Burgerman (欽州街) (Closed)

本局長是日與副局長於深水埗一帶巡視，途經一漢堡包店，見店內面積雖小，卻人頭湧湧，必有其過人之處，遂於門外位置坐下，一探其虛實。 l只見漢堡種類豐富，局長倆點下至尊漢堡及侯斯頓漢堡，再加薯格、汽水。至尊漢堡有雙層牛肉、芝士、煙肉、番茄、洋蔥、生菜，份量十足。一咬之下，包香脆可口，非一般快餐店之淋batbat包可比。牛肉肉汁豐富，肉香濃郁，十分好吃。侯斯頓漢堡同樣美味可口，薯格亦炸至通體金黃，新鮮香脆。總括而言，餐廳鋪面雖小，食物質素甚佳，局長倆盡興而歸。

深水埗藏有很多寶藏, 除了為人熟悉的電腦商場, 還有家品、藥房、生果等也很街坊價好多選擇, 今天來深水埗買東西, 當然少不了去吃地道小店吧。小店最適合一個人吃, 不尷尬, 今晚選了西式的晚餐, 吃漢堡包。最近的心情很想吃素, 對吃肉偶爾會有不享受的感覺, 於是就選了一個燒大菇漢堡, 想豐富一點, 更加上炒野菌絲, 炒洋蔥絲、車打芝士和煎蛋, 效果也相當不錯, 全部都可以放進漢堡包中, 融為一體。麵包烘得微脆，啡菇多汁而調味適當，不太咸不太淡，令我較有印象的是在上層的炸洋蔥絲，十分香口。一個十分有誠意的漢堡包，即叫即做，新鮮熱辣，滿足了我今晚的肚子。

係深水埗買旅行電話咭，見夜係度食埋。心血來潮想食burger，發現呢度有間burgerman 好似好多人推薦，就去試下。店內空間比較細，我諗最多放到6/7人左右，好彩咁岩有兩個位剩～漢堡有好多選擇，如果跟餐就要加20蚊，我覺得一定要加呢$20！因為佢個脆薯格真係好脆好好味！我叫咗個和牛漢堡一見到賣相已經覺得好吸引面上面嗰層芝士講真其實好有驚喜估唔到賣相咁吸引食落當然就冇失望其實都係好驚喜和牛肉汁好多一咬落去好多汁泌出黎 Hold都hold唔住牛肉味好香食落口感好滑成個包比我嘅感覺都係好juicy完全唔會覺得乾仲有佢入邊嘅菜令到成個包既口感立體左因為好脆口呢個burger真係好有驚喜！脆薯格都好精彩！食唔停，配罐可樂就最完美啦真心推薦呢間burger

深水埗一向好多平民小食，今次食既呢間漢堡店雖然舖面細細，但burger款式都唔少～～有10款burger、小食、意粉同沙律～～我揀左呢個望落好吸引，又多材料既至尊漢堡，巨大burger,一啖咬唔晒成個包！枱面有提供手套，貼心又衛生！呢個絕對係誠意推介，有兩層牛肉漢堡、煙肉、雞蛋、蘑菇同洋蔥，配上芝士，好juicy~~加$20跟餐薯條係有皮粗薯，熱辣辣上枱夠脆！另一個burger叫左漁夫之堡，超大塊炸魚柳，外脆內嫩，配上酸甜既他他醬好開胃！

今晚同朋友去咗深水埗食一間漢堡店😈點知發現原來都幾正😙咁首先朋友就要左個和牛漢堡配田園沙律,首先好滿意佢個burger 好大個🍔😎漢堡肉個質感非常好,好厚身又好juicy🤪佢係上面仲有一塊好大既cheese,full cover 晒佢個burger,而佢個包有輕輕烘過 有小小脆身 好正🥒🥑🥬加埋個田園沙律有小小fresh 至於我自己當然要左d 特別野啦,我要左blue cheese burger 配fries !! 首先個底佢有鮮蕃茄洋蔥同生菜 有個fresh 底頂住😛之後又係一塊好大既漢堡肉!好熱口正!!最正就係bluecheese 😘成個香味出晒黎!!必點!!薯條又香又脆

