Burger Hero

Open Now

Now Closed

她, 被苦榮感化了, 間中會食得放肆D. 往時她一年吃不到一次漢堡, 而家每月都有一兩次. 今次E間, 係荃灣屋苑內, 家庭式運作.  除左漢堡, 還有日式西式飯類, 苦榮以為自己眼花, 驚見有水煮魚酸菜魚出現在餐牌之上. 店主話單靠賣漢堡難以生存, 要懂得變通. 苦榮和她始終沒勇氣點川菜. 她最穩陣, 吃魚柳漢堡, 魚柳好大塊, 配千島汁, 包身軟熟, 她說合格. 套餐仲有可配薯條/薯角/炸燒賣. 她大讚炸燒賣好食, 真估佢唔到, 只要她她喜歡就好. 苦榮的和風牛肉飯, 醬汁甜甜好送飯, 肥牛至少唔會韌. 飲品不一定罐裝汽水, 仲可點咖啡奶茶. 要多謝B哥推介, 有料到.

佢地服務態度愈來愈唔得, 打電話落order, 點知見野食A價錢貴左好多, 所以就話轉頭再打黎, 再睇清楚先, 跟住我第二次打黎, 想再覆核野食B既價錢, (因為網上睇D價錢, 大部分都貴左好多) 佢一句就問自己上網睇, 其實我問完後已準備係電話中落order, 我既語氣全程有禮貌. 佢竟然話而家好忙, 自己網上落, 服務態度差到一個點, 唔會再幫襯!價錢貴左唔係問題, 但服務態度完全唔成正比!

因為最近屋企人有事需要到港安醫院留醫，所以有機會係附近搵食，誤打誤撞之下俾我搵到呢間非常juicy既漢堡🤤今日同老公分別試咗特濃芝士雙層牛堡同埋超級勇士牛堡4層老公既勇士牛堡4層，顧名思義就係有4塊非常Juice嘅牛肉漢堡，咬落去啖啖肉汁，個漢堡包厚到連老公咁大個咀都要分開黎食🤣而我咀細啲所以試雙層就夠，但最後都係要分開黎食🤣因為雖然係兩層，但係兩塊牛肉漢堡都非常之厚身，而且非常多肉汁，而漢堡包嘅包身非常鬆軟👍🏻另外雙層漢堡跟餐我地叫左咖喱角同埋加咗炸燒賣，呢兩款小食不過不失啦！兩杯餐飲分別要咗凍奶茶同埋凍咖啡，凍飲非常夠份量，平時出去食嘢最怕杯咖啡到喉唔到肺，呢度嘅凍咖啡份量啱晒我，而且味道唔差🤭不過凍奶茶就略為甜咗一啲整體來講，我覺得呢一餐性價比都幾高㗎🤣如果下次再過開嚟呢邊嘅話，我諗我都會再叫黎食🤤

隱世中的英雄漢堡/創新口味 隱世漢堡小店/🎈Burger Hero ‍🍔勇者芝士牛堡套餐 ($58)雙層牛肉又厚又多汁加埋一啲蔬菜喺中間🥬感覺好fresh好新鮮麵包經烘熱外面脆身咬落都唔會好易腍哂😝🌭火炙玉子燒熱狗 ($48)玉子燒經火炙更加突顯甜味加埋熱狗腸鹹甜鹹甜🧈面頭加上咗日本嘅木魚碎將美式熱狗變咗創意日式熱狗🇯🇵套餐可以跟薯條 炸燒賣或者麥樂雞薯條炸得香脆 唔會好易腍身🍟仲配埋汽水或者茶咁嘅價錢咁嘅質素真係好抵

上次堂食…今次試吓買外賣返屋企食啦上咗佢個官網order約15mins 就可以自取叫左2個餐，分別係A餐(雙層)勇士芝士牛堡 beef cheese burger跟麥樂雞4件+飲品C餐鮮茄芝士焗豬扒飯（即時製作需時20分鐘)跟細薯條 + 飲品每個餐都係$58，性價比好高Burger真係冇得輸，足料❤️👍😋麵包🥯乾身夠鬆軟牛肉生熟程度剛好，有牛味醬汁味道開胃，叫多醬準冇錯焗飯用珍珠米，有2大塊豬扒炒飯底🤗其他炸野就正常發揮啦$58 Burger真係做得出色過好多餐廳🍴

