豚道樂 (百合苑商場) (Closed)

星期六嚟到當然要食五六日限定既特上海老湯拉麵 $98。擇直麵 硬麵同要蔥，配料有溏心蛋半隻。先飲湯，有為數不少的櫻花蝦，好濃蝦米感覺味，忍不住飲多兩口先食。溏心蛋煮得好，岩岩好，蛋黃好creamy汁，配住芽菜食一軟一硬dd。麵不夠硬，可能我等埋朋友先吃，但可接受。直麵掛湯能力都ok，食落有d似蝦籽麵。有豬肩肉比腩肉瘦同爽少少咁。仲有特上黑蒜油拉麵 $93。擇直麵 普通 辣醬同蔥。配料仲有豬肩肉 豬腩肉 紫菜同溏心蛋。黑蒜油底有豬骨味既，有d辣醬好似調味d！黑蒜同蔥配拉麵係重味之選。加多10蚊要牛油粟米為拉麵增加甜味。我地以為加10蚊得一小小碗，誰知好講究有埋香草牛油，用小pan上枱，有特色。粟米甜度可以調整下，份量多。炸軟殻蟹 $45，一開二都有睇頭。炸粉炸得熱同脆，蟹肉易見易吃。蟹肉有點鮮味，炸紫菜墨魚咀 $38香口，配啤酒應該好d。5隻日式餃子 $30係白菜豬肉，第一口豬肉味重，外皮軟，不過不失！蜜糖咖哩雞中翼 $40，外層有蜜糖同咖哩味，但內層就咖哩味為主。信州白提子梳打 $23，好飲！白提子比紅色提子味道清而不失提子甜味，適合配黑蒜味拉麵，一濃一淡。山梨桃梳打 $23，更好飲！

之前同屋企人去左黃埔行街買野 之後就過左附近既九號水產醫肚 果日心血來潮又想食拉麵 就黎左呢間新開分店既拉麵店一睇menu 都幾多特別拉麵揀 於是我地就揀左呢兩款特上松葉蟹海老番茄湯拉麵一上台已經俾佢既賣相吸引左 鮮紅色既番茄湯底配上白色既松葉蟹同豬腩肉令人流晒口水 番茄湯底好香濃同杰身 用筷子一夾起 每條麵都沾滿番茄湯松葉蟹食落有少少鮮甜味 而豬腩肉就有淡淡的鹽燒香味 同埋有流心既溏心蛋 有好豐富既味道特上日式芥末拉麵鍾意試新野既我 就想挑戰下呢碗wasbi拉麵 味道的確幾特別 真係有芥末味 食到中段間中都覺得有小小攻鼻 不過唔會話太辣 太搶喉咁 個人認為可以再勁少少 如果有辣度揀就完美啦!日式餃子呢度既餃子係即叫即製 正宗皮薄餡靚 餃子皮煎到小小燶又有d脆皮 肉餡仍然好juicy 肉餡份量剛好唔會太漏 果然係出色既招牌菜 難怪每張台都必點炙熱芝士豚肉熱溶芝士好香 經過灸燒更加有種燻香味 一上台就已經聞到 啲芝士仲要勁足料 完全蓋住左成片豚肉 呢片一人前既豚肉份量都絕對唔小 我地叫左一份share就已經好足夠 唔會覺得漏炸軟殻蟹軟殻蟹炸得鬆脆 唔厚粉 食落竟然仲有蟹膏 個人就比較鍾

