Burgerman (欽州街) (Closed)

出深水埗睇完玩具、一支公又想食好嘢，我就推介位於欽州街嘅Burgerman。Burgerman嘅餐牌都有成10款漢堡包俾大家揀，再加埋廚司推介，有選擇困難症嘅朋友仔都幾頭痕嫁。雖然今日廚司推介係日式豚肉漢堡，但最後我都係揀咗和牛漢堡，再加薯格同罐裝忌廉。和牛漢堡再加上一大份香脆嘅薯格同罐裝忌廉，真係best match。和牛漢堡扒成吋厚，一咬落去，和牛肉汁唧哂出嚟，油香而不膩。和牛扒嘅調味適中，加上選用嘅醬汁唔係濃味嘅醬，再配搭豆苗同比較輕味嘅芝士，配菜同醬汁味道唔會蓋過和牛漢堡扒，整個漢堡亦唔會俾人一種飽濟嘅感覺。超正！

和牛真係和牛，食落去好有牛味，而且勁juicy！咬落去個陣d汁多到係個包後面流返出黎🤤🤤個包都烘得岩岩好，表面脆脆地但仲keep到入面係好鬆軟👍🏻另外+$20轉左套餐，薯條真係好大條好脆，not bad！-認真個$20真係唔好慳，雖然呢個都好好食，但和牛漢堡更加好食🤣呢個包係有蕃茄，不過因為唔鍾意食所以走左😅個牛都係好juicy，梗係冇得同和牛比啦，不過都係煎得勁香勁好食，jeng!!😋

友人最愛漢堡包，平價如老麥到貴價漢堡都愛吃，當然一分錢一分貨，主打漢堡店嘅漢堡扒質素有保證！最近去左深水埗買口罩盒，順道去附近間burgerman 嘆和牛漢堡，上次食過大角咁分店正有飛驒牛漢堡扒超正，可惜今次無，所以叫左個和牛漢堡，另一個就藍芝漢堡，一個主打和牛，一個主打芝士，各有特色！先試和牛漢堡，和牛出名油脂分布均勻，而家油脂濃，所以漢堡扒食落油香味同牛肉味都濃，中加埋溫室豆苗嘅青草嘅唔會過分油膩。鐘意食芝士嘅人都未必會喜歡藍芝士，藍芝士係將青黴菌加落牛奶或者羊奶發酵整成，有藍色或者綠色嘅斑紋.芝味濃郁，塊漢堡扒相對上就變成配角，牛肉味無和牛個塊咁濃，不過就相瘦讓芝士突顯身價！另外可以加20蚊配薯條或薯格，同埋汽水，叫錯左叫左兩客薯條，薯條係粗薯條，驚喜位係除薯條外仲炸埋薯皮，脆卜卜，食完都唔似老麥薯條油林林，炸到非常乾身，不錯。店內空比較少，預左繁忙時間去要等耐少少架！

-至尊漢堡🍔~88$~好 足 料！兩塊牛肉啖啖肉，加埋蛋🍳煙肉同埋其他配菜，一啖都咬唔曬啊。-丹麥藍芝士漢堡🍔~73$~鍾意食芝士嘅朋友叫呢款就岩啦，blue cheese🧀 味道十分濃郁，令到成個質感好實在同惹味。而Burger個麵包🥯下重上輕，承托啲材料無咁易散。如果麵包部分可以再烘耐多陣就更好了。-脆炸特製蕃薯條🍟~35$~大大份超抵食，佔左個木盤一大半有多。最緊要係咩啊，好味啊嘛！蕃薯🍠味濃，簡直好似用咗新鮮番薯咁，而個表皮都好香脆，但炸粉唔會太多唔會太油膩，下次經過食唔落burger，都可以買一份番薯條當小食😋😋-自家製炸手指魚條🧈~34$~魚肉嘅比例如果可以多番少少就會襯返炸到香脆嘅表皮，會更好食。想提下除左配搭開既他他醬之外，仲有個粉紅色既醬，有少少似帶辣既千島醬幾特別。

同朋友去深水埗買新出嘅遊戲，三點幾又未肚餓，又想支持附近野黃店，聽講漢堡好好食，所以就買諗住買外賣返屋企食啦一入去即刻見到塊連儂牆店員仲好好人，怕我哋睇唔到頭頂個餐牌，俾咗張Menu我哋睇我哋叫咗和牛漢堡同埋至尊牛肉漢堡連餐加$20就連埋餐：可以揀薯格、薯條或者沙律，仲配埋嘢飲。返到屋企打開，發現比得超多薯條和牛漢堡就算叮翻熱佢，入邊都仲未熟晒超重牛味有啲筋好有咬口澳洲和牛嘅味道好濃郁啊督落去仲有啲牛油出嚟啊至尊漢堡係用咗美國安格斯牛肉。雖然佢個味冇和牛嗰個咁出，但係佢有兩塊，份量搭救肉質都會比和牛個個乾啲。隻蛋都煎得好香，而且又有煙肉，又有洋蔥，又有芝士，好豐富洋蔥好爽甜而且有少少黑椒味兩個包都有好多芝麻好重芝麻味。薯條連埋薯皮，好香薯仔味。而且佢唔係落咗好多鹽所以唔會好咸咁既價格食到咁高質既漢堡，又支持到同路人，好抵

