btw (Closed)

今日去探訪欣榮花園既朋友，探完就兩人一齊去搵嘢食。叫依間之前未食過，甘一於試下新嘢啦。朋友叫左個薏米人蔘雞燉湯：個湯雖然見唔到條人蔘，但都有得蔘時根係湯度，$78唔通比哂成條蔘你咩。不過個湯都幾濃蔘味。雞肉就正正常常，加$9配個珍珠飯都幾好，飲不半湯，留一半嚟做泡飯。我就叫左個日式照燒汁焗雞扒飯：個份量好大，男人都絕對食得飽。雞肉算係幾嫰，唯一唔好係佢係用鐵鑊上台，而餐廳冷氣都幾強，所以好快就無左熱氣。小食叫左個車打芝士炸雞：炸雞炸得好脆，好食。芝士比既量都好多，一定夠你點雞哂所有炸雞。唯一唔好係冷氣太強，芝士好快冷左就凝固變得難點。如果下面有個蠟燭熱住就perfect。嘢飲就叫左杯藍荳花檸檬茶。正正常常，無特別。同場加影送餐機械人

Btw 前身係翠華，都開左幾個月，今日第一次黎試。之前星期日夜晚八點幾都去過，但係full 曬，而且出便仲有十個八個人響度等，都估唔倒咁旺。今日weekday, 見有位又冇咩人，就入左去試。叫餐要自己掃QR code 自助點，如果唔掃就要出去自己叫。btw 夜晚係冇晚餐，要散叫，menu 都算幾少野，茶餐廳黎講價錢都算貴。朋友叫左個咖哩牛腩飯，我就叫左個人蔘湯娃娃菜加韓式粉絲，平均每款都六十幾七十幾，仲要冇野飲。不過食落兩款都幾好食，個咖哩多餸又夠香，完全係一般茶餐廳水準以上，蔘湯娃娃菜都唔錯既。不過佢個送餐機械人好似冇咩用，又唔識搵路，我見大部份既餐都係人送既多。

土瓜灣呢頭以前真係好少黎，感覺上成日塞車，搭車又唔多方便，但自從屯馬線開通之後真係好興奮，間中都會黎呢邊搵下野食，今日就黎到附近嘅屋苑食平價韓國菜！開頭喺門口睇，以為呢間野都係d鋪頭仔做街坊生意，入到去發現原來都幾大間，卡位梳化位都幾多，晚市都坐滿重有人等位添，餐牌D價錢望落都幾抵食，我地兩隻大食積就豪不客氣咁瘋狂點餐🤪點完冇耐就聽到有人話「知你地好餓喇」原來呢度係用機械人送餐，佢會跟指定路線行黎，遇到其他機械人重識避開，好利害呀，見到隔離枱無論大人定細路都覺得好新奇，大家都想再點野食等佢再黎，呢個賣點真係幾吸引🤖*K-Pop炸雞 $34*以為30幾蚊嘅炸雞會得好少，但黎到有驚喜😍炸雞熱辣辣，味道係經典嘅韓式甜辣醬，就算放左一陣都仍然脆口，比起平時食嘅炸雞較細件，但細細件都有好處，可以一啖一舊唔洗整污漕隻手👍🏻*溫泉蛋牛肉石鍋飯 $66*熱辣辣嘅石鍋打卡一流，個底有好多飯焦夠哂香口，除左可以用蛋汁撈飯之外，重有兩款醬汁比你揀，石鍋嘅好處就係慢慢食食到尾d飯餸仍然熱辣辣，牛肉嘅份量都算多，飯亦都一樣，包你一定夠飽😂*薏米人蔘雞燉湯 $78* 加配*韓式粉絲 $12*一上檯就聞到陣陣人蔘嘅