自從地鐵開通後，去黃埔真係方便好多。好耐冇去過黃埔，就襯周末與老公行逛。黃埔Aeon旁邊近海出口對面開咗個九號水產，心生好奇就入內逛逛。九號水產原來係全港最大水產概念場，有不同食店、各類日本食材及鮮活海鮮賣。近九號水產入口就見到豚道樂拉麵店，記得之前聽友人提過，原來依家喺黃埔開咗分店。老公話天氣凍食拉麵最滋味，既然咁講，今晚就食拉麵做晚餐。入內店員很細心問需唔需要籃放袋，又很詳細介紹季節限定及周末限定拉麵，亦介紹主打小食。今餐由老公發板，每樣介紹的食物都叫了一客。先上日本入口的靜岡抹茶可樂及山梨桃梳打。老公愛飲可樂，不過就未試過抹茶可樂。抹茶可樂比一般可樂冇咁甜，但就有淡淡抹茶味，好容易接受。山梨桃梳瓶面寫上有少於10%果汁，飲落都有真果汁味，少少甜易入口。特上海老湯拉麵拉麵可以揀直麵或曲麵、硬度、有冇蔥同加唔加辣醬。特上版同時有豬肩肉同豬腩肉、紫菜同溏心蛋，價錢同經濟版相差唔係好多，感覺更抵食。此拉麵有好多櫻花蝦鋪面，湯底亦好濃郁，用匙羹攪起有唔少蝦碎，真材實料。特上松葉蟹海老番茄湯拉麵此拉麵比海老湯拉麵多咗松葉蟹肉及加入番茄的海老湯底，松葉蟹肉肉質鮮甜，番茄海老湯底亦酸酸甜甜。炸軟

來到黃埔，突然想吃拉麵，便硬拉朋友陪著我，到處逛逛尋找拉麵店，途經九號水產，發現豚道樂在這裏開了新分店，所以決定一試。可能是附近太多食肆的關係，所以，不用等位就可以內進。而這裏的設計以紅色為主調，中央位置一直連接至廚房，圍燒著便是高身坐椅，而旁邊則設有數張小餐枱，所以，能容納大量食客。這裏的食物選擇與其他分店一樣，當中以拉麵為主打。 信州蘋果梳打 飲品是原支送上的蘋果梳打，日本直送，所以不會出亂子，味道清甜，非常好喝。 炙燒芝士豚肉 (1 人前) 雖然是一人份量，但豚肉非常大塊，口感肥美，上層更放了大量剛燒熱的半溶化的芝士， 入口充滿濃郁的芝士香味，配合豚肉本身的脂香，超級好吃。 炸軟殼蟹 這個軟殼蟹絕對是必食推介，除了因為軟殼蟹入口香脆，而且軟殼蟹內還有蟹膏，味道甘香，吃時蘸點七味粉會更惹味。 炸紫菜墨魚咀 墨魚嘴的口感有點像炸雞軟骨，但又不及雞軟骨那樣有咬口，而且個人認為廚師炸得有點過火，所以口感比較乾燥，味道只是一般。 日式煎餃子 餃子外層煎得非常香脆，而且內裏的餡料亦相當豐富，肉味挺突出，味道甜甜的，非常不錯。 韓式蒜蜜叉燒 (3片) 叉燒的味道非常特別，入口時先是

去到黃埔想試新餐廳，於是去九號水產，有間拉麵店叫豚道樂好像不錯，於是跟朋友一試。 點餐紙中最特別有分直麵或曲麵。 特上松葉蟹海老番茄湯拉麵 $98 色彩鮮豔的一碗拉麵，上面鋪滿蕃茄肉和一堆蟹肉，賣相非常吸引，蕃茄湯上有溏心蛋及叉燒，叉燒口感豐軟綿，脂肪比例適中，而麵質偏幼細而且有彈性，不過蕃茄湯的味道可以濃一點，多加一些蕃茄肉就更好。 信州蘋果梳打 $23 有桃味、提子味和蘋果味，蘋果味道清甜。 炸紫菜墨魚嘴 $35炸得脆口，甚有口感，但炸炒粉有點厚。

