進達餐廳

Open Now

Now Closed

自從搬出去住,少左同爸爸兩個食飯。今晚休假,爸爸話帶我食一間好少人知而又好好食既西餐廳。都未步入門口,我就比佢既室外室內既座位吸引,非常有情調,成個心情真係好放鬆。再加上店員笑容甜美有禮,好用心為客人服務,例如安排座位既時候會有比客人選擇既機會,亦會為顧客介紹菜單。環境舒適不突止, 配上音樂柔情,二人撐枱腳一流。(爸爸話呢一到絕對係情侶/夫妻共膳既好地方)而可惜今日同佢食既係我,佢個囡HAHA,上世情人都講得通既~今晚爸爸選擇左$188美國安格斯西冷牛扒+ $36配兩隻焗鮮蠔+$40飲生啤(1664)而我就叫左$118 鮮蝦球意粉+凍奶茶先係頭盤沙律, 大讚沙律係配醋而非沙律醬,食材新鮮無論係沙律菜定車厘茄。羅宋湯足料超香,份量大,晚膳完同店員傾計先知道原來個羅宋湯真係落足足本材料,由新鮮牛骨牛肉製成,難怪比出面飲到既更香更濃。飲羅宋湯又點少得牛油餐包呀~~值得抵讚係菜與菜之間既送餐速度非常合宜,完係係根據你食野既速度,店員默默觀察,完全唔趕時間,唔會趕客人走。唔似得好似某D扒房,食飽崔你走咁~講返個主菜先, 安格斯西冷牛扒肥瘦合宜,夠嫩而毫不柴,汁唔夠店員話可以加,但整體醬汁夠多,我

入開嚟屯門青磚圍探朋友，朋友推介村口餐廳一齊食飯，咁恭敬不如從命，我就跟埋佢去食返餐好既！估唔到呢度都幾識善用本身地方大既優點，除左室內位置外，門口旁邊仲有半露天位置，幾有情調！仲有揸車晚朋友可以泊喺旁邊既停車場，費用全免！晚上7 點幾嚟到，真係估佢唔到咁多人！ 室內位置都坐到滿滿，我朋友話鍾意佢幾部大型電視機不停播住唔同既電視台，食飯之餘可以撈埋電視汁！餐廳分左戶外同室內兩部份，主打4 人檯，都佈置得幾有心機，所以都吸引左村內外既朋友嚟食飯，點解會知？ 我見到有d踢拖嚟，有d就揸車嚟，所以應該唔難分既，haha! 相信朋友介紹得，質素都有返咁上下！餐廳主打各式扒類晚餐，除此以外仲有其他意粉。焗飯餐等選擇，選擇都算多！我哋叫左兩個晚餐食，頭盤先嚟新鮮爽口既沙律菜，有少少芝麻醬，幾開胃！跟住有蕃味十足既羅宋湯！餐湯比較'杰' 身，用料十足，味道較濃！飲羅宋湯有個熱辣辣既牛油餐包真係好重要，因為熱辣辣先可以將牛油徹底咁溶化，再點餐湯嚟食！飲完餐湯，我哋既主食都出場，我就叫左個經典美式鐵板雜扒，配上黑椒汁熱辣辣送到！賣相都幾吸引，份量唔錯！有大大條司華力腸，雞扒，牛扒，豬扒，煎蛋，一次過有

今日去屯門藍地青磚圍探朋友，接近晚餐時間離開，好友就極力推薦可以試試附近一間晚市做西餐既進達餐廳，食物質素好之餘價錢仲好抵食，環境都幾有格調，一於試下~進達餐廳戶外裝潢幾特別，不過今晚凍凍地，都係坐返入室內好D。室內環境比較昏暗，環境舒適簡潔，頗有格調。晚市套餐有多款選擇，包餐湯、沙律、主菜及餐飲，性價比極高！雜菜沙律沙律菜新鮮爽口，加入黑醋汁，酸酸甜甜，好開胃！附送的餐包熱辣辣送上枱，烘熱後十分鬆軟，又香又甜！餐湯選了賣相十分吸引的南瓜忌廉湯，味道清甜，口感軟綿幼滑，仲有絲絲南瓜蓉，夠哂足料！主菜選了美國安格斯西冷牛扒，肉質厚實，肉味濃郁，牛味馥郁，而且脂肪含量適中，頗具咬感，令人驚喜！好友選了岩鹽燒豬鞍扒，豬鞍扒煎得軟嫩多汁，口感甘腴豐香，火侯掌握得剛好，不會煎得過韌，肉質軟腍細緻，啖啖肉好有滿足感！餐飲選了菜蜜、好友則選凍檸茶。進達餐廳價錢相宜，食物質素令人滿意，值得一讚的是，餐廳會待客人完成一道菜才上下一道菜式，十分貼心，不會放到滿枱都是食物，亦可以客人慢慢享用每一道菜式，推薦情侶/一家人或一大班朋友也很適合!

