BullDog HotDog (修頓中心) (Closed)

早前去大埔踩單車時食過一次覺得好好食, 見公司附近有分店梗係要再encore啦😋中午時間係app落定單, 準時lunch time一落去就有得拎招牌熱狗跟餐配洋蔥圈同coke zero, 價錢唔算特別平但份量絕對係十足十!洋蔥圈雖然炸得乾左少少, 不過勝在麵衣唔算厚所以都ok. 招牌熱狗內餡有自家製辣牛肉醬、酸忌廉、雜芝士碎再配埋條巨型熱狗腸, 其實齋食熱狗都已經夠飽😂唯一美中不足既係因為外賣關係熱氣令到舖面既粟米脆片冧左, 好彩都唔係好大問題, 依然都係好食又滿足既一餐☺️

今日lunch想食下邪惡既漢堡熱狗，於是黎到位於灣仔地鐵站附近既bull dog hot dog買熱狗。依到既熱狗種類繁多，令人眼花繚亂。由於第一次黎依到食，我就點咗客最大路既招牌熱狗。落單不出五分鐘，熱狗就到手啦！望落好大份，餡料勁豐富。一啖咬落去，麵包外皮鬆脆，可惜麵包內裡質感好似食緊薯蓉咁。可能係食材含水量較高，又或者醬汁多得濟，攪到麵包入面好似糊仔質感。我仲食到少少肉碎， 應該係餐廳自家製既辣肉醬，我比較偏好重口味，唔太食得出有辣味。隻熱狗仲落左酸忌廉同埋粟米脆片，令到熱狗味道層次更為豐富。 酸忌廉嘅酸味反襯出麵包自身帶有既微甜味， 呢個配搭都幾好。

琴日去灣仔做嘢, 搞到兩點幾都未食晏晝, 喺附近買咗個熱狗餐<特濃芝士熱狗套餐>平時嗌熱狗跟餐有少少貴, 但係喺十一點到三點期間有優惠午餐, 成個套餐加埋嘅價錢同平時單嗌熱狗差唔多大食妹就嗌咗特濃芝士熱狗套餐特濃芝士熱狗超大份, 足夠兩個女仔食, 裏面嘅芝士有厚度, 雖然因為外賣擺太耐芝士結咗, 但味道依然唔錯薯條份量都算多, 鹽同茄汁都係另外上, 想落幾多任君選擇唯一可惜嘅係, 外賣返到屋企真係淋晒建議返到屋企用焗爐再焗返熱

過海到灣仔買蛋卷，行下行下就到bulldog hotdog 見到有之前就諗住想試既黑糖蘋果手撕豬同墨西哥卷，咁無理由唔買就返屋企喎😍用保溫袋裝住但一路時不時有熱狗香味飄出黎真係好難頂🤣返屋企快快影完開動，個包新鮮烘過松軟略帶焦香，腸夠大條有滋味又唔會咸，豬肉絲份量均勻口感嫩滑，同糖漬蘋果一起甜咸交疊味道好特別～不過可能個腸的味道比較重，所以豬肉雖然都好好食但味道就被蓋咗少少🤏墨西哥卷睇落細細一包，但打開個內容相當豐富😃我就揀咗美式辣雞Cajun Chicken，啖啖都食到滿滿雞肉😋微辣Cajun好惹味，連埋配菜同少少醬汁，整體感覺好清爽好健康🥬餅皮亦都唔會因為車程變淋，有麵香又少少韌，有機會再試其他味道😁黑糖蘋果手撕豬熱狗 7.0/9美式辣雞墨西哥卷 7.5/9OVERALL 7.5/9人哋話一個熱狗就超飽，我一個可以食一個熱狗加一個墨西哥卷，點解會咁⋯⋯一定係因為太好食🤣🤣

唔好以為麵包類嘅嘢就求求其其，我可以講，呢間嘅熱狗🌭️，每一個部位都好出眾🤩舖前有張小bar枱可以立食。熱狗非常大隻，配料有焦糖洋蔥、安格斯牛肉、馬蘇利拉芝士、寶伐朗煙芝士、橙車打芝士、炸蒜。先講包身，雖然係喺本地麵包廠入貨，而都非常講究，佢似係法包質地，外脆內軟，煙煙韌韌，帶有麥香。香腸有成8寸長，長過個包，聽聞都係本地貨，咁本土嘢嚟講都非常出色，唔死鹹，juicy, 脆皮！牛肉份量唔算多，而好彩唔太韌，咬得開嘅，最怕一大塊好柴嘅肉然後咬唔開，食得勁尷尬。醬汁份量適中，配搭得宜唔會搶咗fo 我係2人share食嘅，隻熱狗大隻到食一隻當正餐都得👍🏻

哩間專門賣熱狗嘅食店... 都開左唔少分店! 我最欣賞佢嘅熱狗大大份😍😍😍... 好多材料配搭... 勁呃like!🤭🤭🤭推介: 肉醬熱狗、芝士熱狗每次食完咁大大份又咁滋味嘅熱狗... 真係好滿足㗎!😊😊😊

