老三火鍋雞煲海鮮放題

Open Now

Now Closed

鄰居介紹嘅老三火鍋，疫情前已經食過。食物質素keep到但份量係少左。一開始上左個雞煲可以選擇辣度，記得要同姐姐講加三寶。加左豬皮，魷魚，牛百葉一齊煮好快有得食，唔夠再加雞。之後要叫湯底，疫情前後最大分別係花膠雞鍋個份量少左。都明嘅，依家生意難做，餐廳其他食物質素真心唔錯。會送個海鮮，多數有蝦，鮑魚，帶子。老三嘅龍躉同鱔片係回本位，全部好新鮮，魚肉有彈力。牛同豬依個價格唔會好高要求正常質素，佢啲餃，丸不過不失，都係主攻魚。甜品有香港出品嘅海鹽同咖啡雪糕，好多任食餐廳都會見到。

今晚book左枱4個朋友仔去打邊爐 間野好正 食物質數喜出望外任飲任食之餘最大既好處係無限時間我地足足坐左四粒鐘暢所欲言值得一讚既係D員工佢地態度友善亦好笑容又定時主動加水和執枱令人驚訝既係佢竟然記得食客個姓因book枱有留貴姓兼且我地坐卡位時隔離枱有兩張大圓枱較嘈吵佢地D員工會走埋黎顧及我地感受實在令人極度滿意👍👍👍👍👍

經友人推薦下第一次光顧，坐下不久先來品嘗雞煲，可以選擇辣度或不辣，雞肉入味，口感嫩滑。享用雞煲後，再來自選湯底海鮮火鍋，飲品和其他配料都是任飲任食的，只是環境比較嘈吵。整體用餐經驗不錯。

呢到都係食完雞煲再換新湯底比你打邊爐，每枱人頭計有一盤海鮮拼盤，海鮮幾新鮮。任食的食材一般，不算特別出色，但可以接受。最好係無限時任坐。 任食食材推介龍躉肉同白鱔片，個人都中意響鈴，牛肉豬肉同其他食材就普著通通，但合格。每位272$，任食任坐，可以試一次。

來旺角吃雞煲火鍋放題，看到這間「老三火鍋」無論在價錢上、食物的品質和服務的質素都很不錯。齊來看看有甚麼好吃？首先每枱必有「生猛鮑魚海鮮盤」包括：海蝦、鮑魚、元貝、帶子、花甲、刀貝、黃硯、蕃薯蜆、生蠔... 當然是不算新鮮「濃湯花膠雞煲」有含豐富的骨膠原下圖左邊是白鱔片和龍躉片（雙拼）下圖左邊是韭菜鮫、魚皮鮫、墨魚丸沒有太大魚腥味，鮫皮比較厚和多粉這碟是安格斯牛肩胛，薄切偏肥湯底：蟲草竹笙雜菌湯底，無油，有粟米，有杞子，素食低脂之選總括來講，每位成人 HK$248.00星期五六日和假期前歹 加HK$10.00計埋加一，賣單位位 HK$284.00雞煲，海鮮，蔬菜，茶，汽水，雪糕任食，三百元有找，算是很不錯了！

鐘意食海鮮的你可以試下，尼間的海鮮好新鮮，海鮮係按人頭給，但係海鮮都唔算細隻。不過火鍋配料都只係可以按人頭揀幾款，款式的選擇少侍應都好nice ,好詳細和有耐性教我地點整最好食

❇️收費$248+1無限時 任飲任食.❇️食物雖然係任飲任食，但其實都包含左一d係無限叫，一d係套餐fix左既.1️⃣定食套餐-生猛鮑魚海鮮盤已包括（隨機六款新鮮海鮮）：鮑魚，海蝦，元貝，聖子，花甲，黃蛽，刀貝，蜆及生蠔.2️⃣定食配料有一d 配料，一開始就會上左一round例如：西班牙豚肉片，手打蝦丸，安格斯牛肩胛等等.3️⃣任食追加配料.4️⃣任飲飲品一般氣水都有齊仲有更特別既自家製羅漢果茶等大家食雞煲 無咁熱氣總括而言，冇限時同朋友傾吓計，慢慢食，十分唔錯但就未能要求超高質

