豚道樂 (百合苑商場) (Closed)

第一次去黃埔九號水產，有唔少餐廳，今次食呢間拉麵店。抹茶可樂 + 招財貓汽水o=兩個都係第一次試，抹茶味唔算濃，但味道幾得意。火灸豚肉燒  $18必食！必食！必食！  紫菜 + 豚肉上面d芝士 + 七味粉 +  火槍燒一燒OMG~~~ 好味到不得了！！！ 邪惡度爆燈！一定要食！叫拉麵時加的筍，因為好好味，所以個麵未到已經食晒，之後再要多咗一份～特上松葉蟹海老番茄湯拉麵  $98湯好濃番茄味，蝦味都夠，好味！食清光！！！特上日本芥末拉麵 $93wasabi 味好濃，有d攻鼻，夠特別，要試！追加 紫菜木耳日式吉列炸蠔 $42炸紫菜墨魚咀 $38蜜糖咖哩雞中翼 $40炸天婦羅蝦 $45實在好好味，好飽都忍唔住要多兩份火灸豚肉燒 

餐廳整㓗，內部設計以紅色為主調。一邊有高身坐椅，我哋就坐旁邊的小餐枱。=芥末拉麵=見到芥末拉麵我已經心動，睇見不單上湯底係青色，就連麵條都加入芥末。湯：當拉麵放到枱上就已經聞到香濃嘅芥末味，整碗麵都青咇咇，但只有少許攻鼻，吃時只會有淡淡辣味，偶爾更有些刺鼻，湯底愈飲愈濃。麵因為湯味濃，因此選用直麵，此麵吸湯的效果一般，這種湯和麵配合起來剛好。=特上松葉蟹海番茄湯拉麵= （季節限定）拉麵沒有叉燒，但有鮮味十足的松葉蟹肉。同樣地非傳統，比較特別。湯底濃郁既番茄湯底，湯底加入一些蟹膏調味，特別鮮味。為不喜歡拉麵濃縮的豬骨湯油膩味的提供另一個選擇。麵特意選擇吸湯效果較佳的曲麵，番茄湯底相對豬骨湯味淡，與曲麵是合適。=其他=蛋（+12追加）：蛋白，水準平平，但蛋黃味濃郁又香且突出。因此需要追加了一隻分享！追加木耳、芽菜（$5+5）與一條一條的拉麵非常配合，爽快的口感，為缺蔬菜的拉麵提供重要的營養以及平衡。$5一大碟分享，非常扺。紫菜（$10）番茄湯底雖然清新，因此有空間可以加入紫菜，添上鹽味。韓式蒜蜜叉燒（$25）豬腩肉半肥瘦，肉味重而且有油香，香軟肥美，口感嫩滑。香甜的蜜糖味加少許蒜油調味，雖

第二次再訪位於黃埔九號海產入面嘅豚道樂，對上次食過嘅松葉蟹海老蕃茄湯拉麵念念不忘，係得幾度嘅呢個日子又再幫襯。比起上次，人流少左，或者係天氣太凍，又或者係地點唔算最方便。但其實一間咁好味嘅拉麵，實在唔應該被埋沒。好開心仲有季節限定嘅特上松葉蟹海老蕃茄湯拉麵($98)。蕃茄湯濃郁，帶海鮮味。松葉蟹鮮甜，溏心蛋生熟程度剛剛好。特上拉麵分別有豬肩肉同豬腩肉，略為粗嚡，但均比上次燒得好。上次嘅原味豚骨拉麵都幾失望，今次男友再戰特上黑蒜油拉麵($93)，估唔到大有改善。首先豬骨湯底比上次濃郁好多，又有黑蒜油嘅香味。加上曲麵爽口彈牙，煙韌得黎十分掛湯。加左$10要牛油粟米，估唔到係另外上左一大盆，香甜可口。今次小食改試左蜜糖咖哩炸雞中翼($40)。每隻雞翼都脹卜卜，炸得香脆，蜜糖嘅香甜加上咖哩嘅辛辣，配搭得幾好。煎餃子($30)亦做得出色，五隻餃子皮薄饀料多，煎香後特別惹味。

