C1 Café Bistro (Closed)

C1第一篇食評，是我寫。今次再來？因為，自那次光顧後，C1便成為我和Honey的｢賣飛佛｣！ENCORE…雖然有Lunch Set ，有餐包、餐湯、主菜和餐飲…只售$68起，相當相宜！但是，Honey話散點。Honey選了C1 Burger。好大份！三層包，烘烤香脆。中間有生菜、芝士、蘑菇、煙肉和厚厚的漢堡牛肉。材料非常豐富！每樣材料都新鮮，而且用心烹制：生菜爽脆、蘑菇用牛油炒、煙肉煎脆…漢堡牛肉厚重、鬆化而肉味濃。賣相和味道同樣佳！女人，當然選甜品啦。C1令我常｢返嚼｣，Pan Cake 是主要原因！Pan Cake鬆軟，配酸咪咪的士多啤梨醬，還有新鮮士多啤梨和藍莓，更有雪糕！暖、冷、甜、酸…層次多！令我吃Pan Cake，少不得配咖啡。我點香橙Iced Moccha。濃濃的咖啡，如飲凍朱古力，香滑，不太甜。是上佳的｢飯後甜品｣

環境舒適幽雅 服務員有禮有效率食物方面我就簡左蓝芝士虎虾寛條面精髓一定係blue cheese 浴埋係寛條面簡直係 perfect match 口感十分豐富, 虎虾香煎後亦相當入味 老豆就食比目魚 佢既結論係prefer我個pasta多d 魚算整得淋 但未必適合重口味人士如我地

對佐敦區嘅cafe一向都印象不錯, 而呢間C1 Cafe環境同樣舒適, 適合同朋友一邊談天、一邊享受精緻美食。各人先黎一杯飲品, 冰凍蜜桃茶感覺非常清新天然, 解渴, 而且仲真材實料, 跟鮮蜜桃、椰果一同享用, 非常適合夏日品嚐。而意式即磨咖啡香味極濃, 配上熱騰騰嘅鮮奶, 極具誠意。我地所叫嘅Set Dinner除左附屬餐飲之外, 亦跟隨一客餐湯: 龍蝦湯質地濃稠, 入口頗有層次, 而且蝦味濃郁, 感覺不錯。接著有香煎虎蝦沙律檸檬醋汁: 虎蝦煎過之後, 味道香盛, 而蝦肉質感彈性, 配上酸酸既檸檬醋汁, 令沙津菜及蝦肉味道更勝一籌。主菜時間, 芝士菠菜忌廉汁扁意大利粉: 芝士汁質感唔會太稠, 但味道仍然足夠。彈牙嘅意粉、菠菜及香茹跟忌廉汁非常合拍, 即使份量再大, 我地亦可以輕鬆應付!另外再叫左一份BBQ醬燒豬肋骨: 豬肋骨肉厚, 亦都鬆軟易嘴饞, BBQ醬亦都調較得出色, 味道唔會太濃。粗身嘅炸薯條亦好好食, 唔會太乾身!最後有一客焦糖果仁斑戟配雲呢拿雪糕。果仁脆口, 斑戟鬆軟易入口, 雪糕塗抹於斑戟上吃, 三位一體, 滋味非常。

同屋企人黎開佐敦誤打誤撞黎左依間食野點左個Dinner set: $248 黎試講下包括啲咩野食先香煎虎蝦沙律檸檬醋汁煎過既蝦好香，唔算得上十分新鮮，但蝦肉仍然有彈性～配上酸酸既檸檬醋汁令蝦既鮮味更加出。龍蝦湯好濃無溝水。送上時仍然熱辣辣～香煎比目魚配紅甜椒蓉 賣相唔錯，已經加左分！魚皮脆薄，魚肉又嫩又juicy. 碟上紅色既係紅甜椒蓉，可以同魚一齊食，令魚肉多一點調味～伴菜有薯角同車厘茄，薯角炸得剛好，車厘茄夠甜。紅米黑車厘子忌廉卷 紅色既忌廉卷幾特別～ 入面卷住忌廉同黑車厘子啫喱，岩晒唔鍾意太多忌廉既我～外層蛋糕就加左有咬感既紅米。荔枝茶 （跟餐+$15）唔太甜，岩我。入面有荔枝肉，亦有士多啤梨，令個感覺好fresh~另叫：藍芝士虎蝦寬條麵 $128未送到已經聞到好香，到食落口個種濃烈既藍芝士味真係令我講出口：「好食呀～」 芝士控必食！太濃的話可以連同伴菜既小青草一齊食，調和一下～屋企人好少食西餐佢地食完都話唔錯，好彩無帶錯佢地黎依度

