丸·茶手作 (葵涌廣場) (Closed)

我冇來葵涌廣場一排，同朋友女兒行街掃小吃。見到一間新開嘅丸·茶手作台式飲品，見到好多人排隊買就決定試試新口味。我就買左最喜愛的原味珍珠奶茶，少冰少甜（要求多多的我🤣）珍珠彈牙，手工製作嘅珍珠確實唔同勁Q彈，奶茶味濃岩岩好👍🏻。女兒就買左黑糖珍珠鮮撞奶（指定要，因為佢唔係第一次來，女兒超鐘意飲）佢呢款冇咁凍，因為黑糖熱嘅。另一朋友唔飲凍嘢就要左擂茶系列熱飲，有多款口味，味道都超正，值得推介👍🏻

喺葵涌廣場行街，經過一間好闊落嘅珍珠奶茶舖，好少見咁大間，裝修又幾靚，所以就嗰度叫咗杯嘢飲啦。唔係好熟嗰啲配料，鋪頭用咗啲Test tube裝咗啲，一定唔會嗌錯。蜂蜜綠茶加桂花珍珠$25不嬲我都唔會飲太過甜嘅珍珠奶茶，蜂蜜綠茶甜度唔高，而且啲甜味冇咁artificial，啱晒我，另外加咗佢哋獨家嘅桂花珍珠，桂花味好清香，係我最鍾意嘅花香味，珍珠夠煙韌，叫咗杯大嘅舊飲成日，都只係$25姐，好抵飲，下次都會再嚟呢間。

黎到葵涌廣場念住買杯野飲下,黎到最多野食野飲賣既二樓潮流廊,發現開左間丸茶。手作,之前係何文田開左間果陣都想去嫁喇,咁岩依家葵芳都有。睇menu 見有抹茶既野飲就抹茶癮🍵起,咁就點左杯🍵抹茶拿鐵加左隻🍡手作珍珠--紫薯珍珠🍠店員會細心問洗唔洗少甜,但我不嬲覺得飲台式野飲就要唔怕佢偏甜既,所以就簡左正常甜🍭。攞到手之後發現抹茶拿鐵正得勁靚係成個漸層色,再加埋d紫薯珍珠好似杯抹茶紅豆咁飲落抹茶係有少少苦果隻真抹茶🍵,唔似其他店咁只係有個色,珍珠都好煙韌甜甜地同杯野好夾。見依家有個❄️冬季限定❄️熱飲北埔擂茶🍵好似好好飲,留番下次再黎試

係葵廣附近返學，放學經過就買杯野tea一tea提提神。最近葵廣好似都比較靜所以其實間間珍珠奶茶店基本上都唔使點排。因為我中意食二樓食街入面有間冷麵，所以就順便係隔離間丸茶買埋野飲。可能係放學時間，去到都有小小人係度排隊，不過店員落單出野飲都好快手，所以其實都唔使等好耐。今次叫左芋香奶茶加芒果寒天，好似個配搭九唔搭八，不過其實我自己覺得好正哈哈。我好中意配寒天因為貪佢比較似jelly, 無珍珠咁飽。丸茶價錢都算中價位，不過有學生優惠仲可以減兩蚊，埋單26蚊，仲可以吸埋印花卡，都幾好，為左吸晒張卡我會繼續買丸茶的哈哈。

女朋友一向中意飲呢間所以搞到我去開葵廣都會買丸茶。聖誕外遊無黎一排，見佢地出o左新野叫擂茶系列就諗住試下。其實本身唔識咩叫擂茶，所以都有問店員解釋一下，基本上就係茶葉，小米五榖類攪碎成粉，飲落有點似糊狀糖水咁。佢地個系列有四種口味，原味，杏仁，地瓜同埋芝麻，我今次就揀左原味。店員話只可做熱飲不可加任何配料同珍珠，開頭覺得有點可惜，因為好中意食佢地珍珠，不過飲完之後其實好飽肚。原味北埔擂茶飲落有少少似抹茶好立克，濃得黎又有少少茶甘味，幾特別。坊間擂茶唔多，呢個系列熱飲都幾得意，大家可以一試。