朋友話成日經過呢到都好想入去。今晚約咗朋友到呢間店舖食晚餐，門外睇入去已經覺得好特別，入到去就會發現，原來係用 "機械人送餐"，機械人會係廚房出菜位等待，等待美食放入背後嘅箱子，就會出動送到指定嘅餐枱，再由職員放到枱上，真係又快又特別 港韓西式都有得選擇，嗌咗個補湯，補補身【薏米人蔘燉湯 $78】雞肉夠嫩滑，燉湯湯而不油膩，仲好甘甜，人蔘味香濃，真材實料。仲可以配 紫菜珍珠飯 或 韓式粉絲 嗌咗兩杯飲品【藍荳花檸檬茶 $22】紫藍色好吸晴，甜度可選擇，飲落唔太酸 (蝶豆花有助保護眼睛)；另一杯就係【柚子檸檬梳打 $26】清甜好飲，夏天飲就最啱 嗌咗碟【日式薑茸燒汁豚肉炒粉絲 $64】燒汁豚肉嫩滑，有好多塊，配菜超多，粉絲炒得乾爽不油膩；【柚子雞翼 (4隻) $32】甜甜柚子醬，雞翼炸得香脆，雞肉肉質嫩滑好味 極邪惡嘅【車打芝士醬配韓式炸雞 $28】韓式炸雞已經好吸引，外脆肉嫩肉，再配埋邪惡到爆嘅芝士醬，真係正到暈，芝士醬有齊 "車打芝士 + 馬蘇里拉芝士" 睇餐牌已經好想食【煙三文魚薄餅 $72】賣相已經好正，勁多塊三文魚，入口濃郁甘香，薄餅咬落脆卜卜，個size唔太大，同朋友分一半食

呢間新開嘅茶餐廳，好多款菜式，叫左個韓式牛肉石鍋飯，味道不過不失🥢，算係正正常常嘅味道。💫💫佢嘅牛肉係好茶餐廳嘅肉質，唔係好吸引，如果質素好返小小就比較好啲啦！😌😌韓式醬汁放左落D飯度變左冇乜味道，整體黎講都OK嘅！🙃🙃🙃🙃🙃🙃味道有待改進呀～～ 環境裝修格新，用咗韓式嘅燈管設計，比平時嘅茶餐廳坐得舒適，室內環境比較光猛！場內有架機械人嘅餐車走來走去，可以當係裝飾點綴嘅一部份！

今日專程同仔仔去btw餐廳，原因是帶他見識一下機械人送餐。他覺得很神奇😂我們用手機下單，款式好多，有韓國菜、有西餐、中餐⋯最後我們叫了一個薏米人蔘雞🐔燉湯配韓式粉絲和日式照燒雞扒焗飯。見到餐枱上的廣告牌介紹極邪惡車打芝士醬配炸雞🐔，即時忍唔住要叫！另外還叫了韓國葡萄汁🍇和Sangaria 蜜瓜果味汽水🍈。薏米人蔘雞燉湯非常足料，好香濃的人蔘味道，雞肉嫩滑。韓式粉絲口感彈牙！😋日式照燒雞扒焗飯好岩小朋友食，燒汁易入口，份量都挺多！😋車打芝士醬配炸雞好香脆，配上芝士醬一流！👏🏻整體上，無論價錢、服務都感覺良好！👍🏻

今晚在土瓜灣收工，跟同事一起食晚飯才回家….行過欣榮花園附近看到一間BTW 餐廳，原來是有A.I.人工智能機械小幫手送餐🤖的主題餐廳，而且是主打港韓西式元素創意菜式…那麼不能不入去試吓🙃食物真係多元化，有港式焗飯，西式意粉，韓式石頭鍋飯等…而且價錢是茶餐廳價格🤭薏米人蔘燉雞湯….湯底濃郁，有蔘味，有半隻雞，薏米，雪耳等…隻雞不肥，煮得夠淋入味🙃份量足二人的！日式鰻魚石鍋飯，熱辣辣送上，鰻魚都算肥美鮮甜，有雙色泡菜蘿蔔粒，跟醬汁撈埋連飯食夠香濃！熱奶茶都夠滑夠茶味！藍豆花檸檬茶

土瓜灣地鐵開通左之後，約朋友也方便很多，因為只要有地鐵，朋友也會去😜朋友話土瓜灣有間是用機械人送餐，而且食物多元化，重點價錢很實惠…於是今晚就去dinner 順便吹下水😝「BTW 」除了是用機械人送餐，也集合了港式，韓式，西式等不同種類的食物…今晚就一於扮韓國人😜食炸雞，飲燒酒🤪韓式燒酒只有果味和Fresh 2款，就叫曬啦🤣🤣🤣K - Pop 炸雞$34，份量不少，炸得香脆雞肉嫩，但又不會太油膩，醬汁是甜甜酸酸夠醒胃！配燒酒very 骨🤤🤤柚子雞翼$32，原本以為只是雞中翼，點知原來是雞中翼連雞翼尖😱同樣炸得皮脆肉嫩，而且柚子味重而帶點芝麻香！味道不錯🤗蒜片辣椒欖油大蝦炒扁意粉$68，份量足，有三隻大蝦，肉質爽口，蒜片炒過很多，帶少少辣，夠醒胃！