今晚同左女朋友黎ssp 食burger !!其實我之前已經食過真係食過返尋味😙今次我自己要左一個鵝肝漢堡諗住試吓新嘢吖嘛❤️而且見佢配套餐都好似幾抵咁就加咗個薯格同埋要左可樂加埋先係百幾蚊一個套餐真係好抵先講下個薯格新鮮炸起博博趣而且份量真係好多 一個大男仔食都覺得好夠👍👍至於個漢堡賣相真係好好鵝肝煎得好香咁樣放咗喺餡料嘅上面上面淋咗一啲特製嘅醬汁之後就有兩塊芝士🥺咬落去個包仲熱辣辣有牛油香味非常好☺之後就是重頭戲鵝肝入口即溶嘅感覺真係好正❤️而且佢溶咗之後加埋包既感覺好match 😙成個漢堡都覺得好高質而且個下面就放咗牛肉漢堡扒非常厚切加上佢嘅肉汁好多😘正阿!!!

今晚同男朋友去左食burger !位置非常便利就係黃金商場既對面!!而且都好易搵今晚我自己就要左一個burger combo 黎到呢間當然要試下佢既和牛burger 佢地仲勁貼心咁可以揀剔除自己唔鍾意既配料我自己就走左onion 之後就要左佢地既出名炸蕃薯條👍💕同埋罐裝飲品首先佢地拎上黎既時候成個burger 都熱辣辣上面塊芝士仲勁大塊好正!!一咬落去 太陽蛋既蛋汁係湧晒出黎加埋和牛d 牛汁 勁juicy💕❤️好幸福 流到成手都係🥰佢和牛既份量好大塊 我女仔食都覺得好滿足而且佢最特別係佢表面果塊包係用牛油烘過咬落去有口感而且脆身👍👍☺蕃薯條係厚切而且新鮮炸起咬落去唔oily 而且佢仲有一個Mayonnaise 配返🥺👍好香同埋好夾檯面仲有鹽 ketchup 果d 比你地揀返

鋪仔細細，個樣好似小酒吧咁主打各式牛肉漢堡，亦有意粉，沙律同小食設有連儂牆，唔買野都可以寫下__________________________🔹至尊漢堡 $88雙層美國安格斯牛肉，配埋炒洋蔥，蘑菇，煎蛋，煎煙肉同埋熱到熔晒嘅芝士，就咁聽個組合已經知道伏極有限.採用100%全天然美國安格斯牛肉用完塊牛扒撤出牛肉製成漢堡扒，唔係用啲廉價賣剩既肉碎，漢堡都厚身，幾有肉汁，有少少油，有牛味，但香烤味唔夠重.個包都相當大個，最後都要分開兩截黎食上半有煙肉同流汁蛋，非常香口下半有蕃茄同洋蔥，會清新啲，最正係啲洋蔥都幾爽脆.套餐只係+$20，就有有皮薯條/薯格/或沙律，同罐裝飲品，CP值相當高！有皮薯條炸得又香又脆，非常不錯

行經深水埗見依間小店嘅包頗有特色就即管試下。丹麥藍芝士漢堡🍔漢堡賣相非常邪惡、又係嗰種多層餡料超豐富，一個口都咬唔晒嘅包，牛肉新鮮半溶藍芝士，加上紅洋蔥，配合新鮮蔬菜，雙重滋味。配角薯格，炸起熱辣辣又香脆，仲幾大塊。

本身自己都幾鍾意食burger，之前見到有人推介深水埗嘅burger 店，所以專程過嚟試一試。入到去坐咗冇耐就見好多人都過嚟order，就知道呢間應該係唔錯既。我哋叫咗兩個漢堡 :至尊漢堡 - 材料豐富，用咗安格斯牛肉，所以肉質口感好，而且好juicy，夠晒豐富。鵝肝安格斯漢堡 - 比較少見漢堡會有鵝肝，食起上嚟有幾夾，一次過滿足晒食漢堡同埋鵝肝嘅滋味。至於配菜揀咗薯條同埋薯格各一，兩樣嘢都係即叫即炸，所以好脆口。總括而言，呢度嘅漢堡或者配菜都係即叫即做，所以夠晒新鮮，如果再過嚟深水埗都會再去食多次😋

之前已經聽過呢間小店既burger好高質但遲遲未有機會去試,今日難得去深水埗整電腦當然要黎試一試.burgerman位於馬路旁既大街上,位置十分易搵.店內有堂食/外賣,堂食只有2邊bar枱但感覺又唔到太狹窄.burger都算有幾多款選擇,有齊牛,魚,雞之餘仲有素食既大啡菇漢堡.和牛漢堡用上穀飼澳洲和牛,再加上美國大孔芝士.係芝土面上再加上少少炸洋蔥絲同日式芝麻醬.澳洲和牛漢堡排入口仲有好多肉汁,牛脂味香而不膩就算用左芝麻醬感覺都唔會好膩同滯,而且漢堡排肉質質感鬆軟.芝士味道香而唔會過濃搶走左牛既味道.加上既炸蒜絲令入口多左重脆口感.如果麵包烘得更脆會更加惹味.+$20轉套餐一份薯條/薯格同飲品.薯格大大塊又即叫即炸,入口辣辣地同外脆內軟,炸出黎又唔會油淋淋.水牛城雞翼醬汁酸酸辣辣十分開胃,雞翼炸得香脆,內裏唔會乾爭爭而且咬開仲有肉汁.餐廳好貼心,係吧枱位上有手套供應為免食客整污糟隻手.

