吉豚屋吉列豬扒專門店 (Closed)

滑蛋吉列三重奏飯😍 當想念日本的食物 今晚就食好少少 FF一下😜雖然賣相有少少圖文不符 但食物都總算真材實料吉列三重奏 即係炸蝦 豬柳 同豚肉餅 炸蝦兩隻 炸粉不多 炸得香口 不油膩 豬柳 令我想起日本的漢堡味道 咬落有肉汁 加埋滑蛋一齊食 正啊！豚肉餅肉質相對較厚實 偽文青愛豬柳👍🏻🤗.飲品方面+$8 點了柑桔檸檬 只係沖劑飲品 認真麻麻 慎重建議 飲水會更好😅.三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_觀塘美食推介

越區睇戲（好少戲院播2D了，差不多半價）。7:40pm 睇戲，當然選擇食個靚先入場。少弟唔食牛，戲院旁就有呢間吉列豚肉專門店，至愛，二話不說啦。鋪內有少少油炸味，但可接受。睇見餐牌d相，大大件吉列豬扒，豬柳，大蝦。。。有選擇困難添。。。決定：吉列大蝦拼豬柳（$78）再加杯熱檸蜜（$8）有湯，有飯，有菜絲（唔似日本椰菜，口感帶點粗硬，亦冇免費添加。加菜要$9碟）。份量上冇欺場，味道亦不過不失。當然，唔應該跟好出名果間炸豬扒店相比，價錢係一開三（人地起碼$280起仲未加一）。 因為近戲院，憑票可當$8用。咁價錢，有這樣貨式，滿意。

今次第一次黎食，真心我同男朋友都覺得間野個味道好有日本feel, 好似日本平價的食店。個豚肉鍋好好食，好正，湯底夠晒濃郁，除左豚肉，個鍋有3舊雞肉、好多芽菜、洋蔥、娃娃菜，其實幾好食，如果多d豚肉就好啦！男朋友就食吉列雞扒白飯，不過我忘記左影相，炸得香口，個面屎豉湯都好吃，濃郁味。題外話：我們覺得佢好有日本味道係因為個燒汁，我們在日在食過燒汁味但唔鐘意，今次竟然食番到個味，其次係食物質素都好有日本感覺，哈哈！平價之選，值得一試！

Long Time no come la!平靚正豬排飯我又黎啦!好耐冇食過豬排飯，性價比都幾高嘅豬排飯之選啊😆呢到好闊絡座位亦不少，就算星期日lunch time時間黎都唔滿座，好易搵位。如果晚餐時間就唔清楚了。超值套餐 — 吉列咖哩豬排飯(梅)💰HKD55好大份嘅豬排飯呢！豬排肉質唔靭十分易咬，雖然唔係話肉質超好又超多肉汁果啲，但起碼炸得唔乾身👍🏻外層嘅炸粉亦唔會好厚或好油。配上微微少辣嘅咖哩汁及豬排汁(每枱都有得自己加豬排汁)，啖啖肉係懶人之選呢!呢個價錢呢個質素CP值好高😆如果唔夠呢~仲可以加多HKD5加隻炸蝦🍤我就覺得唔算太特別，但加埋都係60蚊，隨餐仲配送飲品或湯。以一個Lunch黎講算合理。如果咁仲係唔夠飽，可以加多個小食，我地另加了一個吉列黃金雙丸💰HKD28可能我已經食飽嘅關係，我覺得就係頗為普通嘅炸左嘅墨魚丸同豬肉丸，真係未見特別，不過用黎Sip下牙隙囉。好耐冇食過就會覺得特別好食！其實好想試下果啲百幾二百蚊碗豬排飯好貴果啲餐廳，但我又覺得真係太貴，所以都係慳慳地食住吉豚屋先！

放工去九龍灣行街， 行到攰就去淘大搵野食！ 見天氣有d凍，2個人打邊爐又唔可以叫太多野食，所以簡左間有打邊爐嘅日式餐廳。豚肉壽喜燒鍋定食一見到俾佢既豚肉山嚇親，不過拆開入面只係芽菜，果然係圖片只供參考又一例子，但壽喜燒既味道其實唔錯，豚肉撈埋日本生雞蛋一齊食，令人想起港式打邊爐既食法。吉烈豬柳泡菜鍋定食泡菜湯＋烏冬可以話係冇得輸既組合，建議將吉烈豬扒點埋泡菜湯一齊食，別有一番風味。猪扒煎炸得好香脆，d肉又好嫩滑。食到最後會有d辣。好在有生菜沙律，可以解下辣。

