Bubble Tree (東廣場) (Moved) New Location

第一次路經此地坐下來試這店，廚師為兩位型男，少說話，但認真工作，亦有不時照顧樓面清理工作，吃了蕃茄吞拿魚菠菜意粉，配有南瓜湯。味道剛好不太濃，很健康。下次會再來。

今天又到了觀塘工作， 自己一個人行行下就到東廣場，地下有不同的食肆，見到這間bubble tree 鋪頭細細，卻簡潔衛生，座位在舖外且數量不多，當時見到仲有位。所以一支箭坐在上，試一試究竟是什麼味道?這店子食物種類主要集中於意粉、沙律及三文治，每一款種類也有很多的款式，今天的天氣頗熱，沒有太多的胃口，所以想食啲清清地的東西，便選了這個凱撒沙律拼雞肉$40元。另配洋蔥湯加五蚊。有些店舖提供的湯是凍的，不會好飲，而這道洋蔥湯遞來的時候卻仍是熱的，且傳來陣陣洋蔥氣味，湯味濃郁，不錯。但係個碗較高，較難用匙羹飲。另外，凱撒沙律拼雞肉，沙律菜新鮮爽脆，沙律汁惹味，雞肉肉質嫩滑，附上的小多士也香口，應該是剛剛做出來的。整體感覺不錯，看得出他們的誠意，所以有機會會再來吃的。

幾時都話食飯唔一定大魚大肉先至開心嘅何況身材唔keep 真係好易肥，所以閒時都要多做運動，運動前後最好食有營新鮮食物。呢度嘅西湯選擇不多，平日多數係紅菜頭或南瓜湯，兩款都用新鮮蔬果煮湯，飲落啖啖紅菜頭茸，鮮甜好味而三文魚牛油果牛角包，內夾有忌廉芝士、洋蔥圈、生青瓜、蕃茄同羽衣甘藍葉。喜歡Green Food 嘅朋友應該都知道Superfood羽衣甘藍，呢間餐廳提供嘅沙律、三文治類好多會用羽衣甘藍有時候自己買一棵番去又嫌太多，擺到黃都未食晒，想靚想健康不妨考慮食份沙律。

民以食天，雖則話No pain No gain 勤力做運動都係為咗能吃更多，但食得多好嘢都要食清淡健康D平衡吓。所以平日運動前後，我會選擇三文治，偶然想食好D, 就會去觀塘呢間誠意小店，佢地嘅菜式都較為清淡。唔好以為健康就一定唔好味，反而係佢地嘅烹調方式可以帶出食物鮮味呢日上完地獄訓練班，需要Comfort food 平衡狀態所以點咗呢味紅酒煮牛膝牛頜肉配墨汁多士，墨汁多士超香脆，非常惹味紅酒煮牛膝都好入味，但最愛嘅紅菜頭湯呢日就煮過咗頭，變咗啡紅色但整體味道仍好好

見倒這裡有各種sandwich, pasta套餐, 又有健康沙拉，便一試吧！套餐可以加$5有湯或檸檬茶，在加多d 就有沙拉等等。我選了红酒牛尾牛頰加墨魚汁多士，要红菜頭湯。坐位其實不多，所以一定會搭枱。很快湯就送到了，很熱呢！我怕太熱的食物，所以慢慢喝，成10分鐘後，個收錢伯伯送上主菜時，我仍有一半未喝！伯伯真係好，無催我，仲話慢慢食，所以我覺得佢服務態度好！個墨魚汁多士一般，牛尾牛頰都好吃！有一些蔬菜，成個賣相都吸睛！紅菜頭湯都幾ok!我下次會再試其他野！

話說停日約左朋友仔係觀塘食野,咁啱係東廣場見到呢間餐廳,係諗唔到食咩嘅情況下就決定試下啦😂😂😂一行埋去見到餐牌寫嘅都比較普通嘅意粉,看似無咩特別,咁我就叫左白菌配雞肉伴忌廉汁意粉,加多$5叫埋杯凍檸茶,價錢都係$55,以晚餐黎講都叫合理當上菜嘅時候,見到賣相非常吸引😋😋😋啲肉唔算好乾,嗰忌廉汁亦煮得好出色,值得一讚👍🏻👍🏻👍🏻雖然唔算係一個好嘅環境,但可以相對平嘅價錢食到有質素嘅食物,真係無得輸！真心值得推薦👍🏻👍🏻👍🏻

