丸·茶手作 (Closed)

見到呢間珍奶茶店，一直以為係德民街果間嘅分店，只因個名太似... 德民街果間叫丸作.食茶 🤯 媽，我好亂呀～ 你話係咪先？仲要大家都係賣唔同口味嘅手造珍珠，又係台灣學師之類咁，點分？店裝潢都幾類近，sosad不過賣嘅珍珠口味其實唔同，呢度獨有櫻花、紫薯、桂花。我一直想食桂花珍珠，於是要左珍珠奶綠。綠茶膽味澀，唔夠清香，加左奶後都係稀澀，大失所望，覺得唔好飲 😕 而桂花珍珠只有微淡嘅桂花香，質感又偏韌，真係好一般。唔會再食。P.S. 未打卡就比店面搖勻左，唉。

鐵觀音珍珠奶茶，正常甜度和冰度沒有特別要求少甜或少冰。成杯野無冰，可能溶晒。令整杯奶茶十分淡，似走甜。鐵觀音亦飲唔出係鐵觀音，似普通茶味，連烏龍茶都唔係囉。黑糖珍珠硬到好似未煮熟（中間好似仲生，硬硬地）聲稱自家製珍珠，上次試桂花珍珠已經覺得十分一般，以為自己揀錯中伏。但係今次連大路黑糖珍珠都十分難食，不如你地出去攞貨啦。呢間野好似突然開好幾間分店，但飲落係完全唔值得擴充，無心製作，淡而無味，起碼紅磡呢間係極差。唔洗試

早日試左佢top2既黑糖珍珠撞奶珍珠真係勁多 不過唔太林 要咬耐啲味道普通 唔太出眾總括嚟講還好。所以更好奇佢top1 & top3 會點聽朋友講桂花珍珠好飲啲下次會試呢個

還記得第一次飲到丸茶手作的芋頭拿鐵那份驚喜與激動，第一次飲到打成芋泥近乎冇顆粒的芋頭拿鐵，覺得好新奇。可惜後來幾次再試，都再冇這種效果，又變回塊狀芋頭，同其他店鋪的同類產品差別減少左。繼週五飲完天仁的芋香鮮奶綠再度失望而歸，今日係尖沙咀試完迷客夏的大甲芋頭鮮奶，覺得有驚喜又未夠喉，決定即刻翻紅磡飲多杯丸茶手作的芋頭拿鐵，黎一次三間大對比。今日的丸茶手作好爭氣，可能客人少，芋頭打得好碎，重拾第一次的芋泥口感。【芋頭份量】丸茶手作＞迷客夏＞＞天仁【芋頭size(細→大)】丸茶手作(今日)＜迷客夏＜丸茶手作(大部分時候)≈天仁【芋頭甜度】天仁(半糖)＜迷客夏＜天仁(全糖)＜丸茶手作【芋頭質地】天仁水平唔穩定，一時好粉一時好脆；丸茶手作普遍粉，打成芋泥更加滑；迷客夏口感介乎粉同綿滑之間，有獨特嘅奶香味，食落仲會有甜味滲出。【整杯甜度】天仁(自由搭配)，迷客夏＜丸茶手作【奶味】天仁＜丸茶手作＜迷客夏【與牛奶的契合度】迷客夏＜天仁≈丸茶手作(大部分時候)＜丸茶手作(今日)【價格】天仁＝丸茶手作($26)＜迷客夏($32)【總體喜好度】天仁≈丸茶手作＜迷客夏整體黎講，以前係天仁的天下，依家越做越差，

我和女兒都是珍珠奶茶的擁躉應該這樣說我和女兒都非常喜歡是新店、新產品經過看到這家店我們便忍不住試了兩種不同口味1）黑糖珍珠奶茶2）珍珠奶茶（黑芝麻珍珠）兩款也選擇了少甜小冰黑糖珍珠奶茶實在太甜了黑芝麻珍珠味道和口感很不錯值得再來 由於新開排隊的人也不多店員的服務也不錯講解得很詳盡