卷福和他的朋友們 (Closed)

食過呢間幾次, 雖然係中午飯, 都係非常野味, 每碟小菜都十分用心做, 而且菜式名字得意(很用心去改名), 每次都好奇將Memu睇多幾遍由於Menu的相跟出來的賣相一樣, 所以我都少影相, 不過分享吓是次好吃的菜式, 大家就趁著結業前去試試吧張嘉佳秘製小龍蝦 (Nomal) $268 大約有16隻 (微辣, 個汁好野味,)繽紛素炒 $78滑菇牛柳 $78 (牛柳很嫩, 份量又多)乾煸四季豆 $78 (每次必點, 微辣, 好野味, 送飯一流)涼瓜老乾媽豬頸肉 $88 (十分爽口彈牙)招牌小龍蝦泡飯 $128 (轉了鮮蝦, 別看是泡飯, 有足足6碗的份量)椒麻雞(半隻) $68 (外皮脆, 內裏juice!!)蝦醬蒸豬頸肉豆腐 $88 (蝦醬剛剛好, 不咸, 豆腐是滑滑的, 這個送飯也一流)很可惜很可惜的是......有消息指他們將於2018年6月7日結業了, 如果呢個消息係假既, 不要怪誰, 他是希望吸引多人去吃吧。如果消息是真的, 也希望 卷福和他的朋友們再在香港別的地方開舖, 你們的用心製作, 係好多人支持架!!希望結業的消息是假的

去上環文娛中心睇show,揾間食肆坐得舒服啲，近近地就入左黎。揀啲快煮簡單既菜，炒通菜，雞，蒸肉餅，一盅燉湯，麻婆豆腐。先飲個紅蘿蔔馬蹄瘦肉湯係冇味精既，好👍雞夠滑，點小小麻辣汁味道剛剛巧。其他小菜夠簡單得黎夠哂做。不得𣎴提佢啲小菜名幾過癮，等待食物時一定唔會悶

提早三個星期book位，透過某個app有半價。之前其他店鋪從未遇到問題，唯獨這間，當日打電話去確認，先講因為過節，之前訂位的折扣不作數。哇，真是聞所未聞! 我幾個星期前book定，之後一直冇話有問題，要到當日我打電話上去先話唔得，完全冇契約精神。哪一日是節日一早就知，其他店鋪都是預先決定有沒有折扣，如果已有客人訂位，自然是要honor，不是單方面取消!! 請問做生意是不是要講基本信用？？？!!!!!!

見此店得有很高的評價，於是與家人到此一嚐。點了水煮牛肉丶青春若是條不老的魚丶三抔雞煲丶酸菜魚丶福建抄飯。先上枱是水煮牛肉，好夠辣，但牛肉應該用鬆肉粉醃制過，完全沒有牛肉味。三杯雞煲及福建抄飯的味道偏鹹，但三杯雞煲的雞肉亦算嫩滑。酸菜魚，沒有重重的酸味，只覺有點油。青春若是條不老的魚是全晚最好味的一道菜式，魚片嫰滑，墊底的青瓜很爽囗，但稍為有點兒油膩。份量很多，價錢亦不算貴，但味道未如評價所說的好。

卷福和他的朋友们，呢间餐厅有生猛海鲜，驰名煲仔饭，足料炖汤系列，有特色川菜，经典粤菜，正如其牌匾所示，食材考究健康，美味又抵食。喺一间好接地气嘅小店，入面亦都环境整洁睇唔嗮嘅餐牌嗌咗麻麻辣辣嘅水煮鱼，同人气颇高嘅卷福小炒王。仲加一盘食蔬，亦奉上两盅汤，可谓非常之享受。巨哋烹饪出嘅菜品十分入味，味道都啱啱好，辣度，咸度适中，令人回味。想大家强烈推荐卷福小炒同水煮鱼，真真非常好吃，值得体验。喺性价比方面，可能价格有哋微贵，但对钟意食得丰富啲，食得入味哋嘅食客，还喺一个唔错嘅选择。

天氣越冷越想食辣野令自己暖胃，一終去留意左好耐的卷福試下！金銀蛋上湯小白菜，咸蛋及皮蛋是呢碟菜的靈魂，用料不錯！小香菜鮮嫩帶甜。凍凍必備的羊腩煲，份量足又好香口！羊肉不羶，軟林林，燜得十分入味，而且不軔！配菜有荀及腐竹，都燜得好香！麻辣雞，適合喜歡辣或不喜歡辣的人士，辣可沾秘制辣醬，香辣可口，不辣可只食雞，可絕不無味，醃制過咸香味！水煮牛肉是我最愛！大碟孜好食，牛肉份量超多，煮得辛辣可口，但不會過度的辣而蓋住牛肉本身的鮮甜味！配菜更入味！羊架是兩件起的，喜歡羊的人士必點！香濃香料醃了羊架再焗，外脆內軟！口感一流！

