進達餐廳

Open Now

Now Closed

一開始係聽朋友介紹屯門有間幾好食嘅隱世西餐廳，咁啱有日去屯門就過咗去試。雖然佢位置比較偏僻，但係附近有輕鐵站，行過去都只係5分鐘。入到去燈光昏暗，幾有格調，枱之間嘅距離都幾疏，唔會太有壓迫感。餐廳嘅環境幾好，就算係廁所都好乾淨。因為個日比較多人叫聖誕套餐，我同朋友唔想等太耐先開餐，所以我地根據店員推介叫咗兩個dinner set，分別係西班牙烤豬肋骨同美國安格斯西冷牛扒，仲有額外叫多個南瓜餅。首先嚟嘅係田園沙律，啲菜好新鮮好靚，食落口唔會好似出面賣嘅沙律菜咁有陣苦澀味。另外沙津個醬係醋嚟，酸嘅程度啱啱好，開落特別開胃。之後就上咗個南瓜餅，外表炸到金黃色，非常香口。入面嘅南瓜蓉香濃幼滑，仲要有好多添！個牛扒我地叫咗五成熟，而實際上佢拎出嚟真係五成熟，唔會好似其他餐廳咁五成變七成。至於個汁我地就係簡咗蒜蓉汁，我地都覺得個汁同塊排好配。唯一美中不足嘅就係唔夠熱，因為我同朋友食得好慢，所以令塊排凍咗少少，搞到冇咁香，但係整過嚟講個牛排係好食嘅。個豬肋骨我地係叫咗半份，上到嚟都有四排，唔會話好少。個豬肋骨係餐廳自己焗嘅，調味醬都係佢地自己配，真係好有心機，仲要好好食添！不過我個人鍾意重口味多啲，

為食Venus又出動la，今次係屯門搵食～咦@@有打卡位woo～店外有一排小燈樹裝飾感覺好浪漫，見到餐牌全日免加一加上有海鮮食，一於入去試下比個神秘餐牌吸引，叫一set試下頭盤係焗蟹蓋、青口同蠔隻蠔好新鮮，有陣海水味㗎羅宋湯茄味濃郁仲好多料，真材實料無加味精神秘餐牌令人期待之處就係唔知會有咩食，原來主菜係豬手拼芝士焗青龍蝦，青龍蝦成部i Phone咁大隻，啖啖肉加埋少少燒焦芝士好香口，豬手嫩滑，配醬汁食更加juicy甜品有芝士蛋糕神秘餐牌雖然由廚師發板，但有唔想要食材可以先同職員溝通朋友就叫咗個豬鞍晚餐，口感似牛柳帶點煙韌，原本豬鞍已非常入味，加上黑椒汁食落更惹味進達餐廳: 屯門藍地青磚圍311號

呢間餐廳外面望落是茶餐廳, 但一入內便是高級餐廳格調，燈光柔和有情調, 光線主要來自檯面上的檯燈，有粉紅色的, 黃色的, 白色的光在不同的檯面上，凝聚出一種舒適和諧的氣氛。臨近聖誕節，餐牌上有聖誕大餐，當中二人餐包括頭盤、沙律、西湯、還有不同種類的主菜，可選蜜糖芥末豬手、西班牙豬肋骨、紐西蘭肉眼扒、寶雲酥焗羊架、美國安格斯西冷扒、比目魚扒、原隻芝士焗青龍蟹、原隻芝士焗琵琶蝦、卡邦尼意粉、鮮茄大蝦意粉，而聖誕禮遇可選青口、北海道扇貝、豚肉串燒、大海蝦或時令海鮮。 頭盤是芝麻八爪魚配柚子骨，配有中華海帶和沙律菜，八爪魚爽口彈牙，柚子骨有濃濃的柚子味，酸甜又開胃，沙律是黑醋配煙三文魚沙律，黑醋有益健康又好味。金磚羅宋湯是用麵包作為盛載熱湯的器皿，麵包外皮是脆的，材料豐富有好多紅蘿白和牛腩，濃湯滲入麵包裏面與麵包一起吃好有飽足感，外型特別狀似金鏄呢! 主菜就揀咗西班牙豬肋骨同埋比目魚扒，豬肋骨的醬汁也是酸酸甜甜的，燒出來的色澤好吸引，伴有香脆的炸薯角非常可口。比目魚扒夠新鮮，咬落啖啖肉份量足，伴有椰菜花和粟米。 大虎蝦不是日日有貨，剛好今天有便選了，真係有手掌咁大隻，而且食得出是海蝦，新鮮正料