“溫泉蛋牛肉石鍋飯”($66)“蒜片辣椒欖油大蝦炒扁意粉”($68)“辣肉腸薄餅”($68)“柚子雞翼(4隻)”($32)“藍荳花檸檬茶”($22)又嚟到土瓜灣搵食啦🤣行行下見到有間叫btw嘅新餐廳見都好似企企理理嘢食款式又多所以入咗去食😆入到去發現入面空間勁大,坐得都幾舒服😝用手機scan qrcode落單,夠哂方便呢間餐廳最得意就係會用機械人送餐🤖🤣全靠啲機械人餐點好快就到齊😆首先要咗個溫泉蛋牛肉石鍋飯🐮其他配料有大豆芽,蘿蔔粒🥕如果多返個菠菜會好啲🥬配埋韓式辣醬汁同麻香醬汁撈均嚟食係唔錯嘅個底仲食到有飯焦好爽🤣另外叫咗個蒜片辣椒欖油大蝦炒扁意粉🦐雖然個賣相普普通通但食落ok嘅😆蒜味係香濃,大蝦都算爽口加上辣辣地咁幾惹味🌶之後仲叫埋個辣肉腸手拉pizza🍕呢個就搞笑咗啲,因為我地發現嗰啲好似係臘腸😂正常辣肉腸焗完應該唔會燶哂邊架嘛😂好在食落都唔算太奇怪🤣個pizza批底其實整得還ok😝唔會太厚太實小食叫咗柚子雞翼睇menu係4隻中翼但嚟到係4隻全翼,感覺賺咗咁🤣雞翼炸到外脆入面keep到juicy外層再淋上甜甜嘅柚子蜜☺又幾唔錯😚飲品方面叫咗杯藍荳花檸檬茶🍋貪佢紫色夠哂靚💜🤣飲落就

今次係好多既第一次，第一次搭屯馬線🚆，第一次去牛棚🎨，第一次飲人蔘雞湯🍲，第一次去間餐廳係機器人送餐🤖😲一路都未試過人蔘雞湯，今次出街食飯，終於可以同朋友叫黎share啦～我地叫左薏米人蔘雞燉湯、煙三文魚忌廉扁意粉、溫泉蛋牛肉石鍋飯、車打芝士醬拌炸薯條、熱柚子薏米水、柚子檸檬梳打。兩個女既好似叫得太多野添😛呢度係自己掃code點餐既，好適合一d選擇困難既人🤣可以慢慢唸。野食黎到！！😳係有機器人送餐，真係第一次見，好搞笑😂不過都係由企係附近既員工放返落枱既～咁都幾好🤔d員工就唔使拎住d重野跑黎跑去咁辛苦😌薏米人蔘雞燉湯呢個認真幾好，飲到有人蔘味，但又唔算太重過左火，d雞亦都睇得出燉得好夠時間，雞肉好易撕開，份量好夠，又唔會太咸，飲完唔會覺得有好重味精味👍煙三文魚忌廉扁意粉Cream得黎唔會覺得好膩，三文魚已經撈勻係麵度，每啖都食到少少三文魚係度，最最最緊要係個意粉中間滲左d 芫荽碎係度，令到個意粉更加清新😍溫泉蛋牛肉石鍋飯比較建議真係食之前先點，因為呢度上菜係快既，呢個要趁熱食會最好，食既時候都提議要撈埋附送既醬汁會更惹味👆車打芝士醬拌炸薯條意外地唔會瓊得好快，慢慢食都仲可以點到既芝士醬

温泉蛋牛肉石鍋飯（$66）依個石鍋飯我覺得性價比極高。首先佢個飯真係都幾大份，食完佢其實你都會幾飽下。二嚟佢都真係幾足料下，啲牛肉都幾多，足夠令你啖啖肉咁食完嗰飯。同埋嗰石鍋夠熱俾你整到啲飯焦。我覺得依個飯完全對得起嗰價錢。車打芝士醬配韓式炸雞（$28）依個我覺得非常驚喜，老實講，我完全唔expect依間餐廳可以做到咁有水準嘅炸雞。嗰炸雞炸到熱辣辣，咬落去重有肉汁。嗰芝士又係好邪惡嘅，但兩樣嘢夾埋又係好難輸嘅🤤。唯一缺點就係炸雞嘅份量唔算多🥺。人蔘雞湯配娃娃菜（$48）講完咁多又肥又熱氣嘅嘢，咁就講下依間餐廳嘅一啲健康之選啦🤤。依個人蔘湯真係好濃人蔘味，同埋味道又唔會好咸，都真係幾適合想食得清淡嘅人㗎。同埋佢啲娃娃菜都幾多。如果唔想食啲主食嗰啲，其實叫一個人蔘雞湯系列嘅菜式都夠哂喇👍🏻👍🏻。柚子雞翼(4隻)$32柚子味雞翼外皮香脆，滲透柚子味好fresh，好開胃，雞肉好juicy。韓式牛肉炒粉絲($66)粉絲爽口軟身，咬落口感煙煙韌韌，整體更唔會太油，調味好夠，牛肉惹味多汁，韓式風味十足。藍荳花檸檬茶($22)柚子薏米水($26)飲品種類豐富，要養生有養生，要打卡有打卡，唔錯！呢間餐廳

