Burgerman (欽州街) (Closed)

上星期四過開長沙灣練跑，時間尚早就去黃金附近搵食。最近深水埗又多左好多食店，行下行下記得有間手制漢堡出名，又無試過就去食下先。鋪頭好細，得7-8個位，如果坐滿都幾迫下。我時間比較早得一邊坐左人，尚算可以附近都多街坊同外賣員攞外賣，鋪頭赽方小主力都做外賣。一入去店員介紹左點樣點餐，諗左陣我就點左至尊漢堡+餐，即時比先錢$108。漢堡包都唔小，雖然手掌心大，但就好高。我自己覺得原條薯條好好食，夠熱夠粗又脆即炸好好食，好食到食晒薯條先食包至尊漢堡好足料生菜蕃茄，最中意係有流黃蛋加埋好多汁，狂bi晒出黎。漢堡肉有另外調過味，都好好食。漢堡包味道豐富最後，鋪頭都好貼心，除左餐紙巾外，仲有包裝好一小包手套（每包有兩個透明手套），值得一讚

一收工就飛奔到福仁街掃貨，總算買到心頭好就醫五臟廟。既然有心吃漢堡包，就吃個優質的侯斯頓漢堡吧。論賣相經已高分，色彩繽紛，外層麵包偏滿黑白芝麻。包面更預先烘熱，脆皮得來又不會太乾身。夾在中間的安格斯牛肉肉汁多到滿瀉，表面更有香濃的芝士咬的時候份外小心，加上香口的煙肉份外惹味及炸洋蔥絲更加提升口感。可能因為有生菜墊底吧，整體亦沒有很油膩的感覺。至於水牛城雞翼 L 選了偏辣的味道，再狂加 Tabasco，你會發現那種酸辣的味道令人上癮。裡面亦很多肉汁，外層表皮亦香脆。食漢堡包和雞翼當然用手就特別好吃，小店提供膠手套，讓 L吃得無後顧之憂。

今日去黃金買嘢，朋友話呢頭有間抵食又好味嘅漢堡，平時都少嚟呢邊，難得嚟到，緊係要試一試間鋪嘅鋪頭唔大，可以外賣可以堂依，堂食大概得8個位叫咗個至尊漢堡，好大份，有蛋有煙肉，加埋菜同牛肉，食落去口感一流，不過要好大個口先可以一次食曬咁多種料。女仔食可能會麻煩d😂另外加咗廿蚊配埋個薯條同嘢飲，食漢堡緊係要配薯條可樂啦🤪朋友叫咗和牛漢堡，牛味好濃，配埋個醬，好好味。呢個漢堡份量相對至尊漢堡比較細，如果男仔食呢個可能會唔夠飽雞翼就正正常常，未有好出色，不過不失。唔想淨食漢堡咁dry可以一試

深水埗出名多平民野食，今次又去睇下搵到咩新野，自從上次食有個好食Burger之後就突然好似開左個Burger總制咁，想繼續再食，而今次就比我發現左間唔多起眼嘅小店#Burgerman。🍔 佢門面好細，出面只有不足10個坐位，唔係因為出面有人排緊隊絕對會Miss左佢。而裝修就以美式風格之主🇺🇸，並且好貼心咁提供獨立包裝嘅手套，好方便。🐂黑松露和牛漢堡 $105 未上台已經聞到好香嘅黑松露味，一上台，原來係塊和牛上面放滿左黑松露醬。加埋塊包之後成隻包勁厚，個嘴細D都食唔到，塊和牛好鮮嫩，一咬落去勁多汁滴落個盤道，終於明點解邱提供手套。食完幾個鐘之後個嘴都重有黑松露味，超抵食。🐂候斯頓漢堡 $67 + 煎蛋$8 +配餐$20 (有薯格🍟、薯格同沙律🥗揀+罐裝汽水)呢個包係安格斯牛肉加上煙肉，而我再加多隻煎蛋，隻包重厚過黑松露和牛漢堡，不過好在我個口夠大，可以一啖咬哂。安格斯牛肉同樣爆汁，而呢隻牛就肉質就比較實，有咬口，配上煙肉，煎蛋等配料令隻Burger口感更豐富！ 跟餐我叫左薯格，炸得好脆，入面有厚厚嘅薯仔，勁足料。

之前已經聽過Burgerman既漢堡好食，今日一於黎探下佢。佢係既鋪位好細間，店入面最多可以坐到六至八個人。今次黎到已經冇晒位，要開張高枱坐係店出面。我地叫左一個水牛城雞肉漢堡$67，加左$8要煎蛋，再加$20跟餐，有薯條同無糖可樂。另一款叫左鵝肝安格斯漢堡$135，冇跟餐。漢堡size都大個，跟埋餐一定夠飽。漢堡肉夠juicy多汁，鵝肝肥美，層次好豐富。雞堡加左煎蛋好食好多，岩晒我呢個蛋控。所有漢堡都係即叫即整，熱辣辣，所以好好食。

