丸·茶手作 (葵涌廣場) (Closed)

可可拿鐵🍫🥤💰HKD 22-今次叫了M size和少甜的可可拿鐵，插下飲管，一口喝上飲料，濃郁的朱古力味道充斥著口腔，而奶味則被朱古力蓋過了，弄得好像正在飲著朱古力般。另外飲品雖然叫了少甜，但感覺上甜度與原本的差不多。整體來說都不會「超級甜」，所以還可以吧。-►好食指數：6/10朱古力味很濃郁，奶味有點欠缺。-✎想看更多的請到IG @wd.smallworld

聽說係全港首創的手作桂花珍珠！喺葵廣掃完街，想買杯飲品，經過丸茶手作見到有幾款唔同口味嘅手作珍珠賣，都幾特別，起碼喺外面未試過！我本來想飲芋頭奶茶，不過唔可以調整糖度，我怕太甜，結果我叫左杯茉香奶綠加桂花珍珠走甜。桂花珍珠好特別，咬落有淡淡嘅桂花香味同食到少少桂花花碎，令無糖奶綠層次豐富左好多，而且口感煙韌軟綿，相比起一般嘅黑糖珍珠，感覺清新好多。可惜飲完杯桂花珍珠奶綠，好飽，再食唔落其他葵廣小店小食。

呢個冬天唔算太凍, 間唔時都仲可以飲杯手搖杯等我既人生過得愉快少少🤡<冬瓜檸檬>冬瓜呢啲寒涼之物就係你越唔應該飲你就越鍾意飲既(人係咁衰格既😛) 呢杯檸檬味會重啲, 第一下飲成個人醒哂~ 冬瓜味都出, 好飲!<百香果綠茶>百香果唔多, 唔似其他台式飲品店咁百香果多到你啖啖都飲到, 不過個人喜好啦, 我覺得咁樣岩岩好😀綠茶茶味幾香, 唔會死甜, 好飲!

今日就去左葵涌廣場2樓，上左電梯，再轉彎，進入白色世界就到，這裏有好多唔同飲品同小食店選擇，我最後就選擇左丸·茶手作，因為這間店舖好特別，你飲珍珠奶茶個時係可以選擇，唔同味道珍珠，我係其他鋪頭就冇見過，有桂花，芒果，紫薯，鳳梨，櫻花，黑芝麻珍珠，超多款式可以任選，喜歡食珍珠朋友就唔好錯過我就叫左桂花珍珠皇室奶茶$23，奶茶味道剛剛好，唔會太甜，好香滑，珍珠就好有嚼口，仲有淡淡桂花香我去個日就做緊應援，會有杯套送同牆壁會有唔同裝飾

就算你係黃店都唔應該咁冇禮貌我相信好多香港人都係因為你係黃店所以幫襯你。上次我落單嘅時候已經覺得個女人勁冇禮貌，再之前就係啲同事玩到勁大聲整野飲整到勁慢好多人等緊。好似傾計同玩先係佢哋嘅工作，整野飲係額外咁今次我企左去收銀嗰度想落單個男人就喺度做自己嘢，明明見到我都唔理我，我再等左一陣佢先至問我要乜嘢。個女人整完嘢飲就咁放嘢飲係枱又唔叫號碼， 又唔係淨係得我一個人等緊，所以我唔知道杯野係咪我嘅，佢地兩個就企係到玩同埋大大聲傾計。跟住等左一陣我覺得有啲奇怪先至走過去睇杯野係唔係我嘅number個男嘅就同我講唔好意思，我想講個男嘅一直都企左係度佢知道杯野放咗喺度，但係佢都唔叫號碼我唔知佢哋想點囉。同埋佢講完唔好意思之後，個女人都係無動於衷佢一啲唔好意思嘅感覺都冇，就咁望左我一眼就行開咗。 跟住我話我拎走想要個外賣袋，明明見到佢有拎飲筒但係唔知佢係咪放唔中落個袋定點 我依家發現係冇飲筒 我唔知點樣飲好附近黃店都好多，唔會再幫襯呢間。

我第一次幫襯佢地。作為一間連鎖有分店嘅茶店,做生意都算無系統,唔係跟單號次序製茶,比我遲買嘅兩三個客人都拎茶先。原因係買完茶貼咗lable嘅杯亂排,製茶果個又唔睇次序,見邊杯放面前就整邊杯先,好飲都無用啦!收銀唔識處理單嘅先後,製茶又唔跟,點做生生意。

葵涌廣場食肆小店越來越多，以前小店大多是買衣服，現在買衣服旁邊總有一間是買食物的～在附近小店買完食物當然要買杯飲品，這間小店面積較大，裏面有大量韓星照片，現在只要like 店舖某社交媒體，在購買前展示可享九折優惠。驚見這裏有白毫烏龍茶，於是就點了杯小冰、少甜試試。白毫烏龍十分矜貴，別名東方美人茶，名稱是因其外觀白毫顯著而來。半發酵青茶中，發酵程度最重的茶品。這裡的白毫烏龍茶味較淡，帶點回甘味，不苦不澀，消暑解膩。

之前都飲過一次 丸茶手作,但已經唔記得咗係咩lu !今次見到apps有優惠 ,就是咗芋頭鮮奶 ,點知又係伏嘅一次!!!芋頭latte $22(用app後嘅價錢)評分.../5(唔識評)佢哋甜度冰度喺固定嘅!首先鮮奶冇鮮奶味 ,凍到咩味都飲唔到 ,跟住又超甜 !的確有真實 芋頭用 ,但根本甜到飲唔出! 我明有時冰度固定係因為維持返飲品嘅質素 ,但如果質素係咁,點解你又唔畀我減糖減冰呢? 就算好食得甜嘅人,我都唔覺得呢個係岩嘅甜度,蓋過所有奶同芋頭味 !