地點超近旺角地鐡站，不過喺商業大廈樓上 ，要細心留言個入口。環境非常熱鬧，幾乎座無虛席，但卡位好好坐，同朋友傾偈舒服唔會覺得周圍太嘈，自成一角咁雞煲不過不失，覺得可以叫辣啲，中辣都冇咩料到。海鮮拼盤正常，海鮮都幾新鮮打邊爐鮮料有質素，嚟得亦相當快而且嚟得足！牛肉唔會一味肥，亦唔會叫多幾次就質素下降，蝦滑墨魚丸爽滑彈牙，鵝腸肥美總括黎講真係相當抵讚，性價比高，服務又好，值得推介！飲品甜品選擇多,coke zero plus 都有。

老友太耐冇見，梗係想搵個地方，可以坐得耐d吹吓水，最好選擇梗係無限時火鍋放題，比我搵到一間位於旺角嘅老三，入坐後第一個感覺係呢度好嘈，仲好大陣煙味，飲品係自助型式，頭輪先來一個🐔煲，味道不錯，之後換了個花膠雞湯底打邊爐🍲，湯底很淡，再來個海鮮拼盤，每款都談不上新鮮，呢度d牛肉以任食嚟講算唔錯，其他丸類和餃子為普通貨色，但佢哋嘅手打蝦丸卻很出色，爽口彈牙，食咗兩個幾鐘，侍應見我哋停咗手，已經走嚟清枱，跟手已遞單比我哋結帳，乜唔係無限時咩😅

朋友介紹，即興上去老實說，真的很普通，親眼看到一碟金菇放在手推車上，旁邊竟然是一盤剛收拾完的餐具垃圾，就這樣推去送給人廁所很污糟，沖不到水，地下全是積水，去了一次就不敢再去，一邊食一邊忍尿5人給了一張4人枱，還說坐一陣幫我們轉大枱，最後我們一直坐在坐位上等，看見旁邊有枱走人，要自己找人換枱！7:00到達7:30先有雞煲上枱食物方面，雞煲不入味但還算滑，其他火鍋配料真的麻麻地。總結：真的可一不可再一次好了

好耐沒有吃任飲任食的火鍋放題♨️， 今年做冬家人選了老三火鍋雞煲海鮮放題， 位於旺角旺角道33號凱途商業大廈3樓。 當晚我們用餐在房間內， 私隱度高挺舒適的👍🏻。 醬料、飲品和雪糕都在自助區， 先來個雞煲， 第一轉我們點了小辣， 香濃美味， 第二轉我們挑戰中辣， 我比較喜歡中辣， 加上第二轉的雞塊更加嫩滑😋。 食完雞煲再點濃湯花膠雞煲做湯底打邊爐， 跟住有鮑魚花膠海鮮盤， 海鮮盤有鮑魚、海蝦、帶子、蟶子、花甲刀背、番薯蜆和黃金貝(隨機六款)， 每款都好新鮮。 另外推介安格斯牛肩胛， 肉質嫩滑🤤。 手打蝦丸🦐鮮味爽口， 千祈唔好錯過。 估唔到亂打亂撞都搵到一間幾好的雞煲海鮮放題， 食物質素好，沒有限時和非常親切的服務態度， 我一定會介紹朋友過來🥰✌🏻。