Burger的熱潮愈來愈大而家burger的店愈來愈多五花八門，但係要好食價錢又相宜的真係要細心揾食經過ssp有間小店坐滿滿所以入去試下和牛漢堡加大磨菇最吸引我，咬落口好juicy, 而且價錢唔貴，8x蚊加20 蚊係大磨菇就食到和牛漢堡再加多20 蚊仲可以配埋餐有薯條/薯格+汽水而且薯格仲脆的仲有藍芝士等的burger /素食burger, 供唔同口味的人選擇店仲好細心提供手套比客人食~唔怕食到對手污糟晒，抵讚

今日行經深水埗，見到有見漢堡店都幾多人排隊食，我當然都唔執輸睇下有咩特色野食啦。呢度係漢堡專門店，好多款漢堡包選擇，而我就緊係揀佢地呢度的招牌漢堡——至尊漢堡啦。整完出來真係大大個無得頂啊，裡面的餡有安格斯牛肉芝士漢堡配香炒洋蔥，煙肉等，安格斯牛肉真係好多汁肉質夠質感，好香牛肉味啊，而且仲有兩塊咁多，一點都不吝嗇。成個包夠香芝士味，也有一些生菜在裡面，有肉有菜健康配搭，加上醬料真係好好味好滿足，下次一定要來呢度試埋其他款的漢堡。

深水埗算係比較多黃店既一區今日行過呢間burgerman 見到雖然鋪仔細細，但係都有連儂牆相信都值得支持！鋪頭主打漢堡包，有由A-J 咁多款選擇有牛，有魚，有雞同埋素食選擇除左Burger之外，仲有Pasta,Salad 同埋好幾款Snacks, 選擇都幾多另外又有Chef 推介既食物我就點左一個至尊漢堡嘩，個包仲高過罐汽水🙈勁高至尊漢堡有雙層安格斯牛肉，再加蘑菇、煎蛋、煙肉，超豐富！牛肉漢堡肉味濃之餘又多汁，再加埋芝士，好夾！另外，漢堡包夠鬆化，面頭又有黑白芝麻，特別香！真係好好味推薦大家一定要食至尊漢堡❤️😋

我仲記得我第一日嚟深水埗返工嘅時候，大媽就帶我嚟食burgerman，為咗慶祝(紀念)我返工一週年😪，所以呢日lunch喺到食😂。店舖勁近我office✌🏻，本身想買外賣，但見都有位，所以堂食熱辣辣吧😋。漢堡包選擇都唔少，有十多款揀，可以加$20配餐(有薯條🍟、薯格同沙律🥗揀+罐裝汽水)。另外仲有意粉賣添。我哋要咗A.至尊漢堡🍔($88)，實物比起圖片更加震撼，有勁多層勁足料，目測有15cm間尺📏咁高，我就唔信有人個口咁大可以一啖食到哂咁多層！兩層包夾住兩塊芝士漢堡扒、二片煙肉、一隻煎蛋、一堆磨菇同炒洋蔥，再加蕃茄🍅同生菜🥬。好彩有手套提供，可以放肆咁食，雖然都有啲論盡哈，漢堡扒真係食得出肉味，加上有磨菇同洋蔥好夾好香。另一個包包就叫咗特別menu上的日式豚肉漢堡🐷($65)，塊半溶芝士🧀勁吸引，配上一塊香煎厚豬扒，下面有啲菜苗。食落有啲似澳門豬扒包，但呢個非常juicy，而且夾埋食令到啲菜苗無咩草青味，平日我勁憎食。我可以一啖食哂咁多層，因為呢個無咁高，我更加鍾意食呢個包😛。2個包都有跟餐，一份要咗🥔薯格，另一份要咗🥗田園沙律，兩樣份量都好多！薯格好脆好好食，而且相對地唔係咁多地方有