尋晚朋友約左我去呢間同我食生日飯🙆嘻嘻嘻～。。👄藍芝士虎蝦闊條件 $128。👉🏻我第一次食闊條麵/意粉真係會一舊舊既芝士喺入面！藍芝士好香令成碟闊條麵變得好濃味！大蝦煎得好香，蝦肉唔會梅～蘑菇份量都算多，岩晒我～。BBQ醬燒豬肋骨 $178。👉🏻呢個比我想像中大份同多肉，食到我好飽haha~因為有BBQ醬，所以呢碟都係重口味菜色～同碟仲有蒜鹽薯條，薯條炸得唔會太乾身，正！👄香蕉朱古力pancake雪糕 $68。👉🏻好邪惡呀！好多好多朱古力醬🙈🍫上枱時仲係熱架～pancake又係好重朱古力味！每塊之間亦夾住朱古力醬同香蕉🍌 頂層仲有棉花糖tim! 。。真係幾heavy下，但我食晒嚕🙊。。👄紅莓茶 $36。👉🏻有紅莓汁但怕太甜所以叫紅莓茶～果然好好多～入面有椰果肉同紅莓～果茶味道淡d,中和返成餐既重口味😆哈！

約咗朋友早到咗，行完突破書室唔想再周圍行，見對面有間Cafe,就入去坐底飲杯嘢打發時間。芒果班戟下午茶班戟鬆軟，配上新鮮芒果汁和果肉，食落很清爽，平時會伴一團鮮忌廉，這裡是一嚿綿花糖又幾特別…有頭，士多啤梨配雲呢拿雪榚，I'm loving it檸茶用Lipton茶包👌，蜜桃茶夠香唔多冰，茶裡有蜜桃和椰果，還有粒士多啤梨…靚靚又足料

做完野好遲先有得食晏，約大口仔去佐敦食個lunch/tea~蟹肉長通粉 ($88)蟹肉唔係是但一條蟹柳，係由蟹拆出嚟嘅，因為食食吓有啲蟹殼，而且蟹肉份量非常多；白汁濃度適中，香味好濃郁；長通粉煙韌彈牙，沾滿蟹肉、磨菇、洋蔥粒及蒜粒，非常惹味，食到冇停口。$88一個下午茶餐看似唔平，但真係每食一啖都會覺得係抵😋Mocha (+$12)拉花好靚，係落咗朱古力粉先拉嘅；咖啡及朱古力味都非常平均，整體唔甜，反而各有咖啡嘅澀及朱古力嘅微甜，尤其是同大口仔一路傾心事一路飲，更加覺得呢杯mocha好有似心情一樣.... 越飲越覺得係徘徊在似苦又甜之間.... 😥抹茶紅豆班戟配雪糕 ($68)其實食完個長通粉都真係幾飽，不過為咗獎勵自己尋晚做咗件偉大嘅事，幾飽都要食埋個班戟！非常大碟，有三大件青bb嘅抹茶班戟，上面鋪滿紅豆，再加一粒BBQ之寶-棉花糖，旁邊有士多啤梨及藍莓點綴；抹茶班戟有淡淡嘅抹茶味道，上面嘅紅豆甜度適中，粒粒分明有口感；切開三層班戟後，原來每層之間都再夾咗紅豆㗎，又紅又綠好似聖誕樹咁開心，又好味😋 食完人都開心晒！但建議如果share食會更好，因為連我最後都食唔晒，要逼大口仔包底蜜桃