店舖半開放式，大概容納10人的漢堡小店。.黑松露和牛漢堡($105)分數: (8/10)採用天然穀飼澳洲和牛，肉汁非常豐富，咬下去肉汁立即溢出。底下有豌豆苗配以芝麻沙律醬，感覺清新。黑松露醬香味，加上絕配美國大孔芝士味，令漢堡味道昇華。.經典芝士漢堡($65)分數: (7.5/10)包的軟硬度適中。採用天然美國安格斯牛肉，肉汁亦很豐富。選用車打芝士，底下配新鮮生菜番茄及洋蔥，味道不錯。.+轉套餐(田園沙律/薯格/薯條+罐裝汽水) ($20)薯格分數: (8/10)表面炸得十分香脆，帶有輕微辣味，熱度足夠，十分可口。.田園沙律分數: (5.5/10)沙律菜有輕微苦味。.入去已經見到貼左香港人心聲既memo💛

🖥️辛苦工作過後，突然又想起Burgerman的和牛🐮漢堡🍔同薯格🍟🥨😋所以放工後專登去ssp食返餐先😛由於肺炎情況未有改善😷所以由坐地鐵🚇到burger 店都一直戴住口罩直到有野食為止😷希望快d可以控制疫情啦坐低就叫左個和牛漢堡🍔+燒烤菇🍄,加埋set($20), 有薯格🥨/有皮薯條🍟/沙律🥗同汽水Burger入面有日式芝麻醬同日式豆苗😋😋而且和牛肉又多汁，成個口感配搭得好好😋

心血來潮想食漢堡包一直都好想試一啲本土小店 記得朋友介紹過深水埗有一間手工漢堡～ 今日就特登過嚟食鋪頭唔算大～要細心搵先搵到 如果唔係好易行過話晒都係漢堡包專門店呢度提供多種不同嘅款式俾大家選擇！另外仲有小食、意粉同沙律提供！漢堡包即叫即做和牛漢堡（ $85 ）套餐combo+ $20配薯條加汽水來自澳洲嘅穀飼和牛果然唔同啲平時食漢堡好怕食到乾爭爭嘅牛肉patty～但係呢度嘅和牛漢堡絕對係超級juicy多汁！每咬一啖都有肉汁流出嚟！麵包都係漢堡包重要嘅元素之一！鬆軟嘅麵包上面做灑上黑白芝麻 食落更加香口差啲漏咗講個薯條！每一條都係原隻薯仔切出嚟嘅粗身連皮脆薯條！薯仔味夠晒出～份量仲相當多！BBQ煙燻燒烤雞翼（ $38 ）抹左BBQ醬嘅雞翼未算好入味～不過勝在隻隻都好大隻！貼心嘅小店仲提供埋膠手套～直接用手食都唔怕污糟

今日去深水圳買完電腦.同朋友諗住附近開飯再盡快回家.就去左黃金對面街既一間🍔burgerman (我諗大家都識🙈但我第一次食)店鋪很細.可坐10人左右.風格好有歐美感覺😆選左唯一一張鋪頭外座位.成件事即刻感覺唔同左👍🏻加分👍🏻🍔黑松露和牛漢堡 💰105 +20轉套餐連飲品⭐️神級推薦⭐️🥢第一次食由和牛整既漢堡包.我諗我番唔到轉頭🥺 比一般漢堡扒更多油脂又加juicy. 完全唔會有乾既感覺.配上我最愛黑松露.好濃郁黑松露味係口腔打滾🤣然後唔小心食哂成個包.🍔鵝肝安格斯漢堡💰135+20轉套餐連飲品🥢鵝肝豐厚油脂十分香濃.混落厚實的安格斯漢堡肉汁中.咬落滿足👍🏻 （鵝肝黎計其實都好大塊👍🏻）‼️轉套餐十級推薦薯格‼️即炸既薯格脆口到不得了.係我食過都數一數二的薯格👍🏻👍🏻‼️加分位：一般漢堡包都是用生菜.burgerman選用生豆苗.令成個漢堡包升華左.豆苗香味令成個包更加fresh👍🏻👍🏻🍗水牛城雞翼 💰38/5隻唔知點解食burger就會點埋水牛城雞翼🤣 小小辣程度.辣辣酸酸👍🏻醬汁完全達標.‼️加分位：店鋪提供手套.可以輕鬆又乾淨甘食哂成個漢堡包.🤓用手食雞翼同薯條.成個感覺食得好relax.