Bulldog Hotdog (廣福道) (Moved) New Location

有一天途經大埔，遠遠望見對面馬路有個好突出既招牌，好奇走去望下，新開左一間熱狗外賣店，店舖空間好細少，只接外賣order，可以電話下單，今晚晚餐就試新野電話下單預約時間後，店員會俾個order no., 去到店舖再向店員講出單號才會製作熱狗，取食物等候時間約15-20分鐘，食物即叫即製，仲係熱騰騰，味道仲好好呀！我較為喜歡食韓式泡菜腩肉及日式鰻魚熱狗，前者帶辣味，非常惹味。最估唔到日式鰻魚x西式熱狗味道咁夾。特濃芝士熱狗味道不錯，可惜外賣回家後芝士已凝固了。德國風情熱狗夾了酸菜，好開胃。另外還點左炸薯角及蕃薯條，蕃薯條唔夠脆身，味道一般，薯角就帶香脆，好味得多，一定會再光顧。

大埔地方雖小，但食肆林立， 中西日韓泰 樣樣都有， 有時想坐低食個午餐或者晚餐 簡直係苦事， 事關好多出名嘅餐廳或者食肆， 都要排隊拎 number入座， 有時真係好想食就唯有排隊等， 如果食物有水準 等下都值得嘅， 你話係咪， 今日得自己一個人， 諗住食個快餐就算， 俾我發現 廣福道十字路口近燈位，有間招牌 非常之搶眼， 我就係咁樣畀佢吸引住行左埋去間舖門口，有個超級大ge招牌， 原來係專賣美式熱狗， 有多款特色熱狗任君 選擇， 仲有小食， 芝士條，蕃薯條，薯角， 樣樣都係我嘅至愛， 靜靜雞話你知， 舖頭 入面有個靚仔，哈哈， 其實我都係第一次幫親， 順便 提提， 只做外賣不設堂食，【招牌熱狗】+ 【炸番薯條】（辣牛肉醬  粟米片  芝士 +自家製嘅醬汁）有唔同層次嘅口感 ，首先要食香脆嘅粟米片再 慢慢 品嚐 滿 滿醬汁熱狗，少少微辣 加埋自家製_醬汁， 超好味， 讚 讚番薯， 營養價值豐富， 亦算係美食，炸番薯條更糸我ge至愛，不過， 呢間嘅番薯條唔夠乾身， 所以炸出嚟嘅時候就會糸諗諗地， 唔會有脆口嘅感覺， 希望下次會食到乾身脆口ge 炸蕃薯條，

大埔友好友話我知，佢屋企附近開了一間熱狗店叫Bulldog，佢叫我去佢屋企玩順道試一下。我哋叫了招牌熱狗及黑啤肉醬熱狗。小食叫了蕃薯條及芝士條。價錢$68/set及$64/set。熱狗店用一隻老虎狗作廣告招徠，非常搶眼，看上去好兇惡，但我哋覺這隻狗得有點 可愛及搞笑。味道方面: 黑啤肉醬熱狗，黑啤味似肉醬意粉，濃郁的番茄味，熱狗腸皮脆肉香濃，麵包甜甜地，份量大大份，一個女人都食唔晒。而招牌熱狗，芝士及沙律醬好惹味，醬汁加在麵包及香腸上令一個普通的食物增添滋味。蕃薯條及芝士條，炸到好香脆，熱辣辣燙手的， 邪惡指數十足，食完要飲多杯啤酒或涼茶先可以洗清熱氣感，哈哈。

之前經過見細細間好搶眼已經諗住試下，但唔記得左。今日餓餓地碌openrice見到，無堂食，淨做外賣，買埋屋企人果份三個hotdog，雖然話要等15分鐘，十分鐘左右就拎得。三個hotdog 分別係黑啤肉醬、韓式泡菜腩肉同黑糖蘋果手撕豬。三款都好新奇，黑啤真係有黑啤味；泡菜酸左小小不過同腩肉好夾，唔算辣啱啱好；黑糖蘋果同豬都好夾，手撕豬食落好似豬肉鬆xD！個hotdog外面薄脆，入面鬆軟，條腸都係脆脆地，拎到番屋企都仲好好食！同老麥比價錢就一定貴貴地，不過而家出去食野下下都百幾蚊，價錢對得起質素，我okay!有機會會再食下其他味