朋友仔諗住搞個聖誕party， 冬天梗係食火鍋配料唔少得 海鮮， 海鮮當然要去黃埔九號水產， 行下買下又見到附近有咁啱有間拉麵店未入去試下， 叫咗(特上海老拉麵配曲麵\ 特上松葉蟹海老蕃茄湯拉麵)，小食( 炸軟殼蟹\ 日式煎餃子\ 炸紫菜墨魚咀\ 蜜糖咖哩雞中翼)，飲品( 信州蘋果梳打\ 山梨桃梳打)。炸軟殼蟹外脆內軟又夠鮮味。炸紫菜墨魚咀墨魚咀外脆 裏面 煙韌 。日式餃子表面裏面肉汁爆滿。蜜糖咖哩雞中翼， 咖哩 夠曬嘢味， 加左蜜糖 調味唔覺太辣。特上海老拉麵配曲麵， 湯底夠曬鮮甜問左服務員是用蝦頭內瑕膏淆湯配曲麵 麵質夠彈牙，特上松葉蟹海老蕃茄湯拉麵配幼麵，幼麵索門窿窿嘅湯汁， 豬腩肉舊淋，豬肩肉較為爽囗。信州蘋果梳打\ 山梨桃梳打兩款果汁唔算太甜可以一試。

今日天氣突然轉冷，食一碗熱熱拉麵就最適合不過! 去到黃埔豚道樂，光猛嘅裝修加上舒適嘅環境，真係會令人食慾大增。餐牌上嘅選擇非常之多，而我就選擇左最貴嘅一款，松葉蟹海老蕃茄湯拉麵，蕃茄湯底非常濃郁，味道清新鮮甜，而松葉蟹肉嘅份量都幾多，一啖湯底再品嚐啖啖蟹肉，夠晒滿足!此外，我地仲選擇幾款小食，日式煎餃子煎得外皮金黃香脆，餡料豐富所以肉汁豐盛，食完一定有飽足感覺。而炸墨魚嘴同軟殼蟹亦唔係間間餐廳都有得供應，呢度炸得夠晒香口，墨魚嘴彈牙爽口嘅感覺，真係好容易食多幾粒。最後有來自日本嘅飲料，果味濃郁而可以解渴之餘，賣相仲相當得意添。

收工同朋友去黃埔食拉麵朋友之前黎過，我就第一次。依間拉麵店唔算好大，不過好有日本feel，除咗拉麵之外，亦有多款小食依度既小食幾高水準，每款都唔錯信州蘋果&白提子流打 $23/110%果汁，味道幾濃信州產炸軟殻蟹 $45炸既時間控制得啱啱好，薄薄既炸粉，蟹既鮮味仲保持到，蟹肉飽滿又唔乾蜜糖咖哩炸雞中翼 $40調味特別又好味，小小咖哩香又甜甜地，超級香，推薦炸紫菜墨魚咀 $35好抵食有咬口但又唔會韌，加咗紫菜所以更加香，味道啱啱好，唔會太咸牛油粟米 $10粟米比較硬身，不過都幾香特上松葉蟹蕃茄豚骨拉麵 $98約手掌大既蟹肉份量，蕃茄味都算濃郁，不過又唔會酸，豚肉半肥瘦比例，有三塊，依個價錢有依個份量都幾抵食特上魚介豚骨拉麵 $98依個湯底唔會太咸，又夠濃郁仲有豬肩肉&豬腩肉，份量夠曬滿足

這次我們到黃埔的九號水產，這是近年才開幕的水產市場。市場呈U形，裡面有許多面積不大，但各有特色的店鋪。市場裡有不少與水產有關的佈置，附近還有賣傳統糖果的商店。市場裡的餐廳主要是日式的，而我們吃的是拉麵。我選的特上原味豚骨拉麵，配菜有豬肩肉、豬腩肉、紫菜、半隻溏心蛋。奶白色的湯底味道很濃郁，喝下去都是油的香味，但又不會覺得肥膩。朋友點的特上海老湯拉麵 配料跟我的大同小異，唯一的分別在於櫻花蝦。蝦的香味很濃郁，但原味豚骨湯底其實已很出色，再加櫻花蝦只是錦上添花。選擇哪款麵條及它的軟實程度其實很視乎個人的喜好。我比較喜歡曲麵，因為我覺得曲麵比較有彈性。我們點的小食都是炸物，有炸墨魚咀、炸軟殼蟹還有炸雞翼。炸物烹調的時間剛好，食物外表香脆，而裡頭仍能保持濕潤。另外餐廳提供不少特色飲品，例如抹茶可樂及招財貓汽水。當然不能夠夠期望汽水味道上會有驚喜，但總算是嘗嘗新。