店舖嘅位置同我住嘅地方唔係太就腳所以佢開咗一段時間，其實我都未幫襯過今日喺附近落車，就試一試佢啦🤗見佢除咗有漢堡嘅餐之外仲有飯餐，小食餐等等Order左其中一個是日優惠限定～ 大啡菇芝士牛堡 $63 +$15 可以揀小食同飲品等咗一陣⋯⋯新鮮熱辣辣嘅Burger就出現咗啦賣相很可以，很吸睛❤️大啡菇好香菇味，有夠Juice😋😋😋牛肉似係人手打，食到牛肉味有牛肉嘅質感，感覺天然唔人造佢個Burger包同出面burger店有啲唔同薄薄脆脆帶啲煙靭嘅口感老闆娘話原來係喺酒店攞貨不錯👍比起「五個人」要用差唔多兩舊水食個burger餐呢度實在太物超所值啦雖然位置格攝啲，但係會再嚟

久違近一年的早餐，再次回來。沙爹牛冧肉通粉，凍即磨咖啡。牛冧肉份量多，較茶記的淋和厚，無筋。通粉有坑，大粒，索汁。蛋，用料和煎功，令碗粉升了級。即磨咖啡，大大杯，香濃，抵飲，實際份量起碼比茶記多一半，攞返公司慢慢飲岩晒。老細當年話，無謂到喉唔到肺，大杯d飲夠佢。老細成日話自己肯加食材食本，提供更好食物，這是真的。有時我會想，這是一間什麼餐廳，什麼定位？為何什麼都去賣？我想，這是一間尊重客人，將心比己，用心制作每一項食物的人性餐廳。

先講明個漢堡薯條唔錯，性價比高。星期日晚餐時間七點鐘門市落單，叫咗五人份嘅漢堡餐外賣，當時店員表示二十分鐘左右就拎得。結果二十分鐘後去到先發覺個餐冇準備過！！！問兩位店員幾時拎得就齊齊無視問題繼續做單。最令人氣憤嘅係當時佢地外賣APP嘅單已經係我外賣單嘅號碼後十個，即係表示佢哋寧願做晒外賣app單都唔會理現場柯打嘅街客，係佢哋眼中街客比地底泥更加下賤。點解會咁呀？外賣app其實有出餐時間限制，店舖為咗要達標就唯有犧牲某啲顧客。我行到去門口叫堂食自取本意係唔駛店家俾外賣app抽佣當支持下小店，最終就玩返自己。結果係點？足足等咗成50分鐘，睇住一張張熊貓袋鼠單過完又過，千辛萬苦先拎到個外賣。各位如果walkin堂食或者現場叫外賣請三思！最後，利申自費非打手。

這間餐廳於9月尾開業, 很喜歡支持小店, 今晚終於有機會試下餐廳主打漢堡包及熱狗, 🍔有芝士漢堡、菠蘿漢堡、牛油果漢堡、七吋熱狗及多款小食今日Order了勇士芝士牛堡配麥樂雞四件脆味雞翼6件配原味薯條飲品 ：可樂芝士牛堡賣相很吸引, 走洋蔥🧅、走蕃茄、約七成熟, 脆脆的包, 包有少少濕是因為牛肉的肉汁, 非常Juicy, 芝士味濃配上生菜很爽口, 配料很豐富脆味雞翼略嫌粉有點厚, 雞翼屬於大Size、雞翼內嫩, 整體不錯外賣🥡待餐快, 食物即叫即製, 所以全部都熱辣辣, 服務態度很好, CP值高小店可以網上點餐（外賣自取）, 免等待很方便👍🏻