無意中發現佐敦地舖有間Cafe, 平日夜晚比較旺, 幾乎坐滿哂...今次就同朋友去一試~雖然Cafe開設於地舖, 但價錢未至於太貴, 環境舒適, 無限時交檯...食物款式都算多, 而且更有幾款素食照顧到素食朋友~------------------------------【煙三文魚菠菜扁意大利粉】HK$108意大利粉非常juicy, 好多汁...意粉軟硬適中, 有口感~~ 煙三文魚被拼成花既形狀, 賣相唔錯之餘, 原來都有5,6塊煙三文魚~ 另外更有菠菜同蘑菇, 真係啖啖都可以食到菠菜, 好健康呢~------------------------------【煙肉蘑菇扁意大利粉】HK$98呢個意粉同樣都好juicy, 煙肉蘑菇份量幾多, 上面再有少許芝士粉~ 好飽肚...------------------------------【法式焦糖燉蛋】HK$48超正既焦糖燉蛋, 上面有厚厚既焦糖, 食既時候要用匙羮敲碎上層焦糖先食到入面既燉蛋燉蛋既蛋味好濃,好香....一試難忘, 下次定必Encorn!!!

1️⃣芝士煙肉炸薯條 $68芝士味吾算好濃，整體食落有熱浪味2️⃣蜜糖柚子雞翼 $78柚子味幾濃，又吾會好苦👍🏻皮又脆口，甜甜地幾好食3️⃣ tiramisu雪糕蜜糖吐司吐司咬落有d硬，但硬得黎又脆口，本身有蜜糖味，甜甜地👍🏻上面仲有雪糕添4️⃣煙肉配炒蛋班戟 $78鹹食既班戟🙊上面既炒蛋好嫩，食落好香👍🏻班戟夠鬆軟，配蛋一齊食，個味都幾夾5️⃣ 香蕉朱古力班戟 $68成舊黑漆漆😂原來係好多既朱古力醬🙊入面係朱古力戟同真。香蕉🍌外面朱古力醬，友人A話好甜，友人B話少甜，我就覺得還可接受😈但我就中意炒蛋個個多d

星期六下午同朋友一齊食飯聚舊，1點半到黎到，唔洗等位，環境都算寧靜。午餐選擇都好多，有6款揀，價錢由58蚊到118不等，每個餐都有餐包，餐湯，主菜同餐飲。餐包好鬆軟，湯有分蕃茄湯同埋忌廉湯，前者蕃茄味好重，好好味。鮮魷魚蘑菇意大利飯:意大利飯細細粒好軟身，食落煙煙靭靭而且好Creamy，蘑菇同魷魚都好多，芝士味唔算濃，味道不錯。粟米蜆肉意大利粉:意大利粉既生熟度剛剛好，材料除左粟米蜆肉之外仲有好多蘑菇，好足料，個汁煮得非常入味，份量都幾多下。食完主菜之後餐飲揀左要熱咖啡，味道香濃，值得一試。

佐敦一帶屬於舊社區，要尋找一間高質素的西餐廳，實在有點難度。這晚卻讓我轉角遇上了它 — C1 Cafe Bistro。不得不說⋯這西餐廳是與佐敦有點格格不入，大大的落地玻璃，給人格外光明寛敞舒適的感覺。推開玻璃門走進去，左邊擺放了一個玻璃櫃，井然地陳列着一個個的咖啡壺、茶壺和茶杯，為這餐廳增添了一份高貴美感。而正前方即擺放着一塊巨型餐牌⋯⋯我見這餐牌有這麼多選擇，又有我喜歡的意大利粉和班戟，決定一試。原來除了平時的餐牌外，他還有晚餐套餐⋯⋯我和友人點了一份晚餐，要了龍蝦湯和比目魚，另外再點了一份藍芝士虎蝦闊條麵一起分享。5分鐘不等，店員便為我們端上晚餐的前菜—虎蝦沙律。雖然虎蝦不能算得上是新鮮，但勝在大廚烹調的時間剛剛好，蝦肉還是挺有彈性的。至於那沙律，就正正常常吧，沒有什麼特別出眾之處。龍蝦湯 — 龍蝦味確實濃郁，可是個人認為這湯太稠，稠得有點像中菜裏的茨汁。此外，我也不太喜歡龍蝦湯的一點點澀味。傳來陣陣的芝士香⋯⋯這是我滿心期待的藍芝士虎蝦闊條麵！（真的很香）我急不及待地捲了一口藍芝士闊條麵放入口中。闊條麵不是自家製的，所以沒有蛋香，也沒有新鮮意大利粉的煙韌。可是，掛上了藍芝士汁的

