C.K. Bistro (Closed)

星期五收工諗住同同事一齊去食泰菜，點知見到一間之前係openrice見過既餐廳！原來係呢頭，就即刻上左去之前已經見到呢間西餐廳既介紹，係6樓上一層就到，隔局一啲都唔逼，同同事一路傾偈一路食都冇影響，讚坐底就送左個小食，main course 嗌左個鵝肝雞卷，今個月既新course😋認真一流，用牛肝菌做sauce，成個dish好香👍🏻以為食完仲可以係附近食個甜品 點知已經好飽肚 仲有甜品送！但係menu冇寫，真係好驚喜👍🏻就快母親節，遲啲帶媽媽黎試下先😋佢冇試過呢啲西餐！地點已經選定，唔洗諗💆🏻‍♀️

禮拜五放工諗住食下好野碌碌下ig就見到呢間係九龍城既西餐廳抱住試下既心態黎點知食完覺得一定會再黎！👍🏾環境方面非常好 唔會太逼室外既風景唔錯 睇到風景 同另一半黎就浪漫啲室內都好啱坐低同朋友一邊食一邊傾計食物方面經openrice訂位仲有小食送個汁酸酸甜甜幾開胃😋頭盤個沙律上面既米餅有驚喜餐湯夠哂濃 菇味好濃🤤主菜個羊唔會太羶 易入口鵝肝釀雞卷 個雞好嫩滑 唔會比鵝肝味搶哂加埋個汁食 一流！配菜都唔馬虎 薯蓉好好味甜品紅豆蓉好綿 同抹茶布丁好夾士多啤梨夠甜唔會酸加埋鳳梨酥 夠哂好味！下次一定會再黎有啲係九龍城食泰菜太悶絕對可以試下呢間西餐廳！

最近順利pass左新工作既 first assessment。男朋友就話帶我去一間好正既餐廳獎勵下我。 果然呢間餐廳真係俾到好多驚喜我地。首先，間餐廳既環境一流。餐廳有一個露天空中花園。原本我地book左坐空中花園，但因為落雨，唯有坐返室內近空中花園位置，好彩都睇到少少九龍城夜境，而且有陣陣微風吹入黎，成個環境都好舒服好relaxing。個日只有4枱客人，每枱都隔好遠，所以私隱度好高，好適合傾計談心😊餐廳既食物都係無得彈😋原本想點open rice 推介既食物，但職員話，餐牌係每星期都會更新一次，等客人每次黎都有新意思。好有心思既餐廳呀😆呢個係經open rice訂枱送既小食。 個車厘茄超甜，男朋友話無食過咁甜既車厘茄。另一個係咸咸地火腿包住粒酸酸地既醃黃瓜，味道都幾夾😋之後就有兩個熱辣辣既餐包，配埋個黑松露菌牛油，一流👍🏻Starter 揀左兩個。第一個係自家製脆糖刁草醃三文魚。我之次唔太鍾意食醃三文魚，因為覺得太咸。但呢個醃三文魚只有淡淡既咸味，加上甜甜既香草味，好好食😃另一個starter 係牛油果蟹肉沙律。 呢個超級超級好食😋用料好足，有好多牛油果，好多蟹肉同好多其他蔬果係入面

本身嚟到九龍城都唔知食咩好 之後諗翻起之前係facebook度見到依間野就諗住嚟試下🤔上到六樓再上多一層就到間餐廳 一入到嚟環境好靚 就好似世外桃園咁 從來冇諗過九龍城會有依個咁靚既地方🙈再加上有個露台 影相打卡嘅好地方👍首先個芝士火腿馬鈴薯湯真係幾吸引 一開始都冇諗過咁好飲 芝士味十足 真係幾推介到主菜方面更加驚喜 炸牛仔釀芝士配雞蛋酸青瓜醬 真係大開眼界 流心嘅芝士 再加上外脆內軟嘅牛肉 配埋旁邊嘅沙律 雖然少少燶 但真係口感豐富總括嚟講 都真係幾推介依間餐廳 環境清幽 嘢食又好味 真係值得再嚟

喺facebook見到有朋友share 隔一陣就去食了一嚟到就見到個大露台 有啲熱都係出去睇睇完了原來經OpenRice送咗個炸芝士 真係好邪惡Starter當然係揀我最愛嘅刺身杯 入面有埋wasabi 帶子 三文魚 青瓜粒好入味 但三文魚子就差少少重！點！ 舊吞拿魚好好味 湯就揀咗芝士火腿馬鈴薯湯 但係太足料 有啲飽 但入面真係有芝士 仲有拉絲就係為咗呢樣 玻璃紙焗白雪魚！好可愛 一剪開呢包野就好香仲有粒紫色柳菜 不過有少少淡 落啲黑椒好食啲最後出去坐咗陣 一邊飲紅酒 一邊滿足埋我最後一個胃！女人個胃！呢個無得輸！ 食得出唔係用粉沖出嚟 同埋有個朱古力做碗 加埋蛋白嘅滑最後總結一下 環境幾好 浪漫得嚟又靜 雖然地方細 但有室內室外 果然係九龍城嘅世外桃源 而且staff會主動介紹啲野食 小鋪果然有小鋪嘅好野食方面幾滿意 特別係白雪魚同甜品

