Bulldog Hotdog (廣福道) (Moved) New Location

每個國家都有佢嘅包點配肉類菜式，例如中國有「肉夾膜」，美國有漢堡包，韓國有煎餅等，而德國就係大家都熟悉嘅熱狗🌭️！前幾日放工早一個站落車，打算簡單買個晚餐，見到有間新開嘅外賣店bulldog hotdog，霓紅光管招牌喺漆黑中異常搶眼，加上顯眼又吸睛嘅餐牌，於是就「俾個機會大家」，試新嘢！自己係熱狗嘅粉絲，望住儡餐牌都真係唔知點件，樣樣睇落都吸引，加上店內傳來陣陣煮食香味，個人真係有啲難集中😂 於是直接問店員痈咩推介，佢就介紹咗以下兩款：| 黑啤肉醬 |店員話呢個係經典款式，必試！味道方面，個肉醬味道好夠，而且足料，醬料同平時食嘅熱狗唔同！| 黑糖蘋果手撕豬 |店員話賣點係個豬唔係一般豬嘅部位，加上用咗孜然同其他香料製作，所以個手撕豬好有風味，配埋個蘋果蓉，酸中帶甜，可以中和滯膩感，正！整體而言，基本上個面包同腸同都幾高質，面包軟稔，即叫即製，即使拎到返屋企都仲好正！

經過屋企附近見到呢間新野, 因為舖面好搶眼, 好快就吸引左我既眼球@@正值下午茶時間, 梗係要試下~店面唔大, 但出品就十分有誠意!熱狗款式有好多, 配搭都好新穎!我地叫左兩個set, 轉套餐加$18 就有埋薯角同罐裝汽水!日式鰻魚呢款熱狗原來係新口味~佢好有章魚小丸子既風味, 鰻魚既份量都好足!配埋日式蛋黃醬, 好好味~!招牌熱狗一拎到手就聞到好香既芝士味, 熱狗既材料有辣肉醬, 粟米脆片, 秘製芝士同自家製醬汁粟米片脆卜卜, 配埋d 芝士, 口感好豐富! 套餐既薯角好大份, 食完好滿足!招牌熱狗既芝士醬用黎點薯角一樣好食餐飲都有好多選擇:今次係外賣自取, 拎到返屋企都夠熱!另外店員好nice，仲可以request佢地將熱狗切件

原本想去老麥，但突然比對面街個Sharp醒招牌吸引左，就過黎八卦一下呢間熱狗外賣店！好多款熱狗原來最近仲有四款新登場！咁為食妹當然要試新野，就食左黑糖蘋果手撕豬因為即叫即整，所以係需要花小小耐性等待🙈熱狗當然一定要有巨型珍寶腸，一口咬唔曬🤣蘋果蓉好有心機，手撕豬好入味、有預先調味，所有野配埋一齊好新穎，但又好match！決定下次要再試鰻魚熱狗！小食有薯角、蕃薯條及芝士條！如果普通跟套餐就包小薯角，當然有得加錢upgrade轉小食！不過我就無加，先試下普通套餐...薯角好好味分量好夠，惟一唔好係無配茄汁！不過外賣所以有得返屋企自己配！發覺佢營業時間去到半夜，岩哂夜鬼，做宵夜絕對perfect！

呢間都可以算係大埔熱狗名店嘅 Bulldog Hotdog，雖然鋪頭細細，開業唔係好耐，但同朋友傾起，原來大家都試過，而且都食過都唔止一次！好似佢個招牌熱狗同好邪惡嘅特濃芝士，都叫慣叫熟。今日放工同朋友行過，都打算照舊架啦，點知出左新野喎，仲要有四款咁多！包括係 黑糖蘋果手撕豬、韓式泡菜腩肉、徳國風情同日式鰻魚。不過我地2個人，咁就試住兩款先啦！我地叫左黑糖蘋果手撕豬熱狗同韓式泡菜腩肉熱狗，等嘅時候同老闆傾起計，老闆話呢兩款熱狗嘅豬肉都係用新鮮農場豬肉，每日返貨，而且用嘅部位仲係不計成本，精心挑選！話要食過嘅一試難忘咁話。講到咁好味，都忍唔住相機食完即場試返啖呀！老闆好好人，幫我地一開二，等我同朋友可以交換黎食，一次試晒2種口味！首先講講個黑糖蘋果手撕豬熱狗($48)，表面鋪上大量蘋果蓉，加上黑糖醬，酸酸甜甜，咬落仲有少少一粒粒蘋果肉。而手撕豬肉一梳梳咁，肉質就好嫩滑，加上烤汁醬，非常入味。蘋果蓉嘅酸甜剛好中和左豬肉嘅油香，食落唔膩之餘，口感更有層次。老闆話手撕豬係用 水展 制成，佢係豬後髀嘅肉心，每隻豬只有2條，好珍貴架！而且呢度用d包唔係普通嘉頓d空氣包，真材實料，手工包食落有質感

見呢間鋪開左一段日子，成日心思思想試，今日放假終於有機會去試下！睇到宣傳單張，款式唔算多，但由於本人比較挑食，所以就好煩咁勁問店主，啲熱狗入面有乜配料，可唔可以走呢樣少嗰樣咁，店主對我既提問都一一細心解答，呢樣要加分！今次我點左佢地既招牌熱狗加芝士條，等左十分鐘左右就出餐，以即製仲要one man band黎講唔算太慢，咁由於佢地只做外賣，所以我買完都要返到屋企先有得食。雖然已經隔左十多分鐘先食，但熱狗既麵包依然香脆，食落有牛油香，隻熱狗微辣可口，辣肉醬同toppings分量啱啱好，啖啖都平均食到所有嘢之餘，又唔會食到我成手成面都係，更加唔會話一邊食，啲材料一邊跌！另外芝士條就不過不失，隔左十多分鐘都仲勉強拉到絲。總括黎講，佢地既食物水準唔差，分量都算足，我應該會再返轉頭試埋其他款式👍

路過見到間新開熱狗店, 心血來潮去試下, 因為大埔都幾難搵到地方食到熱狗。Lunch hour 去食, 見唔算多人食, 好大可能只有外賣無堂食, 而家咁熱, 當然想搵個有冷氣嘅地方食。餐牌好簡單, 只有4款選擇, 可以淨係買個包或者買一個set, set會跟薯角同汽水。特濃芝士同黑啤肉醬好吸引, 最後我揀咗黑啤肉醬跟薯角同可樂 $62。俾完錢, 店員叫我5分鐘後返黎或者坐低等一陣。等咗陣, 我嘅食物終於準備好。熱狗同薯角係分開包裝, 方便影相同食, 我先放埋一齊。薯角厚身熱辣辣, 皮好脆, 咬落去軟棉棉。熱狗好足料, 熱狗腸皮脆, 份量都幾大下, 咬落去大大啖肉醬加芝士, 個肉醬有少少辣, 勁滿足。總結黎講, $62 食到足料熱狗, 好滿足!