BUZZ STAND / SUGI BEE GARDEN

Open Now

Now Closed

蜂蜜除左可以抗炎🐝平時會攞黎沖水飲潤喉🤤…特別而家疫情或者感冒時期呢間店有唔同味道嘅蜂蜜仲寫低哂唔同功效檸檬蜂蜜可以增強免疫力等等有得買獨立一支支蜂蜜仲有得配雪糕熱飲凍飲都得前排得9度 梗係飲熱野暖下先❤️～蜂蜜抹茶鮮奶 $36 hot‼️抹茶控&奶控留意！當我以為蜂蜜會蓋過所有抹茶同奶味個陣就錯了🥲佢3個味道平衡得好好✨👍🏻抹茶嘅甘味 中和左蜂蜜加埋啲奶嘅甜味成件事唔會偏袒任何一邊但就有蜂蜜嘅甜味 鮮奶嘅奶香味同埋抹茶嘅茶味❤️抹茶抗氧化 蜂蜜抗炎 潤喉鮮奶增強維他命B完全係以健康為主嘅配搭❤️❤️‼️非常推呢杯！～檸檬杉蜜玫瑰花茶 $28🍋味偏重 帶有少少玫瑰花味🌹飲完好舒壓🤤❤️酸酸甜甜嘅人士適用玫瑰花茶寧神😌平衡荷爾蒙 特別有助女士經期舒暢😍檸檬增強免疫力💪🏻 ‼️啱晒我呢啲長期懶得做運動嘅體弱人士🥺❤️佢仲有蜂蜜雪糕同埋窩夫我都好想試！🥺 不過個人覺得蜂蜜要熱先好食✨回頭指數：8/10

🤑價錢約 $50 登記做會員仲送文青帆布茶飲提袋🧑🏻‍🍳 製作時間需時 尤其人多可能要預等耐d🪑只有將軍澳一間店 係pop corn 商場內Ⓙ 芒果椰香乳酪蜜冰🥭🥥🍧 $45好豐料 口感好豐富👍🏻👍🏻 最面有d cinnamon 粉 同開心果碎 芒果沙冰唔會太甜 仲有唔少椰子jelly 最特別係佢用日本出名杉養蜂園蜂蜜

買了一個套餐，40-50元，有一杯飲品及一小塊餅。因不清楚如何配搭成套餐，問櫃位職員，她竟說乜嘢套餐呀？再三解釋，是想購買（用手指指位張傳單）這個，要如何選擇，她才刻板地說：「呢個擇一個，呢度又一個咪得囉！」等十多分鐘，食物終於出來，店小沒位置，中間多一兩個人問東西，已十分擠逼。食物質素一般，只是多了「天然或蜂糖等字」，飲品個人覺得太甜，不知是否有另加糖漿。塊餅只有一手掌大小，又只給很小蜂糖，㞤艮多位都沒有沾上。要四五十元，食物，飲品，環境及服務態度都欠奉，我不會再光顧了。

🌟Buzz Stand🌟⁡上年啱啱新開張時🐝試過一次定價少進取今日俾多次機會佢茶飲選擇比過往多覺得有進步⁡🎀 < 青森蘋果藍莓蜜茶 $35> ⁡飲品主要以蜜茶加藍莓蜂蜜做base無另加糖 比較健康藍莓味好出🫐🍇酸酸甜甜咁有啲黑加倫子利賓納嘅味道青森蘋果有一小片🍏只係作裝飾之用飲品可叫走冰/少冰⁡Mocktail 好多選擇亦可自由配搭下次再試吓其他先～⁡👄味道: 7/10 💰價錢: 7/10 👍性價比指數: 7/10⁡*☼*―――*☼*―――*☼*―――*☼*―――*☼*BUZZ STAND/SUGI BEE GARDEN 📍將軍澳唐賢街PopCorn商場二期1樓F87號舖📞 2772 1127⁡⁡⁡⁡⁡⁡⁡

