老三火鍋雞煲海鮮放題

Open Now

Now Closed

服務好，有誠意的良心店，響鈴點雞汁，海鮮新鮮，鮑魚大隻，龍躉魚片，水鱿牛柏葉， 芋頭豆腐雪糕 而且很喜歡他們點菜有一件兩件咁點，不用浪費食物，終於搵到我的旺角飯堂了

朋友聚會，揀著老三火鍋，1分鐘到地鐵站，個個都就腳。食完雞煲，再用花膠雞湯打邊爐，人頭$300有找，由6點坐到11點，服務非常好，主動執骨倒垃圾送的海鮮盤非常新鮮，鮑魚仲郁下郁下。有人情味的香港火鍋店，會再幫襯

同屋企人補食聖誕大餐 搵咗幾間都full晒 呢間竟然7點半有位 價錢又唔貴 即刻訂位試試佢去到已經好多人食緊 我最尾一張入座一坐低會問食咩辣度 我要咗小辣 好快就上咗雞煲同響鈴 響鈴點雞煲汁超好食鍾意食響鈴可以點多啲汁食食完雞煲就揀咗花膠雞湯底 個湯又係勁濃淥火鍋料好入味 仲有海鮮盤 隨機款 啲海鮮好鮮甜其他火鍋配料都唔錯 有鵝腸 白鱔片任食 呢間無限時 一班人去食幾好 屋企人好挑食都話可以再去店員服務好 態度nice 收碟清骨加湯好密手

之前食過一次覺得唔錯，冬天來，再約朋友食一次。雞煲幾好，食完雞煲之後選擇左花膠雞湯底，打邊爐之前飲左幾啖，幾好飲。蝦丸和龍躉片不錯，海鮮拼盤也很新鮮。員工非常勤快，下次會再來。

一大班朋友相聚揀食嘢一定係無限時同任食為主💁🏻‍♀️我地食量偏向大食嘅老三海鮮火鍋店🍲正正啱哂我地嘅要求唔限時得黎🥹亦唔趕我地走到達得服務人員問我地雞煲要咩辣度🌶️🔥我地叫左中辣🌶️🌶️🌶️麻辣雞煲上枱一刻🐔🍲大家忍唔住即夾雞件🐤 雞肉沾上麻辣醬極之惹味可口雞肉嫩滑完全唔鞋口乾柴🪵 亦無雪藏雞味之後有老三自家製即炸響鈴🔔即炸響鈴超級酥脆💥配上雞煲嘅麻辣醬😋大家都食唔停之餘每次都加左兩次雞🐔三碟響鈴係必食嘅食左兩轉雞煲🐤🍲當然就開始我地嘅海鮮邊爐一黎店員會循例嚟問💁🏻‍♀️你今日有xxx 🦐🦞🦀新鮮嘅你地會要嘛？有啲fd 會想要時令海鮮就會要嘅，每個人加多100- 200倒 🥰 ✴️海鮮如下圖✴️有啲fd 話唔駛時店員好友善唔會拒絕而黑面🌚 海鮮隨機送8款嘅湯底 真係有好多種揀㗎⋯⋯我地揀左四川麻辣鍋辣味: 中辣🌶️🌶️夠麻夠辣嘅時候，當然要加下嘅💮各式丸子類同餃類 🥟仲有各式蔬菜類當然唔會錯過 整體評分⭐️⭐️⭐️⭐️⭐️冷氣夠係好重要‼️雖然任食唔吹食客走好多坊間嘅餐廳講唔限時但去到某個時間都會吹人走😢😥🌚本人唔食牛但有白鱔任食真係好歡欣🥹每次都俾點嘅份量唔會少只會多🥰👍🏻