非常愉快又黎到星期五。早早就決定左要同男朋友黎黃埔呢度既9號水產食野。😽可能係我地黎得早既關係，店入面都仲未爆滿！咁緊係拿拿聲埋位食野啦⋯而加香港既拉麵店真係愈做愈好，店面同坐位都同日本既裝修一模一樣，好有日本風情啊。就連自助既水同畫紙仔叫菜都好似返左鄉下咁⋯😬（可以留意下門口，餐廳搞緊活動）口水你地一定會嫌多，我都係快手上圖比大家睇好d👏😌店員推薦我食呢個特上海老湯拉麵（$98）。我對蝦蝦既熱情似火啊！湯汁好濃，成碗湯好似有上萬隻海老咁，湯既顏色係靚靚既深橙，一睇就知落足料去煮。呢度拉麵可以揀返硬d定軟d，配料又多得揀，真係岩曬最愛挑剔既香港人。男朋友叫既係特黑蒜油拉麵，可以近d睇清楚個顏色，雖然個樣同海老都差唔多，但香味就大相逕庭了。每款拉麵都絕對可以同日本果幾間最出名既比美啊！Tvb故事既結尾多數都會打邊腦或者bbq，我就選擇左用鐵板牛油粟米黎作結案陳詞。香香既牛油從此就停留左係我口腔內。就連飲品都咁有特色⋯😚非常非常期待下次再黎。

還記得上次在荃灣的豚道樂門外排了隊很久，就為了那碗熱騰騰的拉麵。現在竟在黃埔的九號水産裡開了分店，現在有地鐵連接，很方便快捷呢。忘了説豚樂道是不收加一的，實屬難得。新推岀的拉來怎能不試呢？特上松葉蟹海老蕃茄湯拉麵 ($98) 非常豐富，湯是松葉蟹海老蕃茄湯，湯質偏稠身，喝完也不會感到太鹹和口渴，唯一美中不足的就是蕃茄味未算濃郁。配料上還包括豬肩肉、豬腩肉、紫菜和半隻溏心蛋，很掋食唷。拉麵與平時的麵店一樣可選硬度，我當然要了最硬的那個，拉麵果然具彈性，而且煙韌有嚼感。牛油粟米 ($10)木耳 ($5)椰菜 ($10)溏心蛋 ($12) 也煮很完美，流心效果明顯。還追加了豬腩肉 ($20)，肥瘦均勻，肉質軟腍，油脂味濃郁。男士可能覺得一碗拉麵不夠飽，所以加了個札榥系曲麵 ($12)，是厚身的拉麵。除此之外還可選直麵，就偏幼身的。日式餃子 ($30) 一客五件，餃子皮煎得香脆，做到皮薄餡靚。天婦羅蝦 ($45) 粉漿太厚了，但蝦肉沾上沙律醬更滋味。這間分店還有日本直送的生啤，但我倆今晩不想喝酒，便叫了信州蘋果梳打 ($23) 和信州白提子梳打 ($23)，也很解渴呢。

約友人S在黃埔晚飯，友人說九號水產那邊有不少食店，於是去了其中一間叫豚道樂的拉麵店。平日夜晚較後時間，店內食客只有兩三個。店子似日本的拉麵店，坐位不多，位子也比較窄，辛好後來店員拿來籃子放袋，才坐得沒那麼擠迫。看到餐牌，一心想試平日限定的特上海老湯拉麵，不過店員說已經沽清，所以只好點別的拉麵。就像其他集團拉麵店一樣，是用點菜紙落單的， 所有食材配料都是自選的，例如麵的硬度、加蔥加配料等。特上松葉蟹海老番茄湯拉麵 $98松葉蟹肉和海老兩種海鮮，加上番茄的酸酸甜甜味，令湯底既酸甜又有海鮮的鮮味。 松葉蟹肉味道尚算鮮甜，份量也不少， ok。黑蒜油拉麵包$92黑蒜油份量不多，味道還不及丁麵的黑蒜油味道濃郁。炸軟殼蟹 $45炸物是新鮮炸起的，入口香脆，炸粉也算薄，算是不俗。日式餃子 日式餃子煎得帶微脆，不會很焦黑，椰菜豬肉餡料份量頗多，肉汁不俗，不過吃起來不像日式餃子，口感更像中式的煎餃多一點。炸紫菜墨魚咀墨魚咀炸得香口，入口煙韌 ，不過炸粉偏厚，而味道也偏鹹。炸廣島蠔廣島蠔炸得香脆，蠔肉軟滑，沒有腥味又夠熱辣，十分美味。不過，店內的小食以炸物為主，其他燒物類等則欠奉，不吃炸物的話選擇不多。另外