是日經過深水埗 見到呢間鋪 覺得漢堡🍔好吸引 心思思想食～ 但朋友對漢堡麻麻 睇咗下menu 意外發現居然有意粉🍝可點 。佢對意粉有興趣 我對漢堡有興趣。可以滿足兩個人嘅需求～.水牛城雞肉漢堡🍔 HKD | 67 + 20 轉套餐 薯條🍟 可樂一層厚厚嘅芝士鋪係雞肉上邊 雞肉超級嫩滑 番茄🍅熟熟地唔會好生 一口咬落入會掉汁 同d雞肉勁match好味😋～ 有提供一次性手套 戴住好方便食。漢堡好厚 要輕輕壓一壓先咬到一啖～ 認真滋味.卡邦尼意粉🍝 HKD | 72 + 38煙燻燒烤雞翼 (5隻)超級Creamy及香濃芝士味 味道幼滑香口😋入邊有白菌 煙肉 洋蔥 。估唔到 burger鋪主打唔止係burger 意粉都一樣出色雞翼亦好味 配意粉一起食相當惹味～.環境雖處於大馬路 但店舖舒適 可以坐係度慢慢嘆～ .接受外賣 仲接受唔同嘅付款方式 任君選擇～

同朋友在深水埗買野，我們見好餓，不過搵下附近有咩好野食，見到有一間食漢堡包好似好正，我哋決定試一試，見到佢和牛，安格斯牛，價錢唔貴，佢選擇性都多，見到佢可以自選配料+$8 鋪頭裝修都比較簡單。侯斯頓漢堡 +8 加芝士配有皮薯條牛肉一口即溶，麵包皮好趣脆，但係對我來說好大舊，我未能一口食到，要分開食，漁夫之堡 配薯格，魚柳唔會有雪藏味，都好食 另外再加錢五隻水牛雞翼，食落去酸酸味比較重。小小辣，我個人認為一般般，

去高登行街想買嘢，就見到呢間漢堡店，店舖內的位置極小，只可以容納六至七人，而且門是開放式，冬天真是寒風陣陣。所以見到多是人叫外賣。黑松露和牛漢堡⭐️⭐️⭐️⭐️⭐️我很喜歡黑松露的香味，所以見到咁多黑松露舖在芝士上，已經迫不及待想吃，不過個包實在太大，吃到小一半才品嘗到黑松露，而且跟和牛的味道極相配！最驚喜是從沒想過漢堡內竟然有煎蛋，很有香港式風格，很喜歡，而且配菜很新鮮，不是平時漢堡會用的生菜或蕃茄，而是芽苗菜！用和牛整的漢堡有豐富的肉汁，所以一路食就一路漏汁，煎得剛剛好，仲可以見到肉排粉粉的，是有水準的漢堡

這間位於深水埗的burgerman，剛出來工作時曾經幫襯過，舖面細細，但burger款式齊全，價錢亦都比大型的餐廳平一大截，今晚經過就順道入去食個晚餐。Burger款式多以牛肉為主，亦都有雞及魚，另外還有幾款雞翼等小食及幾款意粉，一場來到，當然食佢既招牌burger啦。丹麥藍芝士漢堡加煎蛋麵包烘至微脆，牛肉兩面煎至焦香，但保留了肉汁，十分juicy，加上藍芝士獨特的咸香味道，為漢堡增添不少特色。至尊漢堡真係大得誇張，用了兩層牛肉、煙肉、煎蛋等材料，有差不多手掌高度，一啖係咬唔到。另外加$20可選薯條或沙律及汽水，薯格炸得香脆，田園沙律份量都頗多，正好減輕飽滯感。

深水埗食野必冇死 超多隱世美食🤤而burgerman係近幾年由隱世美食變到眾所週知既一間餐廳 每次經過都好多人 今次終於試到！員工服務好好 野食即叫即整😋最後我叫左至尊漢堡同和牛漢堡 漢堡份量好大 超足料🥰至尊漢堡啲料高到唔知點落手 但食落超滿足！兩個漢堡食落 啲汁都不斷流 啲牛唔會乾 反而啲汁仲可以鎖係肉入面 但食到啲汁滴到周圍😂如果食既話 要小心滴到件衫另外加左$20換做套餐 送小食+汽水🥤小食分別嗌左薯仔同薯格 兩款都幾好食 但個人推薦薯格多啲 當中都包括自己對薯格既偏心☺️但食完成個餐真係好飽 性價比極高！

一般漢堡包店，給人的感覺都是比較便宜，食物質素不會有太大驚喜，今日試了深水埗的Burgerman，感覺喜出望外！食材優質，即叫即做，非常美味。2人點了$85和牛漢堡、$75茄汁蝦意粉和$38水牛城雞翼/5隻，價錢合理，很有水準！和牛肉味濃郁，豆苗新鮮，份量也不少，漢堡包皮脆卜卜，咬入口時聽到嗦嗦聲。茄汁意粉酸微微，很開胃，蝦味道很鮮甜。雞翼$38/5隻都算抵食，另加汽水$8一罐。餐廳地方需細，但製作具誠意，店員態度友善，值得一試！