成日經過吉豚屋都見到佢個壽喜燒大廣告，一直都想試下，但次次都好多人等上個星期六晚去睇下，竟然比平日少人！等左10分鐘左右就有位！入到去梗係點壽喜燒，一共有兩款：原味同泡菜味，可以配飯或烏冬。我就叫左個原味配烏冬開頭見到啲豚肉堆到成座山，真係好興奮 但點知入面嗰啲全部都係芽菜😂 味道方面，湯底唔太咸，但淥烏冬又好入味其實配料喺呢個價錢都算幾多，又有好易入味既豆腐同菇，更加惹味$68有得食壽喜燒，加9蚊就有埋野飲。飲品種類都幾多，同埋都係啲特色飲品。今次就嗌左菊花蜜，唔太甜，又可中和壽喜燒既咸味，唔錯下次會再黎試下泡菜味！

被日式的吉列豬扒吸引住，兩個人唔需要等位，只係無靚位要坐吧枱，第一次食都無咩概念，見個咖哩豬扒鐵板都幾吸引，另外就叫左個豚肉山壽喜燒煱（大概7點半就需要排隊入坐。）咖哩豬扒鐵扒飯，不過不失，豬扒炸脆好好味，咖哩係日式果種，小小辣。豚肉山就幾得意，湯係甜甜地的壽喜燒味，豚肉山係由4-5片豚肉包住芽菜，煱邊有幾件雞肉，其他都係大蔥同旺菜，我咁岩就比較喜歡食菜，所以我覺得都ok.飲品就加左8蚊叫的，但細細杯，無特別。埋單時送左8蚊coupon, 一個月內要用，可能都用唔著，因為自己做野同住的附近都無呢間野。

每次去吉豚屋我都中意飲豚肉湯, 而且佢的晚餐價錢唔算貴, 所以都好多人去食。可能係平日未算好多人, 唔駛等位。感覺待應轉人轉得快, 因為好多唔算熟手。餐牌好少轉但都會有新推出食物, 今次就試左 : *野菜豚肉湯定食 $65*吉列炸蝦定食 $69不用10分鐘就有野食, 野菜豚肉湯定食, 最主要係有個大大碗的湯, 湯入面有好多配料, 淨飲都飽左4成。豚肉都係吉列炸過, 唔會好大件, 肉質都係滑。吉列炸蝦定食都有一碗細湯, 但食物份量就會大一點。我都食左一隻, 脆卜卜, 蝦算新鮮。兩個定食都配了椰菜, 枱面上亦有芝麻醬比你沾, 令到你無咁熱氣。個人好喜歡的椰菜, 沾上汁真係好好味 !

夜晚心思思想打邊爐，大家家和吉家家也人滿為患，九龍灣的吉屋屋卻不多人，又有新的出品未食過，無法不試。餐牌的照片吸引死人，小山般高的豬肉，口水都流埋。豚肉肥瘦均勻，堆切的真的如餐牌一樣，小山般高，但份量略嫌不足，２、３、４塊，入面全部芽菜，真正豚肉不多。烏冬彈牙，雞蛋係神來之筆，識食者一定會烏冬浸生蛋食。鍋內雖然有泡菜，不會很辣。湯底清甜。微冷夜晚，吃此火鍋，豚肉小山，視覺悅目，不過不失。

呢間吉豚屋開張時我係經常來食既，因為難得搵到間咁接近日本個陣食既質素，最近再食番呢間豬扒飯，發覺佢都仲可以keep住水準，上餐速度夠快，湯既豬肉份量亦都多左，炸蝦同炸豬扒亦都夠乾脆，唔會似香港個種炸豬扒咁，咬二下已經唔想食可惜佢既飲品都係較差，全部特飲都偏淡，要改善一下啦同埋來食既人多左，好多時間都要排隊，對店鋪來講係好事來既，只係有時唔想等，希望可以有更多分店啦，唔洗雨下下都要出旺角同九龍灣食呀