菠蘿鰻魚熱狗身邊的朋友也知道我很喜歡嘗試創新的食物，適逢看見這個熱狗是店長推介，所以決定一試。鰻魚大條無骨，日式鰻魚汁的份量剛剛好，而脆皮香腸就是平時吃到的那種🤣 以上的食物味道意外地相襯，唯獨熱狗上的菠蘿碎比較酸，配上本身已經又甜又鹹的熱狗不太相搭。不過吃到中後期，發現有一點酸酸的菠蘿碎也挺能夠去膩，感覺菠蘿如果沒那麼酸的話，也不失是一個好配搭，但這次的真的太酸了，甚至有點蓋過熱狗其他的味道🤧值得一提的是，麵包烘得外脆內軟，麵包香也很足，可以說是畫龍點睛之處🥰 下次應該會嘗試這家店的其他包類，但是這個熱狗應該不會encore了。不過創意十足，如果大家好奇也可以一試。(畢竟目前為止我只在這裏看到有這個配搭的熱狗😂)

附近終於有間好味嘅餐廳又唔貴又好味老闆仲好有心搞 食材新鮮 仲有手打嘅食材 炸又炸得好味 漢堡+一個小食份量岩岩好ps 第一次食無咩用麵粉炸嘅薯角 好好味除左漢堡仲有熱狗同飯 下次要逐樣試！！

❤️屋企附近開了新burger店梗係要支持吓，親民的小店，個包脆到爆炸食到成枱面碎都有啲唔好意思，價錢非常大眾化，食物高於預期應該會再幫襯☺️❤️個牛堡唔錯, 都算Juicy, 配合埋勁脆包係好食❤️蝦堡本人好鍾意，因為好鍾意食蝦❤️個熱狗正常味道，但非常大份，30幾蚊好抵食📍勇士芝士牛堡 x 2📍芝士酥蝦堡📍德國風情熱狗📍薯條、薯格x2，無激素雞翼x4隻📍四杯飲品合共$252👍🏻👍🏻抵食食物：7.5/10抵食：8/10環境：7/10

之前行過荃灣，已經見過呢間burger店，但係太晚冇食到。今次難得咁岩又行過，聞到朕味加上睇埋個價錢，好吸引好抵食咁😋自自然然就比佢既香味吸引左過去🥰今次叫左個「德國風情熱狗」黎做我既下午茶，叫得德國風情，緊係唔可以少得酸瓜啦。除左酸瓜仲有洋蔥、煙肉同7吋長既法蘭克福腸，再配上熱狗必備既茄汁同芥辣。一打開盒熱狗，睇得出店員好有心機整，醬汁份量岩岩好，而且又好多煙肉碎。當一啖咬落去，就知個包係有烘過而唔係就咁叮熱。而入面既酸瓜就切成酸瓜蓉，確保每一啖咬落去都一定食到酸瓜，唔似得其他鋪頭咁，咬一啖就會成塊拉左出黎🥲🥲呢個熱狗真係越食越起勁，停唔到口😋😋😋下次一定要試下佢地既burger 先😍😍😍

此店開了有兩個星期左右，成日行過都香到不得了，今日終於試下，叫左個68蚊既超級勇士牛堡，等左一陣就有，一打開個包好豐滿，肉汁係個包裝紙入面流黎流去，咬落去仲好juicy👍🏼果然無失望，下次會再幫襯

叫咗個超級勇士牛堡68蚊，送汽水一攞上手，個飽係好聚手，重身一打開，包入面有四塊牛肉，芝士，配菜生菜番茄。睇圖就知，超足料，超厚。講真個包有啲濕，但唔係因為佢嘅汁醬，係因為本身牛肉嘅肉汁，四塊手打牛肉無汁就驚啦。牛肉係每日新鮮手打安格斯牛，唔死實，唔乾，有肉汁燒汁唔會太濃味，呢樣十分好。因為太濃味唔會食到牛肉味，同埋會增添飽滯感，仲有芝士本身有咸味，個汁太濃就over晒。呢間好野，牛肉本身嘅肉汁，加佢燒汁，配合幾好。粗薯條唔鹹，感覺真材實料。麥樂雞冇乜特別，但跟餐12蚊有四嚿都抵食。同埋佢所有炸嘢都唔深色，證明唔係用緊萬年油，食得安心老實講，食漢堡包炸薯條呢啲唔係健康食物，但我食完個餐，打埋食評都唔使飲一啖水。睇嚟佢應該冇落味精，同埋控制鹽份量處理得好。呢樣都值得畀credit。加油吧！