由於很近公司，經常路過都未曾試過光顧，好奇心驅使之下，便來這裏一事。這裏有三個機械人送餐，只需掃描二維碼，便可以落餐。薏米人蔘雞燉湯$78，內有栗子、人參、紅棗和雪耳，味道甘香清甜，人參味道濃郁，雖然不像真正的韓國人蔘雞湯，不過亦很有特色。香辣泡菜炒豚肉配珍珠飯$68，有大量大蔥和豚肉，豚肉脂肪比例均勻，辣度很高，非常適合辣椒控享用，如果泡菜再多一點更好。咖喱炸雞配珍珠飯$56，咖喱汁味道香甜，配上香脆可口的炸雞，非常適合佐飯。

諗住試下新餐廳的早餐環境大有機械人早餐到上午11:30飲品選擇較多但最後失望而回無驚喜不但只食物選擇十分少諗住食豬扒米但早餐竟然無米粉揀，一豬扒一定要配即食麵無得轉米粉職員態度差以後唔會再黎

呢間餐廳做左個新嘗試，就係安排小機械人負責送餐～小朋友們見到心情都好開心哂～🍗柚子雞翼($32)好味指數：👍🏻👍🏻👍🏻👍🏻👍🏻 炸皮超級香脆，雞肉非常亂畫，配上滿滿甜甜地嘅醬汁，超正呀，小編大推。🍗K-pop炸雞($34)好味指數：👍🏻👍🏻👍🏻👍🏻👍🏻 醬汁甜酸帶點微辣。熱辣辣新鮮製造，外皮相當香脆，雞肉嫩口。🍝意式茄茸海鮮天使麵（$72）好味指數：👍🏻👍🏻👍🏻👍🏻天使麵縮成夠剛好，海鮮有青口同蝦，樣樣新鮮。特別係蝦，非常彈牙。醬汁有好香濃嘅蕃茄味，能夠剛好，唔會好膩。🍲日式薑茸燒汁豚肉炒粉絲（$64）好味指數：👍🏻👍🏻👍🏻👍🏻好重嘅日式辣油味道，粉絲條條分明，口感彈牙。豬肉片薄身嫩口，有椰菜同紅椒伴碟，解油膩。🍹柚子薏米水（$26）好味指數：👍🏻👍🏻👍🏻👍🏻清甜嘅柚子香氣，配上薏米清熱解渴。🍹柚子檸檬梳打（$26）好味指數：👍🏻👍🏻👍🏻👍🏻好香嘅柚子同埋檸檬香氣，賠償冰藍嘅沙灘，夏天飲超正。🪑環境鋪位闊落，有好多張枱，唔洗點等位。適合1-4人入座。以下係餐牌俾大家參考一下：

呢間btw係 北帝街新山道交界，雖然5近土瓜灣地鐵， 但我今日同女朋友行開土瓜灣就黎嚐下。講下 主餐 叫左 意式茄茸天使面 同 日式薑茸燒汁豚肉炒粉絲。 天使麵食落口彈性十足，加上新鮮番茄同海鮮蒜蓉作配搭 成件事和諧得黎 易入口。推薦度滿分， 至於炒粉絲 味道適中 豬肉有咬勁 配上燒汁 無限鍾意重口味油膩味道嘅女朋友🤭小食就叫左 kpop炸雞同柚子雞翼，炸雞炸到 熱辣香脆 加上 韓式醬濃稠糖醋配上微辣 口感一流，而 柚子雞翼 外脆內嫩 配上蜜糖柚子醬 成件事好夾 🥰野飲 就分別叫咗 柚子檸檬梳打 同 柚子薏米水。落單果時兩個選左濃味 ，兩個都充滿柚子味 啱哂鍾意柚子味既我 🥰