同朋友出開去屯門聽人介紹依間餐廳好似唔錯咁咁就去試下喇雖然地點有啲遠同偏但完全係值回票價啲員工好nice可能係圍村人而且間餐廳比人嘅感覺好似家庭式經營感覺上和諧聽啲員工講佢地餐廳日頭同夜晚嘅形式係唔同嘅日頭係普通茶餐廳比較中式啲夜晚就係西式 扒房咁樣咁樣嘅形式經營左個零兩個禮拜咁同埋聽到佢地講佢地都會做外賣到會感覺上幾吸引咁食嘅過程員工都會好關心啲客人嘅意見我諗佢地想做得更加好而且有時好奇某啲菜色佢地都好樂意解答我地舖頭環境都幾大下乾淨企理位置都幾多咁我同朋友就坐左係出面啲位到出面嘅周圍環境雖則拍左唔少車但睇到唔少靚景而且餐廳環境燈光有啲暗但有啲燈閃下閃下幾有氣氛依個氣氛加上撞岩時間去食睇住日落食飯簡單係靚到絕呀咁睇左份menu一陣仔咁我就同朋友叫左個Christmas 聖誕二人套餐頭盤芝麻八瓜魚及柚子骨頭盤一黎到見到份量都幾大芝麻八瓜魚好大隻呀 同平時食開個啲芝麻八瓜魚差唔多但個頭盤最正係個柚子骨個柚子骨係用一字骨去整嘅柚子骨食落好清新 仲好醒胃食完第一啖你會覺得出奇地夾仲要柚子味夠出但唔會搶哂啲肉嘅味道沙律黑醋煙三文魚沙律酸酸甜甜嘅黑醋好醒胃成碟沙律都好大碟湯金磚羅宋湯佢一上菜個陣

12月臨近聖誕節，難得放假，諗住做柴可夫司機，帶屋企人遊下車河，順便食聖誕大餐。 朋友推介話屯門有一間隱世西餐廳， 今日一於帶屋企人去試一試。進達餐廳喺屯門藍地， 有免費泊車位提供。 可以揀坐室外， 周圍都有燈飾佈置，好有聖誕氣氛。Dinner set跟湯係三文魚湯， 入口好creamy， 而且食到有粒粒三文魚， 味道香滑濃郁。法式三支骨羊架 $178羊架大大隻😎👍 大約有七成熟，剛剛烤到表面微焦，内裏肉質幼嫩，羊羶味唔重，肉汁豐富。配合胡椒同香草，更加突顯羊肉的香味。岩鹽燒豬鞍扒 南非琵琶蝦 $198豬鞍扒肉質軟腍鬆化，肥瘦適中。配岩鹽燒得香口，肉味幾濃。當日餐廳冇哂琵琶蝦，老板好熱心問介不介意轉龍蝦，當然不介意喇😂😂😍😋 龍蝦蝦身肥厚多肉，鮮味彈牙。配上半融既芝士，真是十分惹味。黄金焗蠔 $98蠔肉大隻又鮮甜，配合香濃脆口的金蒜，半打完全唔夠喉。😋真係好在有朋友推介，先可以發掘到屯門呢一間咁高質既隱世西餐廳。😍👍

聽車友推介，有間低調有質素西餐廳，遊車河經過順便試下。臨近聖誕節食返個聖誕大餐~餐廳幾有情調，原來佢哋日頭係茶記，夜晚就會變身好chill既bar & lounge.前菜：柚子骨味清新 + 芝麻八爪魚大大隻 + 中華沙津湯：金磚羅宋湯，湯一到聞到好濃好香牛肉味！原來金磚意思係麵包磚裝住啲湯，包邊烘得乾脆。湯入面有牛肉粒一食就知係靚貨，精華所在。主菜：蜜糖芥末豬手，極度推介！成隻豬手好大份，就咁食一啖豬手會食到蜜糖甜。 點一點蜜糖芥末醬再食，中和咗甜又食出芥末味。最後再加上酸菜一齊食，食落清清地覺得啱啱好。 一道主菜三種食法同三種味道。主菜： 寶雲酥羊架，羊架表面有一層“草”，問返店員先知原來係羅勒葉加寶雲酥加麵包碎牛油加啲調味料炒過再烘乾，脆脆地，肉加香料配合得好好，羊肉有羊味而唔羶。甜品：自家制 brownies，好濃好重朱古力味，為聖誕大餐劃上個完滿句號。店主好親切，會主動介紹每一道菜同食法，見佢得閒就去唔同枱同食客傾計，係一個用心對待食客的做法，人情味為進達餐廳添加唔少分數呢！