環境 : 無得頂服務 : 好好紅酒 : 抵飲(因為我唔識飲)食物 : 頭盤 輕煎吞拿魚(好味) 刺身杯 (普通) 麵包 (好味) 餐湯 : 牛肝菌湯(出色) 芝士火腿馬鈴薯湯 (出色) 主菜 : 比目魚 (老左D但好味) 2大舊 羊架 (好味，如果半熟就完美) 2大件 甜品 : 焦糖燉蛋(唔熱但味道好) 芝士蛋糕(好味) 洗手間好乾淨企理！高水準餐廳真材實料，估唔到九龍城有間咁好的西餐，同朋友、屋企人攪聚會一流！最殺食有個超大空中花園！價錢性價比高、 食物有水準、 環境一流！

要揾到間好食既西餐唔難 但要揾到間性價比高既西餐就好難🤯 星期五放工想放鬆下🤪 同最愛既人食飯 🥂又想要靚景🌌呢間餐廳絕對係理想地方💙一行入餐廳 就可以見到咁靚既景🌃再加上啲音樂 成個人即刻放鬆曬🐷 個日叫左個Dinner C 頭盤就係呢輕煎吞拿魚配柚子醋汁🐟唔食吞拿魚既朋友 我覺得可以值得一試 佢個柚子醋汁酸酸話話 幾開胃👍🏻 OpenRice訂位送既呢個小食 好好味👏🏻三文魚粒配上玉子豆腐 口感好有趣☺️芝士條點少少蕃茄汁 一啲都唔覺得‘流’😛個湯我試左是日精選湯-甘旬湯 自家製 係會飲到啲甘旬溶 入口媲美得好多高級西餐廳😌配埋個暖暖地既餐包同埋黑松露牛油 簡直係無語倫比見到Facebook介紹過呢個主菜 覺得幾趣緻 就嗌左黎試下 入面係白雪魚🐠 成個設計好有趣 用玻璃袋裝住舊魚用慢煮既方法 舊魚好滑好爽口 加埋啲白酒汁🥂真係無得頂 呢個絕對要一試最後要滿足埋另一個胃 呢個cheesecake就足夠🍰食落口 一啲都唔覺得肥 質素非常高總結一下 餐廳環境幽靜 食物質素高 😋絕對係放工去輕鬆😗同朋友去聚下👬同愛人去談情👨‍❤️‍👨既好地方🙆🏼‍♂️

今日約左個fd食飯敍下舊 左揀右揀之後就系openrice book左枱試下佢地嘅Set Dinner😚😚😚一入到黎見到個景就好想坐左出面 可惜。。今日落雨坐唔到出去一睇個menu簡直嚇親！好多野揀🥳🥳🥳最後Starter我揀左House Caesar Salad因為係Openrice book左枱有小食送添！食完個Starter個湯就到左啦！薯仔湯！My favourite🤤🤤🤤🤤一飲就知係真材實料！唔似其他西餐d湯系開粉💩💩💩飲完個湯隔左陣 Main Course就黎啦！佢望落細細份。。原來都幾飽🤫🤫入面D餡有我最中意嘅冬菇😍100分！我個fd就食左黑豚鞍 但我就唔太感興趣了🤪中意食豬肉嘅朋友可以一試總括黎講 呢間隱秘西餐係值得一試🥰🥰對於食西餐有執著嘅人黎講 食到一餐好嘅西餐$300一位絕對係可以接受嘅價錢😂😂😂最重點係地方都幾舒服🤩🤩🤩

九龍城一般比人感覺係食東南亞菜色，但諗唔到會有一間出色嘅西式餐廳，而今次我點左好多送酒菜色，每一樣都有驚喜，當中炸洋蔥圈同炭燒牛舌簡直一絕。炸洋蔥圈炸皮厚度剛剛好，不油膩。炭燒牛舌意外收獲，餐廳好好，上菜時會同時有炭，方便保持牛舌嘅溫度，牛舌軟硬適中，因為炭燒嘅關係，更有牛油香。環境方面，空間感非常好，枱與枱之間，有足夠空間，更有露台望到九龍城景色，侍應都好有禮貌，好好服務。值得再去。👍👍👍