係葵芳廣場入面賣台式飲品嘅店舖真係轉個角就有一間。今次想試下間未飲過嘅，所以就去咗呢間丸茶手作。叫咗一杯鐵觀音奶茶大杯（$21），加咗桂花珍珠（佢寫係全球首創的）。可能唔係撞正食晏時間，店舖唔係好多人，唔駛等好耐就有得攞。整體嚟講，飲品其實係ok嘅，不過略嫌鐵觀音味道就唔係好夠濃，有啲啲嘅失望，下次可以試其他味道。值得一讚係佢個桂花珍珠，係有好香桂花味，但又唔會過甜。呢排飲太多黑糖珍珠，飲下呢個感覺都幾清新。下次再飲都會再加呢個桂花珍珠。

行過突然想飲杯肥仔水，見到呢間鋪面幾大幾舒服，又見到Menu嘅價錢好合理，就去幫襯左。左一杯鐵觀音奶茶加蒟蒻球 小甜小甜我覺得都好夠甜，茶味幾出，再小甜小小應該更好。奶味就....奶精囉唔香，但似落都滑口唔鞋既芒果蒟蒻球，個芒果味好小唔出，同埋陣味好假，但幾q彈好，感覺好似健康過珍珠同埋我覺得算抵飲。選擇都多，下次試下奶蓋同咖啡類

每次經過葵廣 都見到呢間丸茶手作成日都好想試下今日見到 終於有人陪我試! 呢間飲品舖好似係特色珍珠岀名嘅所以想試下d珍珠有幾特別原本想試全港首創桂花珍珠點知賣晒😭所以叫咗個鐵觀音奶茶+櫻花珍珠另外叫咗微糖+少冰順帶一提Follow ig 有9折! 慳得一蚊得一蚊嘛😆等嘅人唔多好快就有得攞啦😋鐵觀音奶茶幾好飲茶味幾重 但奶都配合到 而且唔係好甜唔會話茶有茶嘅甘 奶又自己死甜咁😌個茶底算係唔錯可惜嘅係個櫻花珍珠好 鬼 甜!!!!! 仲有 好 鬼 冧!!!!!Cryyy 個珍珠完全唔彈牙唔煙un!!! 係冧嘅! 冇咬口我係唔中意嘅唔知自己食緊pat 咩咁浪費咗個奶茶!!!!! 不過唔知其他珍珠係點未有衝動想試💁🏻‍♀️

這間在葵涌廣場美食街的台式飲品店，經過多次，終於有機會試一試。見到店內推介黑糖珍珠奶茶，於是點了一杯紅豆珍珠奶茶。喝第一口，非常淡，沒有奶味，也沒有茶味，就像是開得很稀的奶茶，感到很失望。唯一較好的，是底下的紅豆，那些紅豆就像是紅豆冰中的紅豆，雖然沒有驚喜，但是味道很好。

主打手工珍珠嘅丸．茶手作最近推出夏日新品，竟然有一系列係咖啡拿鐵系列。⁣⁣😲⁣⁣芝士奶蓋咖啡拿鐵 （$30） 【好味道: 6.5/10】⁣⁣咖啡係用咗瑞士咖啡Nespresso，配上澳洲鮮牛奶調配。😎 咖啡方面可選擇Ristretto或Espresso Decaffeinato ，我就揀咗Decaf，咁就唔駛攝取過量咖啡因。😇 而且芝士奶蓋算濃厚，而且偏甜，無敢浸咸香。😕 整體飲品都偏甜，建議叫少甜。⁣⁣💁⁣⁣

賞心怡目的新產品:荔映茶樹 (凍) 以椰果，水蜜桃果泥及荔枝酵素調配，不單止整杯飲品味道香甜，更有一朵朵的茶樹花在上層飄起，美感與味道都為夏天帶來清新又亮眼，無論是少女心又或是大叔我的心也被它整體的美觀被吸引!由於甜度及配料是固定無加減，初頭有點擔心會否太甜，但飲哂整杯後絕對欣賞它的鮮果味道、口感以及香甜道👍，值得稱為必叫之選。👅美味: ⭐️⭐️⭐️⭐️⭐️/5✨環境: ⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️/5

葵涌廣場雖然有很多飲品店 但想飲的東西不多看到社交媒體知道這家店出了新飲品🤤🤤所以我們要去買飲品來試試看才行~·荔映茶樹 HKD$28裡面有椰果 飲到水蜜桃及荔枝的味道一飲落下感覺挻清甜 還有驚喜的地方飲品中有茶樹花在裡面 用來打卡真是不錯·黑糖珍珠咖啡拿鐵 HKD$36咖啡就飲得多了 加了黑糖珍珠就是第一次味道挻香的 可能糖度是固定份量關係略為甜了一些 此終黑糖產品也是甜甜的🤣這次買了飲品後拍完照片就很快走了因為商場壞了冷氣的關係 令到環境很悶熱😭