位於黃埔新天地九號水產G2號舖的豚道樂，主打日本拉麵。餐廳的感覺明亮乾淨，客人可以選擇近牆或吧檯的位置。麵的種類可以選擇博多直麵或札幌曲麵。前者為低加水的麵，麵條直身幼細，較易沾滿湯底的味道；後者為中加水曲麵，麵質較為彈牙。點菜時可以選麵的種類、硬度、是否加蔥及是否加辣等，可以按個人口味落單。今次用膳點了特上松葉蟹蕃茄豚骨拉麵，麵的種類為較彈牙的曲麵。材料包括豬肩肉、豬腩肉、紫菜、溏心蛋，當然也少不了面頭三件松葉蟹肉喇。松葉蟹肉的肉質頗為鮮美，而且麵煮得剛剛熟，口感彈牙。溏心蛋的味道也是驚為天人，中間的蛋黃是流心的。蕃茄湯味道濃厚，味道也不會太酸。另外也額外點了配料木耳和牛油粟米。這裡的配料大大盤，很抵食。木耳切成一條條，頗為爽口。而且是用拉麵湯煮熟，嗅到陣陣香氣。加了牛油的粟米也十分香滑，而且粟米粒粒完整，味道清甜。點了一客栗子南瓜薯餅。雖然是一人份量，這款薯餅也十分足料，女士一人一半也可以，味道香口脆卜卜，吃到南瓜的甜味。點了一支信州蘋果梳打，飲品是日本直送的，蘋果的味道天然解渴。

黃埔美食多大家早已知道，所以我的覓食之旅少不了黃埔。九號水產內這間「豚道樂」供應海鮮拉麵，當中的松葉蟹海老蕃茄湯拉麵最吸引我的目光，所以這天就來會一會它。「豚道樂」的點餐紙都走簡潔風，讓客人簡單地選擇喜愛的食物，免卻眼花撩亂的苦惱日本人非常喜歡梳打飲品，所以產自日本的梳打飲品不斷推陳出新，這次有幸在「豚道樂」喝到這兩款果汁梳打，白提子和桃子味，也都很是特別，梳打清爽的味道很突出。只是對於不喜歡梳打類飲品的人，倒是選擇較少。率先登場是這個特上松葉蟹海老蕃茄湯拉麵，最初有點擔心番茄的酸甜味會影響到蟹的鮮香，可是結論卻證實了是我多慮了，蟹香非常的出眾，番茄甜酸味再襯托出蟹香，配搭得宜，亦足證「豚道樂」的功架。麵條方面我則點選了曲麵，硬度則是最硬。這令拉麵咬起來更有口感，亦能感到每條麵條的彈性，也使松葉蟹湯的香氣在口腔內徘徊更長的時間，令人為之一振～麵內的叉燒和其他配料份量也不少，足見「豚道樂」一點都不吝嗇。這次來到「豚道樂」，不得不提這款特上海老湯拉麵，記得要先喝一口湯之後才把櫻花蝦伴均，這才能感受到櫻花蝦在湯中發生的奇妙作用。由於櫻花蝦本來帶有一點鹹味，所以湯頭本身不會很鹹，若把拉麵伴均，