台式飲品入侵香港多時，要脫穎而出絕對唔係易事，我有感呢一間舖頭好快會被淘汰🥵從價錢來講，呢杯野港幣$28。但首先佢冇得比顧客選擇甜份同埋冰嘅份量，當第一下吸入口嘅時候發覺其實鮮奶同埋茶兩樣嘢，融合唔到！🙄我感覺同其他奶茶鋪頭完全唔同（可能其他鋪頭調製得比佢出色）。最令我失望嘅就係佢嘅黑糖珍珠，咬口沒有、味道沒有。到底試唔試嘅話就留待大家自己決定啦🥺係龐大市場競爭之下，一間台式飲品店沒有賣點，究竟可以生存幾耐？我哋要拭目以待😏 ——————————食物質素：3.5/10 環境衛生：6/10 舒適度：N/A服務：5/10 性價比：5.5/10 總評分：5/10 —————————— #foodblogger #foodlover #foodie #hkfoodie #相機食先 #葵芳

#柳橙綠茶 $27唔知點解冬天都想飲凍嘢🤤未試過丸茶手作 所以膽粗粗試下佢嘅柳橙綠茶佢甜度固定咗應該係榨新鮮橙🤔同埋有超多橙渣基本上每飲一啖都會食到雖然啲橙唔係好甜但都唔會酸飲咗幾啖之後 終於飲到綠茶味綠茶味唔係好出飲耐咗會覺得好澀飲到條脷鞋哂😛其實同香橙綠茶差唔多🤣不過私心覺得天仁好飲啲澀味冇咁重而依間價錢好似仲貴啲🤔評分：6/10

👉🏻丸·茶手作 《桂花珍珠奶茶》✍🏻 呢間都係台灣過江龍 台式飲料之一 特別在於珍珠有唔同口味可以揀 今次揀咗桂花味·🐷桂花珍珠口感QQ 每粒都會咬到桂花既碎碎 同奶茶一齊 原來味道都幾夾 少咗份膩口感🦁特別讚賞： 店員會細心問 需唔需要少冰少甜🥰·

之前在尖沙咀嘗試過薰衣草奶綠加桂花珍珠，當時覺得桂花珍珠有陣淡淡的桂花香，珍珠也很煙韌挺不錯，所以當屋企附近開了一間以後，更方便買所以就打算嘗試別的口味的珍珠。😆買之前看過食評，看見說水蜜桃烏龍茶很好喝，正想喝茶類的我就決定買來嚐嚐加了第一次買時沒有選擇的櫻花珍珠。因為那篇食評說櫻花珍珠很甜，本來想叫無糖，但覺得這類飲品店的茶如果甜道不足會不好喝，所以我最後叫了微糖去冰。喝下去的時候覺得還不錯，茶包上可見一顆顆水蜜桃粒，除了有水蜜桃的香味，烏龍茶也帶有很淡的水蜜桃味道。但櫻花珍珠反而有點失色，同樣煙韌可惜沒甚麼味道，也不覺得很甜。還是桂花珍珠出色一點，下次再喝的話應該也只會加桂花珍珠吧。🤔

記得小第一次飲丸。茶手作，是一年多前在何文田店買了杯黑糖珍珠鮮奶，記憶中的味道是吸引的。今日行葵芳廣場，竟然被我發現有一間丸。茶手作，於是買杯飲一飲，點的是皇室奶茶和水蜜桃烏龍茶。皇室奶茶奶味不算突香濃，但也不致於淡淡如水，珍珠口感qq彈牙，整體有70分；而水蜜桃烏龍茶用上新鮮水蜜桃，烏龍茶包放於杯的頂部，這個擺位老實說比較奇怪，因為當飲了一部分的時候，水便不能浸泡在茶包，愈飲愈淡，設計很失色啊。

嚟到葵芳廣場點可以唔放肆下🤤見到咩都想飲想食 個胃即刻大左幾倍🤣個排成日都好想飲黑糖珍珠乜乜乜 但屋企附近又無 又唔得閒出去排隊難得嚟到 比我搵到呢間丸茶手作 見咁多人排緊隊 我都緊係唔執輸排埋一份我想飲嘅黑糖就係top3嘅 夜晚時間唔敢飲奶茶 驚會訓唔著😂於是叫左杯黑糖珍珠鮮奶啦 甜度冰度都係預設左 無得自己揀嘅叫完無野做咁我就唯有企定定睇佢整野飲 睇住佢舀黑糖珍珠整虎紋上杯個下莫名有d高興拎到手即刻打個卡先個奶係好滑 又好香嘅 同黑糖味超夾珍珠都有黑糖香 煙煙韌韌咁好好味呀極速飲曬成杯 都幾飽肚架