曾經經過藍地見過呢間小店，見佢餐牌好似幾吸引下，今日終於同男朋友一齊試下🥰夜晚嚟到，餐廳外面用咗啲唔同色嘅燈做裝飾，店主果然用心。我同男朋友都係牛魔王，最鐘意食牛，所以分別叫咗西冷同肉眼套餐。呢度嘅上餐速度好快，唔洗等好耐就有野食喇，啱哂我呢啲心急嘅人。首先嚟嘅係沙律，沙律菜好新鮮，配上酸酸甜甜嘅沙律汁，非常開胃。之後嚟嘅係餐湯同包，我點咗羅宋湯，而男朋友點咗南瓜忌廉湯，南瓜忌廉湯個賣相非常吸引，好香忌廉味，而我嘅羅宋湯係非常足料，好滿足！主菜黎喇✌️一上枱已經嗅到好香嘅牛肉味，西冷同肉眼個賣相好靚仔，讚！我哋都叫咗5成熟，火喉啱啱好，唔會過生或過熟👍 調味亦都非常到位，呢一點係好重要，好多扒房都做唔到。大食嘅我哋仲追加咗意粉同甜薯條，意粉唔似港式餐廳咁就咁烚完上碟，呢道烚完係有加橄欖油同埋調味，唔洗點牛扒汁都好好味。最驚喜嘅係甜薯條，每條都炸到好香脆，仲要真係用好甜嘅番薯整成，呢款配菜真心推介！

今次揸車嚟到屯門一間隠世西餐廳、聽講係上午做茶餐廳下午做西餐廳～一入到黎見到環境都唔錯！揸車人士隔離已經有得免費泊車非常方便👍🏻南瓜湯南瓜湯好香好滑，食到絲絲南瓜蓉，好有口感。羅宋湯羅宋湯好重牛味（原來每日都有新鮮牛去做）👍🏻👍🏻👍🏻秒殺咁飲晒！另外麵包非常之出色，係即焗㗎，所以特別鬆軟。雜菜沙律上菜都好精緻，而且食材新鮮，爽口清甜，CP值極高👍🏻比目魚嘅dinner set 魚皮煎得好香脆魚！魚肉也好新鮮，好鮮味。同平時食嘅分別好大，一問之下，原來餐廳所有嘅海鮮都會即日喺海鮮聖地三聖邨攞貨，唔怪得咁新鮮啦👍🏻薯蓉都好好味，打到好滑身，牛油香味都好濃厚。安格斯西冷牛扒dinner set西冷扒份量十足，我估一個200磅嘅男人都可以食到飽，我朋友話脂肪好香口，牛味較重，肉質一啲都唔嚡，切開嘅時候啲肉汁，就開始流出，火喉啱啱好。今日大滿足。

呢日入開屯門，想靜靜地食餐西餐（周圍都係拉喼的），搵下搵下，就決定入藍地試下呢間叫進達既餐廳。我地坐輕鐵藍地站落車，開住google map 咁行，大約5分鐘左右就到，都算方便見到個招牌以為只係茶記既貨仔...點知都有驚喜入面環境唔算光，簡單的裝飾都幾有feel餐牌:我揀左羊西冷同牛西冷佢個餐包會加熱先，好欣賞個set dinner 包沙律餐湯餐包同飲品，呢個價錢都真心唔貴我呢個羊西冷係鐵板上，個羊入口唔算太so，我接受到，都幾好味呢個係牛西冷，都幾大塊只係薯菜略微少左點。食完已經好滿足如果你想靜靜地傾下計，呢度可能係你幾好的選擇

不得不說屯門區真的好大，今晚來到首次踏足的青磚圍，吃西餐！在青磚圍找到西餐餐廳地方很寬闊住在屯門區的街坊，又一隱世西餐可選擇Dinner setSecret menu到底是甚麼secret呢有時太懶惰，不想特地出去市中心覓食，晚市外賣自取也好方便麻醬沙律很清新呢，加上雞肉絲很夾開胃。餐湯餐包好大份比目魚柳煎得好香，魚肉嫩滑，新鮮彈牙配上蕃薯蓉外皮香脆，魚肉又滑又彈份量超豐富！大大隻帶子大大隻青口！啖啖海鮮！包括蜆肉等等，非常豐富呢餐廳免加一服務費，抵食滿足的晚餐！