兩個人一人叫咗一份熱狗，點知勁大份多到食唔曬呢款芝士比較多，整體好夾，好食呢款係肉醬味。店員幫手cut開做2半， 如果係女仔建議share 食可以喺到食 不過係企但乾乾淨淨就已經好足夠！

晏晝實在太想食熱狗啦所以就周圍刮下睇吓邊度有眼見呢間好似都幾出名所以今次試一試佢加上佢出名都係有良心嘅熱狗起碼都飲得杯落.嗌完有個Double cheese hit dog加$10唔知可以轉咩腸仔唔好意思真係唔記得咗個名by the way真係好好食一嚟佢嘅雙重芝士非常豐富二來條腸仔夠大唔會食到佢最後得返個包冇晒啲腸仔加上芝士有我鍾意嘅蘇味真心very good.你由於係嗌外賣嘅關係薯角始終會林咗少少但佢嘅份量都想當足夠如果一個女仔食分分鐘食唔晒加埋嘢飲先至幾十蚊另外我嗌多咗2pcs drink遲吓收工再飲買單只不過係$100完全抵呀一定會再幫襯

Bulldog hotdog 好似不知不覺都已經有幾間分店，今日咁岩經過灣仔，當然就要試下啦，location 超好，係正灣仔地鐵站出口旁邊今次我試左經典熱狗🌭️雖然係外賣，但係食既時候都仲係熱辣辣同好味既😋😋😋得閒就去多多支持下啦💛原來已經三週年而家做緊promotion !!! 85折5/7-11/7 第一站灣仔店香港需要你，唔知下一站會去邊區呢 ？

昨天因為截單而遺憾沒買到bulldog的我今天特意早出門再戰😆到店果然還沒開始有人龍🙌點了非常期待的灣仔和大埔總店限定款邪惡藍芝士😍想說過海來幫襯一趟不容易？平時很喜歡德國酸菜，就又加了一款德國風情🌭用保溫袋拎回家都還溫熱，儘管路途遙遠又難免搖搖晃晃但打開賣相基本沒變🙌芝士還融得更好了😍先從德國風情吃起，烘烤過的麵包外皮略韌，內裡鬆軟，香腸的size我非常滿意😋感覺熱狗腸至少要有這個level才算有誠意嘛～醬汁香腸麵包整體味道平衡得不錯😘不過愛酸菜人士表示酸菜可以再落重手少少，味道更突出一些我會更喜歡呢🙈order的時候不知道可不可以加酸菜😆然後重頭戲來了😍土鱉如我人生第一次嘗試blue cheese🎊聽聞此芝士味道比較有個性，不是人人都能接受到🤪我嘗起來就覺得完全可接受呀？為了充分感受我還一狠心特意點了藍芝士本芝的邪惡芝士熱狗呢🙈麵包和香腸就同樣優秀，不過藍芝士確實比我嘗過的常見芝士有更重奶香，味道更濃厚也更咸😂臭味就不是很明顯？但魔性就魔性在儘管一邊覺得咸一邊還想繼續吃😂德國風情 7.0/9邪惡藍芝士 7.0/9OVERALL 7.0/9店員好nice☺️三週年灣仔店有85折感覺好划

熱狗來來去去都係個d 味， 但竟然呢間有新奇既櫻花蝦口味，睇到幅圖就決定一試。打開個盒一睇已經嚇親，大隻過Z 鋪的熱狗（利申，Z 熱狗都好食）， 一咬落去wow, 估唔到櫻花蝦乾，明太子，蟹柳絲，熱狗腸咁多野夾埋一齊係咁好食， 只可以講呢個組合係出奇地夾。 可能好味，食得太急， 食完之後超飽。btw, 拎張單去隔離鋪唇茶有折。

良心店💛Bulldog Hotdog終於開到黎灣仔！叫左德國風情同特濃芝士套餐 配薯角同罐裝汽水原價$125不過做緊優惠 只係$100! 好抵!都等左一陣 鬼叫即叫即整～一打開個盒…嘩!好大份!啖啖腸+配料 絕對無偷工減料最後食唔哂特濃芝士 比左三份一朋友食🤣雖然係外賣 但拎到返屋企個包重脹卜卜唔會比啲汁/濕氣搞到淋哂! 幾鍾意個包皮既質感 好鬆軟欣賞!個人鍾意食薯角多過薯條炸得都好香脆 正！飲埋可樂 爽呀～整體性價比極高！（可惜叫左走餐具都係唔成功🤦🏻‍♀️)

出到灣仔唔知食咩，走左去Bulldog，見冇人等就過去試下。佢個Menu都幾多選擇，最後就揀左黑啤肉醬～本身仲想加水牛雞翼，好彩冇加，因為隻熱狗真係好大隻！間舖冇堂食位，所以拎走食，一路行一路覺得好香。個黑啤肉醬啤酒味好香，好多醬，相對地佢雖然用左兩隻芝士，但係芝士味已經被啤香味蓋過左，另外佢地加左蜜糖芥末醬，令隻熱狗個味道冇咁單調，味道唔錯。個包唔係嘉_包，外脆內軟的確有啲驚喜食到三分二其實已經覺得好飽，如果唔大食，可以兩個人食一隻再加啲小食。諗唔到食咩都應該會再去食