因朋友在中上環放工，所以我在openrice找一間我倆都未試過的餐館，於是在網上訂位。入內人流不多，打開餐牌，發現很多餸名是十分特別，像是看一本文青小說。因怕餸名好睇唔好食，所以叫了一道「青春若是條不老的魚」，另外叫番啲正常的餸名：三杯雞煲及小龍蝦福建炒飯。此店出名是小龍蝦，炒飯的確很美味，小龍蝦數量也不少。三杯雞煲，辣辣地，非常適合氣温只得8度的晚上品嚐。「青春若是條不老的魚」，食落去就明白點解係呢個餸名，因為魚肉非常滑，好味，只是比較油一點，不過川菜一向是比較油少少，冇所謂啦！

The restaurant is widely known for their lobster dishes and the restaurant staffs recommended us the signature dish. The lobster was really fresh and the sauce used was unique and it tasted really great!It has been so long since I had such a nice lobsters! My friend and I also ordered the strawberry pork which is my favourite choice. The pork is immersed with the thick and sweet sauce, which tasted amazing! I just couldn’t help myself but finished most of it myself!Overall it was indeed an excee

聽朋友介上環有一間餐廳叫卷福和他的朋友們， 上次佢食幾個菜式都很有水準，有水煮魚、龍蝦... 有些菜式名稱很有趣上特別設計又夠新派，佢講到廚師煮得好吃。於是我和朋友訂了位, 看有沒有喜愛的食物。卷福小炒王, 通常小炒王都是主流菜式，當見到小龍蝦作配料, 買相是小龍蝦很搶眼的，慢慢拆開食龍蝦肉很鮮蝦，肉質結實，唔係出面的餐廳容易食到的，唔怪得朋友講值得推介。燒雞很香口，我平時喜歡在外面餐廳叫燒雞食，呢間餐廳幾好味親，肉質夠鮮味香口。

今晚想去上環接太太收工再於附近晚飯，當然於網站選擇食店。我近期於網上揀選有網上訂位，而今晚揀選了有網上訂位，9折優惠及送50里數。去到店鋪內裡只有2枱食客，我從餐牌見到特別名字嘅菜，點咗炒飯，2個男人，什菌牛肉煲及椒麻雞。全部都普通無特別，下次2個人未必會再度光顧。

同舊同事到上環食飯, 竟然俾佢搵到呢間餐廳可以食小龍蝦, 香港好少地方可以食到!招牌的小龍蝦又點可以唔試下呢! 我揀左小龍蝦湯飯, 好大碗湯飯, 一個人食唔晒! 都幾多小龍蝦, 去殼後的小龍蝦細細粒, 幾好味! 湯底都好濃味, 令人越食越停唔到口! 另加脆脆增加湯飯的口感, 上升左個層次! 好食!平煸四季豆用左好多欖菜, 四季豆十分足料, 而且好新鮮, 不會軔! 加左少少辣椒一齊炒, 更加惹味又開胃!木耳好爽脆,  醃得好入味, 酸酸辣辣的, 食完再想食!水煮牛肉午市套餐, 有湯有飯有小菜及甜品, 七十幾蚊十分抵食!! 餐湯係雪耳豬骨湯, 清清淡淡的, 好明顯沒有味精都好飲, 我鐘意! 水煮牛肉好辣, 但辣得好過隱, 而且好香滑易入口, 但下層的豆芽太辣了, 我沒有挑戰!

卷福都開左一段時間, 之前朋友都講開好想食呢間, 一直約唔到日子, 今日終於可以約齊D BUDDIES 食飯了!   一早訂左5位, 去到即可以安排座位, 幾方便!喀納斯之春至少要叫2件, 每件 $48, 呢個十分趣的名稱 其實係新彊烤羊排! 羊排好重孜然味, 燒得又香口又鬆軟又冇羊羶味, 連原本話唔食烤羊的BUDDIES 都想試! 熱推~~羊腩煲係老闆推薦俾我地, 話係冬天限量推出, 所以我都地係叫左, 羊腩件好多件! 冇羊羶味! 羊腩好冧好入味, 而且有腐乳醬, 簡直係絕配! 好好係!士多啤梨骨用肉排去煮, 士多啤梨醬煮到酸甜, 好開胃, 對比咕嚕肉會健康D, 因為完全冇肥肉!水煮牛肉 好香噴噴, 聞到呢種辣味都令人增加食欲! 鮮牛肉好香滑, 沒有根位, 好野味! 連配菜椰菜、小棠菜及豆芽都好入味! 好適合送飯!