當日嚟到旺角老三火鍋雞煲海鮮放題， 可以時宵夜時段去，比較抵食， 雞煲同火鍋都係任食， 先嚟一個半隻小辣雞煲， 雞份量比較多， 而且醃得入味， 唔會畀曬啲雞頭雞尾你， 同埋冇乜雪味， 再加埋 紫洋蔥 西芹 芫茜， 增加雞煲香味， 你唔夠食可以再加雞， 食到滿足之後就開始可以揀湯底， 佢係會換另外一個 打邊爐嘅煲畀你(好有誠意)， 我地揀咗蕃茄湯， 湯都有幾多配料有蕃茄，有粟米，有金菇， 有薯仔，有菠蘿， 跟住之後就開始海鮮 打邊爐， 今次有蝦同鮑魚， 蝦同鮑魚仲未死，仲郁緊，好新鮮， 蝦嘅蝦膏可以啜(正)， 之後再落豬肉同牛肉， 牛肉係安格斯牛， 豬肉係伊比利亞豬， 淥曬之後再飲啖湯， 鮮甜，可口， 之後仲有好多打邊爐配料畀你揀， 例如 蔬菜籃， 丸 類， 芋絲，牛柏葉，烏冬，出前一丁 白飯…………之後仲有雪糕宵夜時段九點半開始可以食到十二點， 放題有咁多嘢食又雞又海鮮又豬又牛， 再加埋啲配料 你一定飽同滿足，我畀五星星佢

無限時任食鷄煲，海鮮加火鍋已經算係潮流，越來越多地方行這路線，今次揀咗間响旺角，環境比較街坊嘅試下。呢度收二百幾蚊加一，大概三百蚊都算平。食物方面，鷄煲麻麻，大辣都唔辣，亦唔算特別好味，海鮮唔係蒸，而係打邊爐，過水始終冇咁鮮味。一坐低，侍應就推銷另外加五百幾有龍蝦加蟶子，見人多又唔算貴就試下，都係嗰句，普普通通吧。至於火鍋配料，也是和其他差不多，不過因為海鮮份量都算多，食到有啲飽，所以火鍋反而食得唔多。不過呢度果然係旺角，有啲枱會大聲叫喊和劈酒，非常有氣氛～

5月頭嘅星期五，同2位朋友嚟食，今次已經第三次幫襯，因為有朋友未嚟過想試吓。當日待應推介升級個餐有龍蝦每人半隻，蟶子，蜆，鮑魚等海鮮，本身仲有牛肉，丸類，餃子同埋菜都好多選擇。一開始會先上鷄煲，可以選擇辣同埋唔辣，食完雞㷛再選湯底打邊爐，餐廳食物夠新鮮，只係裝修比較舊，人多會比較噪。我哋叫嘅升級餐每人約4百幾，咁就C P值比之前低，因為之前冇叫升級嘅每人3百幾，都係可以冇限時間任食。除咗海鮮只係上一份定量，其他都可以任食，飲品自己出去扲，仲有雪糕。當天餐廳全滿，待應都反應好快，服務值得一讃。

同兩位好友去咗「老三」打邊爐，其實都唔係第一次，但今次真係想留返個好嫁食評！開場嘅雞煲🐔都係一如以往選用嫩滑多汁嫁雞肉，佢重附上響鈴，用響鈴搽一下D邪惡嘅雞煲辣汁真係正到神仙都企唔穩🔥。食完雞煲，我地選左濃郁嫁花膠湯，記得唔好加料落煲住要先飲湯後呀，飲完湯之後先叫佢加湯打邊爐。打邊爐真正開始啦! 佢哋嘅海鮮拼盤真係新鮮得嚇人，鮑魚放入爐重識郁，完全係鮮味嘅象徵。至於🐟龍躉同鱔片，全係厚切，口感實在，食落去唔單止係鮮味，仲有啖啖肉嘅滿足感。同埋我想講次次黎都係咁多人。不過每次我哋嚟，職員都認得我, 仲會主動同我哋傾下計，感覺真係好親切🤝。所以呢個地方已經係我哋朋友打邊爐首選🎉。

這間是同事大推的任食雞煲火鍋餐廳，果然質素不錯，性價比極高🥰最值得讚賞的是他們服務很好👍🏻👍🏻在香港的餐廳很久沒遇到服務好的員工了🥹🥹食物質素：牛肉肥瘦均勻，很鮮嫩，不用涮很久便可以吃了！相反，不建議吃豬肉，因為有豬臊味😣但他們的海鮮很新鮮（贈送和任食的）、甚至手打蝦丸，墨魚丸都很推介😋😋任食火鍋還是港式的風味最吸引💓💓