除左藍地大街，原來屯子圍戈邊的有好野食。茶餐廳門牌加西式佈置。 不過環境其實都舒適。如果帶狗狗或食煙仲可以出面坐添。中意佢地睇住大家食完一樣野，先上另一樣。可以慢慢食。慢慢傾。 沙律份量都好大份。中意個是日例湯呀。係三文魚薯仔湯。唔算勁creamy岩岩好呀。個魚真心好出色。個皮剛剛好脆。魚肉唔腥。好滑。而個檸檬忌廉汁真係岩岩好呀。非常襯個魚，好開胃。薯仔清清地。個份量岩岩好❤️❤️❤️❤️個牛扒無落到鬆肉粉既質地。好實在。好中意多菜既薯菜呀❤️

難得放假入黎屯門黃金海岸行下，夜晚諗住食翻餐好西。見到呢間餐廳燈光又幾浪漫，仲要有聖誕set，於是諗住try try佢！我地叫咗佢聖誕限定嘅dinner set，main course 係比目魚同火雞！首先上嘅頭盤係柚子骨，酸酸甜甜咁好開胃醒神！而且好香口！之後係三文魚沙律，蔬菜好新鮮，三文魚亦好鮮甜。另外，佢個餐湯好特別，羅宋湯裝咗係麵包入面，飲湯之餘食一啖吸晒湯嘅麵包，好過癮之後就到真正主角比目魚同火雞喇！比目魚好鮮甜，煎得香口而且好入味，仲不失佢本新魚嘅鮮味。而火雞切到一片片易入口，較淋身，而且醬汁好濃郁，好正！因為係聖誕餐嘅關係，仲送咗兩隻扇貝俾我地！太大隻啖啖肉！二百零蚊可以食到一餐咁高質嘅晚餐，真係超抵！

今日去咗屯門藍地喺村入面嘅一間西餐廳扒房，餐廳外面有少少聖誕節嘅裝飾，例如閃燈嘅樹，大大個維他奶嘅招牌寫住進達餐廳，睇落去真係唔似一間扒房，但係唔好俾佢嘅表面欺騙到呀，佢係夜晚真係一間扒房嚟㗎！聽人講呢一間扒房抵食夾大件，等我一於嚟試吓佢嘅風味先啦！室內嘅環境都係偏暗嘅，每張枱上面都有一棧燈，同情侶嚟到就好似食緊燭光晚餐咁！我哋兩個人分別叫咗紐西蘭肉眼扒加配2隻焗蠔，同埋美國安格斯西冷牛扒，每一份扒都會包埋一份沙律同埋一碗湯，仲有一個餐包同埋一杯餐飲，係非常之抵食嘅扒餐！跟餐沙律：是日餐湯係雜菌忌廉湯，飲起上嚟每一啖都充滿着雜菌，不過羅宋湯就有少少偏辣！最令我哋驚喜嘅就係最平凡嘅餐包，因為佢係熱辣辣而且非常之鬆軟，搽埋牛油食真係所向無敵！餐湯及餐包：每個人都可以按自己嘅喜好另外喺個扒餐上面加配唔同嘅海鮮。咁樣就可以享用一個獨一無二專屬你嘅扒餐啦！佢呢度嘅扒份量一啲都唔欺場，而且配菜並唔係一般扒房煮得好生嘅甘筍同豆角，而係已經入口好好食嘅菠菜！按自己嘅需要仲可以另外加配飯、意粉或者係薯條，我哋就點左一客甜薯薯條，熱辣辣吹卜卜都好好食呀！美國安格斯西冷牛扒配焗蠔：紐西蘭肉眼扒：甜薯薯條：餐

老公公司附近有間西餐廳，接完老公收工就過去格離西餐廳食晚飯，餐廳格離有車場，如果係餐廳食晚飯會有免費泊車，非常方便。餐廳有室外同室外，我們到達，已經沒有室外位置，最後我們坐室內。來到西餐廳當然要食扒，我同老公每人點了一份。先來三文魚忌廉湯，三文魚忌廉湯加了茄膏，令到湯沒有腥味，味道有點像羅宋湯。甜餐包，熱辣辣沙律紐西蘭肉眼扒（$188）+$10配意粉（蒜蓉汁）點了7成熟，熟過龍，肉眼扒都非常大塊。美國安格斯西冷牛扒（$188）+10配飯（黑椒汁）點了5成熟，最欣賞的是黑椒汁，夠辣夠香辣味薯角（$28）炸得金黃香脆，唔太辣，小朋友都食到凍咖啡&熱阿華田