高枱高櫈，簡潔有型，卻坐得舒適，枱底有掛鈎方便客人擺袋。供應拉麵都幾多種，仲可以另外其他配料。麵亦可簡直 、曲、軟硬度、蔥、辣度。🍜特黑蒜油拉麵 $93黑蒜味唔算強烈，飲落唔會鹹。豬肩肉、豬腩肉都好香，我更愛瘦一點既豬肩肉，一黎脂肪較少，口感亦較爽口。溏心蛋既流心食落黃可以"漿"住個口，蛋味亦好重。曲麵麵身較彈牙，曲麵掛湯能力無直麵勁，配合濃湯會更夾。🍴+芽菜 $5份量好多，岩哂鐘意食牙芽既我。🍜特上海老湯拉麵 $98周六日既期間限定，湯底唔算濃，所以加多D胡椒粉同芝麻會更好食。湯表層加左好多櫻花蝦，除左更香仲令拉麵更有口感。相信普遍人都鐘意曲麵，但相對下我更喜歡幼麵。直麵無甘彈牙，但勝在好掛湯。🍴+厚切筍 $8爽脆滋味，多水分，好想再食多份。🍴日式煎餃子 $30肉餡豐富，餃皮表層食落似蒸餃，偏腍身，底層煎得金黃香脆。🍴蜜糖咖哩炸雞中翼 $40雞皮蜜糖味重，咖哩味唔算突出，雞肉嫩滑，好惹味。🍴炸紫菜墨魚嘴 $35炸得好脆，食落爽口Q彈，嫌表面粉皮太厚。🍴炸軟殼蟹 $45炸得鮮黃色好靚，食落鬆脆，味道較淡，沾上蛋黃醬、胡椒碎調味更滋味。🍹山梨桃梳打 $23🍹信州蘋果梳打 $23除左好香既

很久沒有食日本的拉麵餐廳，今日黎到屋企附近既日式拉麵餐廳試試。特上松葉蟹蕃茄豚骨湯拉麵個人最喜歡既就是蕃茄湯，難得可以蕃茄湯加豚骨湯底一次試兩種味道，加上松葉蟹新鮮同札實既口感，真係一個麵試了幾個味道既效果。整體黎講配菜及湯底都有不錯的水準。日式煎餃子餃子煎得十分香脆，對於喜歡食脆口既人就真係一試。另外一咬入口肉汁十分多，除了脆口外還食到滿滿既肉汁流出，味道及口感宦一流。炸軟殼蟹軟殼蟹都幾大隻，另外炸得外脆內軟既感覺，一食就可以感覺到。而且蟹肉肉質鮮味。是一道幾唔錯既菜色。

尋晚去左黃埔同朋友行街，之後到夜晚食飯，佢帶我黎九號水產果頭食拉麵 =]我地先一人點左一支野飲, 好特別啊, 佢地入左d 日本梳打水.  我要左支白提子梳打, 朋友要左靜崗抺茶可樂.之後我地每人各自要左碗拉麵，特上原味豬骨拉麵，特上海老湯拉麵，湯底味道濃郁，我地仲追加左好多配料，好抵。有粟米、木耳、椰菜、芽菜等, around $ 5- 10, 大大碟.最後我地仲加左雞翼同炸軟殼蟹，雖然有d 熱氣，但好好食，下次會再黎！