每次一個人的晚餐我都會揀食拉麵 貪佢一個人食都吾會太過毒L feelMenu上都有好多味道既款 好似呢個wasabi拉麵就幾重口味不過我都係prefer特上原味豚骨拉麵 貪佢正正經經d重口味既我當然吾放過加配料喇筍同芽菜都係必選 放佢入豚骨湯到吸收湯汁豐富成個拉麵口感豚骨湯湯底吾太咸 如果啖口味既應該幾岩食配料方面我覺得豬肩肉幾正 一來比起豬腩肉無咁肥二來肉質較結實 岩我口味溏心蛋流心效果吾錯 不過如果由半隻變一隻就更佳小食黎講炸物款式幾多上菜時夠新鮮熱辣 件件都金黃色賣相吾錯必食一口芝士 一咬落去芝士拉絲半融化Size剛剛一口 5粒話咁快就KO炸軟殼蟹幾真材實料 原隻蟹咁炸 脆卜卜好香口美中不足係一客只有一隻 食起上黎可能要食幾隻先夠滿足最後仲叫埋炸蠔(已經豁出去完全吾諗爆暗瘡)抵讚佢炸粉吾會太多太厚 食落亦有蠔味整體所有炸物都好正 食物水準有保証

九號水產開左到而家都未去過 係大鄉里出省感覺同台灣上引水產 日本築地市場個感覺差不多今次食呢個拉麵店位於九號水產入面 星期六晚市都幾多人等左10-15分鍾先入坐呢間麵店既麵款幾有特式 有周末限定既拉麵中意試新野既黑洞即刻揀左佢麵種類有直麵/曲麵揀 其實我都吾係好清楚曲麵係咩玩法所以揀番直麵軟度方面佢同我食開既鋪頭吾同 無軟呢個option 最少都係普通不過我好滿意佢個湯底 好有特色 吾係食開既豚肉味反而超重海老鮮香味 如果食蝦中意吸埋蝦頭精華既朋友就一定中意佢個味有點似勁多蝦頭蝦膏淆出黎咁濃烈配料方面 特上包晒紫菜 溏心蛋 豬肩肉 豬腩肉一次過滿足我所有願望溏心蛋個溏心效果做得好好 半固半液體既奬態掌握得好好另外一提麵底都幾大 黑洞既朋友吾怕吾夠飽小食加左我最愛既餃子 幾抵食喎粒粒都好大隻而饀料都好多 點埋大量醋一齊食無得輪飲品黎講有我中意既日式汽水一次過叫晒桃味同蘋果味兩者比較蘋果味會較甜 但蘋果汁既濃度亦高好多果汁味得黎又有汽好gur $20幾蚊支吾算貴平時日式超市買都要呢個價呢餐食左$100幾蚊 價位可接受整體食物質素都幾高 下次出開呢頭再食過

今日同朋友去黃埔打保齡球 ，打到晚飯時間我哋就試下去9號水產度覓食睇左15分鐘 終於揀岩左一間拉麵店我哋叫咗兩碗面一個直面一個曲面😝一個黑蒜油另一個係海老湯除咗面之外我哋叫咗好多配菜原本以為啲配菜係會加落個面入邊點知原來係另上仲要好大碟！！超抵食呀！味道方面值得一讚既係海老湯 好特別出邊少見啲 而海老嘅味道亦都出晒嚟 好惹味相比之下好黑蒜油唔夠特別 但當然都係好味😋😋炸蠔 夠脆夠熱  必叫吉列蠔 蠔味超香！！栗子南瓜薯餅都好正 啖啖都係栗子南瓜蓉 下次去黃埔要再食😋炸天婦羅蝦係我最愛既炸物，呢間炸得唔會好厚粉之餘仲要好香口，如果炸得油會令人覺得同食油無分別，但呢間既炸物都唔會好油！好滿意啊！！！日式煎餃子皮薄餡靚，煎得好香口，餡又夠juicy，食落先發現原來差唔多枱枱都有叫！證明佢真係好好食

