吉豚屋吉列豬扒專門店

Open Now

Now Closed

好日唔嚟食 突然心血來潮想食吓吉列豬扒 就嚟咗太子呢間吉豚屋 嗌咗個滑蛋吉列豬扒set 有杯嘢飲同麵豉湯 嚟到見碗麵豉湯同兜飯一樣大 (即係碗飯細） 但其實食落都唔算好細嘅 整體無功無過 但點知食食吓 望真啲兜飯... 有隻曱甴... 望多幾眼 確定係曱甴 先同waitress 講 waitress 一句「唔好意思」「我換過碗畀你呀」少少歉意都無（只係無反應 但唔係態度差） 我話我成個set 唔要喇就走咗

🐽吉豚屋風部隊鍋定食 $75冬天就想食啲暖笠笠既野，見到佢有個部隊鍋定食，即刻嗌左，鍋內有豚肉、雞肉、泡菜、豆腐、菇、菜，肉既份量係夠哂一個人食既，湯底鹹度岩岩好，少少辣，另外會配埋個熟左既烏冬同芝士碎，可以放返入個鍋度，等佢吸收下啲湯😋唔夠食仲可以追加火鍋配料 ••••••••••••••••••••••••••••••🐽 吉列豬柳泡菜湯鍋定食 $72有兩塊吉列豬柳，炸得好鬆軟，裏面唔會乾，會有啲肉汁，泡菜湯裹有泡菜、豆腐，都係熱辣辣既，湯底好濃味，酸酸辣辣咁，好暖胃🤤

吉列豬扒滑蛋飯個飯有3個 size, 分別叫"松、竹、梅" 👉 即細、中、大我唔想食咁飽，就叫左個松，我覺得剛剛好，唔會勁飽，個份量又可食晒唔浪費👍🏻鐵板- 滑蛋鰻魚🐟定食個鰻魚汁係幾好，蛋加汁就已絕配💯。尼個鰻魚飯唔貴😅，但都唔薄，都算厚身，物超所值，所以我覺得抵嘅，咁嘅價錢黎講🤭白飯🍚分開上，唔會滲晒汁個湯裡面面有蘿白同豬肉🐽片，夠熱🥣！餐牌內有可轉 set 或單叫，有水可添加。有🍱🍱🍱有🦐🦐🦐有🐖🐖🐖有🍜🍜🍜同朋友兩人食，都係每人$65， 又乾淨整齊，平食選擇之一。又要問問自己會唔會再黎💬我係會再黎囉……😋

閒日放假晏左起身，十點幾肚餓又未到lunch time，就去左吉豚屋食個brunch朝早食飯，好日本人嘅感覺點了普通吉列豬扒飯，連面豉湯野飲都係45蚊。所以話早起的鳥兒有虫吃(明明係遲左起床)即磨咖啡，是日式炭燒直火咖啡的味道，香濃。吉列豬扒，照舊出色。豬扒肉汁保留入內，肥瘦適中。澆上餐桌提供的芝麻醬，正！面豉湯很足料，紅白蘿蔔煲得入味，豬肉味濃。最愛豬肉面豉湯搭日式定食。面豉湯配日本珍珠米真係好夾。椰菜新鮮。跟梅子醬料很搭，口感好fresh平是食lunch已經覺得好值，今次早餐價格更加唔洗講 ~ 優秀！

超平價鐵板滑蛋鰻魚定食 (HKD69)，鰻魚份量多，魚肉飽滿嫩滑，蠻好吃咧！底下有一層薄薄的滑蛋，但略嫌醬汁有點咸，滑蛋飽吸醬汁後實在是太咸了，一定要跟飯一起吃，這是唯一美中不足的地方，但這個親民價不能要求太多，算是個平靚正之選！