今日去咗深水埗黃金shopping之後近近地諗住去老麥飲杯嘢坐下，點知比對面Burger招牌及咗過去😆😆小店100%採用美國安格斯牛肉及澳洲和牛，用原塊牛排切出牛肉製成漢堡扒，肉味香濃得嚟又夠晒juicy🤩我叫咗HOUSTON BBQ BURGER🍔有生菜🥬蕃茄🍅芝士🧀係基本，仲有班紋煙肉🥓，加$28跟餐仲有我至愛 番薯條🍠🍟添！麵包🥯軟熟，漢堡扒簡真爆汁，難怪會比手套🧤啦😆😆真心覺得物超所值！下次會再黎試埋和牛漢堡💪🏼👍🏼👍🏼

上網見到推介burger所以今日放工後就來試下Burgerman, 地鐵站出後大約行4分鐘左右就揾到了。店內堂食座位唔多，兩側各2 個，而店外都兩張bar台，共4 台。如果想坐入面涼冷氣就要早d來。坐低後當然就選Burger啦。。。望住menu爭扎緊要美國安格斯定澳洲和牛,最後就選左澳洲和牛加配燒大菇，加20蚊就可連set (有皮薯條/薯格/沙律) 。我地分別選左有皮薯條同薯格Burger是即叫即整，內夾左和牛同豆苗仔，再配埋燒大菇，咬落好juice, 好好味薯條同薯格都係即叫即炸，熱lala又夠脆。。。正下次會再來

今次就去到深水埗附近嘅食漢堡的餐廳，同地鐵站都幾近，唔過三個街口。叫咗兩個漢堡，同埋一碟雞翼。第一個係侯斯頓漢堡， 第二個係燒大菇漢堡，同埋辣的水牛城雞翼。我自己就食咗燒大菇漢堡，因為本身唔係話超級肚餓，所以就食睇落健康小小嘅漢堡，哈哈。但係點知個味道真係好好食，大家都知道大菇其實都係外國人攞嚟仿扒嘅一個素食。咬落去嘅時候，熱辣辣同埋啲菇有好多汁，所以絕對唔係乾爭爭嘅漢堡～朋友叫嘅侯斯頓漢堡就係鍾意食肉的代表。有一個牛扒、芝士、bacon同埋小小炸物，都係增加口感加的～個水牛城雞翼都幾好食，就係平時外國嗰隻辣醬整的。

今日獨自去嘉頓嗰頭做嘢， 做完諗住行落西九搵嘢食，行咗無幾遠就見到漢堡男，（Burgerman🤪)响大角嘴食過覺得幾好食，於是就係度食，唔使再諗。店舖有幾個吧枱位做堂食，陳設比較簡約，有紙巾、方便手套提供，等候食物期間，見不停出外賣，睇嚟都幾受街坊歡迎喎。叫咗日式豚肉漢堡、洋蔥圈、可樂。 好肥呀！🤣🤣日式豚肉漢堡$65加$28有洋蔥圈、可樂。成塊芝士溶曬响厚豬扒上面，有翡翠豆苗、洋蔥、磨菇，咬落去豬扒軟腍有咬口，有肉汁又有肉香，夾埋豆苗爽脆新鮮，好好食喎。😋😋洋蔥圈非常香脆，不過食完個包太飽喇，食唔曬。

難得喺深水埗呢啲舊區裏面，搵到一間特色漢堡包小店。玩面細細，但充滿美國餐廳特色。位置唔多，想食嘅就要等下。餐廳大概10個位左右啦！今次好好彩見到有位就去試吓。亦都見好多人買外賣！仲好多外國人渣車過嚟買添。侯斯頓漢堡，用咗美國安格斯牛肉造成漢堡，配上燒烤醬汁，加埋少少煙肉碎，好惹未啊！另外可以加$20跟餐，餐可以有一杯飲品再加薯條或沙律，不過漢堡份量好大，我怕食唔晒就冇加餐啦！我要咗個香草雞扒意粉，意粉軟硬適中。 香草夠香，雞扒肉質滑。真唔錯

