巴士比

Open Now

Now Closed

店舖提供電話外賣，但打去單點食物，老闆表示唔 order 飲品只係單點食物要自己過嚟 order，感覺語氣有點不禮貌。其實一直都有幫襯這間小店，感覺老闆是友善的，沒想到第一次打電話去單點自取，會是這樣語氣的，經過這次已經有一段時間沒有幫襯。今天懷着可能上次只是個別情況嘅心態再次到這間小店買了個奶油豬仔包，但返到公司發現有半個整到燶到完全唔食得。其實個豬仔包係搽醬料時絕對會知道係燶咗，唔明白點解唔會切左燶嘅部分先比客人，或者烘燶左一邊應該整過，唔應該賣個黑炆炆嘅包俾人，真的對這間小店有點失望

一向幫襯開,覺四眼老板有禮貌,食物一般但性價比,今日同佢下單,見佢做緊外賣有差不多20個單,我清清楚楚話要抄蛋鹹牛肉“雙拼”三文治,加一杯奇異果燈汁,等做好時,只俾綠色奇異果汁,即時同佢講,佢已好不耐煩再弄,ok, 當我回到公司,一開三文治,只見鹹牛肉三文治,便拿回給他換,他即時大大聲話,我落單時已問我“2次”係唔係鹹牛肉治,仲話我答“係”,根本佢無問過同確定過,咁我問你點解收我“雙拼”三文治價錢？佢呆咗幾秒,又大大聲話,呢個係“加量”鹹牛肉,哈,本身已唔係好食,幫襯佢因為佢性價比和跟單快和有禮貌,原來呢條老板,只理大單,小客人係愛理不理,永不再幫襯,祝早d執,各位小心佢做錯單仲聲大大,大家小心小心！

三文治好味。有麥包選擇。可以烘底又可以做飛碟。唔多舖頭有麥包選擇🥪😋。仲有埋新鮮炸果汁。差不多每朝早餐都會買。快靚正，可以打電話預先order 咁就唔使排隊等候。

對於我呢啲輕食者，呢間喺太古坊嘅外賣店係我嘅恩物。老闆好好人，每樣食物都好有heart去做，價錢親民，服務態度非常好，搞到我每個禮拜都最少幫襯一兩次...位置比較隱蔽，要喺糖廠街7仔側邊行入去再轉右條巷仔就會見到... 三文治任你配搭，我通常都叫青瓜鴨胸麥包，青瓜新鮮，鴨胸片唔算薄，即叫即做，$13冇得輸。仲有，佢哋唔係用透明三文治膠盒，而係用食物紙包住，十分環保，又加分👍🏻 佢哋唔只有三文治，其他食物配搭都好啱我哋呢啲輕食者。有次叫咗個豉油雞髀加雜菜，份量唔算少，雞髀滑嫩，不過D菜係油咗少少... 同埋如果可以唔用發泡膠盒就更好啦...值得一提老闆真係好好人，有次等嘢食其間落大雨，借咗把‘七彩遮’俾我，話我遲啲還都可以... 跟住疫情下有一排冇返公司，幾個禮拜之後我先去還，都冇乍我型，我極唔好意思囉⋯⋯🙇🏼‍♀️

多次搞活動都要叫到會，記憶中人人聽到叫到會食物都有點抗拒。直至有朋友介紹”巴士比” ，一行25人參觀手工啤酒廠，喺”巴士比” 點左6款食物，與店主交收食物離開後，店主仲好細心打黎提醒我地 鹽酥雞要儘快開蓋，否則好易變淋，店主真係好有❤️。結果25人一致認為，今次嘅到會係 「色香味俱全」, 太好喇👏🏻咁我以後唔洗煩喇😆鮮果栟盤 ，鹽酥雞栟魚豆腐，咖哩魚旦、豬皮、蘿蔔， 豉油皇雞中翼， 香茅豬扒雞扒, 泰式炒雜菜

呢間小店位於巷仔入面，好唔起眼，唔係同事介紹根本唔會留意得到👀趁下午茶時間就嚟到小店買咗西多士同蘋果甘筍汁🍎🥕同事果然無介紹錯！真係好好食！😍😍😍西多士係即叫即炸，大約要等十五分鐘，但係熱辣辣又好食嘅西多士係值得被等待的！西多士炸得乾身，唔會感覺好油膩...入面亦都有一層薄薄嘅花生醬🥜但係唔會好甜，略嫌搽得有啲唔均勻🙈西多士上面亦淋上咗煉奶同有一片半溶嘅牛油，感覺好邪惡，但係真係好滿足！至於蘋果甘筍汁係現場即搾，飲得出係真材實料，而且甜度適中👍🏼推介😍

已有一段時間無在此寫食評，今次是為了支持這間小店，老闆及老闆娘用心做每一種的食物，親切的服務態度，平民價錢。👍我每星期光顧兩至三天，無論是早餐、午餐、什至下午茶。蛋治有少少蛋汁不是全熟，蛋有一寸厚，非常滿足。奶醬多多餡，就算是外賣回到公司仍然有點脆，多士做得很不錯。豉油雞肶也是推介，肉質滑溜，鹹淡適中。輪到飲品，奶茶是老闆自己調配茶的濃度，絕不比茶餐霢遜色。木瓜奶及香蕉也是推介，我的同事必飲之一。生薑茶的味夠濃薑夠辣。小店除了生果、三文治及飲品外還有湯粉或麵，蕃茄通粉是我必食之選，雞湯底喝完也不口渴，每次必定喝清，鮮紅又厚肉的蕃茄，是老闆親自挑選。支持小店，繼續努力。💪🏼

巴士比重新在太古坊開鋪，當然要試下啦。生果杯 - 大大粒生果，又新鮮又清甜多汁，點可以唔試。沙律盒 - 沙律汁剛剛好，當一餐輕食午餐一流。老闆新推介個米粉，又滑又爽，夾埋個香濃湯底，食完仲想再添，而且飲哂成碗湯都唔口渴，正！仲有香草豬肉丸加菜，健康得黎又好味。仲有個豬扒包推介，要留番下次來再試😋