C.K. Bistro (Closed)

20年前在這地方食宵夜，20年後餐廳已轉手多次，偶然發現此地方又變回餐廳，所以特別重回舊地。記得之前宵夜係食餐肉麵，今日已經變成fine dining. 中午餐廳來電確認訂枱之餘又發了菜單給我，希望我可以事先點菜，我們二人點了鵝肝，三文魚作前菜，南瓜及雜菌湯，主菜是肉眼及鵝肝雞卷。由於經網站訂枱，所以餐廳再送上小食。對於是日晚餐，我們深感滿意，一來故地重遊，二來餐廳室內及室外佈置可以讓人舒服用餐；三來服務好，而最重要的是食物之色，香，味都超過預期，每碟菜都做得悦目亦食得出層次，前菜中配置的啫喱食得出有酒味，而三文魚內包住豆腐及蟹籽，令味蕾充滿震盪，主菜中的蔬菜十分新鮮，食得出蔬菜應有的味道。甜品以為是普通芝士蛋糕，但食落去會有芒果味表層，中間再加上一層mouse, 底層為蛋糕,驚喜，很感謝廚師的用心。唯一可以改進的可能是招待吧，在訂枱時已提出是紀念日，但竟然一點表示或祝福都冇，有點兒失望。

Under this unhealthy situation in hk, many people rather stay home for dinner. This resto got a full house on valentines day. No fancy decor in the resto however there is a nice outdoor area, should be quite nice for bbq or drinks. I will give a 70pt for the food. Plus 10pt for the nice staff. Quite good value for a special day.To improve. Warm the plates to serve the food. Better wine list, most of them are the “popular” supermarket bottles...

朋友約我去九龍城食晚飯我以為係去食泰國菜結果原來係帶我去食一間樓上西餐廳出乎意料之外的好環境大 員工服務好好 好岩嚟呢到慶祝生日 節日 甚至見客🥰以後我見客又有多一個地方啦✌🏻如果係訂咗位 會送一碟前菜雖然係話送 但質素都唔錯嫁餐包～ 佢個牛油係有埋黑松露醬係入面呀 好好食！😋😋😋湯～ 忌廉湯加魚翅 （係期間限定嫁 如果想嗌 可以到時問下負責人仲有冇得食😜）呢個係軟殼蟹白汁煙肉意粉好好食呀！！好 creamy! 再嚟係龍蝦 大大隻 啲肉都夠大 有口感～飯後甜品🍮 我中意食布甸多啲 因為我個人中意食甜啲🥰 疏乎厘 都唔錯 重點 服務 環境 食物 如果係中環一帶食 肯定唔止呢個價位～ 可以呃另一半/朋友話去九龍城食泰國菜 然後可以靜雞雞帶佢地去 一定有驚喜呀😜

地點位於九龍城黃珍珍旁的百營中心，電梯6字再上一層樓便到達。餐廳沒有裝煌的裝修，但感覺十分舒服，因枱與枱之間也有一定距離。點好菜後，餐廳奉上免費小食：柚子蕃茄及一口芝士，讚👍🏻我們一行6人，前菜有的選擇沙律，有的選擇鵝肝，各有千秋⋯⋯主菜： 豬牛羊魚也點了。全部CP值高，食物品質及味道也不錯，尤其西班牙黑豚鞍，煮得剛剛好，肉質嫰，值得推介！美國炭燒肉眼牛扒也能掌握到5成的要求，份量起碼有12安士，牛扒肉質鮮嫩，冇根，不錯！澳洲羊架份量也恰當(3支)，少許酥味，仍可接受。甜品： 朱古力蛋糕+紫芋pudding推介之選，會再次幫襯😋

係九龍城呢個咁熱鬧既社區，可以搵到一間性價比咁高既餐廳 無論係食物方面，服務方面定係環境都係完勝😍就好似今晚食既龍蝦🦞 口感一流 啖啖肉再配上濃郁既芝士😋 真係食到停唔到仲有呢個檸檬批😋同岀面食既好唔同 係會有一啲細細粒既果肉係入面 甜酸味道融洽一齊 有種清新感覺 特別係之前先食左個比較 heavy 既龍蝦🦞配埋呢個甜品就好滿足啦🥰除左野食之外，呢度環景好有氣氛好適合約埋三五知己一齊黎傾下計😍 一邊嘆住美食一邊同朋友分享自己既近況 夠哂 relax

九龍城出名多野食，但就好少食西餐廳，同事介紹左呢間西餐廳之後就即刻打去book枱試下一上到去就俾個夜景吸引住😎好難搵到一個地方可以靜靜地欣賞九龍城既夜景一坐低就有頭盤送到黎，味道唔錯！最岩開胃朋友嗌左個沙律，沙律有跟兩個醬汁去配搭，連平時唔食沙律既我都忍唔住食左一半份量🤣我地仲嗌左兩份小食，兩份都跟兩個醬汁去俾客人選擇，我最欣賞洋蔥圈，外脆而且洋蔥味岩岩好！主食方面嗌左個淡忌廉黑松露意粉，平時見到黑松露就抗拒唔到既我，呢份意粉果然冇令我失望！極力推薦🤩