//< Buzz Stand | Sugi Bee Garden >呢間蜂蜜店🐝好多地方都見到佢既蹤影，但係今次係小編第一次見有售賣各式手調飲品～ 所以即使就黎收舖都一於試下🥰————————————- 純蜜黑白珍珠鮮奶茶 $35 -小編好鍾意飲蜂蜜奶茶！呢間仲要係無額外加糖，純蜂蜜同用鮮奶簡直啱曬小編😆😆 果然無失望！唯獨蜂蜜落得多左少少，變相偏甜左dd🤪 但係整體幾香濃，奶泡綿滑，珍珠煙韌滿足的😝————————————- 純蜜咖啡 $35 -估唔到咖啡同蜂蜜又幾夾😆 比起糖漿更多左蜂蜜既香甜，罪惡感亦相對無咁高🤪 仲有買一杯蓋一個印仔，飲夠3杯仲送一杯🤩————————————評分：7.7/10地址：將軍澳唐賢街PopCorn商場二期1樓F87號舖營業時間：10:00-22:00#sugibeegardenhk #sugibeegarden #buzzstand #buzzstandhk #將軍澳美食 #將軍澳必食 #將軍澳飲品 #popcorn美食 #popcorn飲品 #香港美食 #美食博客 #hkfood #hkfoodie #hkfoodblog #hkf

喺屋企居家抗疫左幾日，今日周末終於頂唔順要放一日假，山長水遠去左將軍澳Popcorn，下午茶經過呢間杉養蜂園，見佢有雪糕又有窩夫，不如就試吓。呢度主打蜂蜜飲品，用來自日本嘅天然蜂蜜。麥盧卡蜂蜜香蕉沙冰 $52麥盧卡蜂蜜香蕉沙冰用天然嘅麥盧卡蜂蜜加新鮮香蕉製成，份量大大杯，香蕉味濃，沙冰打得好滑，上面加左質感有啲似caramel嘅痴牙蜂蜜，仲有兩片香蕉，都好飲嘅，當然呢個價錢唔平。抹茶窩夫 $15飲品加$15可配窩夫。窩夫有3款口味，包括原味，朱古力同抹茶。可加配可可醬或蜂巢蜜。我揀左抹茶味。窩夫即叫即整。窩夫呈蜂巢狀，上面加左少少蜂蜜，味道帶少少抹茶味。非常薄身又唔夠脆，只係微暖。唔推介。杉養蜂園蜂蜜雪糕 $28杉養蜂園蜂蜜雪糕係杯裝，可加配威化餅，蜂巢或果汁蜜，個人覺得加配好貴。牛奶軟雪糕係質感非常冰感而味道欠缺牛奶味，上面加左都係有啲似caramel嘅痴牙蜂蜜，味道唔會過甜。我就嫌雪糕唔夠軟滑，太冰感。拎完食物可以企喺度食，唔洗另外揾位。總括而言，食物質素普通，只係以加左日本天然蜂蜜作招來，咁樣好難再次幫襯。

之前喺SOGO都有買過呢一隻果味蜂蜜飲，不過我只係加水開稀蜂蜜水飲，原來加多少少心思就可以變成一杯Mocktail 咁好飲。今日經過將軍澳Popcorn，見到呢間蜂蜜店，店裏面分成兩邊，一邊係賣蜂蜜，另一邊係買食物同飲品，當然佢哋嘅食物同飲品都係用返佢哋嘅蜂蜜做食材。貪小便宜嘅我因為見到廣告牌飲巨峰提子蜜青檸薄荷梳打免費升級，所以我就叫咗一杯嚟飲吓。巨峰提子蜜青檸薄荷梳打 - 巨峰提子蜜加咗梳打水好似有杯巨峰提子梳打，再加埋青檸就好似一杯檸蜜梳打不過係巨峰提子味，再加上薄荷葉，有一陣陣嘅清香味，感覺好涼快，整杯飲品飲得好舒暢，甜甜酸酸有少少薄荷葉嘅涼，真係好好飲。當店員交杯飲品俾你嘅時候佢會提你一定要攪勻先好飲，因為俾你嘅時候會有漸層效果，好靚。