其實我本人不太食得辣，但友人極力推薦，就同佢一齊黎試，果然有大驚喜！！呢度既menu已經好好笑好引人入勝，全部菜色都改左名！！冰鎮秋葵平時我已經好鍾意食秋葵(小食嗰隻脆卜卜)，見到呢度有冰鎮秋葵就即刻叫左做前菜，食落又脆口又涼爽，加埋醬汁好醒胃！麻辣豬耳店舖侍應好貼心，知道我不太食得辣，就介紹咗一個小辣嘅豬耳俾我哋食，呢個同其他連鎖店嘅豬耳好唔同，唔會太辣但亦有麻味，爽口得黎又唔會過腍，份量多，抵食！小龍蝦泡飯呢度嘅招牌菜其實係小龍蝦，但由於我嫌剝殼麻煩，就叫左一個小龍蝦泡飯。呢個飯最特別之處係用咗兩種米，一種係普通泡飯，一種係炒香左嘅脆米，店舖侍應一路介紹一路將脆米到入去，趁熱食有兩種唔同層次；加上特別淆製嘅小龍蝦湯底，食落好新鮮好暖胃！一口豚肉店舖侍應亦介紹咗呢一個一口豚肉，個size的的式式，加上四季豆，配以酸酸甜甜嘅醬汁，一啲都唔漏！酸菜魚呢一個係友人話係要必嗌，果然真係好好味！首先因爲呢道菜唔太辣，岩哂我胃口。個湯酸得黎唔會太辣，辣得黎又有麻味，酸菜煲到入哂味，魚既份量好多，好新鮮，配飯一流！！仲有好多野未叫，呢間店一定係encore之選!

冬至凍冰冰，好想食辣野！揀左附近一間川菜館，地段都ok, 唔難搵！西蘭花燒汁炒龍躉球 $138 - 約有5片龍躉球, 原料好新鮮, 食落彈牙, 而且炒得好入味! 西蘭花好清甜, 又夠爽口!喀納斯之春 $48/件 (指明2件起叫) - 個名好得意, 其實係烤羊排! 好有新彊風味!羊排醃得非常入味, 而且烤得外脆內軟, 完全冇羊羶味, 超正!水煮牛肉 $148 - 凍凍天氣必食的辣野, 食到暖笠笠! 每一片牛肉都好香滑, 而且好入味! 仲有椰菜、小棠菜及豆芽, 好足料! 讚!士多啤梨骨 $148 - 好似咕嚕肉, 但改用肉排製作, 酸酸甜甜中有微微的士多啤梨味, 唔錯!暖笠笠羊腩煲 $238 - 老闆誠意推薦期間限定的羊腩煲, 果然冇介紹錯, 好多羊腩, 件件多肉又入味! 完全冇羊羶味~

卷福在上環一個T字路口, 我入去食嘢純粹是因為就腳, 晚飯時間唔想四圍搵地方醫肚, 剛過馬路見到有間中餐館就鑽咗入去, 但卻估唔到這間不起眼的小店, 中式小菜認真唔錯! 我們共叫了四味餸, 第一道菜是士多啤梨骨, 生炒骨我就食得多, 士多啤梨骨又幾特別哦! 炸得脆卜卜的豬肉表面上裹了一層用士多啤梨調教的汁,酸酸甜甜, 比我們平時食開的生炒骨要好食得多, 而且D汁的顏色紅紅哋, 仲有些切了片的士多啤梨與豬肉炒埋一齊, 見到都好有開胃, 食起上來更加可以食不停口, 豬肉炸得好脆, D汁教得啱啱好, 唔太甜又唔太酸, 好開胃, 第一道菜已經令人胃口大開. 跟住食的是小龍蝦泡飯, 店家將炸了的米飯當住我們的面放進小龍蝦湯中, 並告訴我們要浸幾分鐘才好食, 於是我們幾分鐘之後每人舀了一碗小龍蝦泡飯來食, 先飲湯, 小龍蝦湯很是鮮甜, 有蝦膏的香, 有鮮蝦的甜, 有香蔥的香, 炸過的米飯浸了湯之後, 仲有少少脆口, 但已索晒龍蝦湯精華, 小小脆得來又很有滋味, 呢個小龍蝦泡飯值得俾個”Like”! 除咗經典的廣東菜, 這間都有得食川菜, 這點倒是讓人非常惊喜, 菜式多元化, 我們又可以