傑克漢堡 (路德圍)

Open Now

Now Closed

路過見Menu望落幾吸引就試下，叫左豬堡，首先一打開，見到漢堡本人賣相已經唔係好樣，食落果然肉質鬆散，完全無口感可言，而且醬汁唔夠，味道偏淡。反而追加的小食，雞肉洋蔥圈還算可以，係個漢堡讓人失望！

雞塊缺貨又接單又唔打電話通知，等去到鋪頭夠鐘攞先講😓過去加等嘅時間想攞先話無貨白白浪費30-40分鐘🤢之後又叫我哋轉嘢食我哋係想試呢間雞塊先叫佢，同佢講咁取消張單啦，又堅持要我哋自己取消但我呢邊顯示餐廳接咗單不能取消又擾亂完一輪先肯退返現金俾我哋，退錢退得不情不願咁！俾佢玩死😑無言到爆佢哋嘅時候係時間，客人嘅時間唔係時間？雖然咁街坊食應該味道不錯，不過最後我哋叫咗第二間(一漢堡)都好味，小食選擇又多又樣樣好食唔一定要叫佢哋啦🥴希望佢哋下次訓練好啲員工，做飲食識執生啲啦～

之前久唔久會食，因為同麥麥差唔多價錢，都質素好啲，可惜今次薯條少左極多。兩個漢堡包都不過不失，平時好少寫comment，今次為左呢份薯條而寫，因為佢係我鐘意嘅粗薯，但係睇相係咪以為我食左一半呢，but I swear to god. I never touch it before taking photo，所以大家明白啦，原來係要撞手神㗎，敬請各位街坊下次攞之前，不妨掀一掀紙袋，睇清楚入面嘅份量，遇有不公，不妨當面對質。

今日行開荃灣，諗起這間傑克漢堡，去到叫左三個包，等左20分鐘左右，由於得外賣，返到屋企先打開睇，發現點解三個包個底都燶曬，之前食性價明明係算高，但今次用極失望來形容，相信廚房無理由睇唔到個包底咁燶，仲要三個包都一樣！食完今次講聲Byebye,唔會再食！

平日食開，質素唔錯的。薯條夠粗，份量都多。食過牛堡，雖然有點乾身，但牛肉厚實，可接受的。最好食係雞堡，塊雞夠脆，醬汁又夾。但今次有啲失望，一打開，麵包甩皮甩骨😓碎菜，幾乎食唔出有菜塊雞仲縮咗水買完外賣回家路途約十分鐘，打開見到個包咁既樣真係有啲意外…同平日食嘅反差太大，希望改善下。

不過不失，平價漢堡的一餐。好耐無食藍店m店，見到新開漢堡店就試試佢叫左二個漢堡包，跟餐有配飲品、小食薯條（一個轉麥樂雞）第一，經典牛蛋堡，有二層牛都好正👍🏻，分量好足，牛味都算香口第二，脆雞堡，呢個就麻麻地，汁唔夠多，食落覺得乾，醬汁唔係好夾同埋好少之後，薯條👍🏻👍🏻 拎翻屋企食都有15-20分鐘，但都仲係好脆好熱，比m記好食麥樂雞就麻麻、普通，係冷凍雞加熱咁整體：平價抵食，會再食👍🏻😚

新漢堡店開咗 試業中見價錢咁親民 就試下啦 本身冇乜大期望 經歷過之前 享和街Lucky Smash之後 完全中伏3號餐 夏威夷牛堡 $39一拆開包裝 2舊厚厚牛漢堡 真係同圖片一樣 冇呃我😂😂一咬入口 OK 喎 ～彈彈啖啖肉！配粗薯條 即炸 熱辣辣 正呀❤️ + 凍罐裝 可口可樂 39蚊 絕對性價比高！ 會再幫襯❤️👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

途經路德圍見到新開左一間burger🍔 外賣🥡店價錢唔係貴💰就試咗佢招牌嘅牛肉🐮漢堡招牌牛🐂 牛堡下午茶餐$23雖然件牛肉漢堡扒睇落唔多靚仔唔係外脆內軟但都幾厚實📏✅唔會煎🍳到太乾✅幾juice 有肉汁💦✅有肉味🐮不過包🥯就麻麻地有烘過下❌唔鬆軟❌偏乾❌無麥香加上用左我至憎嘅hea 底沙律醬同淋爛椰菜絲🥬➖扣左唔少分$23 一個呢個水平嘅burger, 下午茶仲有埋嘢飲，性價比算高👌🏾佢啲包雞🐓豬🐖牛🐂都有全部都係$30 樓下跟餐有埋嘢飲同薯條都$40 有找算係幾平，質素又唔係差👍🏽值得一試Ps 原來佢係元朗同西環都有分店😆