔片好爽脆，又唔多骨，好味😋🍲金沙鮮蝦丸➕醉雞丸（雙拼加$10）個蝦丸真係見到好多蝦肉包住🦐🦐裏面仲係爆汁，超 juicy🐥醉雞丸裏面有花雕酒味，好爽口彈牙🍲小麥草蘆薈汁$25一大榨好抵飲，好似飲極都飲唔晒咁🙊味道係同超市買嘅差唔多，都系甘好飲🍲生菜有三棵左右，好新鮮🍲前菜黑木耳👉🏻味道酸辣都幾開胃侍應服務態度好好，又幫手潷湯同埋隔油，值得一讚