日本過江吉豚屋登陸香港已有一段時間。一直都冇機會去試吓。就趁今日收工出左去旺角金魚街試吓。等位大概等左半個鐘。我哋2個人每人各叫了一款定食。豚肉壽喜燒鍋定食，鋪頭門口見到大大張poster 已經想試，仲要價錢勁親民。快餐店的價錢，日本餐廳的質素，豚肉不算平價貨式，肉很滑，而且其他材料也很豐富，跟定食還有一大配烏冬，超飽。吉列炸蝦豬柳定食，好多menu已經有選擇困難症，款款定食都想試！估唔到一點也不失望，新鮮炸好的感覺太好吃，外脆內軟，肉質一點也不乾身。

抵食吉豬之選V仔為食成曰都唔叫套餐，反而叫常常叫個竹。加埋佢地嘅芝麻醬撈埋飯，非常不錯👍。麗妹就試佢既標準套餐，有時是大蝦🍤有時是吉利豬。今次有啲唔同，試左佢既肉餅吉利扒，好意外地好好味😋⋯⋯餐廳環境有啲窄不過為食至尚。如果可以寬啲就好啦。

去完朋友屋企打機，幾個人唔知食咩，路過見價錢唔貴，裝修正正常常就入左去，估唔到咁有驚喜！呢到大部分選擇都有得揀細中大，仲會寫明係有幾多gram。非常清晰易明，而大就係有兩塊細，你可以因應果肚同荷包去決左食大中細😂滑蛋豬扒飯（大）其實原來一塊細既豬扒都唔細，果豬扒肥肥地食落去會有豬油既香味出嚟。最緊要係，啲粉一啲都唔厚，唔會話食完成口粉，少少肉都無。題外話，食完後都同朋友食多左陣，吹下水，職員都好有禮貌同幫手加水，值得一讚👍🏻

午膳時間外出搵食，首嘗「吉豚屋吉列豬扒專門店」這間餐廳。既然餐廳是一間吉列豬扒專門店，沒有其他理由不試這兒的招牌菜。再者，全店只有一款「超值套餐」：滑蛋吉列豬扒飯，確實別無他選。這碗「滑蛋吉列豬扒飯」以帶甜的醬油調味。滑蛋滑感不強，製作稍嫌老火。主角吉列豬扒外皮雖然不太脆，但勝在夠薄且不油膩。豬扒質感都算鬆軟，整體來説評價正面。作為店中唯一的「超值套餐」，每客套餐俱送上一碗「野菜豚肉湯」及一杯餐飲。相比坊間常見的麵豉湯，這碗份量十足的「野菜豚肉湯」明顯更見誠意。野菜及豚肉湯料豐富，適量蘿蔔的投入令湯汁帶甜。餐飲除了一般汽水咖啡茶外，更有四款特飲選擇。餐廳的招牌「滑蛋吉列豬扒飯」評價正面，加上以「超值套餐」型式出現，更見吸引力。

前好幾次去執笠倉買嘢，經過一間見到有鰻魚飯食的餐廳，而且價錢唔算貴，次次都想食，但係因為次次都係食完飯想買嘢先經過，所以未有機會食，今次就真係可以專登去食啦。佢係一間日式餐廳，我地個時大約七點左右，好彩仲有位，我同男朋友叫左兩個便當，初時見到有一個69蚊包飲品、湯、白飯的吉烈豬蝦便當，係想叫呢個㗎，但係原來6點前先有，所以無得食，所以我就叫左65蚊的吉烈雞蝦便當同69蚊的鐵板滑蛋鰻魚便當加凍奶茶。首先講下個野菜豚肉湯先，佢係麵鼓湯嚟的，不算係太鹹，但都叫幾入味，入面的野菜有薯仔片、紅蘿蔔片、洋蔥(?)、同豚肉片，啲蔬菜都幾入味，算是不錯。主食方面，先談談吉列雞扒和吉烈蝦定食，炸蝦有兩隻，雞扒一塊，附上沙律醬，不過我個人就覺得比較乾，食兩至三舊已有dry dry地的感覺，我要用鰻魚便當的汁來撈飯，當然可能只係因為我比較鍾意有汁撈飯的緣故啦。至於鰻魚飯，我就覺得啱啱相反，本來預期鐵板上，應該會表面少少脆，入面軟QQ，點知佢係滑蛋加了一些似壽喜燒的汁，令到條鰻魚比較淋身，同埋就唔係用照燒汁，不過雖然同預期不同，個味道都其實係唔差的。