原本想吃那gimmick味甚濃的wasabi湯底，但看到圖片實在太青bb了，像史力加的食物，所以就懸崖勒馬點了個正正常常的豚肉拉麵($72)。如果點特上的版本，除了肩肉外還會有腩肉和蛋。我覺得整體ok，好食過大勝軒，湯底好香而麵條掛湯，肩肉不是70%肥肉那種，是真心好吃正路的香香日本叉燒。好味。CP值屬正常，不過翻兜指數一般，畢竟拉麵也挺heavy，不過不排除有日會痴起條筋試史力加麵。

得知黃埔新開咗間水產概念場《9號水產》，裏面除咗有海鮮同各款日式食品買之外，仲有多間日本食肆， 今次就嘗試咗喺荃灣好出名食拉麵嘅【豚道樂】， 即管試下佢嘅吸引力。呢度嘅拉麵湯底有多款唔同嘅味道， 今次就揀咗辛辣味噌， 同日本芥末湯底試下。【特上辛辣味噌拉麵】 麵嘅種類揀咗「九州系直麵」， 辣度就揀咗「普通辣」。直麵嘅口感就較為軟滑幼細，由於湯底係用豬骨濃湯淆製而成，飲落特別濃稠，相當掛麵。特上拉麵入面有芽菜絲同木耳絲，兩者都可以增加拉麵嘅口感， 食起嚟卜卜脆，令整碗拉麵提升層次。 而且每碗特上拉麵都有兩塊豬肩肉同豬腩肉，豬腩肉肥肉部分較多，食起來較嫩滑juicy ，而且豬味較濃；而豬肩肉食落較為爽口， 兩者感覺甚為不同。 仲有隻溏心蛋， 蛋黃既入味亦流心 ，材料可謂相當豐富。【特上日本芥末拉麵】 麵嘅種類就揀咗「札幌系曲麵」 曲麵嘅口感比較彈牙， 食起來比較有嚼口。 日本芥末味嘅湯底真係第一次食，夠曬特別 ，我鍾意。Wasabi味唔會太濃， 有少少攻鼻嘅感覺， 食得出陣陣嘅芥辣味，加埋芝士味中和辣味，我估連平時食壽司唔點wasabi嘅朋友都接受得到。【牛油粟米粒】 牛油粟米粒味道香濃，

坦白講我覺得荃灣嗰間同埋呢一間9號水產嘅比較，呢一間好食好多。好好多嘅原因係因為佢嘅款式真係比荃灣多，味道亦好，而且我覺得佢嘅空間咁比荃灣嗰間好。拉麵嘅味道來講款式都比較多，而且佢嘅份量可以自己調校，如果真係鍾意食比較多配料個話就可以揀比較大嘅特上之選。而我特別鍾意呢到嘅就係因為佢有直面同埋曲面兩個選擇，平時因為我朋友好鍾意食直面，而我好鍾意食曲麵，所以大家就算一齊想食拉麵，都唔一定會食到大家中意食嘅麵。呢度就可以俾我哋兩個都滿足晒自己嘅願望。我今日就揀咗極上辛辣味增拉麵，佢嘅辣度有分勁辣同埋普通兩種，我成日都覺得日本嘅唔係好辣，所以我就揀咗勁辣，但係估唔到喺呢度真係幾辣，所以我建議大家都係揀返微辣會穩陣啲。至於佢嘅湯底來講除咗一味噌嘅味道之外，仲會有淡淡的豬骨湯味道，整個湯麵都非常之濃郁， 啱晒我呢啲重口味嘅人。至於小食來講呢度有我鍾意食嘅雞翼，佢仲係咖喱蜜糖雞翼，有少少咖喱味，外邊香脆，有蜜糖嘅甜，好好味。除咗嘢食吸引之外，我覺得呢一度嘅嘢飲都係非常之吸引嘅，佢有好多唔同款式嘅日本飲料，好似我飲呢一個蘋果梳打都好味d，哈。