葵廣也有丸茶@一念天堂一念地獄係最多野食既小角落，開左勁光猛既珍奶，見無乜人排好啦我決定比錢詆試佢！店家sell 既係鮮製珍珠👀現場又真係有個哥哥仔會出黎表演"即整"諗左一大輪就決定選擇top 1 黑糖珍珠撞奶 (用的是鮮奶）同top 3 皇家奶茶加紫薯珍珠（問過店員皇家奶茶唔可以轉鮮奶😭小小失望）可以選中杯500cc 底者大杯 700cc😼由於我當日係打算掃街，所以我係決定買中杯😂😂😂😂等左5分鐘都唔洗就有得飲了👀👀👀賣相，黑糖既effect 影相打卡呃like 幾高分既！味道方面🤦🏻‍♀️天堂地獄來了top 1 黑糖珍珠撞奶 (右）係好飲既！珍珠是真有黑糖味！👀欣賞 難怪是第一位！ 奶同珍珠比例岩岩好！唔會淨太多又無曬奶！top 3 皇家奶茶加紫薯珍珠地獄地獄地獄😭😭😭失望呀！講到新鮮製造，但係係完全無味！係無味！由紫薯珍珠到個茶底都係無味😭😭😭😭朋友話叫我當自己買左杯水飲個心會安落d 😭😭😭😭推介黑糖珍珠天堂與地獄自己選擇吧🤣🤣🤣🤣

上一篇提到吃完麻辣涼皮過後，需要一杯茶飲來作解辣之用。於是，下一站便抵達只有數步之隔的「丸茶手作」。其實年多前筆者已光顧了它的尖沙咀分店，當時門口大排長龍。可能今天是平日吧，人流少，幾乎不用等侯。手作珍珠有數種口味供選擇，如芒果、櫻花。店舖的一角設有一個小小工場，放有製造珍珠的器皿，不過可能是時間尚早，當時並未有職員在內。而筆者是次就選了紫薯珍珠，茶底則挑了頂級茉莉綠茶。紫薯珍珠呈方形，有別平時的渾圓黑糖珍珠。珍珠入口十分煙韌，甚有咬勁。吃至中段會有少許紫薯香，但味道偏淡，若濃烈一些會更佳。茶底方面，茉香綠茶茶味清香。怕甜的筆者點了微糖，甘味會偏重；但配合回紫薯珍珠的甜則恰到好處。離開「丸茶手作」時，察覺到附近幾家食店也有出售珍珠、芋圓的相關甜食。看來，煙韌食品界又會有一場激烈競爭。

初嘗手工珍珠～👶🏻✨.《#皇室紅茶拿鐵 加配 #桂花珍珠 $22+6》#丸茶手作 其實都岀咗一段時間～但肥妹仔今日先第一次試飲💩因為我終於無咗黑糖鮮奶嘅毒引啦 介毒成功！✌🏻講返呢杯#皇室紅茶拿鐵 先，說白點就是紅茶加鮮奶，當然還有糖水～～茶底無比鮮奶掩蓋！甜度我簡咗正常甜～我覺得啱啱好，冰塊我覺得有點多，可以叫返少冰！另外我加左$6 加配咗 #桂花珍珠～ 食到啲桂花甜，手工珍珠口感比較爽少少，較為似#松記 嘅 #大明珠！整體來說，成杯野都幾fresh幾解渴! ♪( ´▽｀).肥妹仔比分: 6.9/10 (價錢偏貴，所以性價比上扣咗0.1分🤖！）

剛去完台灣旅行，一直忘不了當地的黑糖珍珠鮮奶，竟然！竟然俾我發現左葵廣又有新搞作！二樓開了台式飲料店，好奇心驅使下，試了一試本想少甜，但跟台灣一樣，此款飲品的甜度是固定的跟台灣相比，黑糖味略為不足，幸好甜度仍可接受，但珍珠不太彈牙，友人說可能是浸太久