係九龍城一間唔錯嘅西餐廳同朋友係open rice見到，諗住試下點知好有驚喜！因為係open rice訂位，所以會送返個小食，小食一啲都唔隨便，好有心思，尤其個芝士，十分濃郁，讚！頭盤有沙律同餐包，餐包配黑松露牛油，絕配跟住去到主菜，係黑松露意粉，個人真係太喜愛黑松露，份量都多，意粉硬度剛剛好！最後不得不提，佢個户外夜景真係冇得頂！同朋友吹下水，chill下一流，仲可以打下卡！佢位同位之間都隔好開，好自在，天氣好不妨去户外感受下鬧市氣氛

一入到去環境好舒服，餐廳既設計令你有充足既空間感，枱同枱之間都有一定既距離，唔會好壓迫。試咗頭盤，湯，主菜同甜品：頭盤食咗個吞拿魚肉，初頭會以為好生，但食落去又幾新鮮，口感唔錯，佢唔會話太生，加埋碟上面既菜同少少芝麻，除咗有賣相之外，食落去都好有鮮味。而主菜試咗個期間限定既菜式，表面上似意大利麵(可睇相)，但係佢由大蘑菇、帶子同用麵條整成既飯粒既形狀而成，上面仲有少少牛油果粒，夠晒健康。食落幾有驚喜，唔會話好膩，蘑菇同帶子亦都唔係太熟，淋淋地幾易入口。甜品就試咗個cheese cake，上面有少少生果，賣相不錯，食落去都唔會話好甜，甜度適中。最後想另外讚下個洗手間，廁所有設計過去配合返個餐廳設計，同埋好衛生好乾淨。

首先，每次來到都感到非常舒適自在，環境美景盡收眼底，與眾朋友聚會必首選。食物非常好味，麵包熱熱的香味把我們困住了，務必馬上享用。內𥚃鬆化，外面又脆脆。真美味，之後帶子沙拉和蟹肉湯也非常出色令人回味，主菜牛排和羊架配上法國红酒，想得益彰，肉質鮮嫩多汁配红酒令更有囗感，另一方面，紅酒medium body and tanin , aromatic Favor with abundant black fruit taste, long finish. Good pairing with steak and lamb.Service are attentive and considerate. Good hospitality.

平時同朋友成日響旺角食飯 但已經食到好悶 諗住搵下邊到有其他好地方 可以食啲特別啲既野 點知碌碌下Open Rice就搵到呢間鴨肝煎得香濃鴨油充足，麵包焗得脆身，真係幾好食。58度水果牛小排及黑松露菌薯蓉呢個賣相好精美，牛小排好腍好滑，配埋個水果醬汁，甜甜酸酸，好開胃。黑松露菌薯蓉都好滑，但黑松露既味道就唔太特出。最後仲有個甜品 佢上面有焦糖 下面啲蛋有啲似雙皮奶既感覺 入口好棉滑，味道唔錯 这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

今次係第二次嚟到，一坐低就要加入做會員，我好鍾意呢度環境，舒服得黎又方便傾計，又夠私隱首先係餐前小食，醉汁鵪鶉蛋，睇唔出咁入味啊，好好食，右手邊嘅係鱈魚柳，林哂，似係放咗好耐咁呢個小食係散叫，魷魚🦑但一啲都唔酥脆，感覺似係椒鹽魷魚多啲，林既，亦超級鹹，放咗成袋鹽入去咁嚇死人鴨肝煎得香濃，鴨油充足，麵包焗得脆身，真係幾好食，但白酒啫喱反而偏酸煙三文魚卷～麻麻地，都一樣好鹹味之後飲咗兩個湯，影相影得唔好，所以唔post上嚟，一個係野菌忌廉湯，令一個係西洋菜西湯，兩個湯我都覺得好好，比較濃味嘅係野菌忌廉湯，我鍾意D湯好溶，一粒粒，好似打出黎咁，而西洋菜西湯係出面更加未飲過，味道清少少龍蝦飯，飯汁太多，好似食粥咁汁嘅味道係吾錯，食到蝦🦐味，但都係偏鹹，感覺上蠔油落得太多，我估咋🤣唔識煮飯～龍蝦都新鮮，爽口呢塊牛扒好多筋，肉質味道可以，吾鞋口，真係煎到七成熟啱啱好最後甜品時間～芝士蛋糕一般般，下面嘅係提拉米蘇，咖啡酒味香濃，用咗半個朱古力殼盛住，我唔鍾意食朱古力同脆皮，所以冇加分第一次嚟到呢間餐廳時食咗個類似蟹肉前菜，整成一個漢堡扒咁，希望下次可以食到