連鎖式西餐廳現時已攻陷了香港，到處也是吃同款同味食物，有特式而且與別不同的餐廳愈來愈少。經朋友介紹知道屯門村內有間西餐廳氣氛不俗，價錢亦相當親民，多興幸還有小店在競爭激烈的飲食業堅持不懈，所以媽媽與我便身體力行前住餐廳支持，希望丁點兒的鼓勵也能感受到大約晚上8點到達，可見餐廳外的燈飾亮起，確實為黑漆漆的村落增添了一份色彩，同時亦成為了餐廳特色之一餐廳每一檯都放有不同顏色的檯燈，亦準備了水壺、杯、餐具及餐牌歡迎客人到來，在這顏色的襯托下有酒吧的感覺再看看周遭環境，餐廳為切合圍村需要，以半開放式設計，分室內與室外，室外的小空間坐位舒適，燈光充足，方便吸煙及愛狗之人光顧，這種貼近大自然的西餐廳佈局，我想只有村內才可體會到。圍村的生活往往與寵物離不開，所以餐廳設戶外坐位彷如是必然的事，而居住在附近村民狗隻亦可能在餐廳外徘徊，但服務員很貼心地不時到戶外密切留意狗隻，以免影響食客餐廳除了提供餐牌外還有電視屏幕介紹廚師推介及新菜式等。感到意外地普遍西餐廳都未必供應之威靈頓牛柳竟在此可品嚐，服務員稱這是新菜式而且只在星期五及週末提供，只見千載難逢的機會當然不想錯過，我倆決定點選威靈頓牛柳及意大利飯餐沙

日日放工最煩嘅，就係同朋友諗今晚去邊度食。咁啱朋友今日有揸車，咁一於去啲平時少去啲嘅地方啦。佢話聽人講，屯門有一間西餐，環境唔錯，咁一於嚟試吓啦。一去到就見到，呢度嘅燈飾好靚，不過今日好凍，都係坐返喺餐廳入面啦。呢個黑松露忌廉湯十分好味，一食落口就有好香嘅黑松露味，而且唔會太滯，岩岩好。而朋友叫嘅羅宋湯都好足料，入面有菜有蘿蔔有牛肉，酸酸地辣辣地，飲完夠晒開胃呀。我叫咗個肉眼扒，五成熟，配薯菜。牛扒烹調嘅時間啱啱好，唔會太硬又唔會太稔。襯埋啲黑椒汁，簡直係絕配呀。我平時食牛扒最怕就係咬唔爛，呢塊牛扒絕對唔會有呢個問題呀。而朋友就叫咗個東星班魚柳，我試咗一啖，啲魚好香好滑，搞到我忍唔住再偷食多幾啖呀。呢間餐廳的確係環境靚，氣氛好，而且嘢食又抵食。百零蚊有湯，有沙律🥗，有飽，有主菜，有嘢飲，出面真係搵唔到呀。下次再揸車嘅時候，就要再嚟食啦。

之前聽朋友介紹位於兆康嘅隱世西餐廳，所以決定再帶朋友去試吓😍原來餐廳岩岩轉左新菜單，所以我哋決定要試吓新野🤘🏻我地分別叫左肉眼扒同雜扒🥰首先介紹嘅當然係三文魚忌廉湯，好濃郁好好飲，唔會話好重味精！超正！餐包送到上嚟熱熱地，配埋牛油食就一流啦💙而沙律菜都好新鮮，我個人來講幾鍾意食睇相都可以見到我哋嘅重頭戲有幾大碟，雜扒真係好多嘢食，有一隻雞蛋一條好大嘅司華力腸，仲有好多快唔同嘅扒！一個餐可以試齊咁多唔同嘢食真係好掋🤔而我嘅肉眼扒七成熟剛剛好，好多肉汁肉質亦都好鬆軟，超好食💚朋友加配左個意粉，男仔食就剛剛好啦😃環境比較靜，適合朋友或者情侶嚟傾下心事聚會下🖖🏻下次有機會應該會帶屋企人去

想係屯門慶祝紀念日，朋友話泥圍果頭開左間西餐廳，就黎試下本身見佢地址係藍地，但開google map 教泥圍lrt station 行去更方便👍🏻餐廳入夜後周圍都見有燈，有小小情調，同埋好多拍車位，所以7點幾都開始好多家庭客黎dinner set 主要分肉類同carbohydrates 類我要左鐵板紅酒焗牛肋條因為燈光問題唔係好影到，不過我想講，好好味！牛肉好juicy 好入味，有成6~7件，同埋配菜都好多，好滿足男朋友叫左雜扒，好抵食咁咩都有d蛋，司華力腸，雞扒，豬扒，雜菜，多到鐵板好似裝唔晒餐湯好ok, 足料同埋係standard 港式扒房味，勁蕃茄沙律有d 酸，不過菜都新鮮既周圍好多貓貓，差d 以為係貓貓cafe, 心情大好估唔到屯門都有咁好既港式扒房，下次想試豬鞍同埋龍蝦