一共7位一齊訂左位夜晚9點半後去食 價錢方面係好抵食 但係一開波呀姐就好好服務態度咁同我哋講推薦佢哋嘅海鮮🦞又強調平時7位冇可能訂私人房 咁你唔俾咪唔好俾 唔洗講說話俾我地聽 感覺好似要強迫消費咁 於是我哋都叫個象拔蚌刺身諗住試吓 $770連埋加一但係唔新鮮又唔好食 真心唔抵 連佢本身$2xx包埋嘅海鮮都好食過佢 好似俾人呃錢劏客咁 佢話$450一斤 見圖份量好少 唔知係咪隻象拔蚌有骨喇😂😂😂不過呢度嘅員工服務態度好好係真嘅 佢哋係好好服務 只係對單價海鮮好失望 我估可能係生意難做先要出呢啲招數😂😂😂但係我嘅同行朋友就會覺得唔會回頭食

經朋友介紹到這間餐廳食晚市雞煲+任食打邊爐。宜家比較少地方仲有無限時任時的火鍋，$248/位，已經包埋雞煲及之後任打邊爐，雞煲已經高質，最值得讚係任食牛、白膳片、龍躉片，魚皮餃都高質，啤酒汽水雪糕任食任飲。之後upgrade 了加了海鮮，龍蝦加$2xx，珍珠蚌唔洗$100/10隻，無諗到旺角區仲有咁抵食嘅火鍋，而且服務態度咁好嘅餐廳！一晚主動幫我地換兩次碗碟。老闆及老闆娘會主動和客人傾計、關顧客人需要。餐廳地面及店內洗手間都乾淨衛生，值得推介！

已經食過無數次，質素一樣無變，每年生日都唔知去邊度食，因為好多地方都要限時，而且又想食新鮮嘅海鮮，所以就選擇咗老三，先嚟個雞煲，仲有新鮮即炸響鈴，今次雞煲仲要加埋水魷魚同豬皮，吸晒味之後簡直冇得頂，再嚟過海鮮拼盤，今次照樣加龍蝦及聖子，淨係食海鮮都已經飽晒，仲有茶汽水任飲，酸蘿蔔都好正，會keep住繼續食，賣點新鮮以及無限時，每位員工都好熱心同好有禮貌，唔會因為冇限時就趕客，真心推介，必須要訂位，因為好爆，如果唔係就要早入場食。

朋友敘舊，想搵地點方便又唔使趕住走，於是我大膽介紹大家試吓呢一間 我食過一次覺得好正，試吓第二次係咪依然保持咁好水準我先打電話預訂，到場唔使等我哋星期日晚，6點食到10點，大家都食到好滿足好開心飽住走本來諗住好似上次咁，$248+10%唔使$300都已經好正先有雞煲+即炸響鈴，雞煲味道有水準，即炸響鈴，店員話用樞機腐皮即炸，簡直係畫龍點睛超好食，好趣口加濃濃嘅豆香，食完仲可以添加跟住到火鍋，我哋揀咗花膠雞湯鍋和蟲草竹笙鮮菇鍋，我哋覺得花膠雞湯好味到不得了，未打邊爐先每人飲咗半碗，仲有幾塊真花膠可以食（圖中有的龍蝦是我們另外再加錢的）$248+10%包括每人一件以下海鮮我哋跟足店員指示烚幾多分鐘，每樣海鮮都好鮮甜爽口，個個大讚好味今次大家想試吓加龍蝦和繩子，每人加多$7x，超新鮮即劏又鮮甜，正啊我同朋友都鍾意任食嘅龍躉片和白鱔片，彈牙爽口朋友鍾意佢哋嘅手打蝦丸，出奇地好食，超足料滿滿的蝦肉味其實佢哋雲吞水餃都係自己包又足料，但我哋已經好飽，冇再添食安格斯牛添食咗兩次， 大家又係飽到冇再嗌冇辦法，我哋十個都係成人，戰鬥力有限食飽之後大家飲吓嘢傾吓偈，飲品都有兩個櫃好多選擇，仲有自己煲羅漢果

First time having Hot Pot and First CHRISTMAS in Hong Kong. I am From Michigan in America and this is my review of first Hot Pot experience. The staff were friendly and made me feel welcome as they explained the process. The food was fresh and absolutely delicious. Also your drinks are unlimited and they have a huge selection. Desert was a mini ice cream and that’s unlimited also. For price add another $10 HKD for Holiday, otherwise $248 HKD per person unlimited. My Family and I were there for 3