吞拿魚沙律焗薯加棒子咖啡， 上碟都吸引 ，焗薯可以乾身少少， 雞蛋漿可以加多一點， 欠少少咸味，總體味道 一般，但可以一試，另加一杯榛子熱咖啡，好有幸福的感覺， 環境一般，因是主要通道，人流多，未能三五知暢談一番

唔食牛既朋友出街終於可以食到肉醬意粉喇，因為呢到既肉醬係用雞肉mix豬肉黎整～不過肉質太淋無咬口，個汁偏酸，芝士既話個人覺得用芝士碎會好味d~另外就番茄雜菜意粉～全素～蔬菜既份量都ok，同樣地係個汁偏酸 最出色係呢款番茄甘荀餐湯，好清好甜～👍用黎點toast食好正！

以前東廣場仲未旺場既時候 一得閒就會去食bubble tree 因為平！靚！正！50蚊有湯有沙律有意粉 我同個個朋友都介紹呢間小店！但係最近食過發現退步之餘 又貴左 雖然我明白物價漲係好正常 但係漲既時候 食物有無進步呢？ 我以前的確好喜歡呢間小店 因為真係好好食又夠平 但係宜家真係又貴又無以前咁好食...

新年返工又唔想幫襯連鎖店，行過發現呢間小店見早餐幾吸引，就點咗個蛋白菠菜雞肉庵列加牛角包同熱咖啡。庵列滑滑唔老，牛角包熱辣辣同脆口，唔錯！

觀塘真係愈開愈多食店無論樓上定地舖都好多選擇東廣場更將地面打造成食肆層俾唔同特式既小店發揮每一間食店都坐滿人試左好多入面既餐廳好似BURGER,CAFE果D今次揀左最近門口既Bubble TreeLED餐牌係正門口款式都幾多有意粉有沙律揀好就先落ORDER再坐底叫左兩個餐每個餐加$5會有野飲最後加左$13要餐湯同野飲今日係紫蕃薯湯真係有蕃薯蓉同夠足料夠哂濃先黎第一道意粉蟹籽露荀煙三文魚意粉($50)意粉用蒜片炒香每一啖都有蒜香味加上幾大塊煙三文魚夠哂香又夠份量牛尾牛頰肉配墨汁多士($58)一黎就有三大塊黑黑既多士好有心思但食落同多士無咩大分別反而要讚係牛頰肉真係炆到好淋蘿蔔同薯仔夠哂入味價錢真係算平價單點都係四五十蚊起又多選擇店名: Bubble Tree地址: 觀塘成業街7號東廣場地下G43號舖

差不多晚上2130到店，想叫焗暑食，老闆話冇，就收舖，得意粉，點知坐低冇耐，後面2個客都係叫焗暑食，跟住我問老闆可吾可以換返，佢只回3個字，⋯出左喇，跟住繼續汁野，真係成肚火，見住之後出左幾個焗暑，真係火都黎，呢d服務，呢d態度，搵人幫襯都難

東廣場不嬲多野食，今日就去左呢間食意粉！座位唔多，不過閒日夜晚九點幾去，唔洗等位lu意粉都幾平，呢碟50蚊碟我食左呢個煙三文魚橄欖油炒意粉，唔算好油幾健康，同埋好足份量！友人叫左肉醬意粉都唔錯，都係50蚊左右，性價比幾高！

Drop by this mall today around 2pm as just change new job in Kwun Tong area. I bought salad, soup & cold drink with only $60. The salad, soup & cold lemon tea are all taste good & fresh. The service also nice wit polite manner.

今天早上因工作關係路過觀塘東廣場，完成工作後找點東西吃，由於不太肚餓，看到這間小店正在售賣早餐，餐單選擇很多，有十數款可供選擇，我點了蛋沙律蕃茄三文治，配熱咖啡。賣相好吸引，份量亦很適中，食物也很新鮮，但沙律醬汁略甜，咖啡也不錯，整體很滿意。