聽朋友推薦屯門有間隱世扒房，以前是茶餐廳現在轉型西式餐廳，價錢便宜、食物豐富、性價比極高，假日即帶同嫲嫲去試一下。雖然地址是藍地，但建議大家在泥圍輕鐵站下車，往藍地方向走幾分鐘看到油站轉右，再往里走幾分鐘即到，沿路輕鬆舒服。而藍地下車的話需要轉入小巷，跟住GPS達人左穿右插才能找到。店面感覺及店內裝潢比較普通，燈光也較昏暗。不過環境乾淨，座位也舒適。焗海鮮蠔 (半打)蒜蓉爆香後滿滿灑上生蠔面再燒烤，蒜香味濃郁，生蠔每隻完整鮮嫩，入口水潤，味道鮮甜不腥。CHRISTMAS 聖誕二人套餐頭盤時令海鮮拼焗蟹蓋沙津黑醋三文魚沙律蜜糖芥末豬手聖誕獨家推出, 與其他店舖的脆皮豬手不同，豬手外皮煙韌有彈性，入口軟滑富膠質，豬手肉質結實，點上蜜糖芥末醬，配搭合適。比目魚扒魚皮微脆焦黃色，魚肉肉質油潤香滑幼嫩，紋理清晰，滲出濃厚魚油香，配上沙律醬，惹味十足。北海道扇貝拼南瓜餅南瓜餅外脆內軟心南瓜蓉，南瓜蓉入口柔滑，南瓜味香濃。甜品整體而言，一個餐竟包括頭盤、沙律、湯、餐包、主菜、伴菜、飲品及甜品，每款質素不錯，份量也適中，是真的十分便宜。

係外賣APPS叫左呢間野外賣，發現漏左個飯，咪打電話去餐廳問，阿姐話補送返個飯來我度，之後有外賣佬打電話來，叫我落樓下收，我話我叫外賣送上門，點解要落去收，佢話我唔落去收即係唔需要個飯啦就cut 線，我再打去餐廳問，阿姐就比個電話另一位阿姐聽，呢位阿姐好惡呀，話我叫外賣唔落街拎係我問題，仲話外賣APPS 會送上門咩，我話係呀，係送上門呀，如果我方便落街拎就唔使叫外賣上門啦，之後佢話退款要我自己搵APPS 傾，唔係佢問題。總括來講， 野食就普通啦，職員就個個都惡，街坊生意都做到咁，同埋唔知APPS 係咩就唔好join 啦。

外賣個靚仔有我電話又五打，系我屋企樓下行黎行去行左5分鐘，五系我屋企人見到我都五知，之後都算，一打開盒星州炒米，凍既，冇味既，凍奶茶多奶變左凍檸茶，乜野事呀間餐廳，想點？

態度差到不得了 自己落錯單就賴係客既問題！！！不知所謂！以前食物 態度各方面都好好 自從有收銀個阿姐黎左之後！態度差到以後唔想再叫外賣 如非必要都唔會食！🌚🌚🌚🌚🌚🌚🌚

因工作關係，一人在籃地貨櫃場地午餐，附近只找到一間茶餐廳，肚仔餓啦～ 別無選擇地入左去享用午餐室外環境舒適店內坐滿食客，大多食客應是在附近工作嘅工人例湯係任飲嘅～ 湯料足，味道可以，喝了不嗆喉，但不求熱午餐價錢也可接受C餐份量好慷慨，味道剛好，很有鑊氣，河粉熱辣辣很香很滑，肉片也不鞋口，配菜也足，正

幾乎每一天都在這裡食早餐，廣東早餐不外乎沙嗲牛，榨菜肉絲湯麵，牛奶麥皮，扒類早餐 等等。今天我改變一下習慣，來一個腸粉。話雖腸粉不是餐廳自製, 但蒸的時間也需留意. 坊間很多都蒸得過時, 太軟,太爛. 此腸粉熱辣辣,保持彈牙口感. 甜醬比坊間好味，一問之下，原來是餐廳老闆自行調較過味道，甜中帶南乳香, 更滋味更上腦!