去完黃金高登買game走咗去附近呢一間 手製漢堡包店 支持下小店呢度只要加20蚊就可以升級套餐即時upgrade左！有皮薯條薯格沙律 加汽水.💟至尊漢堡餐係由雙層美國安格斯牛肉配芝士洋蔥蘑菇煎蛋煙肉淨係睇啲配菜已經覺得勁滿足嚟個包高度成座山咁 完全值回票價🙊個包有烤過脆脆地漢堡扒真心超好食 夠淋唔會煮得過熟勁juicy咬落去好多汁配埋咁多配料一齊食 勁滿足！！！😘麥當勞一個餐都四十幾蚊個包都冇呢度三分一咁大薯格好香好脆 kfc同佢畀完全冇得比因為即叫即炸 原來薯條都分好多個grade🤤💟和牛漢堡套餐澳洲和牛加洋蔥絲配芝士同芝麻沙律醬個包望落去同隔離至尊漢堡俾相對細好多但係用和牛漢堡黎比 只要85蚊呢個價錢就真係超值超值佢冇用啲好搶眼嘅醬因為係想畀你試下和牛嘅味道 油脂味重啲比安格斯牛更加滑🥶配埋脆洋蔥絲卜卜脆 味道好新鮮又驚喜！有皮薯條份量好多都係脆卜卜💟水牛城雞翼勁抵食38蚊有五隻大大隻水牛城汁味道好濃雞翼煮到好冧夠曬入味🤩.小店好細但人頭湧湧排咗好耐因為太肚餓所以選擇咗喺店外食幸好有啲生風唔算好熱建議應該擴充營業特別一提侍應哥哥態度勁好夠曬人情味 推薦.🎀Burgerman🎀深水埗

同朋友去深水埗行下佢話想食下西餐北角附近冇乜選擇結果喺openrice見到呢間好評甚多價錢又唔貴賣手工漢堡嘅舖頭就試下兩個包都好好味！至尊漢堡夠曬足料 有兩塊牛扒 勁滿足薯格 又脆又香和牛漢堡 相對細個啲塊扒比至尊漢堡好食但係得一塊不過和牛嚟講都算交到功課畢竟價錢好抵 個味道好特別因為佢試咗一啲比較新嘅配料例如炸蒜頭 溝埋一齊好特別兩個人食到咁飽 都係二百蚊左右 真心性價比高

呢間burgerman 深水埗開左好耐，作為街坊一直都未得閒去試，有時想試又見坐滿人冇位。仲好多人排隊等外賣。 今次難得搵吃時間同時見有位， 終於有機會試下。 呢間係深水埗難得嘅正宗漢堡包店。好多款特色漢堡包。今次我揀左和牛漢堡包 同埋雞翼。 見個和牛漢堡幾吸引又幾特別，$88一個價錢唔算貴，選用澳洲和牛做成漢堡。幾新奇。配上小菜苗幾清新。麵包又烤得好好。加左份煙薰燒烤雞翼，外皮煎得好脆又夠入味。好惹味，有驚喜。下次試埋另一款先

深水埗 Burgerman九龍深水埗欽州街65至71地下今日去開深水埗黃金商場，有啲肚餓，行過見到間漢堡包店，聞到好香牛肉味，入咗去試吓。店裏邊有好多種漢堡包選擇，我見到有一個幾特別有鵝肝，點左黎試吓。鵝肝安格斯漢堡$135。套餐再加20鵝肝甘香，安格斯牛我加咗少少鹽味都好突出，兩者十分配合。黑松露和牛漢堡$105 套餐再加20黑松露醬好香好有幸福的味道，裏面有雞蛋🥚，芝士日式胡麻沙律，漢堡裏面嘅牛肉有少少唔同，店用了和牛去整所以牛會再軟熟啲。如果覺得一個漢堡唔夠飽可以選擇加套餐只需要加多$20就可以享有薯條薯格或者田園沙律🥗，再加汽水。推介⭐️⭐⭐️⭐⭐

深水埗出名食平靚正美食多蘿蘿，加上老化地區，賣這種中價的西式漢堡，其實都唔易做，對面仲巿大大間老麥(當然我個人覺得完全唔係競爭對手)，所以佢嘅質素一定有返咁上下保正先至可以經營!!!我點了1個黑松露和牛漢堡，order後，後面個員工好醒目即刻開爐準備前牛漢堡， 即叫即製，十分新鮮!! 第左大約5至10分鐘，已經香噴噴有得食😚😚枱面好細心已經準備了手套俾客人使用， 我拎住呢個厚厚嘅漢堡一啖咬落去， 最surprise係啲肉汁即刻流出嚟，我覺得和牛既肉汁係應該咁樣juicy，另外佢有夾咗 芝士雞蛋同埋一啲蔬菜 ，完全唔會覺得有漏嘅感覺， 當然唔少得和牛上邊我最鍾意最鍾意嘅黑松露醬， 係錦上添花嘅~~~最後要讚下佢個員工好親切好有禮貌😁