Brotzeit German Bier Bar & Restaurant (海之戀商場)

Open Now

Now Closed

對於飢腸轆轆的我來說這是很棒的starter了😂用料很大方 ham很大一片卷起來 不過叻如果麵包可以烘一下 脆脆的或許口感會更加好看menu的時候和老公一致被這道菜的吸引 很大的期待最終卻是略微失望 沒有想像中應該有的炸的很脆的口感 應該是表面裹的麵包糠太少了 不過倒是保持了蘑菇的juicy和濃濃的蘑菇味 都可以打75分啦菠蘿+ham的組合是我最喜歡的 這家的pizza整到很薄很脆 cheese的份量都剛剛好 水準絕對OK 下次會試試其他款pizza德國菜最出彩的應該是豬手 但是今次反而無比到驚喜我 外皮是脆的但是沒有滿滿膠質的感覺 單純是滿口的油膩 總體來說這家德國菜餐廳性價比都算OK 質素唔錯嘅 天氣好可以坐出邊露天位置 而且叻星期一至三都有一款半價菜 仲有外賣八折優惠

荃灣分店, 本身一直好期待, 因為尖沙咀分店好好, 又好味.點知荃灣分點帶位果位男人, 似係店長, 不知所謂! 無禮貌到極致.內容唔想再講, 疫情下做飲食既仲要咁無禮貌, 唔駛諗住會好生意, 希望佢老闆睇到呢一篇.

疫症期間，很少外出進餐了。所以，出街時會找些在家中較難烹煮的食物，或者自己唔懂得製作的食物。今次來到新的海之戀商場，主要想逛逛Donki，哈哈。並選了德國餐廳進餐，記得這間店鋪在尖東也有分店的，是次只點了一個pizza跟半份燒春雞。原來意大利人堅持pizza不加菠蘿，跟著傳統，點了個以芝士為主，不作修飾的pizza。對筆者來說，芝士味可以更濃，邊皮可以更脆。厚道及份量來說，是剛好的。對燒春雞的要求，其實只想不會成口會有油淋淋的感覺，算是達到最簡單的要求。薯條來說，不夠脆口，但又不會是番炸的感覺。

早前專程去海之戀但想食嘅餐廳已爆滿，唯有去隔離嘅德國餐廳啦🤷。沒有訂位嘅關係，被安排坐在室內近門口餐牌位置的open area，人來人來，吃得極不自在😅...幸好侍應很貼心！入座時詢問過想轉到外面嘅座位但已滿座沒法轉移。沒想到過了2小時，當繼續飲緊啤酒開心聊嘅時候，侍應主動安排我哋轉去環境開揚、有海景又舒服得多嘅戶外位置，即時chill哂💨。🍺Hefe Weissbier德國小麥白啤，味道都唔錯，岩喜好Hooegarden類淡味啤酒嘅我😆。🍺Original Munchner Dunkle Lager有濃濃嘅麥香，甜甜地都幾容易入口。🐷德國烤焗豬手外皮烤得香脆可口，可惜豬肉太乾身，肉汁稀少，有點烤得過熟。主菜尚可，配菜馬鈴薯沙律倒是烹調得很出色，帶微酸，調味及質感控制得恰到好處。🌭肉腸拼盤賣相比較一般，總而言之就是很典型的德國肉腸，不過不失；酸菜略嫌酸度及鮮味不足。

疫情已經兩個多月，每次出嚟食飯都有一個好大嘅掙扎，往往唔係驚被傳染，而係擔心自己係傳染人嗰個。。。講番正題，之前一直有間中幫襯尖沙咀總點，身為新界人嘅我，依家喺荃灣開緊係開心啦，店嘅好處就緊係有分indoor outdoor，喺呢段疫情時間，就可以任君選擇，始終坐outdoor呼吸到外面空氣，感覺好似好少少嘅。。。見我一次又一次番嚟同一間字號嘅德國餐廳，就知，食物質素有保證啦，特別推介唔少得豬手，今次因為得三個人用餐，所以冇機會試到個4-5人適合HK$788+嘅豬手Platter，如果各位遲啲有機會大班人去食，記住試吓去德國餐廳食飯，唔係唔飲佢哋嘅啤酒掛~~有唔同size同味道，真係要試試~~