食物質素好高，忍唔住又再黎多次😆冰梅汁蕃茄仔❤️酸甜開胃呀另外個甜品都正 Tiramisu😍 佢下面係用真朱古力托底，絕對唔係金幣個隻👍🏻哈 仲以為係就咁食， 第一啖冇味🥺 原來係同個酥片牛肉湯一齊食🤣 呢個係pasta 唔係risotto 🧐 個質感好得意 有咬口 唔似飯咁軟酥皮有牛油香、 鬆脆嘅下面係牛面 啲肉係軟 有牛肉香 不鞋口👍🏻👍🏻磨菇湯 食到有一粒粒菇 😏 我覺得可以🤟🏽 啲野食好足料 ，其實飲左個湯都小飽

平時同朋友成日響旺角食飯 但已經食到好悶 諗住搵下邊到有其他好地方 可以食啲特別啲既野 點知碌碌下Open Rice就搵到呢間首先會有個前菜仔 係啲好脆身既餐包 配埋佢個黑松露牛油真係一流🤤 第一碟正餐係食呢個三文魚 真係好正 佢仲有啲香草響隔離調味同點綴第二碟係呢個鵝肝 上面仲有哈蜜瓜 本身睇到怪怪地 但我朋友又想試 於是點左黎試 真係好唔錯！之後就上左個湯 將佢成個湯撈雲 之後再似 成個口腔都感受到佢濃郁既忌廉味 入邊仲有啲料只可以講我係因為呢個限定菜式 所以先會咁鍾意呢間餐廳 呢個芝士帶子 入邊仲有啲米型意粉 我仲用佢啲芝士撈佢啲菜咁食 食到汁都冇滴😂到尾二一個主菜 就係呢個牛肉啦 佢上菜既時候我真係嚇親 佢係用個蓋蓋住 然後一打開係滿滿既煙 散左之後就見到呢大舊肉 呢舊牛肉好鬼死嫩口 唔會硬到咀嚼肌都大曬都未咬完 又唔會爛到冇牙都食到果啲肉 佢真係煮得岩岩好 啲汁又唔會好濟 老實講食呢碟既時候 已經好飽 但因為真係好味 所以一路傾計一路食 就食曬成碟😂最後仲有個甜品 佢上面有焦糖 下面啲蛋有啲似雙皮奶既感覺 好細膩 重點係呢個露天夜景 有氣氛之餘 枱同枱之間又有一定既距離 傾得

6月對於一個正常大學生岩岩考完試忙完assessment 最好嘅放鬆方法就係約最好嘅朋友出泥食餐飯👯‍♀️👯‍♀️今次約左泥依間C.K.Bistro入到泥空間非常足夠 好適合朋友聚會入到泥即刻就會有餐包上台隨即亦會有佢地自己嘅黑松露牛油牛油淡淡嘅䶢香味再配上黑松露嘅香味 未正式上菜已經好高分 對今餐充滿期待個包食到一半就即刻上左個前菜醉鮑魚田園沙津同蜜瓜火腿醉鮑魚沙津真係好好味 份量岩岩好之後再泥就係帶子野菌濃湯濃湯真係唔係講笑 菌味重 唔會好似其他餐廳飲到個d咁水 完全feel 到足料煙燻醬烤有骨牛仔肉配田園蔬菜師傅出泥即場切比我地 真係好似去左5星級餐廳咁第一啖先食原味煙燻味會係口入面 牛仔肉好淋之後再加埋汁泥食 食上去一d肥膩嘅感覺都冇 值得推介🤤🤤🤤最後再泥個梳乎厘 為今餐晚餐寫上完美嘅句號❤️

好少黎九龍城 一搵就搵到間好餐廳😋呢度環境舒服 靜靜地同朋友傾下計好舒服，又唔會同其他枱嘅客人太近一開頭嘅黑松露日式帶子春卷配埋醬汁好fresh, 裏面嘅餡都好香！跟住就係個餐包, 搽埋黑松露牛油直頭係絕配，個包仲要係烘得好脆🤤香煎鴨肝同白酒啫喱好香，一啲都唔漏 啲沙律菜仲好新鮮 蜜瓜同Parma ham呢個絕配又係冇得頂！然後就係鵝肝沙律 唔腥得黎加啲pepper完全係完勝👻呢個係煙燻醬烤有骨牛仔肉配田園蔬菜 超正！！ 每個配菜都好好味呢個原來係米飯形狀嘅意大利麵，煙煙韌韌好很意😍 最後嘅梳乎厘好好味🥺 個雲喱拿醬都好香👃🏻不過影嘅時候已經塌左少少落黎😝