同BB睇完戲返到大埔覺得有d肚餓又未夠鐘食晚飯，遠處見到有隻沙皮狗發緊光，似乎有得食！泊架車埋去睇吓，原來係特色熱狗，只供外賣，店員熱情介紹，叫即製大約幾分鐘就有得食！BB揀咗招牌熱狗 BullDog $50, 因為佢比較鍾意重量級，食多啲肉！除咗有條霹靂大肉腸之外，仲有招牌辣肉醬，牛肉味香濃。而且賣相都好花心思，仲有秘製芝士同埋自家製醬汁，粟米脆片可以 dip 住黎你食囉！而我就要左個日式鰻魚 crossover 熱狗 $48，我真係好喜歡個日式風味醬，仲有鰻魚真係肉嫩多汁，木魚花、鰻魚汁、仲有日式蛋黃醬、同埋紫菜絲⋯ 大阪風味湧出來！好有創意又好味道！我哋仲追加左套餐小食，有特色嘅番薯條同埋芝士條，細份就可以試足兩款唔同嘅味道啦！再要多兩罐冰涼透心嘅可樂，成件事感覺好 American 呀！下次經過再試吓其他口味先！

今日要反公司OT，不過好彩快快手手剩係做半日搞掂，反到黎大埔都已經午飯時間，邊出火車站邊諗下食咩好，上網搵下依間熱狗店新開，好似都唔錯。因為佢只有做外賣，所以一於就買外賣反去同細佬一齊食。 唔好以為熱狗只係一個包、一條腸再加醬，但睇反個餐單，雖然總共有成9款熱狗，但好多款熱狗都好唔簡單，我就揀左日式鰻魚熱狗，我細佬就揀左招牌熱狗。 同埋唔單止係單點熱狗，午餐既話加10蚊就可以有一個小食再加罐汽水，我就揀左薯角同埋 coke plus。 日式鰻魚依個好好食，值得推介。熱狗面有好多木魚同埋紫菜絲，真係好似之前D食評咁講，似日式小丸子咁。而木魚蓋住既就有幾片鰻魚，加上醬料非常足，有鰻魚汁同埋日式蛋黃醬，口感非常好豐富。而且鰻魚份量好多，又好味，所以食完個熱狗都好飽。 至於招牌熱狗就有小小辣，因為有辣牛肉醬，面頭有粟米脆片，再加芝士同埋自家制醬汁。試左小小，味道都唔錯，就係有小小辣，我個人就鍾意日式鰻魚多D。 小食薯角份量都幾多，唔似D 連鎖快餐店咁，結果埋單平均六十蚊一個人，都幾抵食。

啲朋友入哂社會大學之後🙊要就下朋友「放學」時間已經難😢想夾埋Rest Day就難上加難！😟所以難得幾丁友夾到星期五閒日時間🤪黎大埔行下街夜晚入大尾督BBQ😚🔥配合埋良好天氣可謂天公作美☺️🌤位於寶鄉街同廣福道交界既Bulldog Hotdog🌭️喺街道中樹立既一間小熱狗外賣店🌭️唔同時段都吸引到附近居民學生打工仔黎幫襯☺️除左熱狗都幾新穎多種類🌭️😆而且喺唔同時段都推出唔同小優惠☺️下午茶口痕又想食多啲野既朋友😆黎呢度買份罪惡套餐食過口痕又至好不過🤪🌭️日式鰻魚熱狗熱狗大大隻望落已經流哂口水🤤呢個鰻魚跟熱狗既新穎配搭😋🌭️🐟燒香嫩滑肥美既鰻魚🤤配合濃郁鰻魚燒汁增添鮮味之餘🤩長長既熱狗腸啖啖肉亦係一流🌭️😆灑上大量沙律醬木魚紫菜絲增添更多口感🤤芝士條採用Mozzarella Cheese味道亦較為淡香☺️依然有香草粒增添香氣之餘🤤🌿炸到香脆既芝士條仲做到拉絲既效果！🤩十分滿足我呢個芝士腔🤤🧀