下午茶由230起 包餐湯/飮品一杯。露荀鮮蝦意大利飮$78白色的意大利飯 不錯哦!大蝦4隻爽口彈牙 ，無蝦腸。意大利飯細粒軟身，帶小煙靭，不是傳統做法 但味道不錯。露荀好新鮮，而且量多 ，感覺健康，但整體飯的份量較小。可能因為下午茶的關係吧 。

近佐敦有間意式咖啡店環境賣相幾好入左去試下叫左煙肉蘑菇汁扁意大利粉芝士味就冇咩，但係好大陣忌廉味我個人很喜歡日式洋蔥牛肉後切多士日式醬汁加上西式配菜特出血牛肉的鮮味可惜牛肉質感一般但是整體感覺幾新鮮最後叫左個荔枝生果茶鮮甜的荔枝味， 甜度適中加上椰果非常有口感環境裝修得好靚感覺好休閒

位於佐敦附近的C1 Café Bistro，是一間新的Cafe！昨天是考試前一天，媽媽捉了我去佐敦山長水遠睇醫生。上網看到餐廳有不小班戟，作為班戟控，因此順便一來！餐牌的食物種類不少，但原來已和早前其他食家影的餐牌不一樣了。誰說班戟 一定是甜的?我點了一個咸煙肉炒蛋班戟$78高炒影下去， 不錯的貌相包括炒蛋 煙肉 沙律菜 和 班戟三大塊！煙肉不過咸，但帶有點過肥，炒蛋量多，蛋味足夠。Pancake為薄身， 外表像M記的早餐， 但絕對較好吃！煙煙靭靭帶小咬口， 內裡非實心硬kuku又非空心吃不飽 的班戟，好推介！更推介楓蜜糖醬！極度稠身，甜度不高， 但蜜糖味濃 ，推介哦！

連續3日公眾假期來到最後一日，和妹二人到尖沙咀逛街，2PM都未吃飯，就走到佐敦附近找一間CAFE吃下午茶 以前我很喜歡『合一咖啡屋』，貪其價錢合理，食物質素也不錯，想不到它換了一間裝修新穎的咖啡室"C1 Cafe Bistro"，就試試吧！Lunch set價錢由$ 58-118，有跟餐包，餐湯和飲品。餐包鬆軟，而是日的蜆肉忌廉湯味道正正常常，沒甚特別，但蜆肉很多，頗為足料。我們加了$12，升級了一杯ORANGE MOCHA。很快就送上ORANGE MOCHA，咖啡有簡單拉花，邊上有一塊橙皮作點綴，聞落不算太香，但飲落橙味都算香和濃郁，唯一略微咖啡味不夠濃。主菜我們點了巴馬火腿意大利飯（$88），Parma Ham有三四片之多，咸香味突出，芝士的香、蘑菇的juicy和小蕃茄的酸酸甜甜十分配合，全都恰到好處，我們很快便「消滅」整個飯也不覺濟。我們亦留肚食甜品  選擇困難症的我倆點了甜品拼盤（$88），美麗的擺碟令鄰座食客都忍不住『嘩』了出來XD ，甜品拼盤色彩繽紛，擺碟是迷人紫羅蘭花瓣，煞是吸引。甜品拼盤有三款甜品：一、焦糖碧根合桃芭菲作為焦糖控，這道甜品十分滿意，由雪糕、芭菲、c