Brotzeit好耐冇食過德國嘢 見間嘢新開好似幾吸引下雖然食得唔多嘢 但叫做食下豬手飲下啤酒叫左個慕尼黑腸 同豬手為左杯啤酒可能會返嚟食多次😂慕尼黑腸冇乜味好大條啖啖肉豬手就皮脆但啲肉質有待改善 似煲湯瘦肉咁 有d失望嘅 個薯仔沙律唔夠酸但都幾好食啤酒叫左 stiegl grapefruit🥰易入口叫左個蘋果批 幾好味如果個皮薄返d會更好 多d肉桂粉會更好食 ______________________________總結：⭐️⭐️⭐️味道：❤️❤️❤️🖤🖤（普通港式德國菜）份量：🍚🍚🍚（岩岩好 3個人2碟嘢再加甜品好夠飽）環境：🍴🍴🍴（坐出面望海會正d）服務：💪🏻💪🏻💪🏻（不過不失嘅）價錢：💸💸💸（價錢有啲貴 不過德國嘢好似比一般西餐貴 happy hour飲啤酒就抵）

今日帶朋友來吃「Kalbsrahmgulasch Veal Goulash」「燴牛仔肉伴自家製牛油麵糰」，這是一度德國傳統美食，紅燒小牛肉配上香料紅甜椒粉，增加色和味。其實我最想向她介紹牛油麵糰，這是以麵粉 牛奶 雞蛋製成，用水煮熟後，以牛油炒香，伴上主菜一同進食，這個是很傳統的德國菜式，味道質感都非常好。另外選了一個 Spinach Flade 「菠菜薄餅」內有菠菜，芝士，車厘茄，洋蔥，磨菇…等，餅底非常香脆，材料簡單，食味一流，又適合素食的朋友。

讚1. 環境幾舒服，坐到露天環境既話，吹住海風幾舒服2. 香腸係還好，皮脆肉香，煎得唔錯彈彈1. 服務係要進步，首先間鋪無咩客時，咁既情況下，係咪唔應該安排啲客坐近商場行人路隔離既座位？你間野爆晒就話啫2. 啲野食等得太太太耐，半個鐘先上左個香腸，隔離位等左成八個字，都仲係得麵包3. 德國全日早餐，實在太太太太太太咸

Poor but costly foodThe all-day breakfast costs $128 but gives a very small portion only (which we can easily cook the same at $30 at home). The pizza is also made very hard and got cold when served.Overall it costs $320 for a all-day breakfast and a pizza. But due to the small portion, you would still feel hungry.

間野冇人，入去即係截住問你有冇預約，之後同你講一陣要還台。算，照坐。間野冇人，叫個侍應，耍手要你等，叫另一個，佢望住你質疑你想做咩，再揮佢過黎，佢繼續黑面並加強疑惑眼神。依家我叫你要先解釋原因？即走。再強調，間野冇人。

餐廳喺正海傍隔離，仲有露天area，飲酒一流又夠chill德國烤豬手，勁大隻，皮超脆，肉都好淋！伴碟嘅酸瓜夠晒酸，mashed嘅薯仔沙律都有個陣酸瓜味，但酸得黎又幾開胃Mozzarella salad個沙律最欣賞嘅係佢個唔知咩瓜🤣 酸爽唔係特別淋，有咬口。同埋個沙律都夠酸，作為開胃菜一流呢個pizza對比起其他野食就有啲失色，pizza餅底唔係特別脆同埋味道麻麻，但個賣相就都幾治癒嘅，一格格🤣Steak~西冷牛扒叫左medium ，外皮小脆，肉都夠淋，重點肥位都好食，平時食肉唔食肥膏嘅朋友都照食肥位😂 煙肉卷啲露荀超嫩，無渣。第一次試個麵包餃，入口有啲乾似pasta嘅芝士麵糰，真心推介，鍾意食芝士嘅人一定要試！趁熱食，可以拉到絲🤤芝士味夠晒濃，麵團似通粉，一粒粒細細粒咁，入口texture好得意，勁好食4個人叫左5樣野食，碟碟都好大碟，個個都食到好滿足，叫埋酒飲每人都係$320埋單😋😋