今日去完大埔踩單車 經過廣福道隔離嘅呢間bull dog hot dog係熱狗專賣店 位於鬧市隔離 地點方便 但係就有外賣自取 價錢平均$40至$50 就有一隻巨型熱狗 性價比幾高鋪仔細細 店員一腳踢 做埋落單兼廚房 人情味十足 裝飾亦好有性格招牌熱狗 熱狗唔止香腸同麵包 上面仲加上香辣肉醬 酸忌廉 芝士等嘅材料 最特別係有香辣味嘅粟米片 有口感之餘 味道都十分豐富 成個配搭香口惹味 而且份量大大隻 男仔都夠飽黑糖蘋果手撕豬熱狗 同招牌熱狗唔同嘅係上面嘅材料變咗手撕豬肉同埋黑糖蘋果 蘋果偏甜有啲似蘋果批嘅餡料 但配上鹹香嘅手撕豬肉味道 正正可以中和返兩者味道 夠特別 不過略嫌豬肉煮得較乾身 成個配撘幾有創意最抵食係午餐同下午茶餐 正餐嚟講價錢有點小貴 重要只得外賣

到大埔買些東西，過馬路時見到對面有家很搶眼的熱狗店，到門前看餐單，有很多款式選擇，頗吸引。原來店子只做外賣的，剛剛吃飽午飯，可以買回家作下午茶，太好。BDHD熱狗專門店，每款熱狗也用上8吋長的法蘭克福腸製作，首先我選擇了傳統德國風情，另選一隻新出 fusion系列的黑糖蘋果手撕豬熱狗，感覺很有創意。 在店外等了約5－10分鐘，打開盒看見成品即感到熱狗製作認真，傳統德國風情配上酸菜、芥辣及茄汁，若果酸菜可以再酸點就更合我味道。至於黑糖蘋果手撕豬熱狗，鹹中帶甜，有別一般熱狗，偏甜味道刺激味蕾，我喜歡蘋果蓉，我喜歡這新感受。配套餐可選薯角、番薯條或芝士條，番薯條比較特別，不怎脆口但番薯甜味突出，而芝士條則夠脆身及有拉絲效果，推介呀。

屋企附近開咗一間新嘅熱狗店, 老公又鍾意食熱狗， 就買個外賣返去氹下佢啦呢度有9款熱狗可以選擇， 每一款都有佢嘅特色離遠都見到呢個熱狗圖案，我就係畀佢吸引過嚟啦每款熱狗都可以選擇做套餐，而個套餐都只係加18蚊就可以配埋薯角同埋罐裝汽水我嘅選擇就係黑啤肉腸熱狗， 話到明黑啤， 入面當然有黑啤成分， 黑啤令肉質更豐富，唔太乾， 有麥牙嘅甜香肉醬甜甜，芝士唔太溜老公選擇特濃芝士熱狗， 芝士份量好多好邪惡， 但奇怪食落去唔溜之餘，芝士味仲好濃郁，睇睇餐單，原來用左成7種芝士， 芝士口感煙韌， 配埋熱狗腸， 簡直冇得輸我嘅套餐就配上番薯條， 蕃薯條好甜, 好似真係食緊番薯老公嗰份就配芝士條, 芝士條外皮炸到好香脆，食落仲有拉絲感覺呢間舖仲有款好特別嘅日式鰻魚熱狗同埋泡菜腩肉熱狗， 都係出面比較少有， 下次可以同老公嚟食

今晚經過一條大埔嘅小街，見到一個充滿特式又吸睛嘅招牌，仲要有唔少人在等侯，我就知道一定要食！其實以一間只做外賣嘅小店，舖位一定唔大，對客落單同出菜嘅位置，只係呢個櫃位，但旁邊放咗兩張櫈，方便等侯中客人小休一吓！都幾細心吖！由於佢全部都係即造，等15分鐘都係走唔甩~估計係兩個年輕人創業，見佢地都好賣力，每日嘅營業時間到零晨，想食邪惡宵夜都可以考慮吓喔！有九款熱狗，當中有五款應該係主打，有套餐有單點，套餐除咗包咗飲品，仲跟咗薯角，薯角仲可以加HKD5轉蕃薯條或加HKD12轉芝士條添！招牌熱狗配芝士條~熱狗內裡有肉醬、腸、醬汁同薯片，層次好豐富，味道融和，夾到不得了！而芝士條外脆內軟，芝士味濃！特濃芝士熱狗配薯角~熱狗內裡有腸同大量芝士，對於芝士控嘅我嚟講，心心眼哂囉！吱喺面同內裡嘅芝士係唔同嘅~好滋味呀！一向都鍾意薯角多過薯條，口感都唔同喇！而且薯角嘅接觸面大啲，同樣鍾意茄汁嘅我，梗係要狂點喇！好彩拎到返屋企仲有一定嘅熱度，美味不減，睇到爆哂嘅芝士，流哂口水哩！見到佢開喺麥噹噹對面，真係好大膽，而佢竟然可以做到實物同圖片一樣吸引，識揀梗係揀有質素架喇！