由細到大飲蜜糖既時候，屋企人都教要用木制既餐具去攪拌。今次去到一間專門賣蜂蜜既舖頭果陣，竟然發現佢用鐵器去處理蜂蜜飲品，突然覺得好失望。因為怕鬧錯佢地，所以放上嚟俾大家自行決定

今日再次來這店试它的飲品,我因之前開張時登記做member.所以送天兩張$10元的coupon,但只能order drink. 所以我order了最original的先選honey味+soda water + 蜜糖蒟蒻.$34再加了waffle ($15).它的waffle真的好好味又新鮮。店員話原來材料全是用日本做的（eggs, flour ..)我是take away的，返家後慢慢享受著.....~~~~~我自己再加了soda.因不想太甜。

鬆脆蜂蜜窩夫 配蘋果味蜂蜜 $16 (開張優惠)窩夫即叫即整 拎到手時真係熱辣辣同埋鬆脆 但份量偏細 兩啖就完咗有少少空虛👉🏻👈🏻窩夫價錢已包一款果汁蜜 有柚子🍊檸檬🍋蘋果🍎芒果🥭紅桑子🍒巨峰葡萄🍇同埋藍莓🫐一共7種口味~ 而我揀咗蘋果味🍎入口第一下有少少懷疑係咪俾錯咗柚子味 因為個酸味都幾出 同我本身想像會比較清香清甜嘅蘋果味有啲出入 不過之後dap真啲就食得出佢嘅蘋果味🍎整體嚟講我覺得窩夫正常 但蜂蜜唔太啱我口味 加上平日夜晚去 前面得兩杯野飲單 但都等咗20分鐘先有得拎 做完$16優惠之後應該就唔會再翻撻了🙈

來自日本熊本的杉養蜂園，於將軍澳始開設最新專門店，亦是首間設立飲品吧 BUZZ STAND 的專門店。招牌飲品之一 — 芒果蜜熱情果綠茶，用上真正的蜜糖與水果釀製而成的芒果蜂蜜，加入夏日定番的熱情果和綠茶，酸甜的鮮果味道，配上水果蜜糖的滋潤，清爽不甜膩。

終於有時間嚟試下，最初諗住試飲啲蜂蜜水果茶，無諗住食佢個蜂巢雪糕。以為係用蜜糖加工整個蜂巢樣出嚟扮嘢，不過問店員原來話係日本嚟嘅真蜂巢，咁就試下佢。蜂蜜軟雪糕尚算軟滑，我將重點放咗喺塊原塊蜂巢到，食得出唔係後製加工糖好有蜂蜜味，條威化餅反而係我最鍾意嘅，因為多咗一啲實質咬口感好好多。見有人叫個窩夫，食咗個雪糕ok嘅都想試試。不過食咗飯嚟太飽只好下次先試。😅價錢一般啦，不過有原塊蜂巢都ok接受嘅。

尋日經過想買黎試下飲，點知企喺落單位置前，超過五分鐘都冇人理。眼見舖頭總共有四位店員，舖頭內等緊拎野飲既客人都唔算多，得兩、三組咁，但呢四位店員完全冇任何一位有望過我地。有店員更加係行到我地面前，低頭做自己野，然後又走咗去，完全無視有客人喺面前等緊落單。其實新開張比較忙同混亂都可以理解，如果舖頭得一、兩位店員忙緊，我地都會耐心等候。但係已經有四位店員，仲要都係騰黎騰去唔知做緊乜咁。好啦，當你地四位都好忙啦，點解連花幾秒時間對住個客簡單講一句「唔好意思，麻煩你等等，我地一陣幫你落單」都做唔到？要等其實完全冇問題，但你地完全當個客透明咁樣，望都唔望係咩意思？最後我地冇買到就走咗，見到後面仲有三四位客人排緊隊，咁多人排隊都可以無視真係好野。咁樣既服務，幾好飲都冇用啦。安排足足四位店員喺間飲品舖都可以搞到咁，真係麻煩你地舖頭檢討下。