拿拿拿我已經極少去食放題平時因為覺得寧願貴啲食自助餐而且香港無乜有質又價抵既放題點食都覺得好唔抵但係！俾我搵到呢間良心價仲要無限時任食大家有目共睹，樣樣海鮮超新鮮😆😆仲要爆旺場，早啲去食搵定位啦最好見到枱枱枱都有一樣咁新鮮既海鮮花膠拼盤剩係拼盤二百幾蚊有賺啦你地😂😂邊到搵我不嬲邊爐最愛食嚮鈴生根，呢到係即炸嚮鈴浸雞煲汁係我大推！就咁食都好食過薯片我忘記問下可唔可以另外外賣買走🤦🏻‍♀️🤦🏻‍♀️🤦🏻‍♀️呢個海鹽雪糕我覺得好食過大牌子雪糕 食左幾杯😂😂係中位價既高質雪糕一定要食！ $238 一位*另收加一都非常值得一到～

朋友飯局，結果就嚟咗呢間火鍋。直奔主題，算係平嘅，238+1仲有海鮮拼盤真心都冇得點輸啦鮑魚係新鮮嘅，其他就不過不失啦，講真呢個價錢都冇咩可能有太高要求，唯一有問題嘅係蜆有啲殼係碎既，同埋有沙。肉類呢基本上大部份嘅分別都不太大，最少我唔覺得口感同味道有咩唔同，似係街市貨色，不過都係果句，呢個價錢有太大期望嘅話應該到冇咩可能。其中一個比較可以點評係佢個餃子，嗰個味道真係好奇怪，另外佢嘢飲嗰邊有果汁，好似市面上比較少見到嘅果汁嚟嘅，仲有涼茶，而且係無糖嘅涼茶。最後環境就比較是市井啲，但最主要係唔好嘈到好難傾偈，真係嘈過街市…

近幾日天氣開始轉涼，開始要食雞煲暖下個身一入去店員已經好有禮介紹，雞煲入面有半隻雞而且分唔同辣度，揀咗BB辣，但都好夠味！雞煲上檯煮一陣就食得，夠嫩滑，食完雞煲就會用另一個鍋上邊爐湯底☺邊爐湯揀咗芫荽皮蛋湯，入面好多芫荽夠香，湯底較清淡😋同時上埋安格斯肥牛、海鮮併盤、龍躉片拼鱔片、手打蝦丸等，單食呢個套餐已經好夠飽，但食唔夠仲可以無限追加火鍋配料😋肥牛鮮嫩新鮮，放落湯幾十秒食得，味道牛味濃😋而龍躉片打邊爐一流，魚質嫩滑有口感，最重要係冇魚骨，最岩我呢啲懶人食！丸方面就食咗個手打蝦丸，夠爽口彈牙，蝦味香濃~但反而響鈴就唔太夠脆，不過放落湯打邊爐都好吸湯汁☺整體：同連鎖邊爐店唔同，呢到比較地道，而店員服務一流！值得再食☺

10月中的一個星期三，和朋友們去咗呢間火鍋店打邊爐，佢位置近旺角A2出口，係一楝商業大廈3樓，附近冇乜餐廳，好少人流，位置都幾難搵。係OpenRice 見到呢間餐廳食評幾好，2百幾嘅套餐包雞煲，一盆海鮮，牛肉，同多款火鍋配料任食，汽水任飲，仲要係唔限時間，可以慢慢食，飯後仲有雪糕，好正。間餐廳雖然係冇裝修咁，用嘅係古老圓形木摺檯，不過都地方乾淨，客人多數都係一路打邊爈一路飲酒。先上雞煲，叫咗BB辣，食完轉煲打邊爐，有幾種湯底簡，我哋叫咗芫茜皮蛋湯，一份海鮮同套餐包嘅牛肉，豬肉，丸餃，菜盤好快嚟哂，但係我唔記得咗影相⋯。朋友推薦食響鈐，因為係即炸嘅夠脆，我唔食響鈴，冇試。海鮮好新鮮，鮑魚係彈牙嘅，其他海鮮OK，二百幾蚊有呢個質素好好。職員都好好，點忙都會應我哋。呢間會再幫襯。❤️