黑糖蘋果手撕豬 呢個熱狗真係有驚喜因為個配搭幾意想不到而且個味道幾特別，係舖頭自家研究搭配。入面除咗有烤咗既豬肉絲仲有肉桂蘋果醬，有少少甜又有少少酸，食落好開胃，加埋豬肉絲令熱狗唔會太單調招牌熱狗入面既辣肉醬都真係有點辣，但加咗辣係會令味道刺激D。面頭既芝士醬好重奶味，小妹就麻麻地喇，不過呢款招牌熱狗都勝在材料足夠小妹叫左套餐，配上薯角同芝士條。即叫即炸熱辣辣，不同小妹覺得芝士條就比較厚皮，如果炸粉薄D會同芝士比較夾總括，小妹覺得香港呢D小店係需要支持的，雖然呢間餐廳只可以外賣但職員好有人情味可以感受到佢地果種熱情，希望會愈來愈多人留意佢地喇

今個星期六、日還要工作，真難過！ 幸好同事有車送我到入返新界區。 在燈口位前停了一陣子，見到左邊有間 bulldog hotdog！同事放低我後便回去買了。 餐廳提供9款不同熱狗 - 黑糖蘋果手撕豬、黑啤肉醬、日式鰻魚、泡菜腩肉、招牌熱狗 （即辣肉醬牛肉）做得招牌應該不會失禮， 就點一個吧 HKD 50 - 即時製作所以須要點時間，一陣子後，熱辣辣，有栗米脆片、秒製芝士、自家製醬汁。 喜愛沒有太多醬完全覆蓋著，所有配料加起來很匹配！正！另外還有小食 芝士條、著角、蕃薯條 — 心大心細之下 芝士條！ 炸得很脆，而內層芝士比較堅韌。

有朋友住大埔,佢話自己成日經過呢間熱狗店都冇時間去試,所以趁住放假嘅呢一日有我陪同,就專程行過去試吓幫襯。佢哋嘅門面標誌用咗一隻老虎狗公仔令人一眼就望到,餐牌方面嘅顏色鮮艷,鮮紅鮮黃咁都好有american style。見到佢總共有九款味道嘅熱狗選擇都頗多,口味方面好有新鮮感,韓式日式甚至黑糖蘋果手撕豬都有,甚為奇特有趣,喺香港其他地方都好小見,幾特別。我朋友就叫咗個招牌熱狗($50蚊)而我就嗌咗個韓式泡菜腩肉熱狗($48蚊),見佢加錢可以變套餐揀一款小食,所以就試咗款炸蕃薯條,食呢啲熱氣嘢配番罐有汽忌廉就無敵組合喇招牌熱狗($50蚊),裡面有條牛肉腸,帶點辣味,面頭仲有啲粟米脆片增加口感,但最吸引嘅 就係嗰個秘制芝士醬撈埋佢哋嘅自家製醬汁,個樣有小小似沙律醬咁但味道其實又酸又咸芝士味超濃,好味道丫~韓式泡菜腩肉熱狗($48蚊),韓燒就食得多,咁樣泡菜腩肉用嚟整熱狗真係第一次試,五花豬腩肉好香冇乜肥豬膏我鍾意又唔算太油,裡面配菜除咗主要嘅泡菜之外仲有小小洋蔥同埋醃蘿蔔,令人流哂口水,最刺激就係個韓式辣醬，雖然覺得辣得滯，但又辣得嚟好過癮正丫~最後仲有不得不讚吓個炸蕃薯條,炸得啱啱好,金

今日lunch 唔算太肚餓，所以諗住食d輕量d嘅午餐，本身諗住都係麥當勞啦，突然望到對面呢間Bulldog Hotdog，間熱狗店都開左一段時間，不過無試過，今日決定小試牛刀。見到宣傳單張推介4款新口味，一向鐘意韓風嘅我，當然就揀個韓式泡菜腩肉($48)啦。韓式泡菜腩肉熱狗食落又唔差，腩肉爽口彈牙，無雪味，d肉幾新鮮，比一般腩肉得個肥字好，無咁油膩。韓式辣醬加洋蔥就好惹味，雖然話唔肚餓，但一啖一啖唔覺又食晒。不過個包份量都幾大，食完真係飽肚，唔係ikea個d食風咁。估唔到呢間熱狗店細細，但質素又幾好喎。以後可以多d黎買午餐都得。