今日朋友想食炸野, 就帶左我黎吉豚食炸豬排 咁岩我唔太想食飯, 就決定叫個韓式泡菜烏冬黎試下吉列豬柳泡菜湯烏冬鍋 ($75)食落去泡菜湯烏冬有驚喜! 個湯有好濃既泡菜味, 辣辣地, 幾惹味 配菜有泡菜, 豆腐同蛋花, 同個湯都幾夾, 唔會太寡~ 烏冬口感煙韌, 唔會太淋, 唔錯 成個鍋食落去熱辣辣, 如果冬天黎食應該幾正吉列豬柳有兩大塊, 兩塊都炸得好鬆脆, 入面仲幾juicy, 正 點埋個酸酸甜甜既豬扒醬食會更加開胃~ 豬柳旁邊仲有好多生菜絲做伴菜, 唔想浪費既都可以加d芝麻醬撈埋一齊食, 都唔錯嫁 飲品叫左杯凍既椰果荔枝茶, 夠曬甜, 超好飲 (可能因為我鐘意飲甜野) 入面仲有唔少椰果可以𡁻, 超幸福 如果想試下鬆脆既日式炸豬扒, 呢到值得一試

這家位於貓貓狗狗街的店有開著，又有烏冬麵，適合生日吃，於是就去了，感覺味道還不錯！這家店很小有點不起眼，但是沒想到味道出色，豬排都炸的很脆很好吃，滑蛋又非常的嫩，烏冬麵味道也不錯，滿分

鐵板滑蛋鰻魚定食🐟🐣🍚$692/5先講塊鐵板，黎到果時已經唔係好熱，再講下個汁，咸到不得了，好似食緊燒肉汁加生抽咁，之後舊鰻魚算係中規中矩，但骨就比較多。個滑蛋水到不得了，完全唔及格。🤦🏻‍♀️吉列豬扒定食🐷🍚$69 1/5個吉列豬扒除左個炸皮係ok之外，果塊所謂既豬扒真係連茶餐廳都不如，太林又散，完全唔知自己食緊乜......🙄飯係用日本珍珠米，所以口感唔錯。😉定食既配菜十分一般，但比起個吉列豬扒已經好好多。😂成餐飯最好食既就係碗有好多料既麵豉湯，佢既口感好豐富，而且味道較濃，算係全餐最好既一樣食物。🤓🤩PS: 餐廳入面冷氣嚴重不足，一邊食一邊出汗🥵，加上餐廳只有50分鐘用膳時間，真係有d少(作為晚餐)。而店員係40分鐘已經黎催我地就夠鐘。🤷🏻‍♀️😓評分食物 1/5環境 1.5/5服務 2/5性價比 1/5

每次去開旺角的話都好鐘意黎呢間食「吉列豬柳泡菜湯烏冬鍋 $75」呢間係花園街附近好方便搭車返屋企每一都係食同一款好專一個湯底熱辣辣，入面有泡菜、豆腐，湯底好索味有泡菜係入面辣辣地好開胃而且吉列豬扒真係好鬆軟好鬆化咬落去好juicy未食過咁好味既吉列豬食到停唔到口無得頂👍🏻烏冬鍋好惹味好醒胃如果冬天黎食一定暖笠笠！

Okay I was thinking to have something deep fried for lunch, and ordered this eel, pork chop and egg rice bowl.First, it looks completely different from the menu photo. The batter of the pork chop is so soggy after immersed into those eel’s sauce and egg. The texture is not very appealing, everything is mushy. I can’t really finish my whole bowl, and I am hungry!Conclusion: Not recommended, and it is almost one hundred dollar.