迷你吉列咖喱豬扒飯（$35), 咖喱汁香味濃郁，豬扒雖然乾身，尚算可口。滑蛋吉列豬扒飯，跟湯及熱飲，$55, 不過滑蛋份量較小，野茶豚肉湯用料非常豐富。和風滑蛋雞脾肉飯，雞俾肉可接受，勝在滑蛋夠多，才25元，非常抵食。

淘大呢條食街，雖然好多野食，不過叫我揀我永遠揀落手，唯獨是呢間吉豚屋只需快餐店嘅價錢，但食物完全唔頹，仲keep到日本個水準鐵板滑蛋吉列雞扒配烏冬，熱辣辣，雞扒又滑又多汁，雖然雞扒有醬汁同滑蛋浸住，但炸粉不會冧哂烏冬又彈牙59蚊呢個價除咗吉豚屋仲去邊度搵！食完仲有cash coupon，下次幫襯有得用，amazing！

呢間之前黎過食下午茶，感覺唔錯，又唔太貴，都幾好味，呢日星六晚黎再食，一入就有位，唔駛等，gd ! 樣樣都好吸引，決定同男友各叫唔同類既野 share食。點知野食送上既時候就出事，侍應將個盤放低果陣，成碗湯浪瀉左落我對腳度，雖然佢當下都好緊張問有無事 , 有講唔好意思，但熱湯倒落黎都會辣親同痛啦，唔知叫好采定唔好采，呢日我咁岩著短裙，就濺濕左少少，d湯岩岩浪瀉落我大脾内側，如果著長褲就仲大獲，全濕，因為我隻腳係濕曬既。另外係佢整濕左客人，雖然枱面係有紙巾供應，但都應該再俾d紙巾抹下，或者做返d 事後野啦，而且瀉到個地都濕曬，又無用地拖抹乾返。講返野食，豚肉略嫌少左d, 堆到成座山，但入面全部係芽菜黎，真正豚肉得幾塊，個蛋係神來之筆，烏冬夠彈牙，加埋好無敵，識食既一定係烏冬浸生蛋咁食。另外吉列三寶不過不失，配菜唔太新鮮，有d苦澀。

係抵食既，豚肉肥瘦均勻🐷，而且好中意佢個湯底😋，加烏冬食一流，呢個雖然有泡菜，但唔會辣，唔食得辣既朋友都岩食～另外個豬扒蛋飯都好好食，不過果個無影相😂下午茶既話仲抵啊！

今日夜晚經過未食過呢間野又見價錢ok就走入去試下，店內客人未算多，店員服務態度幾好，我叫左滑蛋三重飯$65加杯$8菊花凍飲，店員冇搵紙筆記底,直接用口覆述一次。之後有個女仔搭台叫左個豬扒飯，飯轉烏冬，個店員又repeat佢一次；搭台個女仔既野食先黎，發現冇幫佢轉到烏冬，跟住個女店員即卡拎番入去換比佢，去到呢度我都覺得冇咩野可能只係咁岩唔記得。故事既重點黎啦，到我個飯黎，我望一望張單，65蚊既飯變左75蚊既定食，但一樣係三重乜乜乜，咁我諗佢可能聽錯我要定食啦，咁唔緊要反正個幾蚊冇咩所謂我又食得哂既，跟住我再望望個餐，冇幫我落杯野飲，我就叫個店員埋黎話我頭先有落到菊花凍飲嫁bor,跟住佢答我「唔緊要嫁，我幫你改番得嫁啦，冇問題嫁」，我覺得佢咁答我有d奇怪，佢地漏order唔係應該對我講唔好意思咩...佢咁應我好似搞到係我自己唔記得order咁...食食下，我又再諗起樣野，我d滑蛋呢？？我叫既明明係滑蛋三重飯,揭揭個餐牌，先發現原來佢係幫我落錯一個叫三重乜乜乜既定食...當時真係有d嬲，但係自己己經食左一半，叫佢埋黎鬧佢都冇用...但我叫一個餐，店員居然可以落錯哂d order(仲要搭台個個