🏝空間感十足 食物有驚喜, 值得推介😋👍🏻環境: 🌕🌕🌕🌕🌗空間: 🌕🌕🌕🌕🌕服務: 🌕🌕🌕🌕🌑食物: 🌕🌕🌕🌕🌗初初想黎都係因為見個環境夠闊, 空間感夠大可以同男友relax chill下上到去原來仲有望到海景😚 加上有音樂 🎶感覺逃離左城巿繁囂，夠relax👍🏻👍🏻啲staff話 feel Free去外面影相📸同坐下🤩同埋好有禮貌。好彩個陣未多人 趁機打左卡 裝B，如果同partner ❤️過黎幾好喔！另外餐廳外內枱與枱之間相距大，唔會同隔離貼枱 零壓迫感💨💫，成餐飯食得好舒服😌👍🏻👅👅除左環境掂🏖啲野食水準高！👅👅今次同男友黎chill下 就點左啲小食試下一開始就有專人係我地面前整🥰🥑🌮🌮餐飯好似為你而設咁😚🥗🌮🥙🥗🌮🥙🌮🥙📍呢個炭烤牛舌 推推推！我箍牙🦷都咬得開😭👍🏻😋！首先望落已經高質有炭火🔥 好似Aqua嘅燒牛咁擺陣👍🏻👍🏻力推💡💡💡個牛舌••肉質嫩滑•• cool牙都食到啊 ！重要係細力可以咬開，亦冇肉絲會sip牙隙😬🤤同平時既牛脷唔同在係用牛舌較後位置，所以嫩啲😂(from the chief🗣)📍另外我推••洋蔥圈 ••🕺🏿🥁佢真係有內有洋蔥 新鮮夠甜🥳 同埋個炸漿幾靚

上星期嚟咗九龍城諗住同屋企人食泰國菜，點知食開個間冇開，仲要落大雨。。。之後一開OpenRice就見到C.K.Bistro，反正未食過就去試下啦，純粹去試嘅心態。上到6樓要行幾級樓梯先到餐廳，大約6點半到餐廳亦唔算太多人，好快就安排到座位，見到岀面有個平台，可惜落雨冇得岀去睇下。我地嗌咗幾個Set Dinner一齊食，有幾個真係要特別推介下！醉鮑魚脆芝士田園沙律鮑魚入味又唔硬，配埋脆芝士同沙律好夾香煎鴨肝配白酒啫喱及季節水果本身以為會好油，點知食落好香脆，白酒啫喱幾清新龍蝦意大利闊條麵配龍蝦海膽汁冇諗過個龍蝦會咁新鮮，麵嘅份量都好足，重點個汁唔係岀面食個隻合成味！呢到冇用餐限時仲有得免費泊車，等好天會再嚟

第一次同女朋友黎食西餐 竟然有意外驚喜👍🏻一上到黎已經覺得好有feel 除咗有音樂 有露台 仲有好多燈飾🤩情侶黎食環境一流 夠靜同浪漫🌹女朋友都好滿意 十分推介情侶黎試下！！ 到食物方面 質素都非常滿意！一黎到就有個free嘅小食 係當日大廚安排 所以夠晒驚喜 同埋好好食👍🏻前菜有巴馬火腿配哈蜜瓜 夠味得黎唔會覺得肥膩 份量配搭得好好主菜有煙燻牛仔骨配薯菜 牛肉入味 夠淋 所有食物擺碟都非常精緻😍總括黎講係個完美嘅西餐體驗！十分推薦！

第一次係呢到食晚餐 好有驚喜！！一開始餐廳竟然免費送左個炸香草西班牙丸比我地 完全無諗過會有小食送😍之後叫左個鴨肝 中意食鴨肝既你一定唔可以錯過佢個sauce配埋個鴨肝好清新 側邊有個白酒啫喱 好特別然後有個甘筍海鮮湯 呢個都好特別 上面係有泡泡架主菜叫左個龍蝦意粉 都好好味 龍蝦好新鮮 意粉個汁都好夾個龍蝦🦞最後開左支酒 同三五知己黎食真係好好對住個景食飯好有feel👍🏻下次都會再黎食 最後賣單1089 3個人 好抵食

教堂婚禮完畢之後，去咗九龍城呢度食包場自助餐，舊機場區，大厦最高得六、七樓，這餐廳大概可容納三、四十人，環境不錯，出面有一部分喺室外，大家可以出去坐，氣氛都唔錯，也可以欣賞到九龍城美景。侍應們服務很殷勤，食完都好快收碟。以這個規模的自助餐，沙律款式都算多。熱食有雞串，天婦羅蝦同煎蝦碌，都十分爽口。炸子雞好香好美味，椒鹽白飯魚大大條炸得好香口，忍唔住口食咗好多。蔥爆牛肉好淋好入味，好快已經畀人攞曬啲牛肉，仲有生炒骨，唔肥，酸酸地好省胃。炒麵冇其他材料，且有少少硬，鰻魚炒飯我最欣賞，好香鰻魚味。此外，還有xo醬炒西芹魷魚，西蘭花炒雜菜，羊架，牛扒，醬烤豬肋骨等等。食物都refill得好快。飲品除了主人家帶來的香檳及酒，汽水是罐裝，也有一些盒裝飲品。因為主人家有自己準備結婚蛋糕，甜品就只有啫喱杯、大菜糕同海帶綠豆沙。

My friends and I had the set dinners. All of the appetizers were high quality, including the bread baskets. I'd definitely recommend the abalone (soft and full of flavour that went really well with a tasty dressing) and diced tuna wasabi dip with chips. The guacamole dip is a great option too if you're not a fan of sashimi. The salad leaves were fresh - a big tick from me. The daily soup was a tomato and prawn soup. The tomato flavour was intense with a hint of prawn. Soups like this are great.