去旅行時愛上了德國的麵包圈，今次在海之戀商場也可以吃到很傳統的德國巴伐利亞麵包圈，太棒了。因為還要跟朋友聚餐，所以今日只可以吃一點點，滿足一下自己。首先叫了一個「紐倫堡肉腸伴馬鈴薯茸及德國酸椰菜」，這是最具代表性的德國香腸，據說紐倫堡人愛香腸，還設立食譜標準。紐倫堡香腸帶有淡淡的胡椒和香料味，配上薯茸及酸椰菜特別好味。有3種醬料提供，我喜愛芥末醬 它能提升香腸的味道。其實他們的酸椰菜有點不夠酸，跟我哋食開的有些不同。主角出場，因為需要烤焗所以要一點時間。Fresh Baked Bavarian Pretzel🥨 是德國麵包中的經典代表，有着鹹鹹香香的味道，新鮮出爐的pretzel 表皮柔韌有嚼口而內里是柔軟的，在麥香中有點點鹹，好好味。

一連兩日都揀左這個餐廳, 因為佢有露天茶座｡環境可以,服務可以,但食物質素需要加倍加倍加倍改善,還有飲品也需要大大改善，要不然，想找一個Hea點，寧願去茶餐廳也難選擇它。首先講個云尼拿 milkshark,話用雪糕整，出黎好似水咁樣,未飲過咁難飲,仲要飲完返屋企有少少肚痛, $3百幾蚊塊牛扒要medium rare, like meidium, 肉質有點似變壞左，伴菜薯茸，西蘭花，椰菜花一點味道也沒有，未食過咁難食魚柳意粉OK, 正常野，無特別，係魚柳煎得老左好硬，牛油果沙律最得，無投訴推薦大家。所有咖啡都唔知點解咁難飲，無咖啡味啤酒就沒有說話可以批評或者好平最後講埋個雞翼，應該入左平價貨，好瘦雞翼完全無肉尖沙咀果間好好食，估唔到荃灣呢間咁…………就算有外國人註埸整理，都補唔到食物質素

直入正題: 餐廳就係地面嗰層。可以望住個海。感覺好好。食物質素不錯。荃灣西式酒吧餐廳另類選擇。豬手味道口感好，皮脆肉嫩。酸菜味道淡啲。德國香腸沒有點拼盆式，隨意點一款。味道合乎水準。以食物質素係可以再去。但，服務相對未達呢類餐廳水平，同RT, OB比較。態度，對答都未夠班。要多陪訓。最緊要係為依家咁嘅環境，注意衛生大家食得安心啲。特別係幫客人切豬手時，只用餐紙巾包住食物嚟切，手套都冇，啲指甲有少少灰咁。咁好似有點過份😞😞😞

到荃灣西站海之戀商場午餐，看看商場內的餐廳有什麼好吃，在這個時候要找一間顧客不太多的餐廳進食，空間大一點這也是防疫的措施。Brotzeit German Bier Bar & Restaurant 坐落於商場地下層，餐廳很開陽，有落地玻璃看到海濱的景色，是一個進餐的地方。The Bavarian all day breakfast 內有二只雞蛋，可選擇以奄列 煎蛋 炒蛋等形式，還有德國腸、煙肉、燒番茄和德國麵包等，德國腸幾好味，香腸是德國名物，煙肉就烤得比較乾身，雞蛋有蛋香，但我不知產地是何處。這個早餐很平實，沒有多餘的汁醬，很有德國風味。Vanilla Milkshake 就比較淡，比較稀身，不太好呢！