辛苦得黎真係志在食今晚收工真係唔知勾起邊條筋 想食返碗拉麵即刻約個老死睇佢得唔得閒 佢話今晚係黃埔見完個客 唯有就一就佢睇下個頭有冇拉麵食行到黃埔周圍行 行行下就入左一個九號水產既area 唔知同台灣個上引水產有冇咩關係 入到去就見到間以拉麵為主既食店 就呢間喇！餐牌上面有weekday同weekend既限定 其實我比較想食weekend限定個個奈何今日係閒日 唯有下次再食 睇睇今晚食大左咩特上松葉蟹海老蕃茄湯拉麵湯底有啖啖既蕃茄味 不過令我意外既係個湯底仲有龍蝦湯既味 濃濃的 非常正另外再配上好幾舊松葉蟹蟹肉 唔同你慳嫁一流呀特上黑蒜油拉麵同樣地都係一個黑蒜油濃湯配合既豬肩肉 依然係一貫既perfect match特別一提係佢隻半熟蛋 非常入味我地轉個頭忍唔住追加左隻紫菜墨魚咀紫菜味其實路算太出 不過炸得非常香唔 唔油膩可惜冇啤酒 如果唔係呢 .... 哈哈哈哈哈炸軟殼蟹原隻既軟殼蟹 唔油膩得黎 入邊熱辣辣 味既好出呀呢度飲品方便幾有心 有好幾樣日本既飲品 大家都可以一試信州白提子梳打信州蘋果梳打食完之後 我得出一個結論 就係下次weekend要再

今日同朋友黎到黃埔睇戲行街，睇完戲見肚餓又知呢度新開左間豚道樂，即刻走黎試下。一走入去發覺好似置身於日本傳統拉麵鋪咁，好有特色！我地叫左個特上辛辣味噌拉麵同特上日本芥末拉麵再另外叫多左個灸燒芝士豚肉同蜜糖咖哩雞中翼野飲就叫左靜岡抹茶可樂同山梨桃梳打個樽好靚呀只可以講呢度每樣野都非常好味精緻，拉麵湯底濃而不腻，麵質軟硬適中，係香港好少有拉麵店有咁既質素；個灸燒芝士豚肉都一試難忘，啱晒鍾意食芝士既我；另外杯山梨桃梳打都值得推介。下次黎黃埔又多個好選擇喇！

其實比起拉麵，我更喜愛食沾麵，不過見依間拉麵店由荃灣開到去黃埔，所以就試下啦。星期二夜晚九號水產都幾冷清，唯獨係逐道樂都坐左七成滿。拉麵同小食價錢都幾平，所以我地都有追加小食同配菜。灸燒芝士豚肉($18)：叉燒上面舖滿芝士，燒得好香，不過依到嘅叉燒都偏咸。特上松葉蟹蕃茄豚骨拉麵($98)：期間限定架，蕃茄湯底都幾鮮甜，唔會太溜。叫左特硬曲麵，可惜都係唔夠彈牙。溏心蛋反而更出色，所以追加多隻。特上黑蒜油拉麵($93)：同樣偏咸，可能我平時食得清淡，不過朋友覺得都幾香濃，所以視乎各人口味啦。一口炸芝士($38)：新鮮炸起熱辣辣，記得要趁熱食，中意裏面唔係拉絲個隻而係好creamy嘅芝士.。另外追加木耳($5)同芽菜($5)都好大份。山梨桃梳打($23)，信州白提子梳打($23)：好甜，味道有啲假當日想叫啤酒同薯餅可惜都無扣左啲分，不過店員好有禮貌，而且一直播我同朋友中意聽嘅歌，即刻加返唔少分！

今日起黃埔行街行到6點幾肚有啲餓想食日本拉麵Openrice搵到附近新開既豚道樂聽過呢個名好耐都未有機會去試見到唔洗點等位就入去試下我揀左特上原味豚骨拉麵+直麵+普通硬度朋友叫左特上海老湯拉麵+硬直麵仲叫左兩個炙燒芝士豚肉、炸墨魚嘴、芝士炸蠔同埋炸軟殼蟹夠哂豐富先食拉麵 就算係原味個湯都幾濃郁 但又唔似出面個啲咸到要狂飲水個隻個麵硬度適中 有咬口豬肩肉嫩得黎有嚼口豬腩肉半肥半瘦 食落唔油膩朋友話佢個海老湯都好香好濃郁幾recommend大家去試下呢款weekend限定既湯底芝士豚肉燒得好香唔燶一啖食落去 仲食到芝士同豚肉既味道搭配得幾好炸墨魚嘴、炸蠔同埋軟殼蟹都炸得香口鬆脆墨魚嘴會食到停唔到口蠔食落幾juicy軟殼蟹蟹味好香幾款炸物都好出色食左咁多野埋單都只係三百幾真係幾抵食可以再食多幾次 試下唔同既拉麵